清真牛肉館 (龍崗道) (已結業)

數數手指起碼十年無來過這裡吃牛肉餅了。歷歷在目牛肉餅是如何爆汁,肉質如何鬆軟富牛肉香。某個星期六的下午朋友提議來這裡吃個lunch小妹當然十個讚成。原來星期六都唔使點排隊, 我倆可以直接進內了, 好開心。快速選了牛肉餅, 咖哩牛腩飯, 豆漿等。小妹急不及待吃牛肉餅先, 果然是十年如一日即整即上枱。表皮微脆, 內面肉錎要小心點吃, 否則後果自負。湯汁香甜, 肉質看似拍得很實, 其實一咬即化開,真係好好味道, 雖然熱辣辣但好快就完成一個。再試咖哩牛腩飯那層紅油已知辣度十足, 果然不負眾望, 香辣成功突圍牛腩入味十分鬆化, 無論送飯或餅也一流不須排隊原因是, 上菜速度快, 所以一切來去匆匆。

禮拜日，起得晚，出門口，已三點，想食野，九龍城，冇目標，隨便走，老字號，在眼前，耐冇黎，行入去，好多人，一個人，隨便坐，周圍望，新裝修，心打突，【最低消費】，【覺冷漠】，望菜單，牛肉餅，覺得貴，【咖喱飯】，【配羊肉】，快上菜，失親切，唔想等，飯上檯，分兩半，撈一起，覺一體，又方便，試一啖，有羊騷，算滿意，味微辣，大眾化，冇特別，冇驚喜，失興趣，多選擇，不值得，冇下次，食得快，付錢快，離開快，跑得快，老字號，不再見

由學生時代，中五開始，多年來都鍾愛全港四處走，嘗試不同的美食，不過在開飯寫食評，還是我的第一次，請多多指教很久沒有來過九龍城，這個星期五的晚上，氣氛卻怪怪的。晚飯時間，餐館林立的九龍城內卻見到一間又一間吉舖，是經濟差了嗎?二話不說，走進這著名的清真牛肉館，坦白說我也沒試過堂食，每次經過都只是外賣兩塊牛肉餅而己，因為每次來到定必全場爆滿的。見到長長的餐牌，我倆都有點不知所措，但肚子的呼叫聲十分響亮，快快的拍板點過了想吃的牛肉餅，酸辣湯，清真炒飯和麻油雞。上菜的速度也很快，第一道來的是酸辣湯。酸辣湯好像碗仔翅，但換了是牛肉底，可以叫做”碗仔牛”吧辣辣的，在寒冷的冬天是暖身的佳品。接著來的是麻油雞，涼涼的，麻油的香味正好中和了酸辣湯的重口味。下一道來的是清真炒飯。這個真的沒有什麼特別，除了是有幾塊辣椒的炒飯而已。看見對面搭台的兩夫婦叫的是上海粗炒，不知是不是我的選擇錯誤?最後來的是牛肉餅，和外賣的感覺真的不一樣。咬開外皮，汁已如潮湧，用力的吸乾，不消一會又有濃濃的牛肉汁走出來，招牌果然是招牌。在等各道菜來的時候，發現我們點的和二人餐的內容差不多，但為了吃飯飽肚，沒辦法吧吃畢，其實也不是很飽，

最廣為港人知曉的美食地區，我想九龍城、元朗區等定會列入在內，九龍城區的美食十分多元化，甜、酸、苦、辣都一應俱全，適逢這晚決定在家火鍋要先到九龍城買手切肥牛回家，正好決定午餐的去向了﹔而午飯時間餐館已爆滿，門外十數人要排隊輪侯入座，且不間斷地有食客駕車到此外賣，而餐牌食物種類十分多元化且選擇多，集多樣於一身﹔而我們三人就先點了嫩雞煨面($41)，乳白色的湯底十分濃郁鮮甜，配料加入草菇、小棠菜及雞粒，煨面被濃郁湯汁所包圍，面質較淋身，容易入口，如果小棠菜粒稍為增多，口感會提升得多﹔而另一款就是咖哩牛腩面($48)，幾乎是每檯的必點菜式，咖哩牛腩會另外盛載，而面質較粗硬，有口感，咖哩牛腩辣度尚可接受，不少食客會將其加以落飯或面當中，惹味大增，而牛腩十分軟淋，嘗辣的值得一試﹔而早前已嚐過牛肉餅($32/2件)的我，不禁驚嘆熱騰騰的牛肉餅香味十足之餘，亦充滿肉汁，今次當然也不例外點選，牛肉餅表面香煎得金黃色，色澤很漂亮，餅皮不會有未熟的情況發生，一咬，牛肉餅肉質軟淋有肉汁，不會口感硬實，而且餅皮做得不算厚，加上有肉汁帶來濕潤感，容易進食，確實不錯。

好耐之前黎過依間鋪, 今日行開附近就想"快食"小小佢地既招牌菜,然後行街街中午人潮前已到, 叫左--咖哩牛腩飯($47)牛肉餅($32/2件)食後感: 牛肉餅---外皮微脆, 咬開後有肉汁流出， 碎肉口感普通, 肉汁偏鹹又無牛肉味, 失望 咖哩牛腩飯---同一般茶餐廳無分別, 咖哩味普通, 牛腩"鞋"最後發現原來每人最低消費要$32 (寫左係夾餐牌個"拓"----敢鬼明顯, 而又冇聽侍應提過) .......最初諗住唔餓食小小.......但左為湊夠數又要叫多一個難食餅.....(因為三個人, 最低消費要$32*3=$96)可能我真係一開始無發現, 但全心覺得依d係咩大餐廳....有最低消費.....唔俾人只來試一人一件牛肉餅?請原諒我stupid, 大餐廳總結: 唔會再黎

牛肉餅係會爆汁，但唔係傳聞中咁好食 牛肉湯水餃，劣！湯無咩牛味,皮厚，餡又無驚喜-_-咖喱角同咖喱牛都一般，真係唔覺特別好食，價錢又唔係好平，再去意欲不大‘_‘

清真牛肉館是我想去已久的餐廳，可惜九龍城對本人來說真的太偏僻了一直未有機會到訪。難得今天到九龍醫院上堂，終於可以到九龍城吃個飽！牛肉餅($32/兩件)跟想像中的大小差不多，一咬下去肉汁便瀉出來了，肉汁鮮甜且非常多，餅皮薄身，煎得軟硬適中。牛肉餡很多汁，牛肉味不算濃，有吃生煎包的感覺。蔥油餅（$32/兩件）本以為是大大件的上海蔥油餅，原來這裏的蔥油餅是薄薄的一塊煎餅，蔥不算太多但味道不錯，個人認為十六元一塊有點兒貴。

今日lunch去左九龍城搵食，去到九龍城除左食泰菜，都個會食清真牛肉館，未到一點鐘黎到，人會小d今日得一個人，要同人share張枱，叫左個咖哩牛腩飯同埋兩個牛肉餅，咖哩汁唔太辣個夠香濃，飯都好大碟，我叫左小飯都食唔哂，牛腩方面有d硬。講番主角牛肉餅，皮薄，肉汁多，多到滿，但又一d都唔油膩，食一個一定唔夠，所以叫左兩個！

仍是放下文債, 寫下我想寫的! 今次是吃!!!話說去完啟德郵輪碼頭後, 就走左去九龍城搵食了! 今次去左清真牛肉館 Islam Food, 可能時間尚早, 我們四人, 只等了二十分鐘左右便有位了!其實, 我還是很少很少的時候是來過一次, 但都可能是2X年前, 對其味道已經完全忘記了! 所以, 話今次是第一次來, 都不為過份呀!我們點了以下食物:咖哩牛腩飯 – 其實, 我是不吃辣的, 對於我來說, 這個太辣了, 不過吃辣的媽媽話好吃! 我就覺我雖是辣了一點, 但很香, 牛腩亦憫得好林好入味!三鮮粉皮 – 味道很好, 吃完咖哩牛腩吃個不錯呀!牛肉湯餃 -入面充滿肉汁, 加上湯也是牛肉湯, 配合來吃, 味道更好!牛肉餅 - 熱辣辣，要放涼才可以咬落去，同樣肉汁豐富的，味道好！雪菜肉絲粉絲湯 － 個湯底這較為清的，與湯餃的湯不同。四人吃要叫個大的，味道都不錯總結來說，每樣食物都十分有水準！希望大家喜歡我的分享！

見咁出名同個朋友嚟呢度試試牛肉餅當然叫，熱辣辣餅底夠香，充滿肉汁，真的好正水餃亦吾錯，都好大粒，充滿肉味仲有咖哩牛肉，充滿香味咖哩夠辣，牛肉都蚊得好淋知道仲有好多食物未試不過兩個人食吾到咁多而且牛肉餅會再食的下次有機會再試

一行三人黎到呢間清真牛肉館,間吾中都會外賣牛肉餅,今次就坐低叫下餸菜晚餐時真係極多人,我地就算6點10早到都要等10分鐘先有位,入面環境擠迫,有搭台我地大食三人叫左四人餐,有牛肉餃:皮包得厚度適中,入面牛肉好JUICY而且皮同肉中間有少少空位充滿肉汁,好味小食併盤:有肥豬肉,金錢肚,牛展,切雞, 青瓜粉皮五樣,全部都醃得吾錯葱油餅:比較偏身,好香葱油味而且包皮煎得入面鬆軟出面香口一定要熱食,如果吾係餅入面既葱油凍左口感就會十分肥膩咖哩牛腩:清真獨有濃烈咖哩香料味,不太辣,好主觀地講我鍾意呢隻濃咖哩味, 牛腩亦憫得好林好入味,帶有少少筋同肥膏,GOOD!酸辣湯:真係夠酸夠辣,入面木耳,豬肉,落足料,配以葱花吊味,正!!基本上全部食物都不錯,而且偏香熱辣辣同濃味,所以好適合冬天食,如果想食記得預早排隊,因為細細間得黎又冇訂位服務

九龍城不嬲出名多野食 今日就一嘗清真牛肉館睇完戲8點幾過到去 無人排隊 入去就即刻有位坐事不宜遲 2個人好快手就叫左3樣野1.無得彈既咖哩羊一上枱已經聞到好香既咖哩味 急不及待試左一舊羊楠 感覺好正 本人好中意食羊 e個真係夠哂淋同入味 咖哩汁夠香但唔會太濃烈 配個白飯一流2.熱辣辣牛肉餅皮好薄 一咬落去d汁已經係哂個口入面份量十足 但無預期中勁好食個味其實有d似生煎包3.雞絲粉皮一道唔錯既涼菜 中和番頭2個既油膩感麻醬夠多撈埋一齊食真係幾正係去到底味道有少少偏咸環境係比較擠擁但食物真係好有驚喜值得推介ppp❤️🙆

早上上課後肚餓到不行，立刻離開學校，衝去九龍城，覓食去！Yeah!!!!!!!!終於吃到牛肉餅！也點了個酸辣湯！兩款都是招牌菜！牛肉餅多汁！汁很鮮甜，可能我不太好麵食，覺得餅皮太厚，個湯夠酸但如果可以辣多少許就完美！

久聞大名，今天中午一點多去，還是超級多人排隊，生意超好，點了牛腩麵，上海炒麵，紅燒牛肉麵，味道不錯，量確實足，但是不是內地拉麵那一種的麵，蔥油餅和牛肉餅是招牌，感覺牛肉餅好油，總的來說不錯。

因為去開做嘢，於是早係11點出去食個晏先。牛肉餅聞名已久，今次嚟當然吃左一客食。由於即叫即整，所以上枱時仲係熱辣辣，皮薄脆口，牛肉份量足，有牛味。不過要小心入面多汁，有少少偏咸。另外叫左一個牛腩麵。以咁嘅價錢計，牛腩份量算多，夠稔身。較特別的係湯底幾清，有少少牛味，不過雪菜味更重。