海老名沾麵

營業中

休息中

平時黎開附近食lunch，每次經過都覺得呢間日本野好神秘，個門口好低調咁得一個牌仔。今日有機會嚟試一試。一入去就覺得好有日本嘅感覺，望住拉麵師傅係你面前煮麵，舖頭座位唔多，更加有家庭式嘅感覺。鋪頭得三種沾麵，今次我試咗蝦汁醬油沾麵，個湯好濃郁，然後個面係熱辣辣嘅，麵條煮得啱啱好，唔會太硬會唔會太林，配合埋個湯，做到掛面嘅效果，湯入邊有兩塊叉燒，然後有隻糖心蛋。叉燒略略咁燒過，好香。店員好細心咁樣俾咗幾張餐巾我哋，咁食拉麵就唔會啲汁彈到成身都係。

今次試下蕃茄蝦沾麵。🦐睇下有冇驚喜先🤨🤨🤔一見到個湯，好滿，有茄膏同櫻花蝦，蔥同京蔥。因為我好鍾意食蔥，通常食拉麵都會加蔥。但係今次冇加，因為加蔥要加錢呀。。。。。。。。。。湯方面，有茄味，仲幾濃。不過就有種似曾相既味道🤔未覺有蝦味。睇尼蝦湯加茄唔係太夾🤨不過麵條，彈牙，唔乾，掛湯👍🏻下次路過才考慮。

門口好低調差啲睇唔到，係日本既作風！就試試店裡最普通既一款湯配有蔥，櫻花蝦，糖心蛋同叉燒湯頭有濃郁蒜香，麵條濕潤彈牙，掛湯。最後冇加湯飲埋個蝦湯，個人認為蒜味蓋過左蝦味。

一入去就覺得好似去左日本咁！超有feel的蝦汁味僧拉麵湯底非常濃郁，第一啖飲落去有好濃嘅蝦味同埋鮮甜味，濃到唔太感覺到味僧嘅存在。叉燒係用火槍烤，令到肉味鎖左係入面，就算浸係蝦湯一段時間都唔會俾蝦味遮晒，反而蝦味襯托左佢嘅肉香，正到一個點。而且隻蛋係真正既流心蛋，好好食😍拉麵係煮之前會秤一秤，保證分量差唔多，真係好似日本d鋪頭咁認真。麵質食落幾結實，有咬口，同日本本地嘅真係有得揮，點住個蝦湯嚟食完全係無得彈。依個價錢體驗到好似正宗麵店既食物同服務絕對worth it, 有種又番去日本既感覺😘

座落在長沙灣的小店，店內的座位不多，大概就只有十來個，經過時常看到門外已排滿人龍等候入座。店內的裝修簡樸，別具日本風味，令我聯想起卡通片裡爸爸會帶小丸子去食午餐的地方。沾麵主要有三款口味，我試過海老味噌同蕃茄味噌，兩款口味都以海老入湯，比一般的豬骨湯或雞湯更帶有一鼓鮮味。蕃茄湯更是驚為天人，蕃茄味非常濃郁，與原本的海老湯配合得天衣無縫！食完麵後，侍應主動上前問要唔要加湯，原本濃郁的湯再加入清湯，令味道不至於太濃，可以很順口地喝湯，為整頓飯劃上一個完美的句號。唯一可挑剔的地方是叉燒實在太肥........

經教主(朋友)介紹，話呢間沾麵好好食！佢對拉麵既要求同我都幾高，咁介紹得應該唔會錯得去邊啦。蝦湯底 好難整得好食，因為難平衡味道同配料 ; 另一間新開「好出名」食蝦湯既(x幻拉麵)根本唔得 得個咸字！去都要排15分鐘，人龍唔算長 只係入面坐位唔多姐！沾麵食法圖蝦汁味噌沾麵 賣相睇圖都知道啦，唔洗多講啦應該個湯底係超級濃郁蝦味 唔係齋咸味同齋蝦味，佢係做得恰到好處！將麵掛落湯到 麵條完全吸收哂！你問我其他配料係點 我都有d忘記左，因為個蝦汁湯底真係太出色，搶哂風頭咁我係食味噌湯既，2位朋友係食醬油既 個人覺得2款差不多！只係味噌重口味d，咸一d 唔會差好遠分別總結，呢一碗既蝦汁拉麵 係我食過最好食既蝦汁拉麵之一（帶翻頭盔先 可能係我食得少） 誠意推薦大家！建議大家冬天去食，因為熱天係入面食會熱到痴線！

Havent been to here for a long time! This is so far the best prawn 沾麵 I have tried in Hk. The noodles are just right or al dente, the soup is tasty but would be better if it’s a bit less salty. When you finish eating the noodles, you can ask them to help you add some clear soup so that you could drink the soup, but I think it taste better without adding the clear soup. 一風堂have 蝦沾麵and this one definitely are far more outstanding!

牡蠣の怪（ $128）呢排食過最深刻既野食，應該係呢碗廣島蠔拉麵。我覺得 #海老名沾麵 其實係長沙灣既隱世拉麵食堂🤔，今次就試左佢地每日限量10碗既廣島蠔拉麵😍😍 拉麵湯底用海鮮淆製，睇落好清淡其實飲落好濃郁又鮮甜！ 而主角廣島蠔足足有4大隻咁多，超肥美超新鮮，微微煎香肉質嫩滑，勁正！連配菜大蔥、柚子肉碎同溏心蛋都好好味，整體配搭得宜，水準之作👍🏻 我諗鍾意食蠔既朋友都無咩理由可以錯過喇。👍🏻👍🏻👍🏻👍🏻

夏天天氣好熱, 不想食拉麵, 於是近期常去食沾麵,呢間已經係我呢個月試既第三間。上網見到d 人話呢間店雖細不過味道極好, 於是特登去長沙灣美居中心附近試呢間野。我開頭以為西九龍廣場間隱家拉麵工場叫做好迫, 原來呢間更誇, 店內大約只有12座位, 坐得好迫。一搭正18:00 入去, 發現入面已有其他客人,一進內, 我地要求想坐近門口, 店員堅持要我地坐入邊, 原因佢話冷氣唔夠,怕我地熱😅首先我想講間店有陣"up" 味, 同埋每座位係對著廚房, 入面只有老闆自己煮(香港人), 有個waitress 幫手燒豬肉沾麵無得揀冷定熱, 硬度亦無得揀坐低唔夠幾分鐘, waitress 已吹我地落單😂, 明明店仲有空位, 店外亦無人等, 唔明佢急咩野叫左蝦汁味曾沾麵 同埋蝦汁蕃茄沾麵湯上面無咩蝦仔, 好好好咸蕃茄味唔濃,亦無咩蝦味麵一般彈牙, 同隱家差唔多脆米有油益味, 紫菜係淋兩款湯差唔多味沾麵只有180g, 所以都有唔少人加錢加麵食完後其實係有d 湯, 可以加雞湯,佢問都無問就成隻碗收走左補充想講, 呢度個waitress 其實一d 作用都無, 只係收錢, 叫你坐邊, 落單上菜係廚師擺係你面前,

星期4晚8點半去到，間鋪應該特登想形做「隱世」feel，真係有d難搵，尤其係openrice個地圖係指住個mall 入口，實際位置係對街鋪，街尾轉角後就會見到。鋪頭唔花巧，得3款櫻花蝦湯沾麵揀，我要左個醬油櫻花蝦($78)，朋友要左個蕃茄櫻花蝦 ($98)。個湯好正！本人覺得醬油櫻花蝦個蝦味出d，食左幾啖試朋友嗰個蕃茄櫻花蝦係剩係食到好濃蕃茄味。份量好足，不過就塊肉有dd肥，流心蛋有少少鹹。另外比較特別就係有d脆脆俾你用塊紫菜包住食。

蝦汁蕃茄沾麵- 湯面有大量櫻花蝦乾，以及恰到好處的蝦油，蝦味極濃郁。蕃茄酸甜適中，中和了湯底的油膩，忍不住喝了幾大口；拌蔥花、山葵檸檬醬、櫻花蝦醋同喝，又有另外的風味。紮實的湯底，與不同元素融合後，千變萬化- 麵彈牙富蛋香，感覺踏實- 溏心蛋極流心，散發淡淡鹹香- 薄切燒叉燒手掌般大，肉味香濃不羶，彈滑香口，肥瘦各半，油香四溢*把麵吃完後，可加湯進沾麵湯底，把剩餘的湯喝清光，惟當天客太多，相信因未及換湯，故湯是凍的，加入沾麵湯後，整個湯都冷掉了，變得很難喝，浪費了原本可口的湯底*枱上的山葵檸檬醬，倒出來的只有汁，沒醬；只有酸味，沒山葵味*店小，只有約10個位，假日常大排長龍

門面不太顯眼，由於小店經營，所以位置比較緊貼～揀左蝦汁味增沾麵面質Q彈，就算放耐左，個面質依然唔會變硬湯底味道唔錯，唔會太咸，碗面已經包左隻蛋，所以無需另外再叫～值得再去食～

長沙灣低調隱閉的蝦沾麵店🦐，門口沒有大大的招牌，全店的沾麵只有3款可選，「蝦汁醬油沾麵」、「蝦汁味噌沾麵」和「蝦汁蕃茄沾麵」🍜今次先試「醬油沾麵」，湯底內藏一隻溏心蛋🥚、大大片豚肉🥓、滿滿櫻花蝦🦐，面層浮著一層蝦油，另送上一片紫菜連脆米(可沾湯吃)😋湯底確有十分香濃的蝦湯味🦐，櫻花蝦又多，麵質彈牙，不會太腍所以咬下有實在的口感，但吃到一半，湯底已越來越咸，要請店員加湯😜紫菜包著滿滿的脆米，沾湯吃紫菜變軟而內裡的脆米仍然是脆口的，這個吃法確是好味🤤👍🏻總括而言，這店的沾麵屬於比較味濃的，怕油膩的可要求少油，怕濃的也可要求加湯，但蝦湯底沾麵不是處處有，濃郁的蝦湯是值得一試的😋

呢間就係屋企樓下嘅沾麵店，淨係睇店面真係毫不起眼，要到朋友介紹先知道原來係好料。鋪頭細細，所以外面都幾多人排隊， 我哋都大概等左半個鐘。雖然格局好似日本，但係都幾狹窄，而且冷氣唔夠，通風唔好，夏天大汗滴細汗咁食。⬇️落左單之後，店員好快就送上紫菜米通，可以做餐前小食，又或者放落湯度。⬇️好味嘅沾麵原來仲可以係屋企食到，原來抬頭見到嘅紙盒就係可以帶翻返屋企煮嘅沾麵。⬇️枱面有晒指示教你點樣食。⬇️如果嫌碗麵太油膩，仲可以加櫻花蝦醋同埋檸檬Wasabi吊味。😍講下碗麵先。老實講第一眼望到都覺得好邪惡，因為面頭嗰層油實在係太唔健康啦。不過香味同埋少少辣味的確係令人垂涎三尺。其實層油真係好恐怖，但係可能因為咁樣所以湯好夠熱。🍤湯底好香蝦味，裏面有好多櫻花蝦，幾乎每一啖都會食到，再加上米通，有多重口感。雖然個人喜歡重口味，但係食得多會覺得偏鹹， 要用少少櫻花蝦醋中和下。如果可以多少少蔥，感覺會更加清新。⬇️麵非常之彈牙，掛湯能力亦都好好。叉燒係用火槍燒熟嘅，帶金黃色，但係因為湯味比較突出嘅關係，就唔係太食到豬肉嘅鮮味啦。另外，糖心蛋係比較流心，稍為熟返少少會更好。因為我自己其實好鍾意食蝦，雖然非常之唔健康

門口真是十分隱閉，無店名，無掛牌。門口有塊白布，我還以為是跌打舖。6:30pm到即刻有位。有三款沾麵選擇:味噌，醬油，蕃茄。湯底是蝦湯，有細蝦仔，溫泉蛋，一片大叉燒，還有小脆脆，紫菜。湯底夠特别，有蝦味，但就比較多油。叉燒用燒槍即席燒熟，粗麵的份量十足好飽肚。食完麵，可以免費加湯。坐位就得16個左右，店員三位，好有日本小店feel。地點唔太就腳，要睇定google map搵。