影片
以上資料只供參考, 請與餐廳確認詳情
九龍城隱世茶餐廳✨主打即叫即製上海手工點心，配搭港式茶餐廳款式🥢價錢都相當親民，值得推介俾鍾意中式點心同港式茶記風味嘅朋友😌餐廳開到凌晨12點，喺啟德睇完show過嚟食啱啱好😎.🍴灌湯小籠包💰$48即叫即蒸🔥薄皮多摺，夾起已經見到裡面滿滿湯汁，咬落湯香肉鮮，絕對夠爆汁💦配埋薑絲鎮江醋一齊食啱哂🥰.🍴爆汁牛肉餅💰$26牛肉餅用新鮮牛肉人手製作✨煎到香口，外皮脆卜卜，入面肉餡多汁又唔油膩，咬開仲有肉汁流出🤩.🍴芝士焗鮮茄豬扒飯💰$66豬扒自家醃製，最重要係無落鬆肉粉，所以食落保留返豬扒本身嘅肉質同嚼勁，肉味更突出😋焗飯鋪到成個面都係芝士，熱辣辣一上枱，芝士拉絲超誇張🧀配埋鮮茄醬，酸甜開胃，整體唔會太膩，平衡得好好😚.🍴無骨海南雞飯💰$79海南雞皮脆肉嫩，無骨啖啖肉💕配黃姜飯，飯粒分明而且帶淡淡香料味😌三款醬汁齊全（蔥油、辣椒醬、豉油），三款齊齊用埋一齊食正😝.🍴白菜豬肉餃💰$58/8隻全部人手包製，皮薄餡靚，白菜同豬肉比例啱啱好，咬落去完全感受到餡料鮮香🤩
繼續閱讀
.九龍城新開上海式茶餐廳☕️ 雖然係茶餐廳 但環境光猛企理 坐得舒服😌.🌟灌湯小籠包 $48我真係好鍾意食小籠包估唔到茶餐廳都有皮薄餡靚嘅小籠包食仲要熱辣辣♨️啖啖肉汁同埋肉餡👅👅.🌟爆汁牛肉餅 $26 🥩 一樣外脆內爆汁 💦呢個皮比小籠包皮厚少少咋🤏點做到😎😎加左啲香料令牛肉更香口配搭埋肉汁好爽🤗🤗.🌟擔擔拉麵配炸雞扒 $65 🍜 焗雞扒係驚人的大份量 🐔 有少少似豪大大雞扒咁巨型 上枱嘅時候真係有少少嚇親配埋擔擔面都係$65咋會唔會太抵? 💰 雞扒新鮮即炸🍗 外脆內軟 咬落去仲有爆汁擔擔麵仲要係師傅手工即拉拉麵🍜有heart加埋花生好香口 🥜 .🌟薑蔥鯇魚腩煲 $98 🐟 砂煲上枱時熱氣騰騰🍲醬汁濃郁 薑蔥香氣撲鼻👃 魚肉鮮嫩肥美 魚腩部位膠質豐富 🐠 入口即化 帶微微焦香 🤤色香味俱全 👍🏿👍🏿👍🏿.🌟泰式菠蘿海鮮炒飯 $69 🍍🍚 又係🈵🈵鑊氣飯炒得粒粒分明.好少茶記做到大排檔嘅鑊氣又有中式上海餐廳嘅Decent😌重點係價錢地道合理 💰 下次一定再encore👍🏿👅.📍九龍城福佬村道5-9號地下A-B號舖
繼續閱讀
突然想食焗飯 ，今日走咗去九龍城搵食，專登試吓社交平台群組狂推嘅「晶百合餐廳」！聽講佢個焗豬扒飯好出名，兩個人嗌咗個焗飯同炒飯，果然冇失望～ 🧀焗豬扒飯- 🐷 豬扒超鬆軟！一啲都唔「鞋烚烚」，仲要好厚身，咬落去啖啖肉，正！ - 🍅 茄汁底好香濃，酸甜度啱啱好，仲有拉絲芝士，撈飯食超邪惡～ - 飯量夠大，男仔都夠飽，面頭焗到微焦，脆脆哋好有口感。 🍚 生炒牛肉飯- 🐄 牛肉多到滿瀉，炒得好香，鑊氣夠！調味無飄忽，無一啖鹹一啖淡，整體算好食！ 🪑 環境- 茶記嚟講算坐得好舒服，應該新裝修冇耐，冷氣夠勁，唔會油煙攻心。 - 枱與枱之間唔會太逼，仲有卡位坐，同一般殘舊茶記好唔同！ 💰 性價比- 焗豬扒飯$60幾，生炒牛肉飯都係差唔多價，兩個人$150有找，飽到上心口～ - 抵食過連鎖餐廳，質素仲要好啲！
繼續閱讀
外賣叫咗呢間做茶記早餐，意外地非常好食，味精又唔重，食物選擇又多，藉此推薦俾大家希望生意長做長有叫咗鮑片絲火腿通粉，沙嗲牛肉麵同埋雪菜肉絲麵，包裝得好好，唔會全部撈埋一齊，飲品都好出色
繼續閱讀
嚟到九龍城唔想食泰國嘢，今次就試吓呢間有得食上海嘢嘅茶餐廳，整體份量大份都抵食，幾多手工嘢，都幾多街坊食🤪🔸涼拌雞絲粉皮 (HK$56)呢度嘅雞絲粉皮超大碟，唔係開胃小菜咁簡單，雞絲都幾足，仲有花生碎同麻醬，夏天食好清新😁🔸爆汁牛肉餅(HK$26)外皮煎得酥脆金黃，包住入面多汁嘅牛肉餡料🙌🏻🔸 豬頸肉擔擔拉麵(HK$70)豬頸肉炭燒酥脆，配埋彈牙口感嘅拉麵，湯底都唔會辣🔸 芝士鮮茄焗豬扒飯(HK$66)茶餐廳嘅港式嘢都唔差，見好多人叫呢個焗豬扒飯，超多芝士焗到金黃色，配上大大塊豬扒😻味道：⭐⭐⭐⭐打卡：⭐⭐⭐⭐服務：⭐⭐⭐⭐回頭率：⭐⭐⭐⭐
繼續閱讀