海膽仔

營業中

休息中

今日路經新蒲崗，正想揾野食醫肚之際，就見到呢間海膽仔見到有午市定食，價錢又吾貴，就一於入去試下啦菜單既款式都好多，十分吸引，選擇困難呀，而且包埋麵豉湯，茶碗蒸，沙律菜，真係好豐富店內裝修簡單，堂食座位吾多，不過好有日本既風情先上麵豉湯同茶碗蒸。天氣涼飲一碗熱辣辣既湯，成身都暖笠笠。茶碗蒸蛋好嫩滑，而且用料十足，食完回味無窮沙律菜十分新鮮，越食越開胃主角上場了，精選刺身丼定食，都有一段時間冇食魚生了，第一啖就食我最鐘意既甜蝦，好有鮮味，完全吾會有雪味。帶子又夠晒肥美，食完個口仲留下陣陣既鮮味。其他既刺身都係冇得彈，食到日本既感覺。飯係用壽司飯，有少少酸酸地，同魚生一齊食係勁夾日式和牛漢堡扒定食，一望落去已經係色香味俱全。漢堡扒上面既醬汁好惹味，用黎撈飯係冇得輸，漢堡扒牛味十足，肉汁充滿左成塊扒，好味到停吾到口好耐冇食過咁滿足既日式定食，有機會一定再黎幫襯

近排鍾意同朋友去新蒲崗一帶搵好嘢食，呢區雖然係舊區，但都有好多新餐廳值得發掘。今次我哋就揀咗呢一間外表好光猛嘅日式餐廳。餐廳有分外賣同堂食兩部份，環境都幾乾淨。鹽燒鯖魚鹽燒鯖魚作為前菜唔錯，魚身燒得唔會好乾，配合埋檸檬汁，酸酸地嘅味道，好開胃彩虹卷呢個彩虹卷係幾款唔同嘅魚生做出嚟嘅卷物，賣相唔錯，而且份量亦都幾多牛油果軟殼蟹卷軟殼蟹非常脆口，食得出係新鮮製作。牛油果份量都幾多，兩樣野加埋一齊口感味道都唔錯。黑松露鵝肝炒飯黑松露味道都幾濃，而且炒飯炒得粒粒分明，作為主菜不失為一個好選擇。

星期六在黃大仙及新蒲崗附近行吓街，午飯時間見到一間日本店，午餐定食好抵食咁喎。定食我哋點咗：蒲燒鰻魚丼定食$98銀雪魚西京燒定食$98另外叫咗一小食：海膽炸豆腐$48我哋嘅定食包括埋沙律、麵豉湯、茶碗蒸。沙律菜好新鮮，沙律汁味道幾好，好開胃。另外麵豉湯裏面都有好多配料，同普通日式定食中嘅麵豉湯比更見心思。而茶碗蒸好好味，材料豐富，蛋好滑。到主菜喇！鰻魚飯非常吸引！鰻魚比較厚身以及肥美。鰻魚加白飯加鰻魚汁一齊放入口，勁正！係我在冬天特別愛吃☀️銀雪魚西京燒定食也唔錯，有淡淡的味噌及味醂香，連同魚油香味，加埋少少沙律醬點嚟食好好味。定食之外，由於店名叫「海膽仔」，我哋都想叫份有海膽嘅嘅小食。我哋睇睇下餐牌上面有咩廚師推介先最後決定叫炸海膽豆腐海膽豆腐都幾特別，用咗紫菜同粉漿包住滑滑嘅豆腐炸，再在中間放新鮮海膽，口感有層次😊這間店除咗堂食，亦有外賣。我哋這個星期六午餐時段來講，定食性價比高😊令人滿足的午餐豐富左我哋星期六的假期😊

今個假日去左新蒲崗呢一帶行下,相比以前呢到有唔少新餐廳進駐.行過見到呢間有做外賣及堂食既壽司刺身食材店內既魚生望落都好新鮮而且價錢亦都唔算貴,就決定入去試下個lunch.蔥拖羅海膽三色丼定食新鮮粉嫩既拖羅蓉上配搭晶瑩剔透既三文魚籽及珍貴既海膽見到都已經流晒口水.粉嫩拖中帶點淡紅既拖羅魚肉,除左打成蓉既綿滑感外亦帶點新鮮魚肉既彈牙感,令層次感更豐富.拖羅魚蓉香嫩,入口肥美富魚油甘香.味道無一絲腥味或鐵銹味.加少少醬油再配上蔥花及白芝麻粒,簡簡單單已經相當美味.以呢個平民價食到咁高質素既拖羅魚蓉真係抵.三文魚籽粒粒飽滿,清澈通透.外層輕輕一咬而破,內裏充滿海洋鮮味又甘甜既魚油立即滲入口腔內,馥香魚甜.海膽唔會霉爛,入口甘香而不腥臭而且質感順滑細緻.什錦角切魚生丼定食醋飯上鋪滿粒飽滿又富有光澤既魚生,有三文魚,吞拿魚,油甘魚,八爪魚,蟹籽,青瓜及玉子粒.刺身新鮮甘香,入口嫩滑帶有彈性.加上爽膽青瓜及蟹籽增添左份爽膽感,清新又美味.醋飯晶瑩飽滿,醋香味不過酸又略帶甘甜,十分開胃.定食內含沙律,茶碗蒸及麵豉湯.茶碗蒸內既蒸蛋夠香滑,放入口直接滑入喉嚨.略嫌高湯及蛋味唔夠香濃,味道偏淡.

今天又到九龍灣工作，新蒲崗有間海膽仔，網上看到評價不錯的，所以就和同事去一試了。這裏的裝修充滿日式風情，環境乾淨衛生。還有外賣壽司拼盤👍🏼👍🏼我覺得午市套餐非常抵，因為配上沙律、麵豉湯及茶碗蒸，而且免收加一 ，性價比非常高。沙律和麵豉湯就一貫的質素，反而茶碗蒸比我想像中滑，有如豆腐花一樣，真的驚喜。燒牛肉定食燒牛肉的質素不錯，牛肉的脂肪分布平均，絕不是平價牛肉可相比，配上洋蔥絲和醬汁後，吸收了牛肉和洋蔥的醬汁後，珍珠飯甜甜的，好味。雜錦壽司定食配麵這雜錦壽司有三文魚、鰻魚、帆立貝、海膽、赤蝦和魚籽等等，肉質新鮮，只是$118！而且還配上麵條， 拉麵彈牙、配上海帶、粟米粒和蔥等等，非常滋味。特式鰻魚卷驚喜之作，鰻魚是燒過的，有陣陣的焦香味，而且飯卷中有青瓜絲，吃起來清新，喜歡。

屋企附近開左一間新既日本餐廳，望落去光猛同大，感覺唔錯，就約埋朋友一齊去食dinner。打開餐牌，見到有好多好吸引既日本菜！呢個自選魚生丼真係好正，可以自己揀鐘意既魚生，最少叫到$48就ok，平有平食，貴有貴食，好flexible ！我地揀左三款魚生，包括有三文魚腩、吞拿魚同埋海膽！我覺得呢間餐廳一定要試下佢既海膽，佢叫得海膽仔，就真係名副其實，海膽非常新鮮，入口即溶，濃郁既海膽就喺口中化開，超正！另外仲點左牛油果軟殼蟹卷，軟殼蟹炸到好香脆，卷上面有切成薄片既牛油果，成個卷物層次豐富，一啖放入口，慢慢品嘗，正！最後，仲有呢個蟹膏海鮮炒飯，炒飯份量好大，勁抵食，而且入面好足料，有好多海鮮，蟹膏令到成碗飯好香，炒飯又粒粒分明，好惹味！

今日黎到海膽仔食lunch，黎到見到是日精選有松葉蟹鍋配白飯，只係$78！諗都唔諗就叫咗！另外叫左碳燒雞扒烏冬定食同銀雪魚西京燒定食。每份餐跟沙律、麵豉湯同茶碗蒸旦。沙律既菜幾新鮮，麻醬都好濃👍🏻茶碗蒸旦好滑😋碳燒雞扒既調味唔錯，甜甜地，個皮都燒得好味！亦無雪藏味！烏冬好爽滑👍🏻亦都好有誠意，有齊粟米、昆布、菜👍🏻松葉蟹鍋令我喜出望外，一送到上枱已經見到有大大隻蟹鉗，亦有好多真蟹肉。一發掘之下，原來成鍋都係蟹！太多了吧？只係$78！肉質亦都唔錯！鍋底仲有d冬粉👍🏻 性價比超高！銀雪魚西京燒亦都高質！調味唔錯，肉質滑！服務員都非常好，會主動幫助我地加熱茶同收走多餘既碗碟，因為二人枱唔夠位放3份定食🤣仲好貼心地最後先出第三個餐比我地😂另外，一入門口有外賣壽司、海膽、日式甜品賣，賣相看似不錯，下次可以一試！👍🏻

傍晚路經新蒲崗，見到門面非常耀眼的海膽仔，剛好正在想念日本美食，於是入內用膳。 餐廳清晰地劃分了兩個區域，前半部是外賣區，供客人揀選已製好的壽司等美食，可以快捷地買到心頭好。後半部是堂食區，滿滿日式風情的裝修中，享用大廚即時新鮮烹調的和食。除了在外賣區見到的凍食之外，餐廳亦提供各款燒物等熱騰騰食物。這天叫了一碗自選魚生丼飯，特色在於可以自選海鮮，按價格分為「北」、「海」、「道」三類。這個組合有三片鯛魚、海膽、牡丹蝦、大拖羅和蟹肉。鯛魚口感爽脆，海膽鮮甜細滑，牡丹蝦清香可口，大拖羅肥美幼細，蟹肉拆得細緻，入口啖啖肉，十分新鮮。飯底份量剛好，味道不會太酸，恰到好處。加HKD8配送沙律和罐裝汽水，可樂、雪碧或忌廉三揀一。沙律為這餐補給纖維，沒有加太多醬汁，讓味道維持在清淡水平。汽水則揀了可樂，不是太冰，是適合個人口味的選擇。另外還吃了一口煮鮑魚。上碟時，鮑魚已被一分為二，方便食用。鮑魚鮮味十足，肉質爽甜，矜貴之選。

新蒲崗一向以較平民地道嘅餐廳為主，而前排呢到就新開左間日本菜，質素不錯，值得一試。一入餐廳，經過外賣區域之後就到堂食嘅位置。堂食座位數目不多，大概只可以坐20人左右。外賣壽司、手卷及魚生飯嘅選擇都唔少。我哋嗌左三款壽司分別係海膽軍艦、赤螺片軍艦及吞拿魚赤身壽司。魚生嘅質素不錯，有鮮甜味。一口煮鮑魚～用日式醬汁長時間炮製，食落口甜甜地，配上鮑魚本身既鮮甜味，非常之夾。黑松露鵝肝炒飯～除咗面頭大大塊鵝肝之外，炒飯入面仲有不少鵝肝粒，可見餐廳用料都幾大方👍🏻個炒飯炒得非常之香口乾身，每一啖都有黑松露嘅香味，屬水準之作！跟炒飯仲配有一碗麵豉湯，入面都是十分足料👍🏻

想買刺身返屋企加餸 新蒲崗好多都係食壽司 於是係openrice搵到依間新開有得外賣刺身鋪面好光猛好易搵 同旁邊嘅街坊小店好有對比可以外賣嘅壽司款式都唔少 價錢都ok但我主要睇刺身 眼見除左原條三文魚同海膽 就冇其他選擇我問店員佢話其他刺身要即叫即整海膽都有好幾款 （豐儉由人）心水墨西哥紫海膽同馬糞海膽，都係$158（最平款式）我大鄉里問店員有咩唔分別佢好簡單咁答我馬糞甜啲濃味啲，紫海膽清啲。最後買左紫海膽。（我之後上網睇其實入秋係食馬糞海膽，夏季食紫海膽，咁各人口味唔同得個知字啦）最有誠意係個包裝，個冰袋仲大過我底海膽講返個紫海膽，味道好清甜易入口，屋企人都滿意（係唔知價錢前提下）

今日午餐有時間可以行遠啲食...去到新蒲崗可立中學附近...竟然見到有間新開壽司店...見佢出邊嘅海報都幾吸引所以就入去食淨係睇門面都好似好吸引入到去都有好多唔同定食或者壽司嘅介紹我就叫咗自選刺身飯我叫咗兩客三文魚...一客大頭蝦同埋帶子...食落去都幾新鮮不過魚生略嫌搏咗少少亦都會有一個前菜沙律和汽水贈送淨係食刺身飯唔係太飽....所以我哋都叫多幾客壽司....我最欣賞嗰灸燒帶子...真係好口肉

話說今日實在太想食bagel🥯 所以去左新蒲崗行下同食野～行行下就發現海膽仔，感覺鋪位幾大，而且$58起就食到一個定食，我地就決定去試下喇！一入去就見到兩邊雪櫃！左邊係放住外賣既壽司🍣，右邊放住各款生蠔🦪 全部都好吸引啊，有諗過食完唔夠喉，再買外賣番屋企食，不過最後冇咁做，因為食到好飽啊😆一坐低就俾成行無臉男吸引🤩講下我地食左咩啦💁🏽‍♀️我地兩個人叫左一個小食+兩個套餐！➿明太子玉子燒 ($68)呢個玉子燒既色澤、密度、嫩滑度都做得好好！明太子量多，就咁食可能會覺得好鹹，但加埋d蘿蔔蓉一齊食就岩岩好！所有套餐都有配沙律、麵豉湯同埋茶碗蒸➿沙律伴醋，酸酸甜甜，開胃！➿麵豉湯好多料，有少見既紅蘿蔔絲、椰菜絲、豆腐粒、海帶等等⋯⋯➿茶碗蒸蛋質滑溜！茶碗蒸上面有蟹柳同冬菇絲，仲有一小舊肥豬肉(應該係！)，食落去好似咸肉糉入面既肥肉，有脂香味，好特別！➿什錦壽司定食 ($118)有八款壽司咁多，質素Ok，仲要附上一碗熱烏冬，呢個價錢黎講，絕對係大件夾抵食啊😆👍🏽唔食得生冷野既我揀左👇🏽➿日式和牛漢堡扒定食 ($58)漢堡扒肉質軟腍，加上少量既燒汁，所以整體幾濕潤！仲有附上炒椰菜平衡下，有菜有肉又

因為限聚和質素參差好耐沒有食放題，掛住日本嘢，今日中午就食返餐日本嘢。呢間新開張喺新蒲江，價錢合理得來食物仲好有心思。食得日本嘢點都要食下魚生。叫個刺身拼盤。全部餐都跟麵矢湯、沙律同茶碗蒸（類似蒸蛋）。刺身仲跟白飯，一定夠飽。Wasabi都係鮮山葵即磨，唔係化學合成那種膠味的。用得海膽做鋪頭名舊海膽真係又大又多。入口綿滑香濃。有心思的地方就是部分刺身有鮮檸檬配搭，輕輕吸了檸檬汁，讓食材鮮味更加突出。意猶未盡再叫多個平時放題都會叫的牛肉鍋。想不到呢個更加驚喜。牛肉是厚身的鮮嫩滑牛。牛肉份量仲好多，和放題那些得2片薄chit chit肥牛差得遠。湯汁超鮮甜，加埋蛋醬更多變化。除了烏冬，居然還有另一種粉，類似薯粉但很爽脆，而且同樣掛湯。不會讓你吃到悶，一直吃都很有食慾。午餐還免加一，這個牛肉鍋真是抵到爛。

喺出面睇我以為得外賣或者得幾個bar檯位嗰種但原來入面係咁闊落呀姐話樓上仲有一層搞party都夠位一睇門口嘅外賣就知佢實有刺身但原來有埋日式炒飯同串燒已經開始入冬原來係用石鍋上儲熱力好好直至我食完 個飯都仲係新鮮滾熱辣鰻魚飯最怕得飯冇鰻魚一係就有鰻魚但多骨 或者太薄冇口感一係就鰻魚汁嘅甜係死甜佢呢個飯係極足料除咗有碎上嘅鰻魚仲有一大塊厚身嘅鰻魚肉而且真係好大碗飯粒吸收哂鰻魚汁 但都保持到粒粒分明 仲有個青紅蘿蔔海帶豆腐味噌湯跟埋食完好暖笠笠露筍豚肉串估唔到佢地嘅串燒都真係有串燒店水準呀姐service好好亦好細心下次試埋餐廳名嘅海膽先可能就係唔近鐵嘅地方先有咁平咁好食嘅日式餐廳

新蒲崗有一間日本餐廳海膽仔，前面賣外賣壽司、海膽、生蠔等等，後面就係堂食。餐廳座位雖然唔多，但裝修充滿日本風格，坐落都幾舒服。卷物種類不少，我哋叫咗一客彩虹卷，一客牛油果軟殼蟹卷，味道唔錯，份量亦多，性價比不俗。彩虹卷由兩種魚生組成，都幾新鮮。牛油果軟殼蟹卷口感豐富，軟殼蟹亦炸得香脆。和牛壽喜燒鍋大大份，牛肉味濃，但壽喜燒湯底頗稀，雞蛋亦放在鍋裏而不是每人一隻蘸來吃，好似變成蛋花湯。黑松露鵝肝炒飯，鵝肝油脂甘香，除了飯面上的一片大鵝肝，飯中亦夾有一些小鵝肝，加上黑松露的香味，非常惹味。 鹽燒鯖魚，調味適中