清真牛肉館 (打鼓嶺道)

營業中

休息中

🧭 清真牛肉館•九龍城🍴九龍城打鼓嶺道33-35號地舖今次去九龍城唔食泰國野住，食下好耐無食既清真牛肉館先。但今次趕時間就叫外賣食😆- 牛肉餅 黎到必食既牛肉餅，入面好足料，而且好多肉汁。一個都已經好夠飽。😋- 牛肉鍋貼 呢個第一次食，但都有驚喜 個皮好薄 煎得岩岩好，小小脆。而入面仲有好多汁🥰- 炸銀絲卷 一見有銀絲卷就必叫，唔錯 但唔同平時上海舖食到既感覺。- 瑤柱蛋白炒飯 同男朋友一致認為個飯係最好食！以為普普通通 但炸到粒粒分明，而且好多瑤柱同蛋白添。- 奶油津白 正常發揮，以為火腿係上面，點知原來有啲係菇粒黎😝幾特別。但唔知係咪呢排啲菜唔靚，有幾啖有小小苦味。

這家店在九龍城經營多年，深受食客喜愛，無論是午餐或晚餐，總是人潮洶湧。清真牛肉餅館的牛肉餅真係世一！每一口都能感受到外皮的酥脆，與內餡的多汁完美結合。牛肉餡鮮嫩，味道濃郁。

呢間餐廳喺九龍城已經開咗好多年，可以話係呢個地區嘅標誌性餐廳。我食過好多次，每次嚟都係叫差唔多一樣嘅招牌食物。牛肉餅成間餐廳最出名嘅菜式，蔡瀾都介紹過。佢外皮香脆酥軟，餡料鮮味多汁。食嘅時候要好小心，因為啲汁好熱又會爆出嚟，最好用碗接住佢再飲返唔好嘥。咖喱羊腩飯可能因為呢間係清真食店嘅關係，佢煮嘅羊肉特別鮮味。咖喱調味又剛剛好，唔會太辣。薯仔夠香柔軟又入味，用啲汁送飯真係一流，唯一就係啲汁少咗啲唔夠喉。

九龙城老字号名店，光看饭点排队情况，已经察觉出几分实力不俗。一进大堂人声鼎沸，各种奖项证书密密麻麻挂了一墙，本地人和穆斯林都在吃，更是充满了期待。·【咖喱牛腩】不同于偏爱椰奶椰浆的泰式和印度咖喱，这儿的出品更接近巴基斯坦咖喱。·油光发亮的酱汁看似油腻辛辣，但实则辣而不呛，混合香料的咸甜滋味伴随着温厚的辣意在味蕾深处铺展，唇齿留香。·半浸没在酱汁中的牛肉大块新鲜，份量比想象中足。炖煮得既软腍入味，又不失嚼劲，好比老火汤里的食材那样恰到火候。·【麻油雞】葱油鸡、豉油鸡、醉鸡吃过很多了，不妨试试这款麻油切鸡。淡淡的麻油香气不会喧宾夺主，却又恰到好处地浸透了细韧的肌理，鸡皮不肥，好评。·【酸辣汤】 去的那天飘着细雨降着温，一口热乎酸辣的汤羹简直还魂！食材丰富量足，不过酸笋味太浓，过于抢戏。·【蒜子上湯浸時蔬】 虽然新鲜脆甜，但难以掩盖它是86港纸一盘的青菜刺客，价格快赶上肉菜了。

佢地既牛肉餅係九龍城都幾出名🤭好多年前食過 唔記得幾錢嚕淨係知宜家貴左好多⋯⋯🫣但都依然唔少食客捧場 就當日平日中午 等位等左十分鐘到啦～眼見除左本地local客 亦不乏慕名而來既遊客哦 ❙ 牛肉餅 ❙ $50一份兩件既牛肉餅係招牌！基本上枱枱都會叫 要小心夾！唔係就好似我咁啲汁流晒出黎😩襯熱食仲係微脆外皮唔算薄 好彩充滿住肉汁雖然好食 但就貴咗啲🫣 ❙ 咖哩牛腩拌麵 ❙ $68只要有咖哩😚無論飯/麵/麵包都可以輕鬆ko麵跟咖哩係分開上 要落幾多就隨自己喜好咖哩搵個細碗裝到滿一滿 好似好多🤪牛腩夠軟稔 好味既薯仔都係鐵腳 咖哩香濃 有辣度 仲係愈食愈辣果種 食到我流晒鼻水🤣麵有少少似米線總體唔錯但表現唔出眾 ❙ 嫩雞煨麵 ❙ $60由於娘親本身係大愛嫩雞煨麵呢味所以一見到已經唔洗諗賣相係少少hea既😗實際就正常發揮雞連帶少少脂肪 對我地黎講要咬走麻煩啲而且娘親偏愛好稔既煨麵 呢方面就主觀啲喇

🐂牛三拼牛肉牛筋牛肚 $146 🌕🌕🌕🌕🌕第一次凍食牛肚，同熱食果d 好唔同，雪凍仲彈牙咗。牛筋勁晶瑩剔透，滿滿嘅骨膠原，正。牛肉都好食，唔靭唔梅。做再點埋佢嘅秘製辣油，有d蒜香味。yummy!雖然價錢唔可以話好平，但佢真係畀足你，大大碟，無呃秤。🐮牛肉餅 $25／件 🌕🌕🌕🌕🌕每次嚟都必點，同傳說中一樣多汁，食咗咁多年都一樣質素！🐃咖喱牛腩 $98 🌕🌕🌕🌗🌑咖哩似印巴咖哩，但唔夠正宗印巴好食。牛腩有d 痴牙。🍚瑤柱蛋白炒飯 $85 🌕🌕🌕🌗🌑正常蛋白瑤柱香，正常發揮。不過本身叫係因為想撈咖哩食。

呢間清真店好多年前已經開始幫襯，每隔幾個月就去幫襯一下，最近見啲KOL又講下，咪平日下午未夠5點去食，點知入一去已經坐滿人要搭枱，有冇咁好生意，晚飯時間呢間日日都要排隊對上果次有叫牛肉餅食，但已經越縮越細個亦冇以前咁好食，今次冇叫，就叫咗個剩咖哩羊腩，同葱油餅，咖哩羊腩等咗一陣就到，羊腩都幾多舊，但食落問題出現，乜啲咖哩汁咁稀，仲要好啖味，係咪客多得濟煮唔切啲汁要搞到溝水？咖哩香味亦欠奉，另外羊腩亦好麻麻，最大果幾舊韌到到口較，搞咩最出名嘅菜退步到咁？之後等咗成十幾分鐘啲葱油餅先到，但啲咖哩汁都凍哂，而且太稀根本好難黏上去葱油餅一齊食，不過個葱油餅就整得唔錯，唔會太厚，外皮少少烤脆皮感覺，但裡面軟熟，葱油味香好味，不過啲咖哩汁咁搞到剩食葱油餅仲好味但最出名嘅咖哩羊腩同牛肉餅都大不如前，講真冇下次了

呢間喺九龍城幾十年嘅清真牛肉館 有住不一樣嘅食物 係我好喜歡去嘅地方 每次去到都會叫我好喜歡嘅酸辣湯 同埋牛肉餅 佢嘅牛肉餅好似小籠包一樣 咬起嚟會漏汁 有好好味的湯喺入面 酸辣湯當然唔使講 而家已經好難搵到咁好味嘅酸辣湯 另外仲有佢嘅蔥爆羊肉 銀絲卷 都係非常之惹味 由於佢生意太好 好多時去都要等位 而且坐嘅位置亦都唔算係太舒服 如果真係有心食 就要預留時間排隊 但係間中去食一次咁好味嘅食物 排下隊都值嘅 九龍城而家有屯馬線直達 交通上算便利 只要喺宋王台站出嚟 行大概幾分鐘就可以到喇

無乜事我都唔會去D坐得唔舒服ge餐廳食野，但黎呢一度真係例外🤭🤭香港老字號之一，主打清真牛肉料理，黎到一定要點佢地個牛肉餅，自己個人覺得係香港應該搵唔到另一家店做替代品😏因為堅係好味，個餅襯熱食❤️❤️❤️肉餡又超juicy，好鍾意個皮，咁多汁都唔會變淋咗。另外水餃都係正都不得了的，我自己會喜歡羊肉餡，又係因為第二度好少羊肉餃可以食。朋友今次叫左個牛肉咖哩，佢食到姆指豎起👍我自己就覺得麻麻地，有少少太油，女仔會有點卻步😳同埋一定要跟飯食，如果唔係會好滯。小籠包都係中中挺挺，合格多D，都可以一試。黎呢到一定係食包呀食餃就ok，其他食品我就會Skip了。

細個每次一家人去九龍城的話都必定喜歡去吃牛肉餅。好耐冇食再重遊九龍城，湊吓熱鬧去排吓隊試吓。味道當然冇以前的風味，但係勝在樣樣大件夾抵食，所以人龍不絕。最喜歡的還是牛肉餅，外脆內軟入邊滿滿是爆汁的牛肉。咖喱角有點兒行貨一般般的貨色。咖喱羊腩好入味，送飯一流。唔知係唔係因為人多的關係，服務當然不好，因為要滿足排長龍的客人。

去九龍城一定要嚟試清真牛肉館。好多年前食過，自從開咗宋王臺站，去九龍城嘅次數都營運增加，但係一直未有機會再食清真牛肉館。星期六大約夜晚七點，我同朋友去到門外，真係嚇咗一條，有幾十人喺度等位，而且客源非常廣泛，唔同種族唔同語言、遊客、到本地人、附近居民都有，難怪門庭若市。等咗大概一個鐘，我哋終於可以坐低，雖然人多但係排隊嘅系統好完善，個人認為都值得等嘅。我哋叫咗牛肉餅、咖喱牛腩湯、奶油津白同埋高力豆沙。同行友人第一次食牛肉餅，佢咬完第一啖之後，啲肉汁流晒出嚟，然後抬頭用驚訝嘅眼神望住我，跟住話嘩點解咁好食嘅牛肉餅多年依然保持水準，肉汁多，牛肉味濃，唔知點解可以做到一啲都唔油膩。咖喱牛腩湯有驚喜，冇諗過咖喱變湯味道依然香濃，食落去個人更加溫暖。跟住奶油津白，好Creamy，啲金華火腿配津白，個汁差啲要飲埋，好食過好多上海舖頭。跟住試咗高力豆沙，個蛋白做得好好，不過唔知點解個豆沙好似有啲硬，情一個大球狀二唔係糊狀，有少少失望。見到隔籬枱食羊肉，我哋心思思加多咗個羊肉鍋貼，真係冇嗌錯。貼煎得好靚，個底好脆，咬落去一啲都唔show，但好重嘅羊味，而且好似牛肉餅咁多肉汁，為呢一餐畫上完美嘅句號，不

九龍城唔只有泰菜！呢間開咗70幾年嘅清真中菜都好出名。餐廳更攞獎攞到手軟，牆上掛滿獎牌。冇得訂枱，只有walk in. 星期日夜晚等位都算快，等咗30分鐘就可以入去。入面座位都算闊落但唔適合坐低傾計。人好多但冇開風扇/冷氣，我男友一邊食一邊飆汗。我哋啦啦聲食完就起身走人。可能餐廳就係唔想d客坐太耐。菜品似上海菜，種類非常多！選擇困難症嘅人就大鑊。另外上菜快到好似快餐咁。飯菜份量十足。咖哩牛腩好蚊得淋，羊肉好有羊味！酸辣湯好足料但可惜唔夠熱。孜然羊肉炒飯好有鑊氣，好好味！反而牛肉餅就普普通通，冇咩驚喜。爆汁但冇咩肉味，醬料味太濃。但美中不足嘅係所有菜都偏鹹！好似拉麵湯咁鹹，真係要不停飲水。

係人都知食牛肉餅要黎清真牛肉館，以前未有地鐵到果陣堅覺得遠水路，而加有得搭地鐵就方便好多了☺️。今次帶左一班外地朋友黎食，大家最雀躍一定係個招牌牛肉餅，個個食完都食指大動，夠晒香口👍🏻，牛肉汁夠晒多，食到停唔到口。叫埋牛肉水餃，我本身就覺得呢種無湯、唔係煎既餃子係至好味 (有湯果種我都唔鍾意) ，呢到D牛肉餃同樣超Juicy，小籠包我就唔推薦，個皮有點厚，臨尾叫多個羊肉水餃，一樣係正到爆，羊肉餡唔係周圍都食到，班朋友第一次黎都食得好開心❤️‍🔥，但有趣地方係原來呢度係禁止酒精飲品🙅🏻‍♀️ (回教原因)，又學多樣野！臨走見到開始有人排隊，好在我地黎得早😚！

好怕嚟呢度堂食，食物質素ok嘅，麻油雞、牛肉餅、回堝牛肉、干扁四季豆、咖喱羊腩、碢貼都係好食，不過最大問題係佢地入枱嘅手法係幾令人討厭，呢個唔係一個半個阿姐嘅問題，因為每次去堂食都係咁樣，試過：a) 3個人去，其實等多張枱都已經有4人枱，但係基於佢地唔多歡迎3個人坐4人枱嘅關係，佢地夠膽死叫我地入去「坐住張兩人枱先」（即係收銀前面果一row面對面、枱拍枱嘅「長枱」），當你以為係叫我地三個人坐住兩個人先，剩番果個就等隔嚟果張兩人枱埋單走之後再坐低嘅話，佢已經唔知喺邊度拉多張櫈出嚟，要我地三個迫埋落一張兩人枱！b) 另外亦試過都係3個人，又係坐咗落上面a)所講果row排排坐長枱，叫到成枱5、6碟嘢，佢都係要插個1人食客埋嚟，張枱又唔係大，已經唔係好放得落晒所有食物，再插個人埋嚟，即係叫我地要伸隻手去人地前面先夾到自己嘅食物？c) 見過佢地夾硬要4個人坐最近門口/玻璃窗果張枱仔（1號枱），可知果一張枱仔有一邊其實係因為門口係凹入舖頭嘅關係，張枱其實得三邊可以坐…上面a)至c)三個情況基本上除非你係2人入座，否則一定會發生，我自己試過a)同b）,a)果次我就拒絕咗佢地嘅安排，而b)就冇法子，佢

我首次嘗試沒有豬肉的中秋的晚飯，已是18年前的丁亥年中秋節了。因為我們選擇這一天到北京清真回教牛肉館共晉中秋節晚餐。這一頓晚餐除了沒有豬肉外,跟一般京滬中菜沒有什麼分別.我們吃飯前還照舊祈禱呢! 食評：(1) 包身軟，牛肉餡料豐富； (2) 所有牛肉烹煮得宜，不會太韌，而且很香牛肉味； 3) 甜酸菜伴牛筋醒胃，造型像江南一帶的水晶肴肉； 4) 上海粗炒很有鑊氣，用牛肉來炒自然有它的特色，但平心且撇開宗教角度來說，用豬肉去炒更襯出麵條的香味，正如鹹肉粽只合襯肥豬肉，才能蒸出甘香的肉膏香。下圖:牛肉包 (下) 用牛肉炒的上海粗炒(下)  甜酸菜伴牛筋