淥烚年代

營業中

休息中

趁而家仲係涼涼哋去打吓邊爐🫕尖沙咀A1出口行幾分鐘就到餐廳主打係火鍋同雞煲另外仲有私房菜提供 下次可以嚟試吓私房菜😳店員好貼心，不停幫我哋refill 湯同埋換骨碟環境坐得舒服，食食下就兩個鐘🥰麻辣雞煲💛💛💛💛雞件好多 都好入味 仲有超多芫荽叫咗七樣野 餐廳擺盤好靚放喺條橋上邊 啱晒打卡食材都好新鮮 💛💛💛💛💛紐西蘭羊片🐑唔會好穌豬潤 🐷好新鮮生菜🥬分量多好翠綠鵝腸 食落好爽口雲南黑木耳 食吓木耳養生牛柏葉水魷魚🦑豬皮 吸晒湯底啲精華 超入味

想搵個地方同老友打邊爐，搵到呢間新開不久嘅淥烚年代，主打燉湯湯底，預先openrice 網上訂枱仲有88折，晚上1030後仲有7折，最啱血拼完同姊妹食好野。餐廳位於大廈2樓，裝橫有懷舊色彩，仲設有多間間房，一大班人嘅話仲可以打通相連房間包廳，座位闊落，比一般大型嘅火鍋店/放題店舒適得多。火鍋最正就係有一個靚湯底，店員推介佢地嘅燉湯湯底，係3小時隔水燉制，真材實料，建議2日前預訂。今次呢個係川貝百合燉螺片$198，入面仲有雞脾，豬展，桂圓，海底椰片，雞腳等等，湯色清澈金黃，燉湯香氣撲鼻，而且份量十足，夠6至8人分享，淨係飲個湯都己經值回票價。牛肉方面，揀左安格斯 (細) $198，係最靚嘅牛小排部位，雪花均勻，肉嫩味濃，份量亦都不小。百花釀油條 $68 蝦膠釀入油條再炸，蝦膠味道鮮甜彈牙，油條香脆，熱辣辣，點泰式甜酸醬，作為小食或者火鍋配料都咁正。自家制鮮蝦雲吞 $88 係店員推薦嘅菜式，淥起大大粒，入面有原隻大蝦，豬肉味鮮，雲吞皮滑溜溜，高水準之作。火鍋配料選擇多，揀左脆鯇魚片，豬肚，鵝腸，日本黑豚肉，牛白肉。鵝腸肥美爽口，脆肉鯇肉鮮彈牙。整體黎講餐廳位置方便，座位闊落，燉湯出色，配料

天氣突然轉凍，約了朋友吃尼個好出名的邊爐。店的位置極好搵，店面位置都寬敞，整間店藍色調裝修，好舒服。得讚的是凳子舒適度好令人滿意。湯底點佐鹿茸菌清燉花膠湯，雞肉好多，雞腳燉得軟㜛容易脫骨，花膠又多又大塊厚身，味道好鮮甜，吃得出用料好足，湯底都好令人滿足。打邊爐材料非常新鮮。白鱔片是新鮮的魚片，刀功好正，冇魚刺，肉質鮮嫩，帶奶香味，食得好過癮。安格斯牛肉片雪花好靚，厚薄適宜，燙十幾秒就可以食啦，唔蘸醬味道都幾好。百花釀油條是可以即食的。但是系個湯底過幾秒，再蘸酸辣醬冇得讚，又有湯的鮮味，又保留油條脆卜卜的口感。海蝦🦐好大條，肉質彈牙。豬肚好乾淨，厚身有口感。牛百葉切得很薄很漂亮，蘸下醬更脆口。鵝腸處理得好乾淨，好爽脆，意外之喜。豆腐最後食，吸收㘔湯底的精華，食得好滿足。

約朋友晚膳，想吃火鍋去了尖沙咀海防道32至34號寶豐大廈2樓淥烚年代，港鐵尖沙咀/尖東站A1出口，步行約2至3分鐘，交通非常方便。室內環境很新穎簡約，清潔整齊，座位寬敞舒服雅致，還有兩間獨立房間。服務員禮貌招待，推介是日主打美食菜餚。火鍋湯底選擇很多，有濃味、滋補、清淡的。食材也很多元化，應有盡有，品種繁多，供客人自由配搭。醬料汁別樹一格，內裡應有盡有，客人可配合自己口味盡情挑選。川貝百合燉螺片湯(標準)$198湯底材料非常豐富，有瘦肉粒、雞肉、雞腳、紅棗、圓肉、川貝百合和杞子，特別一提就是螺片，肉質很香濃彈牙，而且件數很多，燉湯好飲到呢～火喉十足，一碗接一碗，幾乎忘記要吃火鍋的食材。服務員提及，再來光顧時要訂燉湯因數量不多，不是隨時有備的。新鮮鵝腸(標準)$98唐生菜$58鵝腸夠新鮮，淥數秒彈牙又脆口，點上醬汁更覺美味。唐生菜新鮮甜又嫩，浸入燉湯，口口都滋味。新鮮豬潤(標準)$58薄切豬潤非常新鮮，放在湯底幾秘已很鮮味嫩滑，肉質起砂又夠爽口。三拼丸$98黑松露豬肉丸，肉丸多汁夠紮實加上黑松露更顯矜貴。金沙牛丸，牛味濃郁，爽口多汁，丸饀內的咸蛋黃汁，好味又特別。柚子墨魚丸，手打製成，口

自從開關之後，好多餐廳都多咗人，比我發掘到位於尖沙咀呢間私房菜火鍋，要推介一下。位於樓上呢間餐廳既有私房菜，亦有火鍋。我哋今次試火鍋，除咗有一半普通嘅湯底之外，仲有住家燉湯湯底做選擇，當然要試吓。我哋揀咗川貝百合燉螺片湯底，料頭十足，而且食得出冇味精之餘，仲有湯嘅濃味。兩個人不停飲湯，我哋差唔多飲到見底。火鍋配料方面選擇都好多，點咗一盒標準安格斯，估唔到份量都咁多，而且一睇就知啲肉好靚有晒雪花。另外，點咗佢嘅三拼鮮打丸，有豬肉丸、墨魚丸、鮮蝦丸。將啲手打魚真係唔同啲，肉質滑，而且味道濃郁，仲起晒膠添。新鮮鵝腸都係推介，夠晒爽。除咗打邊爐，我哋仲另外叫咗日本魚刺身，雖然係小盤，但份量都幾多，魚生好新鮮

呢間都算係隱世幾好食既火鍋店老闆員工好人 服務貼心手工丸有勁彈牙墨魚丸 黑松露豬肉丸等口感有驚喜！值得一試另外叫左牛拼盤 係牛柳粒太大塊 易老其餘都好好食湯底叫左台式麻辣同蕃茄湯 不過不失鴨血我唔食既 但同行朋友話好好食總體黎講好好 會再黎

天氣寒冷最啱就係打邊爐啦，今日去到尖沙咀呢個火鍋知道有間樓上舖好正於時就去嘗試！餐廳名字叫60年代,佈置卻是北歐風情,十分華麗簡潔，這裏給人的感覺很乾淨高級但價錢卻是佛心.這裡湯底十分鮮味，是老火湯，是熬了很久的湯，沒有味精的，有雞肉海參很足料美味。牛肉拼盤一次過可以試幾款不同部位嘅牛，每款牛有不同的口感和特色，但都十分嫩口，很足牛肉味。蟹柳十分長十分大條，我把他當米粉甘食，不像是加工蟹柳，味道十分鮮甜及彈牙！這裏連午餐肉也切得十分有美感，切了一個井字型。即使食罐頭都要有滿滿的儀式感！這裏的響鈴是即叫即整的，到了建議馬上下湯，浸一浸湯即撈起食，美味十足。這裏的油條墨魚滑是招牌，現成上枱可以即食，配上酸辣醬味道一流；也可以選擇在湯底淥一淥，食介乎半軟脆的口感。整體真係好正，下次再來食

呢排天氣仲涼涼地 襯仲未熱 打邊爐岩晒 呢間係海防道既淥烚年代 地點方便 裝修得幾靚所以同朋友黎試下原來呢到除左火鍋 仲有午市套餐 同私房菜 先加料 欣賞呢到除左 辣椒 、蔥、茜、仲有芝麻、紫洋蔥 、芹菜、薑令個調味醬更豐富 再揀湯底 叫左麻辣台式鴨血鍋同 芫茜皮蛋湯麻辣湯 麻味同辣味都好溫和 唔會搶喉淥肉岩晒 鴨血同豆腐都各有4-5 舊 好入味皮蛋湯淥菜 除左皮蛋 芫茜 仲有豬肉粒 另外仲叫左安格斯 （小份） 油脂分佈都平均 牛味都幾濃郁 新鮮鵝腸 滾兩滾就可以 食落脆卜卜 雙拼丸 清酒鮮蝦丸 併 黑松露豬肉丸鮮蝦丸除左新鮮 彈牙 爽口中間包埋清酒 好特別 推薦 黑松露豬肉丸 冇蝦丸咁彈 好香松露 但又無蓋過左肉味即炸響鈴即叫即炸 一定冇油益味放湯浸兩浸 仲脆卜卜咁食就最好味豬皮同響鈴差吾多 食落軟硬適中 吸收晒湯既精華 白菜仔 新鮮 放係芫茜湯到滾 好甜 總括黎講都幾高質素 再係尖沙咀打邊爐會再黎

呢間火鍋店午市做蒸飯燉湯，啱哂打工仔返工快快脆食個餐。午市蒸飯+燉湯 $78，平民價錢。蒸飯、湯有3款揀。單叫桃膠肉餅蒸飯$55、蟲草花北菇滑雞蒸飯 $55，蒸飯+燉湯 $78。叫完一set咁上，蒸飯豉油分開上，可自己落。桃膠肉餅蒸飯，有少少桃膠融合咗蒸飯入面。肉餅大大塊，撈飯食。蟲草花北菇滑雞蒸飯有蔥花。雞嫩滑，蟲草花有口感。川貝海底椰鱷魚湯 ，是日鱷魚變咗螺片。家常例湯味道。黃金茶樹菇燉花膠湯呢個湯味道較川貝海底椰螺片濃郁。另外餐廳有水供應。好啱打工仔靜靜地食個快lunch!

打邊爐,食物既質素真係好重要!呢間好似私房菜咁,有個好大既空間,好別緻!自己選醬汁既配料,好正!係九宮格。我叫左個蕃茄湯底,好多蕃茄同埋雜菜,叫左安格斯牛肉.手切口感係好D,肉質好FIRM,食晒成碟好滿足。手打黑松露丸同埋墨魚丸都好正,賣相相當精美。雖然只係叫左兩樣野,但個湯底好足料,所以都好夠食! 食野貴精不貴多,高質就好。以咁既質素,價錢唔算貴。同埋呢度都好近TST MTR添呀!係隱世火鍋店。

又到冬天打边炉既時節啦，今日约埋一班好友去到尖沙咀呢间火锅鋪，佢好似系新开冇几耐，因为入边啲装修都好靓，座位好阔落。鸳鸯煲就最啱多人打边炉，有辣有唔辣任君选择，我最钟意个麻辣鸭血煲，入边啲鸭血有好多件，斋個煲都好抵食。呢份牛拼盘好大份，有一口牛啦，肥牛，同埋其他款牛肉，放入麻辣鸭血煲入边，又嫩又滑。丸仔拼盘最钟意个墨鱼丸。原来打边炉同凍豆腐系好match架，距好索味，又鮮嫩，無論係沙爹定麻辣鍋底都可以淥。啲饺子有三种颜色摆盘好靓，识落味道都唔错，但系唔知咩馅。呢个豬梅片淥熟之后唔肥腻，又好容易入口，加上佢哋既调味料，食落都好唔错。脆肉鲩啲肉都算實淨，食落唔腥。值得一提嘅系个蔬菜拼盘，鸡髀菇鲜嫩，粟米甜，其他蔬菜都好嫩。呢度嘅服务态度都几好，值得再次過嚟。

真原味，新鮮火鍋環境乾淨，枱面面積大， 擺放食物非常方便，座位很舒適，沒有侷促感。川貝百合燉螺片湯店員介紹這是清燉出來的， 可以見到底的清湯，飲了3大碗， 飲得出完全沒有落味精 ， 湯是原材料燉出來的味道。 湯渣都差不多食曬， 雞腳非常軟淋，輕鬆吐骨，煲湯肉配合火煱豉油，意料之外的美味。趁這個湯仍很清澈，淥一些菜，可以吃出真。原味。 安格斯牛肉（小）每一件都胡蝶切法， 厚薄適中， 很容易控制火侯，油脂紋理分怖平均， 而且牛肉味濃郁，一碟滿滿有三十多塊，此牛肉物超所值。八吋日本蟹柳這蟹柳味賣相相當吸引， 原本已喜歡吃蟹柳的我，都覺得很好味道。養顏桃膠餃三款不同顏色的水餃內有不同的蔬菜組合，感覺清新，很有田園風味， 餃子皮十分煙韌。日本黑豚肉偏厚圓圓的切法， 淥完後，豬油香味十足，感覺似拉麵上的叉燒。脆鯇魚骨腩十分新鮮， 魚肉淥完後非常爽脆 ，魚鮮味配合湯頭加持下，味道更上一層次，會吃魚的朋友要試下。原來佢仲有私房菜， 下次可以試試，而且仲有包廂。 服務員態度亦非常良好 ，朋友或公司聚會再考慮呢度。

餐廳係海防道，所以地點都算方便。同朋友都鍾意食單點火鍋，因為質素會比較好。餐廳比較新，所以環境都好舒適，裝修都好靚。雙拼湯底揀咗皮蛋芫荽湯，同埋麻辣鴨血鍋。湯底都好有料！用好多芫荽，同埋鴨血（唔係任添都夠食）食物價錢唔算平，但係物有所值，因為份量都好足安格斯牛肉小份（$198）都有咁大碟，夠3-4人食。而且肉質都好新鮮，夠牛味。三拼丸各有特色特別係清酒下院同埋金沙牛丸。必食推介！脆鯇魚片係真係脆同新鮮，連朋友本身唔鍾意食都要encore! 大花甲嘅肉夠大粒又滑睇得出餐廳好有心做，而且服務都好好。經常主動加湯同主動幫我地換碟。真心推介俾大家！

係尖沙咀區海防道萬寧上邊，因為門口好容易miss咗，不過係方便，係海港城行完街，就可以過去打邊爐，仲要係高質嘅邊爐。湯底，我哋揀咗花膠燉雞湯，超級好飲，好入味，記得記得記得打邊爐之前一定要飲湯，我自己飲咗三碗，本身仲想飲㗎，但係又唔想飲飽咗，我想嗰啲雞都好好味，好嫩口，完全唔係’嚡熠熠’嗰啲，個湯真係冇得輸。嗌咗一份安格斯牛肉，肉質鮮美滑嫩、油花分布均勻，鮮嫩多汁的肉質，搭配豐富大理石花紋，我每一塊淨係淥咗大概6秒，岩岩好！非常推薦！跟住仲嗌咗花甲，魷魚，蘿蔔，萵筍片，油麥菜，牛柏葉。不得不提蘿蔔同呢個湯互相輝映，非常清甜。花甲非常新鮮完全無沙。三拼丸-黑松露豬肉丸，金莎牛丸，柚子墨魚丸。我個人最鍾意就係金沙牛丸，口感非常特別，牛丸裏面係鹹蛋黃沙，好好味，推薦！

要好好慶祝個朋友「出關」，因為無打針而差唔多成大半年無出國黎食飯，勁多野要update，所以打邊爐一路食一路傾就啱晒！今晚揀呢個火鍋店位於尖沙咀海防道，地鐵A出口一直行就係，勁方便👍🏻火鍋店屬新裝修👍🏻座位寬闊👍🏻抽風唔錯👍🏻服務員一叫就到👍🏻超正👍🏻打邊爐最緊要都係肥牛，呢度$198一碟不但有好多片👍🏻最重要有頂級油花👍🏻入口即溶！😋話明係慶祝，食物梗係要好味仲要有儀式感啦！呢個擺盤不得了！！啱晒打卡！哈！連個蔬菜拼盤都零舍靚過人！眼睛都表示很滿足！其中豬潤👍🏻切得好！好高質！脆鯇魚片新鮮脆口👍🏻黑毛豬肉片呢個厚度正👍🏻其餘萵筍、黑木耳、豬皮、豬肚都很不錯👍🏻打邊爐勁入味👍🏻加上餐廳個豉油配料勁多，越點越想食！😋