添記法式三文治

營業中

休息中

隱世小店一間一點不好找呢大法包$38拍得住中上環不過不得不說個包真係好得好脆但連埋D多到瀉既料一D都唔乾感覺好神奇!餡料豐富不過自己都唔係十分好札肉所以都係欣賞個包多點但真係超大超大個...一人一半都好似食極唔完咁!去圓方THE GRAND睇戲前在這裡食午餐很近的步行距離只有5-10分鐘一定比ELEMENTS任何一間餐廳好食兼難忘得多

今日學校outing 知道openrice對呢度有好評..便一試...叫左一個細法同蒜容包...先講蒜容包...我覺得唔錯...好夠味...不過加左價..5蚊..先有一塊....感覺上唔係太抵之後講細法...我覺得無想像中咁好食...嚴格黎講..我同我d fd 都覺得唔好食...入面好多肥肉...而且真係無乜特別....佢都加左價要成20蚊一個.....大法就加到38蚊....

又係跟住openrice仙人指引,到這店買左條汴法式三文治!我買左條細條既嚟食,麵包熱烘烘的,係百吉包,內裹夾住係一些扎肉,肉醬,青瓜等等既饀料,味道幾好,比之前在翠苑食既包我覺得我會選這間,不過其實佢地賣既野係兩樣野,所以又好難話直接比較!值得一提係因為佢落左美極,所以我覺得特別好食!

上次食過印象深刻,今次專登嚟再食,順便買d嚼肉返屋企自己查麵包!今次食左條細既,味道依然好好,突然之間諗起鴨仔旦,好補身,但係我知都好殘忍,不過今次都係食唔到...可能要去越南餐廳搵!味道好好既麵包,如果有杯espresso就無得頂!可惜!

自從有一次去過越南,品嘗過地道用法式長飽做嘅越南三文治後.我巳深深愛上.後來由灣仔搬咗嚟佐敦後,才發覺渡船角內有好多上過雜誌,出過名嘅美食店.好似有間叫"添記",由十多年前嘅車仔檔做到開鋪頭.賣嘅就係越南法式三文治.其實我都幫襯咗有兩年多.好多人揸車嚟買,一買就三四條大嘅,成家一齊食.當然仲有好多街坊,連蔡瀾在1995年9月15日於壹週刊都介紹過.嘩!12年前.首先係長長嘅法國麵包,在內再加上鹹豬手,五香腩肉,札肉及法式嚼肉,然後放入焗爐焗幾分鐘,焗到個飽皮脆而肉香,取出後,再加上秘製的紅自蘿蔔絲,青瓜片,喼汁,胡椒粉,可以加剪咗粒粒嘅指天椒.放入紙袋.交俾你你就可以食啦.有兩種size,大size可以兩或三位一齊分享,而細size就一個人慢慢食.(如果有札肉加沙甸魚加法式長飽就一流啦!)好多時le個就係我嘅下午荼或宵食嘅首選.有時等緊嘅時候,會有D街坊左手一個法飽,右手一支33越南產法國啤酒,傾吓傾吓.唔夠就再order蒜蓉包.真係好享受嫁.平時我好少食麵包,因為我只愛食熱辣辣嘅麵包.而且我好鍾意食札肉,所以le個法式三文治係我"飛佛"之一.但我今次要拎其他嘢,所以拎到個飽變咗型.但

唔明... ...點解咁多人讚? 點解連蔡瀾都讚??根本唔係幾好食,法包夾雜肉同蘿蔔絲,普通野,無特別...咁辟既地方都咁多人捧場,以為真係咁正~山長水遠揾到去,誰知只係換來失望

嚟添記買左個大包食,三十三蚊!但係可以話係好抵食,因為一條長過一尺既麵包,入面仲夾住大量扎肉呀,燻蹄呀,肉醬,蘿白絲等等既材料,加埋豉油,胡椒粉,我買嗰陣已經吞緊口水...食既時候,delicious!好好味..特別係個肉醬,有d似鵝肝醬咁既味,令到個包更好食!我一個人食哂個包,由好肚餓變好飽!哈哈!

今次又再到添記買長包,因為上次好好食!我發現原來d嚼肉可以散買,所以即刻買左一磅返屋企!個包同上次一樣咁好食,但係食真d味道差左少少,因為d美極同胡椒粉無上次落得咁多,影響左個包既整體味道,下次我要同老闆講要多美極同胡椒粉先得!食得過!

成日都想嚟食, 但因location 偏, 所以...最後上星期六夜晚專程同bf 走一趟... 結果係值得嚟 ...叫o左一個小嘅越南長法包兩個人食, 好大份, 材料好豐富, 食到好多唔同嘅肉, 加上面頭有d 紅蘿蔔嘅配菜, 個飽又脆同熱, 成個飽真係好正, 好好味... 連我bf 係一個唔多鍾意食飽都話好味...如果成個小嘅越南長法包比我一個人食晒就好^.^有時間, 一定會翻兜.

五六年無來，今日有事去文耀樓，見間鋪仲係到，真難得，我第一次幫襯係七八歲時候，味道依舊，價錢加了，但用料飽滿，我吃過短已經夠飽。

久仰大名..專登坐的士來買的就是這條越南長法包!點解咁大陣仗要坐的士?因為大家寫得呢間咁好...終於一試,材料很豐富!有扎肉,青瓜,灰色的肉像肝醬,這個特別好吃,看到openrice前輩所提及應該是嚼肉了,好吃!麵包質地都好,入口脆!今次無失望!

叫左大法包同埋蒜容包唔係咁like 蒜容包好似太硬咁.....雖然都ok 香....不過個大法包就真係好正外硬入軟最緊要係佢足晒料d 肉多到真係你都唔相信嫁~~~而且d 扎肉呀.秘制嚼肉d蘿蔔絲果d 都配合得好好~~~真係食過番尋味呀!!!要去試下呀!!!!

絕對係出名的店子!這裡的麵包焗完後皮脆但裡面都唔會好乾,見帥父熟練地噴上水點於麵包上再焗,特別香!再夾老闆秘制嚼肉(雞肝+鴨肝)、扎肉、青瓜、蕃茄、醃制過0既蘿蔔絲等等....另三文治口感一流!仲有嚼肉特別既香味，真係一試難忘！

專登上ONLINE MAP睇下添記既Location：由佐敦A出口轉左(嘉賓大廈)直行到尾，睇到渡船街，過埋條馬路直入文苑街就到la，果度好多鋪頭都拉閘，冷清清的Big news~添記加價了!由最初係OPENRICE現到食評話17蚊，一直諗住食都今日專程過嚟，真係『老虎蟹』都要食一次NEW PRICE: 小法包$17.5, 大法包$33，蒜蓉包就KEEP係$4.5小法包即ORDER即烘，等左5分鐘到LA~有得食la最好味係咸咸韌韌既嚼肉，青瓜片同甘筍絲再多的就好lu調味料方面，我睇佢\落左美極同胡椒粉‧汁係唔太多架，適中la，可能係個包太脆，先會顯得唔夠‧個人偏好甜包，但添記小法包咁新鮮熱辣，正ar價錢方面，以成本價計，十幾蚊當然不值la但當人人都用二三十蚊去百特叔叔，星巴克人，超級利華同delifrence等買一份甚至半份三文治都無怨言時，添記自製即烘法包，又即係抵返哂~

三文治的材料雖然冇SAUCE, 但個包外脆內軟, 所以唔會"乾曾曾", YUMMY!蒜蓉包好好好味, 當然~~有25%係因為新鮮熱辣啦!25%係蒜蓉牛油好香濃, 25%係包質超脆唔硬, 25%係老闆即叫即焗的心思。GOODGOODGOOD!