添記法式三文治

營業中

休息中

12月26日同阿媽行完圓方, 因為見有好多網友寫好呢間食店, 所以到此一遊.當日係下午5時左右, 店內尚有兩名男子等候, 突然有一名女子殺入, 表示因為門口有的士等著, 希望老闆先讓她拿走小法式兩個, 但老闆唔肯, 堅持麵包要先焗, 最後老闆讓步, 連包都唔焗, 只係入咗啲材料, 就俾咗個女人, 老闆爆粗...我自己就叫咗兩個小法式, 等咗20分鐘...以下係本人的食後感其實個包只係脆, 入面啲料, 唔多好食, 何況一個包要成17蚊, 唔抵, 以後要睇清楚啲評語先好食

呢度其實幾難找，就係佢個名叫添記所以0係佐敦坐的士來﹗一間小店鋪頭，外面仲有扭蛋供應，你話似唔似一間麵包店我想說真的一0的都唔似，似雜貨店多一點﹗座位得兩個，咁岩無人坐，即時霸左佢，老板阿哥問我地食咩，當然係食法式麵包啦，無得揀就係得呢樣招牌野﹗叫左個大既再加多件蒜蓉包及兩杯熱奶茶。即叫即整即焗，收銀處有個大焗爐很古色古香，相信呢度個名就係因為佢傳出來架喇﹗不消五分鐘已聞到麵包香都知有得食﹗先試蒜蓉包，金黃色的香噴噴食落脆口，滿口牛油蒜香好正呢﹗法包長長的一開四，熱辣辣，入面係豬手、扎肉碎、五花腩碎及紅蘿蔔絲、估不到的香口同埋好食，由於料以肥肉為主，所以肉香四溢，料多所以食落好滿足，仲係辣辣的聽講好似加左辣椒粒，如果未食野一人食一件大都可以呢﹗難係難搵0的，呢間鋪獨賣法包可以0係度十幾廿年自有佢原因﹗難搵都要試下﹗

星期日於尖東見完客,同女友行去佐敦逛逛街,一想起佐敦便想起了這兒,雖然路途十分十分遙遠,但這兒的食評好得離哂普,真係要一試佢ge功架!特登老遠行來只見鋪面細細,搵個位坐都難,幸而我們到步時店鋪未有客,整間鋪由我們獨霸!!>u<一黎即叫"細法"心急如焚,坐立不安地等著等著,有得食喇!!包一拿起手!熱力直迫手心!心知妙極!!第一口咬淺嘗包的味道,再咬完美的一刻就來臨!口感極之豐富:脆,軟,爽,林,煙un所有都結合於一體!!只叫了一個細法...真是後悔!所以追加一件蒜茸包包亦是新鮮熱辣!但蒜茸醬好像下得不夠多,味道淡了一點,但也可能是因為剛才的"細法"太精彩所致,所以下次到來會先叫蒜茸包再吃"大法"!!!!!!!仲有, 唔知有無人食過呢度的麵食呢?水準如何?眼見附近老趙在此,下次到來真的要留肚,吃完添記吃老趙!!

食了腸粉，唔夠喉，主人與奴隸獸再去『添記』，食越南法式三文治（大法包，HK$33）。雖然已經食過無數次，法包依然皮脆，各種餡料依然美味，依然吸引。『添記』法式三文治好！！

最好吃仍是那塊法包, 三種肉偏愛扎肉, 嚼肉太小試不清味道, 豬手肉平時較常吃到, 但今次發現邊吃邊打噴嚏, 應該是制做過程中加了胡椒粉, 下次要先講明走胡椒粉。始終未試過它的蒜蓉包, 一次只可食一樣, 眼闊肚窄。

估唔到咁多年之後呢間咁好食既舖頭仲響度, 我最中2 食佢既蒜蓉包, 因為佢即叫即做, 熱辣辣咁食...一流

今日終於"的"起心肝去呢度!由於我地唔餓,就叫左個細法包share~一拎個包暖暖地,一食落去,好脆..再食落d,d札肉好好味,d蘿蔔絲"俺"得好好味,同個包&所有配料好match..一個字形容: 正p.s : 呢度d札肉好好味,比起吉x島..etc 正宗,好味得多

好味好味好好味~~~~~~~~~我成日都自己隊一條大,加辣.........未去試,快啲試!!

第一次食,有期望,但失望不喜歡當中的肉, 個飽, 因為即焗, 所以好味.下次只會試埋個蒜蓉包就算了~

大法包~~~好好好!!!!!腩肉~~~好好好!!!!!

今日專程來這兒吃大法包，一個包兩個人分..都已經好多，個包好脆..裡面的料好足..有D肉..仲有青瓜同蘿蔔...但係我略嫌佢乾..冇任何醬的..不過我諗法式三文治應該係咁..仲有個蒜蓉包..冇乜特別...可以一吃..但不值得專程來試吧

在偶然之下路過此店, 又看過很多食友說很美味, 便進去一試。有大法, 細法供選擇。選了細, 只不過十七元罷了。說是細份量也可真不少。即叫即做可能是這裏成功因素之一, 老闆先把法包放進焗爐內, 然後便把紅籮白切絲, 五花腩肉, 扎肉切碎, 份量一點也不少。好了, 法包烘好, 馬上便把所有材料放進, 即成!味道亦如食友所說, 很香口, 法包又熱又脆。以此價錢已物超所值, 希望大家不要因健康理由而令此食物沒落, 不吃才不健康呢!!

呢排成日同朋友周圍搵嘢食，上網睇到咁多人話好味就襯上個禮拜六得閒一齊嚟試下﹗佢\\\個位置真係好遠…係地鐵出仲要行到好入先到﹗去到啱啱有個小妹妹拖住個細妹拎住袋三文治…啲香味就話咗俾我地知冇嚟錯…因為未確定好唔好味，所以先叫咗一條細既法式三文治同埋一塊garlic bread…朋友話三文治既咸豬手真係好好味﹗我本人就喜愛garlic bread…因為真係好香好脆，食完我地仲叫多兩塊一路行一路食添呀﹗如果冬天既我會多啲幫襯…哈哈

真係超好食, 我成日都帶朋友去, 佢地都話無介紹錯, 不過我會比較麻煩D, 成日叫佢焗D, 多糊椒粉~~~~哈哈

記起4月某星期六放工，出佐敦去睇野，之後要去接女朋友，想起這三文治，就叫了一客。自己先食一半，另一半就送去給女朋友。成個鐘後接到女朋友，佢見到件三文治就好開心，因為好食，我又山長水遠去接佢。件三文治水準依然，很香脆，味道恰到好處。添記係我少數會一記起就想去食的舖頭。