牛魔 🇯🇵燒肉唔一定要揀放題🤤尖沙咀牛魔lunch set燒肉套餐除咗抵食 仲要肉類好有水準種類豐富🤍餐廳好貼心係用日式無煙燒烤爐🍖食完都唔會好大陣油煙味 ﹎﹎﹎﹎﹎﹎﹎﹎﹎﹎﹎﹎﹎﹎ /燒肉自選定食 $248/ 7款盛: 和牛牛肩肉 胸腹 牛舌 豚肉五花 豬頸肉同雞腿肉🍗完全滿足到食肉獸 每款肉都有2-4塊絕對夠飽好滿足🫶🏻配上檸檬汁🍋燒肉汁同生菜🥬包住可以有唔同口味🥰 lunch set仲有牛骨湯 沙律同飯提供🍚 /牛魔燒肉盛盒 $246/ 澳洲和牛 部位亦好豐富同多選擇 和牛霜降 西冷最出色🥩油花油脂分布平均 肉質唔會韌 牛味又濃郁🐄有較肥同瘦嘅位置 balance唔驚膩 厚切牛舌煎完做到軟腍而帶點咬口 整體性價比好高 肉類新鮮🤤

🆃🅷🅴 🅶🆁🅸🅻🅻 🆁🅾🅾🅼 🇬🇧銅鑼灣舖裝修後好有格調 英倫風格好有feel🫶🏻推薦有儀式感慶祝🪅感覺高級但唔會令你好拘謹😌食物質素有水準 擺盤睇得出好有心思 ﹎﹎﹎﹎﹎﹎﹎﹎﹎﹎﹎﹎﹎﹎ /𝑩𝒆𝒆𝒇 𝑻𝒆𝒏𝒅𝒆𝒓𝒍𝒐𝒊𝒏 $308/ (4.7/5) 慢煮牛柳7成熟煎到粉嫩 好軟腍重牛味🐄厚身而且入口唔韌又鎖實肉汁🥩配牛肝菌汁同墨魚蒜汁🦑伴菜嘅杏鮑菇好juicy南瓜好甜🎃最特別嘅係可以自己揀刀 儀式感max🔪而且店主會比3款芥末醬 有偏辣或者soft嘅芥末籽💛 /𝑪𝒓𝒂𝒃 𝑴𝒆𝒂𝒕 𝑹𝒊𝒔𝒐𝒕𝒕𝒐 $248/ (4.8/5) 蟹鉗肉🦀️蟹黃忌廉南瓜🎃risotto 飯粒索晒creamy嘅汁但仍然保留有咬口 南瓜🎃清甜 蟹味濃郁🦀️餡料有足料嘅新鮮蟹肉碎同南瓜顆粒 仲有脆口南瓜籽 口感好豐富唔膩 /𝑭𝒐𝒊𝒆 𝑮𝒓𝒂𝒔 𝑻𝒆𝒓𝒓𝒊𝒏𝒆 $148/ (4.2/5) 鴨肝醬配黑梅醬 烤到酥脆嘅brioche法式麵包🥖鴨肝醬好creamy唔腥 夾酸甜梅醬好開胃解膩🫐鴨肝分量多到唔夠點🤭私心想要多啲包🍞 /𝑪𝒐𝒄𝒐𝒏𝒖𝒕 𝑵𝒐-𝒋𝒊𝒕𝒐/ mojito嘅mocktail版本🍸比平時青檸味fresh嘅多咗啲椰漿味🥥同香料 ﹎﹎﹎﹎﹎﹎﹎﹎﹎﹎﹎﹎﹎﹎﹎﹎

壺 🇹🇼"明月如玉 山水如茶"近期新開嘅文青風茶飲店🫶🏻主打特式果凍茶凍同配料 超多款式好創新🤤可以客製化自己想飲嘅味道 ﹎﹎﹎﹎﹎﹎﹎﹎﹎﹎﹎﹎﹎﹎ /熟成紅茶豆漿凍 $32/ 豆漿凍配以紅茶好清新☕️好有台灣早餐店嘅味道🇹🇼豆漿凍好滑 一齊飲好融洽 紅茶微甘得嚟唔會太苦澀☕️ /壺咖啡凍奶茶+杏仁凍 $42/ 杏仁凍好香 有淡淡嘅杏仁味 無藥水味🫶🏻好少見嗰個配料 配上咖啡凍奶茶有不同層次嘅感覺 /蜂蜜菊花凍/ /蝶豆花檸檬凍🍋/ 啫喱好有彈性動L嘅感覺🤤質地好滑溜唔好太硬 味道甜度都啱啱好 配搭埋百玉珍珠好煙韌口感豐富🤍蝶豆花紫色好啱打卡 而菊花嗰款清甜又養身🥰

和牛燒肉一郎 🇯🇵多款肉類🍖嘅燒肉放題 有唔同set可以揀🤤賣相好吸引 海鮮 甜品都好多選擇 ﹎﹎﹎﹎﹎﹎﹎﹎﹎﹎﹎﹎﹎﹎ /Course C $598/ 120分鐘燒肉放題首先會上一輪肉船拼盤同極上花盛盒🥩一共有110款食物🥰可以滿足你嘅胃口 日本🇯🇵黑毛和牛🐄唔同部位: 牛舌 一口牛 和牛五花等 絕對係好適合食肉獸 寶盒入面有頂級和牛西冷 油脂分布平均 色澤鮮艷輕輕一燒就好快熟 花盛盒有和牛肋肉 外橫膈膜肉同里脊肉等 可以試到唔同口感同肉質 建議各點一份試吓再跟自己口味瘋狂追加🤤 好大塊薄切大判壽喜燒牛里脊肉 配上溫泉蛋🥚有日式嘅感覺 鹹甜調味 海鮮就試咗扇貝 蝦🦐而蔬菜方面牛油🧈雜菌幾好食 份量都多🍄 飲品 甜品🍧方面都有好多選擇🥤解膩一流

🅣🅘🅟🅢🅨 🅣🅐🅟 🇭🇰viu tv戀愛staycation取過景嘅隱世酒吧🍺喺尖沙咀比較靜嘅位置 啱晒想同朋友👫chill吓傾吓偈🫶🏻 ﹎﹎﹎﹎﹎﹎﹎﹎﹎﹎﹎﹎﹎﹎ /Tipsy雞翼 $88/ 即炸熱辣辣超脆嘅雞翼 味道有啲似脆香雞翼但較濃味同大隻🤍 /芝士牛肉墨西哥餡餅🥙 $88/ 墨西哥🇲🇽餡餅餅皮軟熟帶少少煙韌 厚薄啱啱好 包住mozarella cheese同碎牛肉餡好夾 /烤無骨松露春雞🐣 $178/ 春雞烤到外皮好脆 切開啖啖肉又juicy🍗香料餣得好入味 配creamy芝士薯蓉🥔 /Berry Berry/ Tap beer可以揀260/ 420ml兩個size🫶🏻鍾意fruity啲嘅味道所以店主推介咗莓味偏酸甜嘅 好清新唔會好重麥味 /Make a Toast/ 芒果🥭味質地較杰身 甜甜哋好易入口 ﹎﹎﹎﹎﹎﹎﹎﹎﹎﹎﹎﹎﹎﹎﹎﹎

🅲🅾︎🅵🅵🅴🅴 🅱︎🆈 🆉🅸🅾︎🅽 🇭🇰地鐵站出口正對嘅cafe超方便 食物質素高特別係甜品🍮幾乎每枱必嗌🫶🏻work-friendly過嚟chill住做吓嘢好悠閒🤍 ﹎﹎﹎﹎﹎﹎﹎﹎﹎﹎﹎﹎﹎﹎ /𝑆𝑎𝑢𝑠𝑎𝑔𝑒 𝐿𝑖𝑛𝑔𝑢𝑖𝑛𝑒 𝑤𝑖𝑡ℎ 𝑇𝑜𝑚𝑎𝑡𝑜 𝐶𝑟𝑒𝑎𝑚 𝑆𝑎𝑢𝑐𝑒 $98/ 香濃足料嘅蕃茄cream sauce加上香腸片同煙肉🥓好襯 扁意粉🍝煮得好彈牙啱啱好🍅 /𝐴𝑣𝑜𝑐𝑎𝑑𝑜 𝑛 𝐴𝑛𝑔𝑢𝑠 𝐵𝑒𝑒𝑓 𝐵𝑢𝑟𝑔𝑒𝑟/ 牛油果🥑熟嘅程度好creamy好軟綿🤍牛肉漢堡🍔好厚身同實在 burger夾住嘅芝士🧀️菜同醬汁食落好豐富🤤 /𝑀𝑎𝑡𝑐ℎ𝑎 𝑛 𝑅𝑒𝑑 𝐵𝑒𝑎𝑛 𝐶𝑟𝑜𝑓𝑓𝑙𝑒 $108/ 必試嘅signature croffle🥐包留到牛角包酥皮嘅鬆脆 牛油味濃郁🧈抹茶醬🍵偏苦澀帶點回甘 加上甜甜哋嘅紅豆蓉好夾🫘雲呢拿雪糕🍦有種冰火嘅contrast❄️ /𝑀𝑎𝑡𝑐ℎ𝑎 𝐿𝑎𝑡𝑡𝑒/ /𝐻𝑎𝑧𝑒𝑙𝑛𝑢𝑡 𝐿𝑎𝑡𝑡𝑒/ 拉花係行可愛路線 好有誠意🤍hazelnut就略嫌有啲太甜🙈 weekday有lunch set有蘑菇忌廉湯同加飲品平啲 性價比好高☕️

貴緣小鍋米線🍜 🇭🇰忍唔住𝚎𝚗𝚌𝚘𝚛𝚎嘅米線小店 定期都會有新餸同小食 性價比高又好大碗🫶🏻 ﹎﹎﹎﹎﹎﹎﹎﹎﹎﹎﹎﹎﹎﹎ /招牌酸辣湯小鍋米線🍜 中辣/ 中辣酸辣湯底好出色 酸味好突出 米線煮得好煙韌唔會淋 秘製腩肉醃得入味 肥瘦均勻 肉質好腍 滷水大腸大大舊 肥膏邪惡有咬口 冬菇皇超厚身啖啖肉 吸湯一流 /招牌酸辣湯小鍋米線🍜 小辣/ 諗住對比吓所以嗌咗中同小辣 分別唔太大 但中辣比較適合愛辣人士 有後勁啲 豬軟骨炆到好腍好入味 每舊都有連住軟骨位同骨膠原 螺旋藻好掛湯又爽口 可以滿足下想食菜嘅癮又唔想咁悶🥦 豬紅滑身無腥味 唔會太鹹 /皮蛋豆腐/ 醬汁有啲似口水辣汁 加埋皮蛋碎粒同豆腐味道啱啱好 /貴緣雞絲火山🌋 $27/ 海量嘅手撕雞絲 質地好有口感唔鞋加上秘製酸辣汁濕潤又惹味💦 /時菜: 蠔油娃娃菜🥬/ ﹎﹎﹎﹎﹎﹎﹎﹎﹎﹎﹎﹎﹎﹎﹎﹎

8鍋臭臭鍋 🇹🇼夏天開住冷氣打邊爐好舒服✨好鍾意食台式臭豆腐有種好特別好爽嘅臭味🤤性價比好高嘅一人火鍋🍲每款鍋都有唔同配料好足料 同frd一齊可以試多啲湯底🤤 ﹎﹎﹎﹎﹎﹎﹎﹎﹎﹎﹎﹎﹎﹎ 除咗可以揀辣度🌶️仲可以揀肉類:牛肉 豚肉 雞同羊肉🐐而其他餸同配料就fix好 之後仲有主食:白飯 滷肉飯 粉絲/王子麵 包你一定食到好滿足🫶🏻 /招牌臭臭鍋 $119/ 湯底啖啖臭味越煲越濃味 好推薦有正宗嘅台式配料:臭豆腐好入味 鴨血滑溜 米血糕煙韌有咬口 /古早三杯鍋 $119/ 揀咗雞肉🍗分量好多又嫩滑 三杯湯底飲落好舒服唔會太濃味 配料甜不辣 凍豆腐都好出色💖 ﹎﹎﹎﹎﹎﹎﹎﹎﹎﹎﹎﹎﹎﹎﹎﹎

弦 🇯🇵日式簡約佈局 無諗過荃灣都有omakase食🍱每款食材都仔細介紹 好有心🤍每道菜都會慢慢上菜 節奏好好又唔洗食得太急🫶🏻 ﹎﹎﹎﹎﹎﹎﹎﹎﹎﹎﹎﹎﹎﹎ /8貫握壽司🍣 $380/ omakase套餐包括茶碗蒸 壽司 手卷 炸物同甜品 清新洋蔥湯🧅有啲柚子 比起一般用麵豉湯更fresh 師傅話更適合夏天無咁濃味 蟹肉茶碗蒸好嫩滑🦀️ 拖羅蓉手卷加入少少蘿蔔粒 解膩又令口感更豐富🎣 最推薦嘅壽司係海膽 完全無腥味🌊好甜又入口即溶 而甜品都好出色 當日慶祝生日所以試過兩款甜品🍧抹茶🍵雪糕🍦 豆腐布甸🍮配十勝紅豆🫘 白桃卷蛋 有甜品做結尾真係好滿足✨ /蒲燒鰻魚/ 當日時令食材師傅突然話有新鮮鰻魚 蒲燒醬唔會過甜搶走鰻魚本身嘅鮮甜味 食落啖啖肉好厚身 /炸池魚/ 肉質較結實 炸得好香口 炸粉薄到輕輕裹住 點啲沙律醬微酸好開胃🐠 ﹎﹎﹎﹎﹎﹎﹎﹎﹎﹎﹎﹎﹎﹎﹎﹎

八不 🇯🇵日式小店都提供到專人烹調壽喜燒嘅服務 坐定定就可以食到煮得啱啱好嘅靚牛🐄 ﹎﹎﹎﹎﹎﹎﹎﹎﹎﹎﹎﹎﹎﹎ /壽喜燒套餐 $288/ 店員推薦SRF美國🇺🇸和牛封門柳🐄部位唔太肥 但入口軟腍 牛味濃郁 店員好細心烹調教食客點煮 先用牛油起鑊再倒上少少壽喜燒汁煎牛肉薄片 鹹甜味道再點埋蛋汁好滑嫩💦 最後用鍋煮埋豐富嘅野菜拼盤🥬索晒湯汁精華好入味 二個人食就啱啱好🫶🏻最索汁係葛粉類似粉絲薯粉好煙韌 /吉列西班牙豬扒烏冬🐖 $88/ 好足料大份嘅炸豬扒 配上彈牙烏冬🍜 /吉列廣島蠔🦪 $78/ 好飽滿嘅蠔咬開爆汁 有4舊大大隻 炸得好鬆軟而入面好juicy🌊 ﹎﹎﹎﹎﹎﹎﹎﹎﹎﹎﹎﹎﹎﹎﹎﹎