清真牛肉館 (龍崗道) (已結業)

很久沒有寫食評了~先把OPENRICE的連結放出來~讓大家看看我是多麼的饞嘴吧~http://www.openrice.com/gourmet/reviews.htm?userid=235401吃美味的東西多了~但沒有跟大家分享~那實在太浪費了~所以Wing決定由今天開始要把吃過的都分享~將會繼續<每月一泰>~另外會再加入Wing最愛的<拉麵特集>~其實Wing不是甚麼專業的食評家~Wing只是一個喜歡吃跟喜歡分享的人~今次我要分享的是九龍城清真牛肉館~對上一次來已經是幾年前了~今次再遇其實只是心血來潮罷了~必吃的當然是牛肉餅嘛~從前吃的時候只是$20/2件~現在要$28/2件~不過不打緊嘛~想食就食嘛~Wing就點了2件~另外再點了咖哩羊腩飯跟涼拌雞絲粉皮~待應很快就把牛肉餅端上了~這兩個餅的大少跟幾年前的一樣唷~好吧~心知這一定是很熱的(事關曾經熱倒了)~今次很小心的吃一吃就出事了~今次沒有熱傷脷，今次很小心的吃嘛~但牛肉餅的汁彈到滿台皆是~牛肉汁故然是熱嘛~外皮也是脆脆的~牛肉的口感呢~是不錯的~又未去到入口即溶~肉質十分滑溜~入口的時候能夠感受到

今日大約4點零鐘特意過黎食好馳名既牛肉餅，幸好不用等位就可入店內了，看看餐牌原來係勁多野食，不過，我地第一次黎梗係要試下佢D 特產啦〜我和男友二話不說就點了牛肉餅，咖哩牛腩粉絲湯(細），三絲拉皮首先到左咖啡牛腩粉絲湯（細），除左牛腩入味非常同林炆得好林之外，個湯咖哩味不夠重，可能沖淡左，另外粉絲有點煙靱，不太爽口，但也不差，不過我們都說下次會點汁，而不是湯~到三絲拉皮上菜，喜出望外，有驚喜！有牛，有雞，青瓜絲和粉皮，佢既醬汁份量配搭得好好，另外佢既牛真係好正，都算大碟👍👍👍最後牛肉餅都來了，原來都唔細個，一口咬落去，好juicy!!!!! 真係飛出黎咁，好似拍戲牛肉餡本身個味好濃，唔怪得咁出名！下次會試酸辣湯，咖哩牛腩食緊既時候，聽到果度既姐姐講之後會裝修，9月份再重開〜 不過聽唔到幾時開始裝，如果想食既朋友仔就要快D喇〜😊😊

清真牛肉館的牛肉餅，我和男友都很喜歡，所以久不久癮起就會到九龍城。 是日是星期五，放工來到已將近八時，門口仍然是人頭湧湧，等了約二十分鐘。入內和另外二人搭枱，不過來這裡只為食物，對環境和服務都沒有太多要求。為牛肉餅而來，當然一人先來一件。然後再點了酸辣湯（小）、三絲冷麵和一杯豆漿。牛肉餅很快送到，邊看著師傅包餅邊吃，感覺特別新鮮好吃。知道眼前的牛肉餅是新鮮出爐的，先放涼一會，以免爆汁燙傷。果然，這裡的牛肉餅如往時一樣，咬下立即湯汁四濺，要用碗仔盛著。餅皮帶微焦脆，有一定厚度，口感略煙韌，可以牢牢地把牛肉汁都鎖在餅內。內裡的牛肉餅不小，比湯汁浸著不粗鞋，肉味也可以，總之一口咬下整個口腔都會充滿牛味。吃罷牛肉餅，已經覺得滿足，緊接下來的菜式彷彿已不再重要。小的酸辣湯足夠二人分享，應相當於三至四小碗。這裡出品的酸辣湯酸味比辣味重，幾開胃。不過質感較稀，吃時別過份攪拌，否則很易變得水汪汪。材料都是一般的豆干、冬菇、筍條等，不是不好，只是沒有驚喜。最後的三絲麻醬冷麵，三絲包括青瓜、牛肚和雞肉，全部整得很幼細，方便混在麵條中一起吃。其中最喜歡牛肚絲，爽口之餘亦有牛味；而雞絲則點鞋身。麻醬很杰，濃得

今次是我第二次到清真牛肉館，但對上的一次已經是好幾年前了。今次是因為早一陣子看到任總在蘋果日報的一編報道，見到他在吃牛肉餅時的滋味樣，忽然間再想起這間食肆，今次是襯有空專程去食的。擔心小店在星期天會有很多人，所以在十二點正已經到達店門口。店內已經坐了九成客人，幸好我們只有兩個人，可以即時有位。坐下後便看看久違了的餐排，因為剛剛吃完早餐不久，不能再吃太多，便先點了三個牛肉餅，再加了一碗酸辣麵和兩杯豆漿。牛肉餅真的是名不虛傳，餅皮煎得香脆、乾身。但牛肉餅的肉餡依然是肉味豐盈，而且一口咬下後，肉汁已經是“標” 出來了。如果不是早有準備，肯定會弄得一身都是肉汁。輪到酸辣麵了，麵的而且確是較牛肉餅遜色一點。可能是坊間很多食肆也能吃到酸辣麵，吃的機會多了、比較多了，便對麵的期望自然地提升了很多。喜歡酸辣麵的原因是因為吃酸辣麵是有很多層次，酸、辣、香、口感互相襯托，彼此也不能蓋過對方。而清真牛肉館的酸辣麵是偏重於酸和辣，而且麵身亦是偏“林” 。這點較為失色。豆漿只要夠凍、有豆味和不是太甜就可以了。這裡的統統都做到。埋單一百元有找，抵食！

但凡經過九龍都會心思思到這間食店一嘗他們聞名的清真牛肉餅。食過不少所謂的牛肉餅，都沒有這間的出色。皮薄、餡靚，牛肉肥瘦適中，份量剛剛好，而且肉汁鮮甜豐富。吃的時間要特別的謹慎，很容易一不留神就燙傷嘴唇！這次試了另外兩款食品，凍蕃茄和咖哩牛腩。凍蕃茄不夠鮮甜，冷度也不夠，口感一般，最不喜的是一碟明顯地來自蕃茄罐頭的蕃茄汁，有點多餘。咖喱牛腩咖喱頗香濃，不像巿面的咖哩，牛腩也夠「淋」，有自己的特色。小小一碗份量足，不過價錢有點貴。還是牛肉餅最合心意，其他的則沒甚麼驚喜！

聞名不如見面，終有機會一試招牌清真牛肉餅真係好食，好多汁! 如果可以少d油就更完美了。個咖哩牛腩好香，不過我就覺得辣左少少下次都一定要再食個牛肉餅

黎到九龍城，緊係要試下聞名己久的清真牛肉館。黎到清真牛肉館，當然要試佢的招牌菜牛肉餅。不過今次係外賣自取，因為己經食完晏，呢個當飯後小食。點左2個牛肉餅，價錢比我想像中貴，要$29 , 2個。之前聽得太多話佢有幾咁好食，希望愈大，失望愈大。 事實上比我想像中的差。牛肉餅的確好多汁，但我覺得啲汁係多到有啲恐怖的地步。成個感覺好似食緊一個由牛肉做面粉皮做的小籠包一樣。啲汁唔似係由本身的肉滲出黎，而似係加左"凍"，所以遇熱就會溶，之後就有一個好多汁的感覺。其實咁都唔係一個問題，問題係啲汁唔夠鮮味，而且比較油。而個餅皮就唔夠脆，有小小 "E銀" 。最後就係入面啲牛肉有啲鬆散，唔夠彈牙。有小小香& 肉味。老實講，如果比起其他餐廳的牛肉餅，佢的水準係係平均以上。但係唔可以叫做頂級。不過佢收得呢個價錢，而外面的人對佢評價咁高，我自然會對佢有高於一般餐廳的期望。所以只好用物非所值呢4個字形容呢到的牛肉餅。

一行四人晚上10點左右黎到都仲係好多人原本只係想入去食個牛肉餅一坐低先發現最低消費26蚊咁只好再叫多份雞絲海蜇雞絲海蜇好普通而最出名既牛肉餅無令我地失望我食過三次三次都比佢d肉汁燙親條"月利"所以大家要小心每個牛肉餅都超多肉汁特別欣賞佢層餅皮剪得夠香夠煙韌水準keep得到一定會再幫親

有次跟友人提起清真牛肉館，原來伯母也對這店很有興趣，就特意叫友人把伯母帶出來一起去試試。是日星期天，剛到達就見到很多人在門外，心已經涼了一下，幸好原來大部分都在等外賣，我們三人只消幾分鐘就可以入內。我們怎麼數都只有三個胃，只是招牌菜也不能全部試勻，所以很快就下單了。清真牛肉餅 (9.5/10)招牌牛肉餅又怎能錯過。超級快，大概1分鐘就到了。到的時候還熱辣辣，友人不能吃太燙，我拍完照兼吃完她都還沒開動。雖說我能吃燙的食物，咬開的時候還是有點怕怕，爆汁嘛，還真不假，恍如上湯小籠包般，一咬整個碗都是汁。肉汁非常鮮味，裡面的肉餡當然也不例外。皮如果可以再薄一點點就完美了。蔥油餅 (8/10)最晚到的，我們的咖喱羊腩也是因為沒有蔥油餅，由熱乎乎等到只剩微暖。厚身蔥油餅做到不油膩不容易，加分很多。就這樣吃可能會嫌蔥味不夠，但連著咖喱同吃很是滋味。咖喱羊腩 (6.5/10)被遲來的蔥油餅連累，只剩微暖的羊腩不怎麼有驚喜。咖喱對味但羊肉味相對比較不明顯，骨頭和肥膏很多，佔四成左右，以它的價錢，還真有點被騙的感覺。羊肉春卷 (7.5/10)炸得很脆很乾身，算是春卷之中有水準之作，但同樣羊肉味不夠出，比咖

個個朋友叫我地去九龍城一定要食既牛肉包呀~~~由於我地已經食左好多野……所以只叫左3樣野食~~必食啦，好多汁，超好食~~~要搵紙巾"浪"住~我地一人半舊...下次一定要一人一個最夠喉。雞絲皮粉，同出面差不多~不過唔夠凍囉…麻醬三絲，麻醬唔夠香~~希望下次可以試多d野啦~~~一定要再食個牛肉包~~

呢間都算出名架拉 日日都大排長龍😪 好多人隔山卡拉甘遠都趕過黎食-_-#係有d魅力既😎 因此今日反工part住個女既想食生煎包😋 但九龍城穩吾一間有賣生煎包既鋪頭〜於是去左食呢間既牛肉餅xdd等左5分鐘到就入左去了🙈 叫左牛肉餅 水絞 吾記得咩粉〜 唯一覺得好食既就係牛肉餅咯一咬爆汁好足料 皮又脆岩岩好索實水份 係正既 其他水姣呢😍 除左得果牛肉味之外我食吾到水姣同水既結合 好失望 水準麻麻地 仲有個個咩粉 哇食到我吐左出來 得果粉食得 其他配料好難食咯 根本就吾match既😤 食到我好男女男 但冇計比左錢同條女中醫食 唯有食左距😭😭 傷心ing下次吾叫呢d試其他xdd😚

九龍城對我嚟講,好有情義結, 因十多年前有個好重要的人住喺度, 所以差不多日日去探佢^^ 自己佢搬咗我我都好少嚟了, 但去得旺角搵食, 咩都悶啦, 咪去番好耐無去的九龍城食去下午茶先~~~~~~YUMMY~~~~~~~!!!一行到總店已有10幾人等位了, 等咗1個鐘頭, 終於到了, 可能入面地方細, 所以唔齊人都唔入得, 無面比..........好彩我哋3個都無行開啫^^叫咗出名好食的牛肉餅,咖哩雞和牛腩, 大約10分鐘就有得食了! 等我同大家分享一下啦...........牛肉餅:足料,多汁, 勁好味咖哩雞: 唔多辣,幾好味牛腩:太多肥膏, 一般

約左bf 去九龍城行下, 知道個頭多野食, 專登係openrice search 下, 有咩特別好食又抵的,見到伊間咁多好評, 咁就試下佢啦.5月1日勞動節, 九龍城的街道沒有太多人行, 個天落起濛濛雨,一出天橋, 龍崗道第一間餐廳就係清真牛肉館, 好易揾同易認.不過門店前勁多人排隊, 裡面亦full 哂人, 所以外賣2件牛肉餅 $26.去左九龍城公園坐底慢慢食.牛肉餅汁juicy, 用快子夾起, 汁瀉哂.不油膩, 味道都ok. 唔會太咸, 有牛肉味.但可能原先見到太多好評, 真的吃了郤沒有想像中的好.感覺有點名大過實.

Their pan fried beef pastries have beef soup inside. I don't know how they did this because the soup should soak through the pastry and make it soggy. Their scallion pancakes (cong you bing) are made of a stack of paper thin layers of crispy pastry. Their curry is made up of a rich cornucopia of herbs and flavors. No other place anywhere else in the world has this rich a curry, not even the Indian places. Other places use just curry powder, hot pepper, and coconut milk. That's only 3 ingredients

尋晚7:00左右去左都要排.....想試好耐㗎啦！！同二個朋友一齊去試下味道真係唔錯，不過係坐得唔太舒服.....啲牛肉餅堅好味，好多肉汁，又夠肉味，正！ 價錢不貴!!!!