添記法式三文治

營業中

休息中

我留意咗呢間舖頭好耐,但一直都覺得好遠冇行去試.尋日午飯時間同媽咪行專程去搵. 眼見舖子細細,但張貼了幾張雜誌介紹同一張攞奬報導. 可能係好嘢嚟.隨即買了一個細法包($21)跟媽咪share.包質地太硬. 入面啲饀就酸酸哋好醒胃,內有紅蘿蔔絲,青瓜絲,車厘茄,扎肉同類似元蹄o既肥肉.味道都可以,但係要去到咁遠,又係外賣,價錢唔抵.

期待己久的添記法式三文治今日終於有機會一試小法包 $21蒜蓉包 $5即叫即做, 把法包及蒜蓉包放入大焗爐內, 焗熱個包先食蒜蓉包, 蒜蓉及牛油好足, 又熱又香, 正正正~ 小法包內有紅蘿白絲, 不過冇乜味, 少許肉絲, 配料凍冰冰, 同熱辣辣的法包好唔夾成個法包都好脆, 脆得有啲過份, 冇真正法包的質感小法包比喊蒜蓉包比笑所以今次比OK

同老婆去渡船街搵食，七點去到堂記見到人山人海，於是轉戰添記。叫左一個小法包，賣$21，老細即叫即用焗爐焗返熱個包，焗到層皮脆卜卜，正！配料普普通通啦，不過加左o的酸菜幾開胃，呢個價錢真係好抵食！

未試過的食物, 總叫食客牽腸掛肚.她, 愛吃面飽, 更愛吃美味的長法飽.和她走進小店, $40 元一個大的法飽, 她和我靜靜的吃著.皮脆, 肉多, 雖然沒有醬汁, 只靠紅羅白絲, 但也不太乾, 果然有另一番風味.未試過的食物, 總叫食客牽腸掛肚.然而, 好味的食物, 停留在幻想之中, 更覺它的價值....

添記個包係我細佬買比我食既,佢讚到天上有地下無......我就覺得一般啦, 可能係寄望太高掛.基本上個包都可以既,夠脆但我就唔係好鍾意佢落得太多酸甘筍,多到係成個全部料既一大半.可能簡單d夾塊豬扒+d菜仲好, 依家我覺得佢係浪費左個好包.一次就夠....................

是好日子。在巴黎短住,每早嗅到麵包香便起床,到樓下去買法包和牛角包,一條法包吃一天,到超市買烤雞/腸/肝醬, 配以不同的酸菜做三文治,廉價又美味。剩下的錢可以吃好的。今天想吃三文治, 由彌敦道一直行到渡船角,意外地不太熱,空氣也不差,是天朗氣清的好日子。剛好是午飯後,店內一個人也沒有,我可以看老闆慢慢地做三文治,先噴水,放進烤爐,然後再放餡料,老闆的動作嫻熟,小店的氣氛悠然, 法包烤得香脆, 餡料的分量恰到好處,酸菜亦能提昇食慾, 最喜歡的是嚼肉,濃滑的口感與食味,帶來餘韻悠長,但既來了添記,又怎能不到老趙呢!

見咁多好評,今日特登走去試, 個位置真係幾唔方便,由地鐵一出.行過去都要成15分鐘去到鋪到只有兩個客人, 日本遊客黎,心唸連遊客都特登黎, 加添我對個包的期待,一食之下發覺個包真係好脆, 又唔硬, 好好味但係d配料相形失色, 因為食落全部都冇咩味.開頭仲好期待, 點知個d配料普通真係大打折扣試過一次就夠了

今日同老婆仔行街街打算帶老婆仔見識下佐敦既白加士街等佢睇下果度d食店由於我地兩個今日都準備左試佐敦既譚仔(我地都係譚仔既粉絲)所以唔可以試白加士街既食店住行得咁上下 又仲早既關係我提意不如行去文x樓果度食法式三文治丫老婆仔都好讚成老實講 我住係油麻地成十幾年都未踏入過文x樓既群唔係openrice真係唔知有間咁既隱世小店去到附近已經見街上好多人渣住長法包係度食行到店前見店內也人頭湧湧推門進內老闆是一個高瘦既男人叫了一個細法包和老婆仔share老闆態度不知是硬直還是怎樣 感覺不太舒服但由於天氣太熱 叫了一個包之後都待在店內 慢慢等 慢慢吃看著老闆把包焗好 再把料一片又一片的放進去再送到我手中 熱辣辣的 拿上手也是感覺脆的 不會硬實實的看到牆上的介紹 包中有四種肉 和多種蔬果但吃下時 卻分不出肉的味道 真的是有買種嗎但酸蘿白等料卻是清清楚楚鮮明的 爽口配上脆脆的法包 很是一流 令人回味呢可以再吃!!

今次是第2次幫襯, 連上次分別試左2位渣fit人的手勢.第一次吃時, 吃到的是一份驚為天人的感覺, like magic, just couldn't understand how those ingredients can result in such a tasteful baggette...每一啖都是magic, 成個飽連醬連所有材料, 走埋一齊就昇華左去一個極美味的境界...今次再吃, 懷疑是涵料唔同切功的關係, 覺得失色了; 那些蘿蔔絲也唔同左...簡單的說, 冇左magic...雖然2個男人 2種手勢, 添記法包味道仍是比其他越式餐廳的勝一籌.另試左香檳啤($12) - 幾得意 and 飲左罐野($7)

星期六想歎個靚早餐就專誠來添記試試大家推介的法包平常是不會來這個佈滿文X樓的地方從佐敦或九龍站走過來，約需十五分鐘烈日當空下，啤龜抱著期待的心情尋找添記位置不太難找,就在7-11旁食物選擇不多啤龜坐在店內共享了一個大法包及一件蒜蓉包蒜蓉包很快焗起可能是肚餓的緣故覺得極之好吃啤略嫌太油龜認為五元一件，物超所值大法包－真的很巨型大啖吃，內裡的餡料零散掉下來啤最愛是內裡的腩肉龜較愛紮肉，認為整體不錯，下次會要求減少籮白絲，太乾了店主非常有禮又主動介紹法包內的餡料相信他對自製的食物充滿信心這是好的，只要他認為是最好，食物一定會做得好生意不絕，客人都樂意耐心等候新鮮出爐的法包下次會再專誠來吃蒜蓉包

想買一個番去試都想了很耐,昨日終於附諸行動了店內放了很多越南的什貨,例如公仔麵,店子很少,有個大麵包爐,一入店內便聞到香噴噴的麵包味,我買了一條細條的,夾著好吃的扎肉,腩肉同埋肝醬等,酸酸地甜甜地的蘿蔔絲很開胃,更是美味越式三文治的秘密!肝醬很好吃,但同一般鵝肝醬有很大分別,另外麵包熱得嚟脆,都係一試難忘的最主要原因!

想一親這裡法包的香澤已很久, 奈何永遠不是時間不對, 就藉口一個人走這麼遠路, 不好走.今天跟友人去圓方睇完戲, 正好從商場旁的走廊一路走, 經天橋再到這裡. 路是遠點, 但有瓦遮頭, 不致十分難受. 走畢約十五分鐘的路程, 到了文x街, 其實我都唔係太清楚係邊條, 只係打算走走看. 大概係文苑街吧! 一路走過來, 無喎, 再望向街的另一截, oh, 原來要過埋馬路先係...難怪平日搭車經過, 永遠都摸不著頭腦. 二個人, 點了一份小法包和蒜蓉包share. 先試試蒜蓉包, 好香蒜味, 略嫌太乾身, 若做到外脆內軟, 那就更理想. 再來小法包, 一咬落去, 當然都係"沙"一聲, 真係好鬼脆, 好新鮮. 裡面有好多饀料, 扎肉, 豬肝蓉(名字有點可怕, 但味道ok喎! ), 鹹豬手, 酸青瓜, 酸蘿蔔絲, 蕃茄... 各樣配料味道分明, 加在一起又有和諧的感覺, 不會有任何一樣獨佔鰲頭. 平時總覺得醬汁係一個飽的靈魂, 缺少了一個上乘的醬汁, 那個飽一定不會好到那裡. 但呢個法飽又令我有嶄新的睇法. 大家唔信的話, 可以一試真偽.

記得在 80年代中的某一年暑假, 姊姊在新浦崗的工廠當暑期工,一天晚上姊姊帶回一個越南麵飽給我吃 ( 當時姊姊說是托工廠的越南工友在啟德開放營買出來的 ), 這是當年小小的我第一次接觸到的越南法飽, 在一個長的硬豬仔飽內充滿着扎肉 / 很好味很焾的鹵腩肉/ 還有點點肉碎又帶點點黑胡椒/ 大量酸紅蘿匐及白蘿匐絲, 姊姊還很有心思用小烤爐返熱後才給我吃, 怎形容......好好吃.好好吃 當年越南飽的食味深深印在我腦用,多年不忘. 出來做事後也會往山林道和佐敦吃越南菜, 也試過不同越南店的法飽, 但總是尋不回當年啟德開放營那個越南飽的味道.........就算前排我在老許叫了一客 $60 (老許收得真貴) 的法飽也全不是那回事, 要知當年的老許和老趙是佐敦文x 樓的 2 大響噹噹越南菜館, 當年在老許吃過的煙蠔; 年柳粒至今不忘, 也給賣的鴨仔蛋嚇了一大跳 知道佐敦有一小店賣越式法飽很出名, 但一直沒試, 星期六下午是專誠往添記的, 因年紀越大越想尋回當年的味道呀! 地點不算難找, 就在老趙店的斜對面位置, 小飽 $20 大飽 $38, 要了一個小飽再加一杯青檸冰, 飽好了就馬上站在小店大

去圓方睇完戲,本來想去堂記食腸粉,點知咁岩無開!咁就去左附近的添記法式三文治.剛到場,已經有客在等,等了約10分鐘,終於到我order,其實佢無得好似subway咁有得選咩配料,只有法包(大)$38,細$20,蒜茸包$5!我就叫了每樣一份!即場睇住老闆"開包",放各款碎肉在包內,當中有一樣是肝片(雞或豬肝,小心健康各位),然後放入焗爐焗約10分鐘,出爐後再放入蕃茄,紅蘿蔔,青瓜等,再加小小胡椒粉和鮮露即可!過我手已急不及待咬了一大口......!..正...!真是未試過咁鬆脆法國包!好味道!後記:讚~即焗即食,包當然鬆脆可口!蒜茸包都幾好味....當然啦都係襯熱食嘛! 彈~制作比想像中簡陋,此終只用手而無用手套,收錢和做包是同一個人! 食品配料應該可以多d選擇!

２００８／６／１４午餐去佐敦辦事，臨走前就順便去這堆文字樓入面找”隱世”法式三文治。XD三點多去到，三個座位已有兩人坐著，好彩，不用立食或者一路行一路食。就要了例牌的法式三文治，細個$20，大個$38，雖然餓到八彩，也用將近四十元的價錢來買一個三文治吃，有點那個，唯有點了細，不夠飽就去其他地方找吃。ORDER後，老闆就將預先攝好一堆材料的’法包山’，從中拿出一個，在包面噴一噴水，就拎入去烘爐烘，見到那堆全是淺啡白色的法包，樣子淋劈劈，心想：會好吃嗎﹖等了幾分鐘，麵包出爐，香氣一陣一陣的，又好似不錯。隔著櫃位的玻璃看著老闆將法包作後期加工，再攝入蕃茄片﹑青瓜片﹑紅白蘿蔔絲，最後灑少許黑胡椒響面，便成。法包好像給老闆施了魔法，是醜小鴨變天鵝術，顏色由不吸引的啡白轉為有活力的深啡，外型由梅林林變得漲卜卜。吃那鬆化無比的包身的同時，麵包碎隨之四散到身上。這個法包的質素，已經值100分。雖然是細法包，不過材料滿滿起來，其實蠻大份的。吃到內裡有扎肉﹑非常多肥膏的腩肉以及由雞肝和另一款肝(我忘記了)混合而成的啡色肝條，不過我鐘意是面頭那堆酸味味的紅白蘿蔔絲，而黑胡椒味都幾出，好在不是太辣。吃到後來才