清真牛肉館 (龍崗道) (已結業)

食完甜品，都係唔多夠喉決定去清真牛肉館整多個牛肉餅～最衰佢有min charge果以唯有打包～攞住兩個熱哄哄既牛肉餅忍唔住喺門口就開黎食啦～由於街燈太暗，影多個牛肉餅黑抆抆咁呢度既牛肉餅真係無論幾時食都有質素保證咬開佢煙韌既薄皮，已經開始有熱辣辣又香既汁流出黎呢個牛肉餅勁在D汁係越食越有因為佢D汁係喺D牛肉入面，唔係喺個餅入面你一路咬落去，牛肉入面既汁就咁標出黎食埋個牛肉餅就真係又滿足，又飽飽啦～

是日國慶日, 放工後急逃尖咀, 同朋友去九龍城, 第一時間就諗到---清真自己比較少去清真食晚餐, 平時食LUNCH 時都係要等下位, 所以今晚只係等左5mins 就有位坐真係皇恩~~2 個人, 點左一個咖喱牛飯, 2 個牛肉餅 , 一客牛餃~由於客多, d 呀姐都係以 " 茶記" 䏜務~~友人落order 時落一件牛肉餅, 呀姐即串: 2 個人食兩件 la ! 有汁點切呀 ~~~不過味道是可以的, 只是友人覺得咖喱汁偏辣 , 而牛肉餅及牛肉餃原來陷料是一樣的~

拉皮$60，第一次聽真系拉皮會感貴。以為會物超所值，點知系穩笨；以為會以量取勝，點知再一次覺得穩笨。這個拉皮，是我食過最難食的一間。勁硬，好似隔左幾日被抽乾水感，評級可以去到負五星級！加埋過量的花生醬將本來應該好好食的拉皮推上難食的極致！其實真正的拉皮會加花生醬，醋，蒜水，辣椒少許，讓成件事變的濕潤易入口好多lo。嗨，失望...

跟好同事妹妹閒時自制半天假, lunch過來九龍城佢帶我搵食...去想試很久的牛肉館...這個鐘數都很多人啊, 我們要在面口等了一陣子, 還好兩個人比較易有位!!! 坐下就叫了朋友推介及主打的牛肉餅,然後羊肉春卷及芝麻醬撈麵...兩個人想叫多點也不行啊, 吃不下...牛肉餅真是每個人都叫啊, 真的好好味, 熱烘烘的, 皮脆內裡勁多牛肉碎及勁多汁呀, 要慢慢吃以免熱親個咀啊...回味無窮...雖然平時我只吃羊腩煲, 覺得其他如羊架羊肉那些有點"蘇"味, 但這個春卷卻沒有, 還有些菜在內, 可能吸了味啊, 蠻好吃的...這個真的醬很多啊, 芝麻醬很香, 不過兩隻人仔就吃到好full, 好膩, 哈哈!!! 今次很滿足o~~~ 我還見到很多客人吃咖喱, 很久蠻好吃的, 希望下次又同朋友一齊搵食啦!!

今日同男朋友行開9龍城. 咁岩經過清真牛肉館 就買左個牛肉餅黎試1試 我地經過個時係下午荼時間 所以只係takeout 個牛肉餅試下就算 . lee 間野我都係第1次食. 個牛肉餅唔太油 皮都唔算太厚 . 咬開左小小 d 汁就已經出黎 . 食個時真係要小心 因為d 汁都幾多同幾熱 佢個餡都好足下 大大舊. 總之就真係好正 xd 下次去開1定要食 .

岩先路過見到呢間野,間野係幾好食,但自從有一次去食之後就冇去過果到食..事源係咁既,我同朋友原本開開心心去果到食野,之前食過幾次幾好食,所以叫埋朋友去!點知就奶野喇..去到之後落單叫野食,落錯單唔緊要,肯改單冇問題,點知..有個師傅沖出黎,好大聲鬧個留面落錯單,仲話唔肯幫我地改單..其實果個係咪老板黎嫁?睇佢個樣好似話得事,如果係既話間野不如汁左佢算啦..個廚房佬係個好瘦既阿伯黎既..唔知佢仲有冇係到做,定佢真係老板黎,有冇人同我有相同經歷呢?仲有煮出黎既野,你地留意下有鑊灰屎,請問個鑊係咪長期唔洗?果次食到一肚氣事少, 連朋友都食到唔開心事大有朋友叫我去果到食我都叫佢地改下地方啦

夜晚放好夜...........去到TAKEOUT 左好出名牛肉餅....由俾錢到拎到個ORDER...前後都唔洗1 MIN .....(咁即係唔係新鮮做啦)臨走前個收銀老闆仲講話....我地新鮮做好好食><未放入口....D 餅只係微暖...好明顯係一早整定入口之後....牛肉係好味.....BUT 個皮...好LUM...D 汁一滴都無 =.= 唔通 TAKEOUT係無新鮮做????

這日要到九龍城附近辦點事，便順便到久違了的清真牛肉館食返個牛肉餅先。可能時間尚早，竟然不用等位（不過當然仍需搭枱）。為了牛肉餅而來，所以亦只點了牛肉餅一樣食物。$24一客，有兩隻。從落單到有餅食，前後不用5分鐘，很高效率。其實看來人人來到這店都會點這牛肉餅，人人面前都有碟。熱辣辣，肉餅多汁，皮有咬口，吃時要謹記小心被肉汁彈到好吃，水準依然保持到！

經常經過呢間舖頭終於揾一日同朋友黎試真係好正清真牛肉餅好新鮮又 熱辣辣肉餅內好多牛肉接近全滿非常juicy又唔係太膩真係要試$24/2件咖哩牛腩好多汁又lum冇牙都食到咁濟咖哩好夠辣中意食辣既朋友可以試下

朋友強烈推介的食店。所以趁聖誕假期有空來拜會拜會，看看是什麼館賣什麼肉。下午茶時間，小小的店子坐滿了人。來這裡之前已上Openrice爬文，便來了一客清真牛肉餅和雞肉水餃。 清真牛肉餅建議老闆把「清真牛肉餅」改名為「清真牛肉湯包」因為它實在是非常的juicy！坐在我旁邊的男友咬了一口，剛想提他小心燙口，可惜說時遲那時快，我已被濺得一身肉汁，狼狽得很。不過也証明廚師下了不少功夫，不失為鎮店之寶！ 雞肉水餃普通貨色，跟平時吃到的沒什麼分別，反而個人覺得「八方雲集」的餃比這個還要好。總的來說，這店值得再去。不過下次隔壁吃牛肉餅時，我一定會小心為上的。哈哈。

我好少去九龍城, 今日因有事要去嗰度, 臨時臨急喺Openrice搵食~ 諗緊食泰國菜好定試牛肉麵好呢? 由K大小姐發牌 - 牛肉麵點餐後, 亞姐好有禮貌地說了"多謝晒" , 嘩 ~估唔到咁好禮貌呀, 一啲原本好普通嘅回應發生在今天, 亦變得好窩心 我點了牛腩麵 $27牛腩色較紅, 咬落好軟滑亦好香牛味, 其中有一件牛坑腩, 超甘香, 正!!!K大小姐則點了牛筋麵 $37她小小年紀可真懂吃~牛筋跟麵分開上, 因為那些筋是跟生肉汁好似做啫喱咁結在一起後才切片, 若把牛筋片放入熱湯後, 便會變軟身, 所以冷/熱食法有兩種口感我們也點了每枱都點的 "牛肉餅" $24/2件咬開肉汁四溢, 感覺肉汁不太膩, 皮薄餡靚, 真係要試相片肉餅的牛肉滿滿的, 我一個食一塊後都可以KO碗牛腩麵, 哈哈

之前住九龍塘, 久唔久會去清真牛肉館食牛肉餅&咖哩羊腩. 當時覺得好好食, 食多幾次都唔會get tired of it.不過自從搬左屋,就 再無光顧了. 今日假日專登渣車同屋企人一齊黎.1. 牛肉餅仍 is very nice. juicy. 不過比之前差左D !2. 咖哩羊腩 : 差! 個sauce 無層次 得個辣字 唔好食! tomato 唔冧唔入味! 羊肉唔入味又難咬 ! 比起以前差左好多,水準下降,非常失望!比起恆河同阿濃, 真係好唔得! 無下次. byebye!

係沙田睇完pixar25周年展覽後再到九龍寨城公園逛逛後, 專誠打的到九龍城食清真牛肉館, 時間7點左右都已經好多人係門口，等左20分鐘左右至入得。牛肉餅好新鮮, 熱辣辣, 不過小心燙口, 入面既肉汁好多味道好濃, 正!酸辣湯真係幾辣, 可能我唔食得辣..... 但勝在足料同真係酸辣味適中。好夠味, 仲有好多肉粒粒炒, 好香, 少少辣.. 係敗筆在呢碟三絲拉皮, 我就覺得略為淡同乾, 只得麻醬味。

請了一天假, 朋友帶我去九龍城吃喝玩樂~第一站便是這間出名的牛肉館~我們大約12, 1點到, 可能只有2人, 不用等, 但當然要搭枱..點了一個2人套餐牛肉餅 ok好吃, 多汁, 但未到爆汁~但因我本身不太好牛肉, 今次主要是吃羊腩~第一次吃, 最驚喜的是果然是咖哩羊腩, 真的很好吃~我見單叫正價好像也只是6x-8x左右...份量很多, 羊腩部位很正, 不會老, 每件都超正, 不會像別的店, 只有一少部份是真的羊腩...唯一留意的是其他配菜未算最好: 薯仔部份不算太夠軟; 咖喱汁也未夠印度餐廳那種程度好...但如果喜歡吃羊腩的, 我相信都已經值差不多8-9/10分~

這間牛肉館真是令我回味無窮，牛肉餅充滿牛肉湯精華，咖哩牛腩非常多汁，而及非常淋。不過有三個要留意的事項。1）全部麻醬泠面很油唎2）要搭桌孑3) 在人多的時候( 6-7:30)就要等10-15min