海膽仔

營業中

休息中

今日經開新蒲崗順道食個午餐，見到有間日本餐廳，就入去試下😋門外裝修很有日本風格，店舖內還有外賣壽司刺身😍餐牌上有多款日式定食選擇，還有拉麵🍜價錢亦都很合理和風沙律🥗沙律菜新鮮爽口，蕃茄鮮甜很開胃😋刺身定食刺身有五款，三文魚、帶子、鯛魚、北寄貝和牡丹蝦，份量亦不少，三文魚厚切肥美，北寄貝爽口鮮甜，牡丹蝦咬落啖啖肉非常爽口，款款刺身新鮮美味😋自家製叉燒烏冬叉燒肥瘦比例平均，糖心蛋超軟滑流心黃，咬落油脂滲出，香口無比，肉質嫩滑，湯底香濃😋烏冬套餐還包括兩件壽司非常抵食👍壽司飯好香入口軟綿綿。最後飲番罐有汽橙汁，超滿足👍

依間新開冇幾耐既日本刺身店，突然想食日本野既時候值得一試，今次叫左兩個刺身丼飯，其實刺身既配搭都已經十分多款，隻隻都想試下。- - - - - - - - - - - - - - - - - - - - - - - --三文魚大蝦帶子丼🍣 ($88)一黎到見到個份量對我黎講已經好滿意，附帶既昆布蜆湯都好鮮甜，湯底起碼飲唔到味精既感覺，十分清甜。飯既係少少凍凍地，醋既酸度係啱啱好，所以我好快咁就已經「爬」曬啲飯，食日本野我覺得醋飯都係一個精髓，而三文魚都算厚切，起碼好似我依啲大漢都要分兩次先食完一舊，肉質還可以但係我個人鍾意再肥少少，蝦同帶子都算鮮甜，但係可能因為我地比較遲食lunch，帶子同蝦既口感就偏乾，似係風乾左少少，但係鮮甜味仲有保留，係少左濕潤度。總括來講，食完成個餐男仔黎講都已經夠飽，如果突然想食日本野，依間都唔錯，價錢都算平，Cp值唔錯。-空運集錦丼($98)依個係另外一位同事食既，但係佢都好割愛，比左dd海膽我，話曬依間都係主打海膽，海膽夠鮮甜，果然係招牌菜，但係我個人就唔鍾意海膽同飯一齊食，因為飯會搶走海膽既鮮甜同海水味。以依個價錢黎講都叫平民價。

沙律最開心嘅係唔單只係胡麻醬，有個甜甜酸酸嘅汁，真心做到開胃嘅感覺，而唔係Only得嘅菜。番茄🍅切得夠薄，幾好。餐湯　個湯原本以為係麵豉湯，但是真心surprise: 係海帶蜆肉湯。蜆仲要係連殼，似係新鮮咁。飲落去好清澈舒服，唔似麵鼓湯好多粉嘅Feel。刺身定食（$118)勝在樣樣都有：三文魚、吞拿魚，帶子、虎蝦⋯⋯有啲我Identify唔到 
新鮮 海膽三色丼1 既然叫得做海膽仔，真心想試。雖然係一版海膽，但係真心夠食和夠新鮮，唔會腥。2 醃黃蘿蔔　好食左於唔太硬，夠霖，口感幾好。配菜都做得好3 三文魚腩蓉係好食，不過想香蒽多啲就更好。4 紫菜有四塊，可以自製小壽司🍣包住嚟食添。5 白飯係食夠飽，我5:00食做dinner 都夠知大

呢間好多款海膽賣嘅壽司店嘅午市套餐真係好抵食🤤🤤🤤👍👍普通一個牛肉丼飯，雞肉丼飯丫，58蚊就得啦！雜錦壽司定食118蚊，特上刺身定食就148蚊。真係好抵。我叫左雜錦壽司定食。佢有八嚿壽司。前菜有湯，沙律，蒸蛋，仲有一個烏冬！多野食到不得了🤤🤤🤤 我首先食左啲熱野暖下個胃，個烏冬個湯底係豉油湯底，咸咸甜甜甘好味，面質彈牙。 食完前菜，要試下我期待已久嘅壽司！佢有八嚿！冇1嚿係卷物嚟嫁，一啲都唔欺場。個海膽壽司好味，不枉間舖頭叫海膽仔。海膽大件，creamy,鮮甜。 仲有一嚿火焰魚腩嘅物體。 油脂豐富。整體新鮮大嚿抵食。值得一試！鮑魚凍凍地，唔Un，好入味，好淋身，好味。

新蒲崗又新開左間壽司店，原本同朋友路過想買些壽司食下，見佢裡面有堂食，於是同朋友坐低睇下仲有咩岩食先，見到出面魚生檔既魚生幾新鮮，於是朋友就點左幾款魚生配飯食，我就睇中左蟹膏海鮮炒飯，感覺係度食既蟹膏應該更加有味道同美味，我地仲叫左碟燒雞翼，一串有兩隻，同朋友可以share食到，係餐牌內係搵唔到飲品的，要係出面外賣部既飲品機自己揀，飲品機內好多款特色日本飲品，全部都好想試，最後揀左櫻花可樂，朋友就揀左哈蜜瓜味汽水，拎到埋枱食物巳上場。朋友好鐘意食蝦，所以魚生飯選左三款唔同既蝦品嚐，分別有海膽蝦、赤蝦、虎蝦仲有松葉蟹鉗，配上日本珍珠米，軟糯美味。蟹膏海鮮炒飯，飯面佈滿幼幼的蔥絲，蛋花、蟹膏、蟹肉同細蝦仔混合埋一起炒，蟹膏輕易見到，唔會得個名，真材實料，炒完放在石鍋碗中保持溫暖和香味，食落味道剛好，唔會咸，珍珠米軟糯可口，而且飯每粒都係散開，唔係痴埋一嚿嚿，炒得非常靚。

今日去開新蒲崗工廠區嗰邊做嘢，放工時間諗住喺附近食埋飯。新蒲崗嘅地舖食肆都算選擇多，主要做街坊生意，行吓行吓見到呢間叫「海膽仔」門面都幾光鮮新淨，見今日都有啲心情想食日本嘢，就俾佢吸引咗入去。餐廳提供嘅都係大路既日式食物，有刺身、壽司、串燒、鍋物、飯及烏冬等等。先來幾件壽司開下胃先，赤身油脂不算多，同拖羅冇得比，不過一分錢一分貨係正常嘅海膽雖然唔係北海道海膽，不過都有甜味，亦都唔腥；螺片就中規中矩，正常貨色。串燒燒得香口惹味，牛舌係我嘅最愛，又爽又嫩炸雞軟骨亦做得非常出色，炸粉做得又乾又脆，調味亦恰到好處，總括而言係滿意嘅一餐。

因為工作關係踏足了新蒲崗這個地方，在lunch time誤打誤撞走咗去間叫海膽仔的日本餐廳，一入到去就見到好多唔同產地嘅海膽，有常見的加拿大海膽，好大片☺️，北海道海膽，賣相好靚☺️，就連墨西哥海膽都有👍🏻，如果今晚開party必買😆。再行入d就有坐位堂食，裝修不錯，也有一些宮崎駿的動畫角色，靚。Lunch點了等上刺身定食，另一個同事點了松葉蟹鍋配白飯。刺身來了，睇到都覺得新鮮，還有海膽大大片😆，另外每片刺身都有一定的厚度，好有口感，正👍🏻，同事的松葉蟹鍋分量都好大份，而且好多蟹肉，撈飯一流👍🏻。臨走時忍唔着買了一板北海道海膽外賣😚。

行過新蒲崗,發現呢間新開嘅海膽仔日本餐廳~門口有banner lunch定食都幾吸引位置都算方便,近黃大仙同新蒲崗交界2個定食都有味噌湯,茶碗蛋,沙律牛肉壽喜鍋 ($68)多牛肉,個鍋湯好甜加上牛肉鮮味同隻蛋👍👍又有蔬菜同粉絲浦燒鰻魚丼定食($98)成大大條鰻魚,淋得嚟有彈性嘅肉質係個鰻魚汁略為少左啲飯放一陣先食會好啲,乾食啲牛油果軟穀蟹卷 ($68)好好食!入面包軟殼蟹,上面放牛油果,仲有蟹籽,新鮮嘅味道!啲定食好大份,食到好飽好滿足!超值💯Recommendation rating (out of 5):

記憶中我都有好幾年冇到過新蒲崗🤔新浦崗比我嘅印象係周圍都係工廠大廈🏭，今日約咗朋友下午茶、所以過咗嚟！之後就喺附近周圍行吓、買吓日用品，好快已經晚飯時間，行到衍慶街附近遠距離見到一間招牌同門面都好光猛嘅食店原來係一間叫海膽仔嘅日本餐廳，本身諗住行多一陣至食晚飯🥣，因為食完下午茶☕️冇耐，但望入去見到有個好大嘅雪櫃擺放咗好多外賣壽司🍣吸引咗好多人買外賣🥡，眼前擺放咗好多不同款式嘅外賣壽司拼盤同魚生、令我想買外賣夀司回家食，但因為回到家中都要一段時間，驚會變壞、最終我決定堂食，唔知係咪因為招牌所以擺放特別多海膽外賣，賣相吸引一個人食選擇咗幾款：甜蝦壽司鰻魚壽司八爪魚壽司三文魚子夀司海膽壽司是不可缺少夀司飯不散、每款都新鮮，只係紫菜唔夠脆

什錦壽司定食賣相睇落已經令人好開心，$100頭既lunch set 有海膽有烏冬仲有前菜真係唔知邊到搵海膽新鮮幾creamy 無苦澀味，帶子同赤蝦都水準之上，其他壽司就不過不失，依個價錢依個質素絕對係非常好蔥拖羅海膽三色丼海膽同上面講既一樣，而且幾濃味，餐廳果然無改錯名蔥拖羅都食到好香既魚油味，肥瘦適中，配埋飯令人食指大動不過少少想講海膽同蔥拖羅既份量如圖所見有啲少，不過質素好價錢唔貴就要犧牲少少份量啦～前菜 (茶碗蒸/麵豉湯/沙律）所有lunch set 都包依三樣前菜，特別一提個茶碗蒸係好好食，配料豐富，味道唔會太咸，有蛋味有食材既香味，very good 啊！疫情期間，都特別講講佢既環境同衛生以一間街坊小鋪黎講，佢既衛生環境係幾唔錯，坐落令人舒適，一路食野都唔會被衛生情況distract 到～最後埋單$246 兩個人，有前菜有海膽，環境幾好係一餐幾滿意既午餐～支持小店

午餐定食不用收加一而且價錢合理，又大大份什錦刺身定食🍣有8件，每樣各一件分別有三文魚、甜蝦、帶子、海膽、赤身、大拖羅、油甘食、吞拿魚每一樣都很新鮮😍很鮮甜而且十分厚切，每一舊都很肥美😍一淡放入口😋套餐配烏冬，烏冬十分彈牙，配上昆布和蔥花8件壽司🍣配上一個烏冬，十分飽肚每個套餐都配麵豉湯，茶碗蒸茶碗蒸裏擺放蟹柳，菇🍄等，十分美味麵豉湯裹有很多雜料: 配上豆腐，蘿蔔絲等細沙律🥗小蕃茄、雜菜、粟米🌽配上芝麻醬是日精選$88日式便當🍱三文魚刺身3件、黑松露麵豉炒豬肉炒後豬肉十分惹味蛋黃醬青瓜絲厚切三件三文魚🍣同樣配上茶碗蒸、沙律🥗麵豉湯額外配上六件吞拿魚小件整個set十分豐富，而且性價比十分高

什錦壽司定食($118)有成8件唔同款式既壽司，放落口個下不得了，食得出食材好新鮮，海膽甜美，入口綿滑香濃，而且壽司握得厚實，唔會一夾就散；午市真係超抵食，仲送一碗湯烏冬，跟餐既茶碗蒸都好足料，蛋質滑溜，入裡仲有蟹柳同冬菇絲；麵豉湯都一樣放左好多料，湯味濃而不鹹日式和牛漢堡扒定食，除左有兩塊惹味漢堡扒，仲跟一碗白飯；漢堡扒爆肉汁，牛味十足，連埋醬汁送飯一流 燒活生壕，芝士加煙肉去燒，不過食落生壕仲係好重海水味 侍應姨姨態度好好，仲成日主動加水，又提我地小心食物太熱，等多陣先放落口，值得讚讚 

新工在新蒲崗番工，今天放工試試附近的一間日本餐廳餐廳門口有消毒液，十分細心餐廳內的裝修也十分有特色「燒一口日本蕃薯」先來一客小食日本蕃薯，蕃薯細細粒，味道香甜的容易入口，還很香牛油味「櫻花蝦炸豆腐」這菜有點fusion，超多櫻花蝦包住豆腐，外脆內軟，豆腐十分嫩滑，熱辣辣即炸即食，這個配搭特別得來又好美味「日式炒菜」菜的分量好多，而且充滿牛油香味，好味又健康「鰻魚炒飯 」達菜點了鰻魚炒飯，飯炒得幾乾身，加上香濃醬汁，有好多鰻魚肉，小塊的混在飯裏面，還有大塊的是十分的厚肉多汁，好味又抵食😋👍🏻這店無論壽司，飯或小食也選擇十分多，成為我心目中的食堂，哈哈，日後一定會常常來光顧！總結，是一間十分不錯的日本餐廳

海膽仔是新蒲崗的日式刺身壽司店，同時提供熟食，店內整潔明亮，仲要幾好招呼添！午市定食由$58起，仲免收加一，相當實惠！特上刺身定食 $148定食配沙律、麵豉湯、茶碗蒸同埋白飯，真係足料！特上刺身拼盤賣相精美，包括海膽、帶子、牡丹蝦、油甘魚、赤身、八爪魚、炙燒金目鯛同埋三文魚，冇諗過平民食堂都用上咁上乘嘅食材，當中的牡丹蝦、八爪魚、炙燒金目鯛同埋三文魚更是鮮甜無比！海膽的份量亦頗多，不愧為海膽仔！銀鱈魚西京燒定食 $98定食同樣配沙律、麵豉湯、茶碗蒸同埋白飯！銀鱈魚以西京燒的做法處理，魚皮煎至焦脆，而且非常香口！魚肉結實甜美仲相當Juicy，配埋沙律醬真係冇得彈，開胃到白飯都可以食多碗！

芒果三文魚卷 ~ $68芒果幾香甜，配埋三文魚。另外，個蝶有好多沙律醬，壽司配沙律醬甜甜地，幾好食，係我最鍾意食嘅配搭。椒鹽串燒雞中翼 ~ $36呢度啲串燒即刻燒出嚟，熱辣辣嘅，雞翼燒得好香脆，有兩隻，串燒燒出嚟嘅雞翼永遠都係咁好食。三文魚壽司 ~ $28鰻魚壽司 ~ $48餐廳環境靜靜地，人唔算太多，用咗日式裝修風格，見到有啲日式嘅擺设。另外，呢度有做外賣壽司，可以一盒一盒噉買，有8件啊，10件啊，適合冇時間的人，可以買返屋企食。