海膽仔

營業中

休息中

放假約咗友人去行山，上網見到附近有間日本餐廳，就拉埋友人喺出發前試下先。餐廳佈置充滿日本風， 無臉男嘅擺設好得意。全日定食set有十幾款，配有和風沙律同餐湯。野菜沙律好新鮮爽口，淋上沙律汁味道夠酸好開胃。麵豉湯嘅湯料好足，有軟滑嘅豆腐粒、脆嫩嘅海帶同鮮甜肥美嘅蜆。一場嚟到梗係要試下招牌海膽，我就揀咗海膽三色丼。三色主要係指海膽、三文魚籽同吞拿魚蓉。海膽顏色鮮明，食落好鮮甜。三文魚籽粒粒晶瑩通透，喺口中爆發濃郁鮮味。吞拿魚蓉份量夠多，用嚟撈飯一流！友人揀咗壽司定食，總共有八款共九件。每款壽司份量十足，刺身肥美，鮮味濃厚。最特別係有一款蟹膏壽司，入口有陣陣濃郁嘅香味，好好食！

因為要去九龍城處理些事情，所以就順便去位於新蒲崗嘅「海膽仔」吃Lunch 先，因為之前朋友介紹那裡的海膽幾好食🙂「海膽仔」店舖不大，但有bar 枱和入面也有幾張枱，堂食也合適的！他們也有外賣，生蠔，刺身等啊⋯⋯來「海膽仔」一定要試爆膽丼啦🤩$168 有一份日式沙律，味增海鮮湯或加$5 有一罐汽水或加$10轉波子汽水😋味增海鮮湯，鮮味足，蜆肉又新鮮日式沙律，沙律菜夠新鮮有兩大片蕃茄，作前菜夠醒胃😝爆膽丼，名副其實的爆膽丼，海膽份量足，又又大片，新鮮冇腥味👍🏻

新蒲崗出名多嘢食今次嚟到試吓呢間主打日式菜式嘅海膽仔價錢好抵食，最平$58就有交易餐廳每日都會有新鮮海鮮時價出售價錢望落好抵食餐湯好鮮甜沙律食落酸酸美美亦都好開胃前菜方面叫咗個日本海葡萄感覺好似去咗沖繩咁喺口入邊一粒粒爆開感覺感覺好得意海膽蝦壽司水準亦都唔錯三文魚腩手卷三文魚份量都好多煮食叫咗個秘製牛舌粒拉麵牛舌份量非常之多每一塊都係厚切口感好好最誇張係佢有個蘿蔔，醃製非常之入味將一個係白色嘅蘿蔔染成咁深色都想要相當耐嘅時間所以做到相當之入味另外跟餐會附送兩件太卷而另一個主食就叫咗刺身定食配白飯刺身嘅份量非常之多質素亦都係好好望落去好大件同埋好新鮮另外仲有大量嘅冰去將佢保鮮而擺盤亦都相當之好分量十足價錢亦都非常之親民

好耐冇食日本嘢，今日專程同朋友過嚟食個便飯，呢間海膽仔有多款熟食或刺身定食可選，價錢由$58起，不過我哋就梗係揀刺身啦！每個定食都會附送沙律同埋湯，當我以為係麵豉湯嘅時候打開竟然係蜆肉湯，出乎意料之外，都幾鮮甜，豆腐又夠滑，仲有少少海藻，唔錯唔錯。至於沙律就冇咩特別，都係沙律菜、蕃茄加上醋汁等等，都開胃嘅。刺身定食($118 ），有三文魚、煮王（我都唔係好識呢隻魚，係師傅教我的，唔知係咪咁寫呢！😝）、赤蝦、北寄貝和帶子，款式來講都算幾多，食材新鮮，而且碗飯仲好大碗！除此以外，間鋪叫得海膽仔，我梗係要試吓佢嘅海膽，佢有兩個定食都有海膽，最後我哋揀咗「爆膽丼」（ $168 ），果然勁多海膽！仲有魚子添！海膽有兩款，有塊版墊住嘅係加拿大海膽，另外直接放喺塊面上面嘅係加州海膽，兩者顏色上有少許分別，前者顏色較深，不過兩種都好鮮甜肥美新鮮，食得出加拿大海膽質地相對爽口啲。呢個價錢食到呢個份量和質素，好滿足呀！而且佢仲有得買外賣，如果唔得閒坐低食，買返屋企都好好呀。

大胃報復式狂食晚市，呢餐係第二日，冇得返鄉下，唯有連續兩晚都食吓家鄉菜啦，今次就去專食海膽嘅日本餐廳先睇到餐廳名，自然就會想食佢啲海膽，一嚟就爆膽丼，海膽大塊得驚人，肥美軟軟的攤在丼上，等待住食客蹂躪吞噬，但佢鮮味不帶腥味，大胃會好好地㗳真啲牛舌丼價錢唔貴，睇色水就知相當入味，蘿蔔入晒味啡晒，牛舌亦炆得軟身同濃味，鍾意腍身嘅朋友可以一試雖然兩個飯都好大碗，但都係想食吓壽司。左口魚邊係大胃必叫之一，呢間整得幾出色，油香同醬汁配合得好好另外，鵝肝鮮肥不在話下，配上燒汁簡直更上一層樓跟餐有埋沙律同湯送，配角嚟講，佢地絕對係搶fo，沙律新鮮得出奇，蕃茄尤為鮮甜湯更加估唔到唔係味噌湯，係蜆湯，簡樸得嚟又夠晒清甜要食嘅朋友可能要bk定位先，佢地未必接街外客㗎

這次在新蒲崗附近覓食，在可立中學附近有家日料小食。店舖環境不算很大，坐位大約有十多個🙈。除了堂食也有外賣供應。餐牌上有多款定食選擇，也有壽司/小食/串燒等等。💥刺身定食 HKD$118，上菜時看到大大盤的，裡面份量十足有多款不同的刺身。包括有：三文魚/油甘魚/吞拿魚/北寄貝/帶子/大蝦，刺身食材新鮮鮮味，簡單地配醬油吃已經不錯，吃完這個很飽😋。💥壽司定食 HKD$108，這個一份有十件壽司，包括有：海膽2件/三文魚/大蝦2件/帶子/鰻魚/吞拿魚蓉/卷物2件。食材也很新鮮，賣相也不錯，配醬油吃味道更鮮味😙。隨定食套餐會附送麵豉湯和沙律的，我們也吃到飽飽🙈。食物質素不錯，價錢一般，職員服務有禮😆。

成年無得去日本，去開新蒲崗發現新開日本菜，即時去食下先！門面簡約日本風。一睇以為只有外賣（有刺身便當，又有壽司，仲有蠔），都幾方便附近既工廠客。原來再行入啲係餐廳，餐牌選擇唔少，坐位寬敞。黎得海膽仔就梗係一定要食下海膽。今日叫左刺第定食同海膽三色丼。兩個set都包沙律同蜆肉麵豉湯。睇得出有心機整，沙律菜都非常新鮮，食到sok sok聲。海膽三色丼有海膽、三文魚子、吞拿魚蓉。海膽色澤光亮，味道甘甜，質感細膩，入口即溶，三文魚子粒粒都好飽滿，加埋新鮮充滿油脂感既吞拿魚蓉，配飯jeng呀！刺第定食有三文魚、油甘魚、帶子、吞拿魚 、蝦、赤貝，非常鮮甜，份量不小。帶子非常大粒，真係好滿足哦。同埋都要讚一下貼心既服務，洗手間都好乾淨。

之前食過呢間，覺得佢既熟食唔錯，今日試埋魚生同壽司先！叫左海膽三色丼有一板海膽，魚生蓉同魚子，餐廳主打海膽仔個海膽果然係唔錯，好夠新鮮，配埋魚生蓉同大大粒既魚子，每一啖都好幸福係跟沙律同海鮮湯海鮮湯有蜆肉，好夠料，鮮甜又夠熱百幾蚊有呢個質素lunch set性價比真係幾高！黑松露玫瑰花之戀賣相好精緻，比較得意既係用左吞拿魚，唔係三文魚，同黑松露都幾夾，仲有淡淡既玫瑰香中拖羅壽司 本身想叫大拖羅，但無貨就試下中拖羅，無咩根，幾夠嫩唔洗加一，開心😆😆

冇得去日本旅行好思鄉😢就嚟到呢間日本餐廳一解思鄉之愁😆一入到去見到有好多唔同海膽、壽司、丼飯，任君選擇🤙🏻裏面裝飾都好有日本嘅感覺😍今次我哋嗌咗三個定食，每個set都包湯同沙律😚個湯好足料，蜆都好新鮮🤩第一個set係刺身定食，有三文魚、吞拿魚、蝦、北寄貝同帆立貝，特別一讚帆立貝好大粒好鮮甜😚由於係定食，本身會附送埋一大碗白飯，大食嘅朋友都唔怕唔夠飽～呢個定食性價比 💯 第二個就係壽司定食，包咗餐廳招牌海膽壽司。另外想特別介紹蟹膏壽司，啖啖蟹膏味道好濃好新鮮😋仲有鰻魚壽司係去咗幼骨，鰻魚汁味較重😝而吞拿魚壽司同刺身食落口感唔同，個人嚟講比較鍾意壽司呢款比較幼細嘅口感~到最後就係日本黑豚肉眼定食。有秘製醬汁同沙律醬配搭，黑豚肉熱辣辣，炸得非常香口😝整體而言呢間日式餐廳都幾抵食，值得一試！

上星期六去咗新蒲崗食壽司。當日星期六，keep住好多街坊客，生意幾好。佢個名叫得海膽仔，梗係要試下佢嘅海膽啦！ 我叫左海膽壽司。佢舖左好大舊海膽喺面！個海膽好creamy, 好棉，好鮮甜，一啲都唔腥。不負佢叫海膽仔呢個名。其實佢仲有一板板嘅海膽比你takeaway。有墨西哥嘅，又有北海道嘅，總有一款啱你。串燒我叫左豬肉露筍卷。佢燒到剛剛好，好香口，露筍都好嫩口，冇渣。最後，我仲叫左牛肉烏冬鍋。個鍋有好多片牛，油脂分佈平均，冇根，牛味夠，幾好味。烏冬份量好足，塞滿個鍋甘濟，烏冬彈牙。個湯底係咸咸地嘅豉油湯底。配茶有幾種蔬菜。呢個烏冬鍋性價比幾高嘅。講埋餐廳環境啦，入面四四正正，有六張枱到，位同位中間都唔算迫嘅。餐廳衛生都幾好，連厠所都清潔得好乾淨。

我同朋友今日本身去Mikiki行街，但連所店真係食到厭，所以行入新蒲岡睇下有乜好嘢食!!行下行下就見到海膽仔! 我地都係日本控，即刻俾佢吸到入去，好耐之前見到海膽仔廣告，以為只係外賣日本直送海鮮，原來本身係間餐廳，有做堂食。刺身定食 $118有三文魚、北寄負、帶子、海老、吞拿魚、鯛魚全部都好大件，好新鮮，尤其係兩隻海老最出色! 海膽三色丼 $128海膽應該係加拿大海膽，配三文魚子同大量嘅吞拿魚蓉，份量絕對足夠!!!所有定食都配上海鮮湯同新鮮蕃茄沙律! 仲免收加一!! 我覺得呢個價錢好抵食，會再來呀👍👍👍

今日趁晏晝又出去兩個撐吓枱腳行吓街市經過呢間餐廳好似唔錯喎走入去試吓順便食下減肥餐😂都幾多選擇兩個人 老公淨係叫左個三文魚帶子蝦丼我就貪心啲 叫左三樣野呢度叫海膽仔梗係要試吓海膽啦所以叫咗個海膽手卷 同埋我最鍾意軟殼蟹所以叫左個軟殼蟹牛油果卷再加左個牛舌拉麵 跟餐仲會送個沙律同湯先講左個刺身丼 賣相好靚師傅對我地好好呀比左三文魚腩我地每粒帶子都夾住片檸檬 帶子又厚擺盤好靚 蝦又超大隻 又有三文魚子 用料好足好好食囉 仲要包湯同沙律呢個價錢好合理！海膽手卷 係一大舊海膽 唔係細細粒嗰隻真係好驚喜睇圖 唔使講都知正啦！海膽仔真係冇改錯名好鮮甜嘅海膽 😍😍牛油果都好靚 好香好滑同軟殼蟹真係好夾再配埋啲醬 無得頂老公完全唔食得我自己食晒所以個牛舌拉麵黎到嘅時候已經幾飽但都冇失望呀牛舌係超級厚切佢同蘿蔔一齊炆 不論蘿蔔定牛舌都一樣好入味好淋真係好滿足又一個豐富嘅午餐 而我最後沒有成功食到減肥餐😆😆

見新蒲崗呢間海膽仔開左一段時間都未試過，今次就試下佢啲野先🤗...都係啦... 又係冇得坐低食唯有買啲set餐... 壽司都係現場食過癮啲🤤... 汁燒雞扒飯...雞扒嫩口又唔嚡，都幾多件下...义燒拉麵... 平時义燒都係圓形同薄薄一塊嘅～而呢度就係厚厚嘅長條形.. 食落去質地淋身.. 本身有少少肥膏.. 好香好好味🤤👍🏻牛肉烏冬.. 上面牛肉好多塊.. 烏冬又彈牙... 仲有佢每個餐都跟沙律...湯..每碗入面都有兩隻蜆.. 好有誠意👍🏻.. 而沙律用左醋.. 酸酸甜甜夠哂開胃.. 仲有叫左個魚生飯.. 魚生夠新鮮又好味🤤估唔到呢間日本菜咁有驚喜架喎💖

最近公司間中派我到新蒲崗工作，港女如我，最喜歡的當然是日本菜！上網見到這間海膽仔的性價比頗高，套餐最抵，實在沒有拒絕的理由吧。和風牛肉丼朋友點了牛肉丼，一見到試，即刻雙眼發光，牛肉份量多，而且配料充足，有蘿蔔和洋蔥等等，而且份量很多，絕對飽肚。而且還有沙律和海鮮湯，整體感覺更豐足。我就散點了不同的壽司，一樣吃得非常滋味其中我最推薦的是鰻魚芝士卷，只是$28 ，但足足有四件壽司。鰻魚配上青瓜和芝士後，芝士簡直是有畫龍點睛之效，在口內溶化時，非常令人滿足。另外，我也很喜歡火炙壽司系列。個人私心推薦的是左口魚邊，魚油滲在飯中，真是一級棒🤘🏼絕對的是，一間壽司店的左口魚邊壽司做得好吃和有誠意，是我再來光顧的理由，因為我真的很喜歡吃左口魚邊壽司😆😆我點了香蔥拖羅蓉手卷和軟殼蟹手卷。香蔥拖羅蓉我很喜歡，拖羅新鮮又鮮甜，配上香蔥後，更添香氣。加上紫菜脆卜卜，吃起來很滿足。其他壽司的質素可以接受。還點了腐皮壽司和芥辣八爪魚軍艦等等⋯⋯下次再來試試其他壽司吧🤘🏼👅

好耐冇食過日本嘢😊依日午餐嚟到海膽仔，我哋叫咗兩個set lunch，同埋點左一啲壽司佢哋嘅定食都配有沙律，以及海鮮湯。沙律菜好新鮮，配合沙律汁比較清新開胃。今日嘅海鮮餐兩邊也是用，都幾大粒幾好味牛肉烏冬包定食牛肉份量好多，牛味好香濃！烏冬香滑彈口，湯底係甜甜地嘅壽喜燒味道，配合埋烏冬好夾。另外，亦有金菇、冬菇、雞蛋、蔬菜等等配料。日本黑豚肉眼定食黑豚肉炸得外邊香脆，裏面的肉係好幼嫩。加埋新鮮檸檬汁落去，點沙律醬食，非常美味！火炙芝士三文魚壽司及帶子壽司三文魚肥美，火炙之後更加感覺到三文魚油香味。配合埋鹹鹹地香香地嘅芝士，令到呢個壽司更加豐富好味。而帶子壽司幾新鮮，帶子大粒而且味道香甜。鰻魚芝士卷鰻魚味道香濃，加埋芝士及青瓜等配菜，口感豐富。牛油果軟彀蟹卷牛油果熟嘅程度啱啱好，有果香，軟殼蟹炸得香脆，加上沙律醬味道非常配合。今次午餐覺得都幾抵食，星期日我們有午餐定食，店內壽司質素也唔錯，價錢亦合理，絕對值得再來