清真惠記

營業中

休息中

鵝頸街市的熟食中心確係臥虎藏龍之地，本來想試下報章雜誌都多次介紹過遠近馳名的車仔麵，但可惜下午茶時間，無豬大腸，牛根腩，牛什！！仲車乜仔面。行前小小，清真惠記，首創㗎喱羊腩，但內心始終掙扎在㗎喱雞和㗎喱牛腩之間。因為始終係首創最後也敵不過口直心快地說出：「㗎喱羊腩飯」。當還自責著：「早知叫牛腩啦」飯已送到枱面！㗎喱羊腩份量不多，有五六舊到，㗎哩汁加入了大量香料，微辣，啖啖都充滿著咖喱香料和肉味，羊肉不羶，肥瘦適中，最後汁都撈埋！唯一要彈的就是㗎喱不夠熱，飯是電飯煲底飯也不夠熱，可能是接近收檔時間吧，但仍然期待下次的雞，牛腩，燒鴨最好笑的就是那監獄風雲式的匙羹擺位，突顯出小店的不拘小節，和平易近日的作風最後用無防腐劑，無人做色素，無糖，無香料，回甘，有層次又能夠體現真正茶味的廁紙筒廁紙抹完咀就去繼續返工了!咖哩羊腩$44

要食平靚正嘅野，一定要去街市嘅熟食市場！成日問朋友lunch食咩好，佢地都會推薦我去鵝頸橋街市食咖哩飯😬同朋友差唔多兩點到，依然係咁旺場！差不多坐無虛席。由於我第一次黎，所以朋友介紹我食咖哩羊腩飯。但係我最後叫左咖哩牛腩飯😂💰HKD44都真係幾大碟，咖哩味聞落唔算好重味。但係食落啲咖哩味都幾香，偏甜嘅咖哩味唔算好辣，又唔係好油，用黎送飯好正呢！到於牛腩，大大舊得黎一啲都唔靭，入晒咖哩味！好味！其實我好中意食薯仔嫁，但係得一舊😭雖然環境一般，但銅鑼灣黎講HKD44食到個超飽又好味嘅午餐真係幾難得嫁喇😬by the way聽講燒鴨都唔錯！下次可以試下😉

2016/4/26 清真惠記灣仔寶靈頓道21號鵝頸街市1樓鵝頸熟食中心5號舖老豆一直對清真惠記讚口不絕，卻一直碰不上時間一起去。這天下午經過，上去碰一碰運氣。那時將近黃昏，看到伙記正收拾、清洗東西，記起清真惠記不做晚市。幸好還有咖哩買。咖哩羊腩飯(HKD 44)羊腩沿用多年的家傳手法調製。咖哩主要以咖喱膏配上三四種香料自家調製而成，微辣香口，但出奇地不會蓋過羊腩獨有的羶香，配以白飯，令人大快朵頤。咖哩牛腩飯(HKD 44)咖喱牛腩，以2.5小時燜腍再放入咖喱汁內燜至入味，與羊腩一樣香嫩。而這碗的辣椒油較多，吃開辣的朋友表示「辣得很爽」。用餐時多手翻到餐牌背後，督到「咖哩可助防老人痴呆」此標題，內文提及咖哩含有薑黃素，有助防止腦神經細胞捐傷，還真不知道咖哩可以預防老人痴呆呢。

係香港經常都可以係熟食中心揾到又平又正既美食，不但食到地道風味，而且價錢仲相當平。 今日就去試左朋友推介既清真咖喱。 一入到去人頭涌涌，午飯時間人流非常多。熟食中心大多都係一點有比較有歷史既小店，雖然睇落去比較舊同環境及不上餐廳咁舒服，不過就係要舊舊地，同其他人搭檯先有香港大排檔呢種獨有風味。我叫左個牛腩飯，咖喱汁底比較甜而且唔係算太辣，牛腩亦比我想象中嫩，如果唔食得太辣既朋友我比較推介牛腩。 另外我仲叫左咖喱羊，呢款咖喱底比較辣，而且香料味亦都好重，加埋羊肉既騷味整個咖喱味道偏重，不過我略嫌醬汁有d太油膩。 整體價錢合理而且味道都算唔錯，正！

灣仔的鵝頸橋街市，是一個臥虎藏龍的飲食勝地，晚飯，有晚飯的精彩，午飯亦有午飯的精彩。而且，中午飯的精彩，在我的感覺上，是完勝晚飯時段的。中午的飯場，由車仔麵到素食，到茶檔到燒臘檔，各家有各家的精彩，然而，當中的表表者，不得不說是場內的一家清真館子，《清真惠記》。一想起清真館子，好多人都會聯想起印巴菜食咖喱，亦會想起新疆的羊肉館子。但這《清真惠記》食的是廣東菜，而且是非常香港式的燒臘，當然，這兒的咖喱也是值得大家去品味的。來《惠記》，不得不叫的，就是咖喱牛腩或咖喱羊腩。食慣了的我，向來都嫌羊腩多碎骨，所以，我若是來《惠記》食飯時想食咖喱，除了用咖喱汁撈燒鴨飯之外，我會點這兒的咖喱牛腩飯。之不過是日我們叫小菜食飯，所以我們來了一份咖喱牛腩。咖喱，有辣勁，近似印式咖喱的汁底，很香口，味道中辣，牛肉味道與咖喱配合得天衣無縫，味道濃郁，肉腍肉香，咖喱更香，伴上熱飯一起食，是絕對的大滿足。這兒的清真式廣東燒臘，是很精彩的。不過，我要說給大家聽，這是清真店，豬肉的食品欠奉，在別檔買了叉燒燒肉，就不要坐這一邊，他們發現可以趕你走。沒有豬，燒臘有雞也有鴨，而雞的代表，就是他們的太爺雞。太爺雞，其實同貴妃

這間位於市政大樓內的食肆, 主打清真(但老闆是華人), 一向甚得南亞人仕喜愛, 用新鮮材料打造出正宗清真味, 雖然人人推介羊腩, 但其實它的牛腩也不容忽視, 用新鮮牛肉(雖然比較碎), 但的確不是雪貨, 而且味道和羊腩一樣(咖喱味), 確令人回味非常, 燒鴨新鮮出爐, 皮脆肉味濃, 果然也是它的招牌, 所以每日用量非常大, 有時要等出爐才有得吃, 另外小食鹵水掌翼每天限量供應, 賣哂就冇, 用白鹵水做的, 另有一番風味, 

清真惠記係我幫襯咗多年嘅食肆，每次星期六日出銅鑼湾lunch佢一定係我首選，佢無論星期一至五或是假期一定是人頭湧湧，等位是必然，咁多人當然一定有佢可取之處，他們的出品我全部都試過，咖哩羊腩，羊腩帶些小羊羶味這才是羊腩嘛，咖哩不太辣，不會太辣蓋過羊味，咖哩牛腩，牛腩是帶點筋及小許肥肉，所以不會乾，至於燒鴨，燒到脆卜卜，皮很脆，又有肉汁我們今次食咗咖哩牛腩飯同埋燒鴨飯，本身想食蝦子柚皮，可惜賣晒

清真惠記@#foodki銅鑼灣咖哩燒鴨飯（7/10）（$35）清真惠記除左咖喱羊腩好出名之外，佢地既咖哩燒鴨都係係好出名。咖哩燒鴨其實即係咖哩加埋掛爐燒鴨😍，咖哩超濃超香，辣度唔算好辣，係佢地既一貫水準，好味道。燒鴨皮好脆😳，但今次真係唔知點解地好咸😒😒。而且foodki碟飯真係擺得好樣衰😢😢😢，你叫我點影相wo....之後影影下，見到格離碟飯擺得好靚....喊出黎😂。。下次foodki一定要叫鴨脾飯，好似都係50蚊姐。記得🌞六點🌞就關門架啦 

灣仔鵝頸街市，算是港島區馳名的市集，除了因位處灣仔鄰近銅鑼灣，交通方便外，食材種類多，價格相宜亦是原因之一。而鵝頸街市的熟食中心，更是臥虎藏龍之地，咖喱羊腩、燒味、小炒同車仔麵，都各有不少粉絲，連報章雜誌都有多次介紹過。雖然家住灣仔，卻已很久沒有上去熟食中心用餐了，而今次咁啱和同是灣仔友的朋友講開，雙雙決定一起去重溫那些年的回憶。到達後，發覺原來熟食中心已重新翻新，添加了冷氣空調，地方亦比之前乾淨了，而因我們是在午市時段光顧，全場座無虛席，人客川流不息，搭枱是必然之事。難得揾到2個座位遂先坐低並著員工幫忙清理一下枱面。熟食中心就是這樣子，如果你要舒適的用餐環境或殷勤的招呼，對不起，熟食中心一定唔啱你，但那種地道隨意，可一次過品嘗不同食店，碰面都是街坊街里的感覺亦是其他食市所沒有的。我和朋友分別叫了遠近馳名的咖喱羊腩飯和咖喱牛腩飯，加杯凍奶茶同凍阿華田。咖喱羊腩飯這裡享譽多年的名菜，較特別是打正清真食品的旗號，老板信奉回教，所以這店絕不提供豬肉菜式，多年來都堅持選用清真食品及處理做法，據稱經過清真處理的肉類會較一般為佳，宗教角度看亦較為潔淨，而這裡的羊腩是否因這個原因而特別好食就不得而知

呢間係一間穆斯林中國人開嘅餐廳，食左間野超過卄年，佢地檔口冇賣豬肉，亦禁止所有人喺佢地檔口食含豬嘅食物，呢啲都好正常嘅，所有人都好守規矩。但有樣野係令到我搲哂頭嘅係，佢地有啤酒賣，我亦試過帶酒去佢度開，穆斯林唔係禁酒嘅咩？睇左呢段野又知答案嘅朋友請留言解說。言歸正傳，今日約左朋友一共兩條友点左4樣食物，燒鴨、咖喱羊肉飯、咖喱牛腩淨食及上湯柚皮。呢度嘅燒鴨係我心目中排名係全香港no 1 , 大家記住係燒鴨唔係燒鵝，呢度冇鵝賣嘅，太多香港人鵝鴨不分啦！叫左個大嘅，68蚊，上碟時隻鴨係熱而皮脆架，点解？咪因為好生意轉流快，賣完又有一批燒好拿出，絶對係良性循環！除左新鮮熱辣外，肉味仲好鮮甜；家陣全香港都食緊冰鮮鴨，冰鮮都唔緊要嘅，但好大部份嘅燒臘檔用下價野，而呢啲鴨嘅肉大都帶有腥味而且唔甜，但惠記嘅就真係零啥不同呀，佢地賣嘅鴨係明顯比你街外嘅鴨細隻同少啲脂肪嘅，同你喺羅湖過關後燒臘檔見倒嘅幾似，如果佢地係同一鴨种，咁惠記賣緊嘅就係'草鴨'。到咖哩，其實一向都有食開佢地咖哩牛羊雞，仲每次來都点，但一向唔覺得好食，只係覺得一般。客觀標準，無倫邊個國家嘅咖哩都要夠香，而佢地嘅就一向唔夠香！主觀標準，

終於食到馳名咖哩燒鴨飯~~地點在灣仔鵝頸橋街市,勁多人,勁Dirty~~張檯你唔會想掂到佢~~單叫價錢不詳,連埋支飲品加埋$45.咖哩燒鴨飯亦不在餐牌上~味道就無得頂了,咖哩是巴勒斯坦風格的,香料味重~而且香而不辛,怕辣者也不怕,但食開辛辣野既我就唔夠爽.重點係那些鴨肉,皮是堅脆,肉是鬆化,近骨位仲好多醃料味,正呀~比起出面一些得個名既燒鴨燒鵝,呢度都算係平靚正.只係個環境.....

我媽子經常話鵝頸橋街市有間食咖哩好正。去開銅鑼灣順道買回家加料, 上openrice 搜查一下見有間「清真惠記」好多笑臉, 應該係呢間。第一次上鵝頸橋熟食, 4點去到依然好熱鬧。好快見到我目標, 看一看餐牌食物種類多, 燒味、咖哩、滷水、蒸魚、雲吞麵, 連古法柚子都有, 真係搞不清這小店究竟賣什麼胡蘆。食評激讚這裡的燒鴨及咖哩羊腩, 中午已經食過「甘牌燒鵝」, 於是打算買咖哩羊腩。竟然4點已經賣光了, 唯有叫個咖喱牛腩$57。回家後打開, 咖哩油浮上面, 好邪惡!叮一叮食得, 好多牛腩, 但牛腩碎濕濕。究竟是這裡的特色還是賣剩庶便不太清楚。以為裏面有些薯角(在店內見到一大盤美味的薯角), 只有牛腩。咖哩汁好香而且越食越辣, 送飯一流。下次真係要試咖哩羊腩。最後我媽子話佢讚的不是「清真惠記」, 係另一間印度人開的咖哩店但名字不明.....激死人

有時一個人食晏 到到都冇位....唯有去搵男人的浪漫.....之前聽講 鵝頸橋街市上面有間食咖哩好好味坐位係街市就 一定麻麻地 但我一條麻甩佬 有咩所謂搵左個角落坐呢一間係清真食店 所以係冇豬肉食的有燒味, 雞, 牛, 羊.... 我就叫左個咖哩雞... d雞入好味 而且咖哩汁冇奶味 惹味又重   好鬼好食平民價 好夠飽  一個人食晏 都有佢既好處....!!

清真惠記@#foodki銅鑼灣咖哩羊腩飯（8/10）（$42）如果有人問我銅鑼灣有咩必食，foodki諗惠記既咖哩一定榜上有名，但注意一定要食羊腩，唔食羊都可以試下佢地超出名既咖哩燒鴨，非常唔錯。一上碟一大碗咖哩放埋上碟上面，雖然感覺唔太衞生，但味道真係美源髮彩啊，咖哩超濃超香，可以話係港式類既咖哩，辣度唔算好辣，但配上羊肉真係好味啊，羊肉超嫩😍，超好味，真係令咖哩升左幾個層次。記得六點就關門架啦地址：寶靈頓道21號鵝頸街市1樓鵝頸熟食中心5號鋪（因為比較近銅鑼灣時代廣場所以foodki覺得係銅）

之前睇電視睇到台灣旅遊節目介紹香港，先知原來旺區銅鑼灣附近的鵝頸橋街市隱藏了如此一間久不經傳的隱世美食! 熟食中心內部，當然唔好expect環境會好，不過佢有冷氣，D 檯櫈都叫OK乾淨可以接受~試左惠記的兩大名物----燒鴨飯同咖哩羊腩飯!! 燒鴨飯大大碟的碟頭飯，肉多，飯亦多，而燒鴨點的醬要另外問店家拎。不過肉質就沒想像中的嫰滑，亦不算香。聽聞是受之前的禽流感影響，已轉用冰鮮禽鳥，難怪失色不少 咖哩羊腩飯名不虛傳的咖哩汁與嫰滑羊腩!!!上菜時匙羹就係咁樣插係碟飯上面架喇好有地道風味呀~~咖哩汁加入了大量香料，不會只有辣味羊腩煮到稔，入哂味唯一差D係D飯比較硬身以呢個價錢食到呢種味道同呢個份量，而家的香港地真係好難了~~仲要係銅鑼灣的中心地段!!如此方便的美食尋寶地方，你唔係唔試下fa?