海 三碗麵

營業中

休息中

海蝦濃湯Roast Beef 伊麵$90好味指數：10/10都知道呢間舖要排好耐，所以專登下晝放工時間前去排，好彩今次前面得幾個人，當你試過之後你絕對會覺得係值得🏅排咁耐。食麵最緊要湯底，店主用咗好多蝦🦐🦐🦐去熬製呢個湯底，你會飲到充滿蝦嘅鮮味，呢個湯一試難忘，配上伊麵底🍜唔會太淋嘅口感，完全地掛曬湯底上去，加上湯面配以新鮮蔥粒同埋櫻花蝦，增加口感，而且可以去膩。不得不稱讚呢個🥩燒牛肉，上面亦係加咗好多蔥粒同埋櫻花蝦，店主即場加調味料再用火槍🔥輕灼，就咁望表面好似好熟，反轉見到牛肉大概6-7成熟，滲透住油香，將佢包住嚟食真係味覺嘅最高享受。小店由落單，煮面，出菜，執枱，收錢都係得老闆一個人，所以等位都要一段時間，但想食好西，從來都需要耐性。😌

尖沙咀海三碗麵傳說中係要排一個鐘起跳~今日好彩半個鐘左右就入得🤤小店一眼睇哂三張枱 原來店主係一人經營 廚房樓面收銀一腳踢🥺但仲keep住超好禮貌 不斷講唔好意思要你等🥹估唔到細細既一間鋪 可以食到碗咁有驚喜既麵‼️🍜海蝦濃湯roast beef伊麵 $90超級足料 啖啖都食到蝦既鮮甜味🦐店主炒香蝦頭每日熬製 個湯做到勁濃郁而又唔會好漏或好濟第一次食到成碗湯唔小心飲哂亦都好明顯食得出完全無味精 食完都唔會好口渴😋另外個牛肉真係世界級🤤即切即用火槍炙燒既牛肋肉🥩好難想像個麵已經咁好食 但個牛仲出色 燒得半生半熟 拿捏得非常好🥹再用黑椒同鹽調味 口感軟腍又多汁🤤愛伊si~

不嬲都對一人小店額外幾分既respect因為佢地通常都有份執著對食物既熱誠更甚於賺錢所以雖然呢間海 三碗麵 @hoi3noodles 明知要等超過半個鐘都唔會太介懷何況老闆服務態度都好好啦小店如店名所講 就係賣三碗麵~(˘▾˘~)每日有三款唔同自家熬製既湯底餸同麵都固定左 始終一腳踢想減免複雜性餸就配火炙牛肉 麵就用左伊麵我就叫左海蝦濃湯就係好純粹濃郁既蝦味湧出黎ɞ̴̶̷ ̫ ɞ̴̶̷真係唔知用左幾大量既蝦頭蝦殼先咁鮮另一碗男朋友就試左金華火腿雞濃湯呢款相對口味清淡一啲但絕對絕對唔係淡口.ᐟ‪‪‬有種金華火腿同雞既味都逼哂出黎既感覺味道亦有層次 唔會話死咸燒牛肉只係用火槍燒左單邊所以上枱時仲係半生熟以salt and pepper簡單調味有大量蔥花同櫻花櫻做toppings牛肉口感軟嫩 香氣十足雖然同湯麵無特別夾 但好食既(´∇｀)等食期間留意到老闆都有擺唔同既cook books係鋪唔知老闆遲下會唔會有咩新品呢( ˶˙ᵕ˙˶ )✿✿✿✿✿✿✿✿✿✿✿Follow @lastbitematters for more

好耐之前路過見好多人排隊，難得去開附近，又未開舖，但已經見唔少人排隊，見有時間就決定排一排，由於店內環境所限，所以等入座需時一間幾特別嘅小店，只有一位師傅（老闆），3碗麵，3張2人檯，店內無任何飲品或水供應，但老闆好好人，佢話可以去隔離韓國士多到自己買野飲我同朋友都點咗海蝦濃湯燒牛肉伊麵，由於無做功課嘅關係，入到去先知原來係伊麵，可能本身唔係太鐘意食伊麵，所以爭少少，不過味道唔錯，唔會好咸，尤其個燒牛肉真係好好味，入去嘅時候見師傅先燒一次，上檯前再燒一燒，我同朋友都想encore多碟牛如果唔駛排隊可以再幫襯

位於韓國街內店內得六個位 三張枱人多就唔洗嚟好彩排隊時候有兩枱已經開始食緊而我剛好係第三枱所以晚市排咗未夠半個鐘就入得去門口嘅餐牌就只賣四樣嘢（當日無海牛堡添）其實就只有一款嘢食 - 伊麵配燒牛肉只不過係唔同湯底老闆唔會出嚟安排入坐好似同食客有晒默契咁一枱走 就一枱自動入但係會等三枱食人食晒走晒先開始一次過做落單做六碗出嚟中間留意到出面人龍嘅老闆都keep住不慌不忙做好手頭上嘅工作慢慢做嘅節奏金華金腿煲雞濃湯 $90海蝦濃湯 $90牛ok 見老闆切完出嚟再燒咗幾轉湯係幾好飲 但無驚為天人 期望係再好味啲初初以為係唔會做外賣點知係有 而係會做好晒堂食之間嘅時間去做另外係有得另加燒牛肉 $40份

🦐海蝦濃湯Roast beef伊麵🍜(HK$90/碗)小店只有六個座位，由老闆一人經營，排隊、烹調至上菜需時，但一碗美味的🍜絕對是值得耐心等待🤩。眼見老闆將預先調製好啲牛肋肉🥩切薄片，再用♨️火槍將五片薄牛肉由粉紅燒至焦香，入口傳來陣陣煄香👃🏻，肉質軟嫩💕，不會過韌，厚薄和生熟度都恰到好處。另一方面，🦐海蝦湯味道濃郁香甜，沒有味精，老闆烹調時已傳來撲鼻蝦香，加上香蔥及櫻花蝦，令香氣更上一層樓👃🏻，再配上掛汁的伊麵，🦐x🍜不能抗拒，湯汁一滴不留，推薦👍🏼。

今日攞咗日假要返阿囡學校家長日,等時間做facial,悶悶地又咁啱想試下呢間麵店今日天氣麻麻時晴時雨,晏晝2點幾出門口冇雨,去到門口又落一陣,但好好彩去到見到門口得4,5個人排隊,排一轉應該會入到去咁就排下啦玩住電話等,排15分鐘就入到去,比我預期快好多,因為見人等親都要1,2個鐘第一次都有望過下食評知道只得3款麵買,入到去就叫胡椒豬骨濃湯底(其實好掙扎又想食海蝦濃湯)但得一個人食都試唔到咁多款味店鋪雖然細但都企企理理,等咗大概10分鐘左右麵到啦,麵質係彈牙嘅,牛肉係用火熗燒到半仲有小小紅再加黑椒同海鹽係好食嘅,但我本人可能平時比較食得清淡,覺得個湯底比較咸,所以我自己應該會試完呢次就算啦

湯底極足料煲成，伊麵咬口極好，燒牛肉燒得啱啱好😋 本身對湯麵冇太大期待，但呢間真係💯！餐廳得一個老闆由廚房到樓面到收銀自己做哂，舖頭得三張二人枱，都等咗一陣先入得，不過咁好食都抵返哂！🤩餐牌得三款麵，但絕對係貴精不貴多！今次試咗兩款：胡椒豬骨濃湯伊麵，濃湯胡椒味好重，但又唔會太嗆喉，啲味較得啱啱好😋 金華火腿煲雞濃湯伊麵，金華火腿好入味，應該煲咗好耐，中式嘅湯又意外地同伊麵好夾，食完仲飲哂啲湯添😛

如果你鍾意食嘢，應該對呢個碟牛肉唔陌生，就係呢個相傳神級燒牛肉伊麵🤣 無第二樣嘢㗎啦，成間鋪就係賣呢個伊麵，但有三款湯底畀你揀，piggy就揀咗胡椒豬骨，好夠胡椒味但又唔太辣，個燒牛肉呢， 一面微燶一面粉紅色，一食落口piggy忍唔住叫咗出嚟🙈 對面個靚女都忍唔住話係呀好好食㗎🤣🤣🤣 就係咁又多個朋友🤪原來靚女成日嚟食仲推介金華火腿湯底俾piggy，睇嚟都要搵個好日子再嚟😬

呢間伊麵店真係我慕名而來！！因為網上好多人都話要排一個鐘先食到，所以喺佢未開門之前已經要來排定隊先🥲🥲建議大熱天時就唔好搵命博啦，因為見證住前面嘅女仔因為排得太耐而暈倒啊🫠🌟海蝦濃湯燒牛肉伊麵($85)好食就一定好食，因為老闆真係慢工出細貨，我哋喺出面排咗咁耐隊，就睇住佢整咁耐🤣好不容易排到入去，落咗單之後老闆先會燒香啲牛肉👍🏻👍🏻保證夠熱夠惹味！牛肉食落口又香又有油脂味，好好味呀🤩🤩至於湯底，睇呢個顏色都知夠濃😋蝦味當然十足，更唔會飲到味精味👍🏻👍🏻而麵底軟硬適中，用伊麵配合海蝦湯底，真係勁夾呀🤤📍總結：如果唔係太多人排隊真係想食多幾次呀🥺

呢間舖頭位於尖沙咀韓國街入面一間小店。全間店舖只有六個座位，三張二人枱。人手只有一位！老闆同時係廚師，亦都係接待員同清潔員！聽講開幕初期無論你幾時嚟總會見到門外有幾個客人等緊，有時候等候時間更加需要個幾至兩小時！（因為地方同人手真係有限）舖頭只有三碗麵可以選擇！分別最主要係個湯底！牛肉都係一樣！牛肉肉質都算唔錯！幾有牛肉味！老闆係用火槍將牛肉燒熟👍🏻不過我嗰日碟嘅牛肉的確比較生，個底比較生感覺似medium rare，面頭就OK嘅！如果大家唔想食咁生一定要同老闆講聲！講返個湯底先!今次叫左2碗麵💙海鮮濃湯伊麵飲落去嘅感覺就好似有好多隻櫻花蝦一樣，超級濃味！都唔算太口渴、太味！💚胡椒豬骨濃湯伊麵胡椒味有少少強勁，食落去感覺有啲辣兩款湯底比較我會選擇海鮮濃湯多啲👍🏻伊麵方面不算太掛湯，不過喺香港好少識到伊麵湯面，所以感覺都幾特別👍🏻🔵整體來講都覺得唔錯👍🏻不過要有心理準備等候時間會比較長!

見viu套<宵夜宵到過埋夜>介紹覺得好吸引，搵左個星期日去試試。2:00 鐘開門，唸住1:45早d到希望第一批入到，點知前面比我地早排隊既人已經好多，最後要等到第3批先入到，嗰時已經3:15。之前已經知道店主係一個人做曬所有嘢，有心理準備要等，只係黎到先知道店內得3張2人位，所以有d surprise，亦明白點解要等咁耐。我地叫左蝦濃湯燒牛肉伊麵，等左大概3-4個字。燒牛肉真係好好食，本身牛肉質素高，店主再用火槍炙燒，油脂同香味逼曬出黎🤤 伊麵質感正常，無乜特別。但蝦湯底真係有d失望，見comment好多都話好濃好好飲，但嗰日我食既湯底，顏色係好橙色，但味道就唔濃，可能期望太高，有失望到。總結，如果排咁耐隊，但overall 得牛肉比較出色，就未必會有下次喇。

海蝦濃湯roast beef伊麵湯底見到微橙色，先試一口湯，感受到大量海蝦頭連蝦膏長時間熬製湯底。 下一步將麵面的蔥花及櫻花蝦壓底沉入湯底撈勻，再試多一口湯連同少許櫻花蝦及蔥花。感受櫻花蝦將濃湯進一步提鮮，蔥花將油膩感以青草香消除。燒牛肉用火鎗只燒單面至半熟，向碗的一面完全生，表面鋪上蔥花及櫻花蝦。 可先襯熱先試一塊， 油脂感豐富，蔥花在此套餐解油去腥特別有作用。 要將蝦湯再進一步提鮮， 建議襯熱將成碗牛肉連蔥，櫻花蝦倒到蝦湯中。 之後再試第三口又再次升級的濃上濃，油上油的蝦湯。正式開食， 將伊麵慢慢夾到匙羹上，配以湯，蔥花，櫻花蝦，燒牛肉入口。 牛肉的油脂感及嫩滑口感配以海洋感十足的蝦湯，想不到廚師選用伊麵這種油炸蛋麵是為了用輕微的蛋味去進一步提鮮，再加上櫻花蝦加持下，這一口麵鮮味特濃特鮮但是特油！ 蔥花在此刻有關鍵性作用就是袪油除腥！ 凡是海鮮製作湯麵都要襯熱食，另外炙熱牛肉都係要在場現燒現食先有意思。 排隊現場食先可以體現到廚師的特有心思。 特別製作濃湯麵，香港地買少見少。評語：一路食一路感受到廚師的鋪排。 首先，不宜走蔥。 我猜測廚師是想獨孤一味將海鮮感最大化，然後用蔥花收皮

放工排咗一轉枱（6個位）嘅隊（約半個鐘）就食到啦！一坐低，好nice嘅老板就幫我哋落單，3張枱都一早諗好咗要咩，咁啱3張枱一齊都係一蝦一雞嘅組合😎😎😎。我揀咗蝦湯，男朋友揀咗金華火腿雞，個蝦湯好似落咗海量嘅蝦殼同頭去煲，好味到癲！而個金華火腿雞，我起碼偷咗5次嚟飲。每個麵都係配咗1份伊麵同一份牛肉，但如果有得揀，我可以俾哂啲牛同伊麵男朋友食，但我要哂兩碗湯！問咗老闆，開下午兩點，close at 10pm, 仲可以叫外賣！下次再嚟就大鑊，兩個湯都咁好味，要邊碗好？

海 三碗麵🇭🇰"人生三碗麵 人面•情面•場面"6人座位小店由店主一手打理🥹只賣3款濃湯麵🍜可見店主對食材同烹調嘅心思同專業🤍大家絕對要比多啲耐性🫶🏻每碗麵都係心機之作🥰﹎﹎﹎﹎﹎﹎﹎﹎﹎﹎﹎﹎﹎﹎﹎/海蝦濃湯𝑅𝑜𝑎𝑠𝑡 𝐵𝑒𝑒𝑓伊麵 $85/ (4.85/5)海蝦濃湯係店主炒香蝦殻蝦頭每日親自熬製🦐一飲就feel到鮮味爆發🌊足料海蝦鮮甜又有膏同海水味餘韻🍤重口味嘅多肉妹偏愛呢款🥰望落深橙色🧡店主做到濃郁而唔會太杰身 所以唔小心飲晒成碗都唔膩😋無味精唔會覺得口渴💦伊麵口感彈牙煙韌 比一般酒樓伊麵粗身少少 但係唔太掛湯🙈推介食法係一羹湯擺幾條麵成啖食☺️/金華火腿煲雞濃湯𝑅𝑜𝑎𝑠𝑡 𝐵𝑒𝑒𝑓伊麵 $85/ (4.4/5)比較清但係豐富層次感嘅湯底😍首先係金華火腿嘅鹹香 再慢慢飄出鮮甜嘅雞味同有雞嘅膠質🐣覺得如果有啲火腿條點綴吓會仲惹味🐖-𝑅𝑜𝑎𝑠𝑡 𝐵𝑒𝑒𝑓 (4.9/5)即切即用火槍炙燒嘅牛肋肉🥩油脂感豐富 牛味濃郁🐄薄切肉質好軟稔 煙燻同微焦嘅邊邊好香🔥簡單用鹽🧂同黑胡椒調味帶出牛味 夾埋蝦油 櫻花蝦🌸同葱味道昇華🤩﹎﹎﹎﹎﹎﹎﹎﹎﹎﹎﹎﹎﹎﹎﹎﹎