海 三碗麵

營業中

休息中

呢間嘢叫「海 三碗麵」，淨係睇個名，完全唔會知到佢哋嘅牛肉片咁出色、麵底係用伊麵、同埋排隊排到好誇張😂📍先講講個牛！問咗老闆，選用咗肉眼位置😻，先煙燻過，再切片。上枱前仲做咗好多功夫：☝🏻落蒜蓉->落d油->火槍燒一燒，肉汁都已經開始出嚟✌🏻之後加蔥->再燒一燒->加櫻花蝦上到枱，勁香！火槍燒完之後，牛都仲係半熟左右；亦因為用咗肉眼，食落有咬口、唔會韌、牛肉味濃。配合煙燻香味、後加嘅蒜、櫻花蝦，令味道豐富、而不失平衡！😼📍 再講個麵，鋪頭放滿嘅麵餅，望落似油麵，煮完出來，是好彈牙、比較圓身嘅伊麵，選料同火候都很好！(平時食伊麵，好容易過腍，冇咬口。🤖)揀咗蝦湯底，都幾香濃海鮮味，留意到老闆𢳂湯時，都會隔一隔渣，估計都用咗唔少材料去煲。😊📍唯一缺點，店內得3張枱 (2/3人)，老闆每碗麵都精心制作，所以要有排好耐嘅準備，冇決心、冇耐性嘅，可以唔洗諗😜呢日我就5:30pm到，緊緊排到第3張枱，上一轉人走咗，就食到。非常欣賞專心做好幾款菜、有誠意、追求品質嘅小店，絕對要撐🥰

🍜🍜🍜一人主理拉麵店，單睇門口既餐牌，都會知道老闆老闆有一份執著同堅持成間鋪頭只有六個座位、三款拉麵，一個人負責烹調、清潔、執枱、落單，仲有時間同客人閒談，每樣野都做得仔細，井井有條海蝦濃湯Roast beef 伊麵 ($90)價格已調整伊麵唔會話太淋身，雖然濃湯唔掛麵，但單單飲湯都有好濃既鮮蝦味，一啖有湯有麵好滿足，食到中後段就會覺得少少膩忌廉蠔濃湯Roast beef 伊麵 ($110)價格已調整第一啖飲湯似忌廉湯，食到有一粒粒切細既蠔，好鮮味，同海蝦濃湯比較之下，湯可以掛到麵，味道無海蝦濃湯既咸，似品嚐緊芝士焗龍蝦既味道，個人比較喜歡依碗每碗配一碟另外上既燒牛肉，用火槍燒，驟眼睇見佢燒左一次，倒左蔥同櫻花蝦上面，再燒一次，隔左幾分鐘又再燒一次燒牛肉其實唔係好熱，可能預你浸一浸湯食，個面係熟哂，個底就少少紅紅地，感覺完全唔un 而且好淋雖然一碗麵等20分鐘，但完全感受到用心製作既堅持同信念

餐廳係老闆一人經營，入面只有三張二人台，我地當日係大概18:45 黎到開始排都差不多等左兩個鐘，如果大家想食嘅話強烈建議要提早黎排定隊啦。雖然係等左咁耐，不過真心有水準👍🏻 而且值得一讚係老闆好有禮貌😂海蝦濃湯伊麵配Roast beef ($90)：第一啖緊係試下個海蝦湯底先啦，蝦味濃郁飲得出係真材實料😋 伊麵唔會煮得太腍，保留到少許𡁻口，同蝦湯幾夾牛肋肉用火槍炙燒過，半生熟口感幾嫩滑，牛味香濃，連埋櫻花蝦同蔥花一齊食唔錯金華火腿煲雞濃湯伊麵配Roast beef ($90)：金華火腿雞湯底一樣真材實料，雞嘅鮮甜加上金華火腿嘅鹹香味，好味得黎又唔會有油膩感以依個質素黎講價錢十分合理，而且感覺到老闆嘅用心，值得再encore，不過就一定要好早黎排定隊啦~

不準時開鋪，很差出嚟說了兩點開，最後等到三點半都不開不理會人客在外面等後非常差，雖然我好支持小店．但一定要準時和顧給客人感受，以後不會再來。希望店主看到之後，有所改善

係尖沙咀金巴利道 有一間細細間嘅舖頭竟然❗️有碗❗️湯底好食到爆炸嘅伊麵🥹唔誇張 食左真係返唔到轉頭🥹三碗麵嘅分別只係個湯底 得2個人咁就食2碗啦😂海蝦濃湯Roast Beef伊麵 $90100分湯底☺️食到真係用幸福黎形容好重蝦香味 少少蝦甜味唔會死鹹濃郁得黎唔會好杰身忍唔住一口接一口🤤伊麵索左d湯汁入去麵條煙韌得黎易咬 食得好順口😍會好快食哂湯都俾我飲埋🙈Roast Beef用火槍炙燒過 一面生一面熟🙈好有牛香 少少油脂 肉質軟腍🥩加咗櫻花蝦同蔥 用黑椒鹽簡單調味啱哂我口味😍😍😋蕃茄濃湯牛肋骨Roast Beef 伊麵 $90唔好想像佢係用茄膏 同埋有一舊舊蕃茄係入面果種湯底一食落係好清甜 唔酸嘅蕃茄湯搭好似熬左好耐嘅牛骨湯味 2種味好match 一樣都係好好食🤤 2個湯相較之下 海蝦濃湯無得輸 會再去食😋大家如果想食到嘅就最好平日去 佢地開1500舖頭入面得3張枱 full左就要等啦老細友善幽默 見我地俾錢 d銀紙好新俾佢發現用左利是錢😂😂📍 海 三碗麵 尖沙咀金巴利街1D-1L號地舖

話說今日同老公一齊放假，又咁岩出開尖沙咀，便打算一嚐收藏左好耐既海三碗麵🍜我地起初以為開兩點，所以13:52已經到達排隊，成功排左第一、二(๑و•̀ω•́)و /可惜，漫長既等待才剛剛開始，看著老闆很專注地準備食材、認真地反覆煲湯試味.. 等到三點都未有開門的意欲，買左16:50戲飛既我地真係一度擔心會不會傍晚才開門( ･᷄ ֊ ･᷅ )不過，等左成個鐘又唔想放棄，唯有硬住頭皮等下去，幸好最後❗️15:35❗️我地終於可以入座⸝⋆/🌟海蝦濃湯Roast Beef伊麵 $90⭐️金華火腿煲雞濃湯Roast Beef伊麵 $90Roast Beef燒牛肉炙燒至脆邊，帶有黑椒和香草調味，提鮮卻不喧賓奪主👍🏻內裡半生的牛肉，柔軟滑嫩且牛味濃郁，加上鹹鮮的櫻花蝦乾，確實很不錯ჱ̒⸝⸝•̀֊•́⸝⸝)/最欣賞的是它的麵底！其實我都幾唔鍾意食伊麵，一黎食親都淋到似pat屎，二黎油炸太高卡🫣不過呢度既伊麵好爽身，即使我影左陣相，麵質軟綿得黎依然保持彈性，令我改觀❣️/湯底方面，我的海蝦濃湯比較清，唔係好杰身好濃郁果種，但好鮮甜；老公的雞湯就偏重口味，唔係好黏咀果種但好濃好香甜，個人而言偏愛濃雞湯多一點💕🤭/雖然等左兩個鐘

聽聞話呢一間舖頭好有性格，店主開唔開舖睇心情睇時咁啱早收工六點前去碰一下運氣。好好彩一去到有開仲要有位即刻衝入去坐埋最後一張枱。成間鋪唔大得三張枱坐到六個人。剩係得店主一個人打理間鋪。心諗點樣維到皮呀。啲面平均到$100一碗唔算平。但見佢夠膽咁樣開舖開個咁嘅價錢就試試佢。可以揀嘅選擇唔多今日有三款分別有海蝦濃湯，金華火腿雞湯，同期間限定，今期係忌廉蠔湯。今次就試吓佢個期間限定同埋個海蝦睇吓會唔會有驚喜。好好彩嗰張枱坐正喺廚房出面可以欣賞到店主煮嘢食嘅情況。見佢好細心咁樣將佢預先準備好嘅牛肉擺好盤，調味，再用火槍炙燒。未攞出嚟都已經聞到好香。頭頭尾尾店主用咗二十分鐘到去處理好晒我哋嘅order。D主角同埋嗰隻燒牛肉出到嚟嘅時候全間鋪都好香牛味。海蝦麵加左炒香左既櫻花蝦係面，一上到枱就聞到好香好香嘅蝦味。個橙紅色湯底加埋個氣味令到你食慾大增。將伊麵放落口真係食出濃郁嘅海蝦味，絕對唔係馬虎去做出嚟嘅一個湯底。個味道可以話係比一啲出名嘅雲吞麵湯底更加之出色。喜愛度(5分為滿分): 4.5至於個忌廉蠔湯伊麵奶白色，第一啖試個湯底有好鮮甜既蠔味，蠔肉新鮮唔腥，加埋個忌廉個感覺就係飲緊一個好濃郁嘅周

每次經過尖沙咀韓國街都見到好多人排隊既「海．三碗麵」，趁放假終於的起心肝嚟試一試😋舖面裝修好簡單，成間舖得3張二人枱，只有老闆一人打理，由落單到上菜都要俾D耐性，慢工出細貨。店內全部麵都係用伊麵做底，只有3款湯底選擇，所有湯底都係由老闆每日新鮮熬製10幾個鐘，絕對真材實料，冇加味精👍湯底分別有海蝦濃湯、金華火腿煲雞濃湯同埋1款期間限定，每碗麵都配有煙燻灸燒牛肉，今次試下海蝦濃湯伊麵($90)同埋金華火腿煲雞伊麵($90)🍜海蝦濃湯伊麵 $90湯底既蝦味非常濃郁，完全唔會覺得油膩👍飲得出係真材實料，熬足10幾個鐘，湯底完全吸收哂海蝦既精華😋又冇加味精，食哂成碗都唔會覺得口渴😊牛肉舖上櫻花蝦同埋蔥花，牛肉既份量好足，聞落有少少煙熏味，食落有油脂既香味，肉質都好軟腍，厚薄適中，配合碗麵一齊食，簡直係絕配🤩🌟 Lamlam脷指數 😋😋😋😋😋 (5/5)🍜金華火腿煲雞伊麵 $90一上枱就聞到好香既金華火腿味，第一啖飲個湯非常鮮甜，飲到雞既鮮味，食既時候仲會食到金華火腿絲，真係好足料🤩伊麵麵質彈牙煙韌，好掛湯👍金華火腿煲雞湯雖然冇海蝦濃湯咁重口味，但係金華火腿雞湯配合伊麵一齊食更加夾，鐘意食清淡D

大家想試呢間餐廳要有定心理準備,係考驗你既堅持💪🏻同腳骨力🦵🏻, 小編就等左1個鐘先食到, 鋪頭只有3張枱真係慢工出細🔥🍜 海蝦濃湯Roast Beef 伊麵 $90蝦湯好濃郁仲好有鮮味, 味道比較重🍜 金華火腿雞濃湯Roast Beef 伊麵 $90對比起蝦湯, 雞湯比較清香, 有金華火腿既咸香味, 好好飲🌟 小編揀既都係固定款, 而第三款會不定時更新涼湯底📍 海 三碗麵地址: 尖沙咀金巴利街1D-1L號地舖※※※※※※※※※※※※※※※※※※※※※※※※※※※

每日有三款自家製嘅湯底，海蝦濃湯同金華火腿湯底係固定嘅，麵同餸都係固定左係伊麵同燒牛肉燒牛肉係用火槍輕輕燒一燒表層，燒至半生熟，再用簡單嘅胡椒同鹽去調味，牛肉味幾濃，口感幾嫩伊麵口感煙韌，但係唔算好掛湯，所以建議一啖湯擺幾條麵一齊食🙈不過喺香港以伊麵做麵底嘅餐廳真係比較少，如果係鍾意食伊麵的話值得一試。▪️海蝦濃湯ʀᴏᴀsᴛ ʙᴇᴇғ伊麵 $𝟿𝟶用炒香咗嘅蝦殼蝦頭熬製而成既海蝦濃湯，蝦味好濃郁，好鮮甜，忍唔住飲晒成碗湯▪️金華火腿煲雞濃湯ʀᴏᴀsᴛ ʙᴇᴇғ 伊麵 $𝟿𝟶略嫌雞湯嘅味道有啲蓋過金華火腿嘅味道，但金華火腿味都入味，所以兩個湯底比較我會推介海蝦濃湯😙

店舖門外無營業時間，Google寫兩點，準時去到排第二，但門外仍掛上「稍後片刻」一等就由兩點等到三點，足足成粒鐘，見入面老闆似兩點先開始煮，門口寫人生三碗麵：人面、情面、場面，我就覺得老闆完全無人情面，由啲食客喺外邊等待，唔會出嚟解釋吓要等幾耐，又唔放人入去坐吓，而大多數食客應該就係睇咗食評或者youtuber 推薦先走嚟一嘗味道，結果中晒伏，而我就係越等越唔捨得離開，覺得都等咗咁耐，成件事好6uo！無下次！

海 三碗麵 📍尖沙咀金巴利街1D-1L號地舖━━━━━━━━━━━━━━━━━━━━━━━━━━━━比呢間老闆親自煮麵嘅麵店吸引咗好耐 呢度湯底係冇味精 仲用咗出面少見嘅伊麵做麵底😲嗰日平日夜晚六點幾嚟 最後都係七點幾先入座 入座大概再等十幾分鐘就有得食 留意返趕時間就唔好嚟啦 同埋記得帶現金❗━━━━━━━━━━━━━━━━━━━━━━━━━━━━🍜 海蝦濃湯Roast Beef伊麵▶︎ 蝦湯伊麵 灑上櫻花蝦乾同蔥 另外配上炙燒牛肉 ▶︎可以親眼見住老闆煮麵嘅過程👀 首先老闆會現切牛肉 擺落細碟度 跟住撒鹽同油 然後炙燒到變色 加蔥花 再燒多次 再加櫻花蝦乾 跟住就會去煮麵 大概幾十秒就撈出嚟 最後為麵加上濃湯 再略略燒返熱牛肉 ▶︎ 牛肉上檯有好香嘅炙燒味 不過覺得唔夠熱🤔 牛肉係有嚼口嘅 半熟不過有啲地方會有筋所以有啲難咬🫣 第一啖覺得偏鹹 之後就還好👌🏻 有淡淡胡椒味 ▶︎ 伊麵比較軟身 個人比較鐘意有咬口啲嘅麵🤫 不過幾掛汁同入味🤤 麵嘅分量偏少 食完有意猶未盡嘅感覺🤫▶︎ 幾鐘意嗰湯底 蝦味幾出同唔會好鹹 加上櫻花蝦蝦味更濃郁 食完真係唔會口渴🤩 好味指數:●●●●○━━━━━━

我唔知味道如何..淨係知道我1.45pm開始排隊..2.45pm都未開門..一係Openrice老點..一係老闆冇時間觀念..Any肥.. black listed..你全日好空閒嘅可以去試吓自己腳骨力..🤷🏻‍♀️

從網上媒體知道尖沙咀金巴利街開了一間本地麵店，雖然沒有雜誌大肆報道，但口碑出奇地好。據說，開業後一年下來，無論任何時段，想幫襯就一定要排隊，隨時要排一個鐘頭以上！小編不禁聯想起日本當地的人氣小店 ⋯⋯ 到底「海· 三碗麵」是否有其過人之處？又係唔係真係要排隊一粒鐘？今晚終於戚起心肝去一探究竟。小店位於金巴利街街尾，去到已經有六個人在排隊。以為人少少，等一會兒就可以入座；但小店實在太細，容納人數有限，晚上8點左右去到排隊，排到9:10左右才能入內！網上傳言真係冇呃人！拉開趟門先要行上三級樓梯。店內間隔很窄，左半邊是廚房，右半邊的僅餘空間就僻為座位區，勉強放下三張細方枱，同一時間只可以招呼6位客人。仍然不理解點解要排一粒鐘：6個人排隊，店內又剛好可以招呼6位客人；冇理由每個人要食一粒鐘㗎？一如麵店名字，餐牌只有三款麵，全部一律配搭燒牛肉及伊麵，分別只在湯底：海蝦濃湯（$90）、金華火腿煲雞濃湯（$90）及忌廉廣島蠔湯（$110）。前兩者係常駐餐牌，第三款湯底就不定期轉換口味，聽其他客人同老闆對話，原來早兩三個星期還是胡椒豬骨濃湯。小店只由兩個人運作。老闆娘負責落單、收拾枱面及其他瑣碎工作，

平時去尖沙咀都好想試下海三碗麵，但係入面只有6個座位，而且有好多人排隊，所以一直都冇機會食。今次見有時間就去排吓隊，7pm去到嘅時候前面有10個人，排緊嘅時候，一直都冇安排入座，所以好多個人放棄。等咗105分鐘，終於有得食。海蝦濃湯roast beef伊麵 ($90)嚟到嘅時候，蝦香味好濃，賣相好吸引。雖然牛肉不是貴價高質牛，但用火槍燒過牛肉，半生熟，肉質很嫩，味道不錯。湯的蝦味十足，但少了些層次。而伊麵食落較淋，沒有口感，應該煮的時間過長。😼小熊私心評分：78/100整體來說是不錯的，只係伊麵太腍，味道和服務都不錯。但係如果要排隊咁長時間的話，就應該不了。