海老名沾麵

營業中

休息中

今次想係屋企附近搵一啲日本菜試吓，又好耐冇食過拉麵，搵吓搵吓就見到呢一間小本經營嘅沾麵店，就慢慢係屋企行過去試吓。其實間鋪唔係難搵，雖然鋪面係簡單設計，但依然隱藏唔到佢好食嘅沾麵。我八點去嘅時候咁岩冇人排隊，啱啱好成間舖full 咗，so lucky。佢嘅Menu唔係好多選擇，得三款沾麵，包括蝦汁醬油，蝦汁味噌同蝦汁番茄沾麵。因此我同我男朋友就試咗味噌同蕃茄味。首先一讚係佢嘅店員雖然得一個做店面，但都好好服務。師傅就近距離喺counter對面煮麵同燒叉燒。佢個湯底做得好濃郁，蕃茄湯底就比較酸，我個人就比較鍾意味噌湯底。個沾麵都好彈牙，配料就有半熟蛋，叉燒，筍，粟米，紫菜，都好豐富。今次又發掘左一間新嘅小店啦。

尼度既3款沾麵都係圍繞住蝦汁所以就係湯底既分別今次港豬同boyboy就一人試左一個分別係醬油同味噌^^^這是味噌^^^這是醬油味噌係會比醬油濃味既,而且本身仲會跟好多樣吊味既食物,,有尼個特製既烏賊炸玉架,,冇咩味,不過加埋一齊就真係幾好咬口,,多左層次,,仲有大愛既玉子添呀~~麵條硬身d既加上個湯就不得了啦,,湯都算dd油既,,最後仲可以加上高湯飲埋個尾水,,而且特別既係佢仲有2種好小見到既醬料可以加,,分別係櫻花蝦醋同山葵Lemon Wasabi Sauce,,可以略略加dd吊味咁個蝦味就會仲出d添👅💦

十分難食，同行友人只食到半碗就放棄。面既質地極差，一食就會知係批發入口既鴨蛋面，唔係正宗日式拉面。面既梘水味極重，沒有去乾淨就上碟沾面本身應是冷面，但呢個既係熱面沾面汁太稀，做唔到掛身，所以點完汁，面都係冇味的所謂叉燒，其實只係一片五花腩，好薄果隻，無味的糖心蛋是流出來的半熟蛋，帶苦味服務極差，店員會單手一野掉係你面前，同澳牛差不多，坐位唔舒服，好逼唔會再幫襯

very good noodle restaurnt in Sheung Sha Wan, the soup is nice and the,noodle as well. but need to wait for a while for table around 15~20 min

今日同幾位朋友過嚟深水埗食飯，唔知食咩好之時，當然又係食返我最喜愛嘅拉麵啦。見呢間拉麵係OpenRice好似都幾高分，晚上7點幾8點嘅時間，原先以為要排隊，但係最尾只係排咗大約10分鐘到就已經可以入去。地方唔算大，不過唔迫，而且環境都幾似日本嘅拉麵鋪咁。呢度有三款沾麵湯底選擇，有味噌、醬油同蕃茄，全部都配有蝦汁。而沾麵全部都已經配有蝦米，蔥花，味筍，叉燒，紫菜同半熟蛋。枱面有教應該點食沾麵。我今日點左味噌沾麵，湯底好香蝦味，雖然佢話係蝦汁，不過我覺得似係蝦油多啲，好香濃，所以反而唔係好食得出味噌味。我覺得個湯底略嫌有少少油膩，雖然唔算係好鹹，但食得耐嘅時候就會覺得好滯。我覺得加蝦醋會香d鮮味d。調味料至於個麵，見到師傅好heart咁樣去整，每一碗都有過一過水。我覺得個面比較硬身少少，麵線比較粗身。我最喜愛反而係個叉燒，火焰但又唔會乾身，好有叉燒味好正👍🏻每碗麵都有磅下幾重。

深水埗隱世沾麵店，住左咁耐先黎食第一次，真係有啲過意唔去😂雖然隱世但長期有人排隊😂，店鋪唔大，有如日本拉麵小店，食品只圍著蝦汁，夠尊一，而且價錢平民，性價比高😉今次食左蝦汁味噌沾麵同蝦汁醬油沾麵其實兩個湯汁好似，都係濃味怪之選，不過味噌口味有層次啲，有味增既香味；而醬油口味反而普通，只係有醬油既濃味，唔夠味噌既香口。沾麵掛湯度高，麵質彈牙，叉燒係用火燒🔥溏心蛋原隻上，流心蛋黃好好呀😋會返轉頭食😋😋😋

因為大少想食麵🍜所以排成十個都照等☺️大約二十分鐘就入坐，同好多拉麵店一樣鋪面細，都係坐簡單木櫈，但店內就有水同熱茶供應！而且仲有紙巾，十分貼心💗暫時有三個口味，到四月中會有多個蠔麵☺️雖然兩個好似樣但分別係蕃茄同味噌🤤湯低好濃郁😍我覺得蕃茄湯會帶出蝦味多彈啲，而味噌就簡單啲😘各自各精彩，食到最後可以再加湯，飲埋佢，我就鐘意加埋啲脆米，一邊食一邊飲湯好期待佢個蠔湯啊😊😊希望下次黎就食到啦🤤

經過這店很多次，食飯時間總有長龍在門口排隊，門口無店名，一個小小的門口，但門口裝潢一睇就知係食早本野，因為去過日本就會見到好多呢類小店星期六的晚上趁條龍未係好長又唔太肚餓就排下隊，不經不覺都差不多排左接近40分鐘，店員會先到門外問幾位並派點餐紙，基本上都係食幾款沾面，店員會溫馨提示如果排排下唔排都同佢地講聲，因為師傅會因應門外人龍開始準備量面入到去，其實店內位置只有十幾個，所以排隊要有耐心入到去睇住師傅量面，煮面，燒肉，都是一種享受，面當然好食，有濃郁既蝦湯價錢唔算貴，真係心機錢，鍾意食沾麵既真係要去一試，感受一下小店風味

早前去混亂拉麵，店員話老闆兼日本達人Meter於同區又開多間新拉麵店，據講是以北海道和東京火紅的蝦湯拉麵店「一幻」為藍本，於是一開張即走去試試。門面超低調，很易走甩眼，店子細細，清一色吧枱，只得10個座位，很有東京拉麵店熱鬧氣氛。店子主打蝦汁沾麵，全店只有蝦汁醬油、蝦味噌同蝦汁番茄 3 款沾麵，甫進店已聞到好重蝦味，店員說每日用20斤蝦煲賣100碗，門口貼了張紙說賣晒會早關門。每碗麵都有一隻半熟蛋和兩片叉燒，叉燒有驚喜，成個碗咁大，上枱時配料都被湯汁遮住，質地香嫩可口，上面有脆脆的櫻花蝦。蝦湯汁蝦味好鮮，味道頗濃，麵條偏向煙韌，頗掛汁。另試了蝦汁番茄沾麵，蝦湯底加上番茄蓉，想不到番茄的甜酸跟蝦味好夾，口味更清新，枱面附有自家製山葵汁、昆布蝦汁及七味粉，加了少許檸檬Wasabi汁下蝦湯食，多添一份清新酸味，最適合夏天吃。由於店子座位少，第二次星期六來，已經要排隊了，排第七個大約等2分鐘左右，有心吃早點來。 

已經第三次食既沾麵店，每次想食沾麵都會第一時間諗海老名。終於的起心肝留個comment.海老名門口係無牌，所以就咁睇未必會知佢係一間食市，只要一不小心就會錯過。但如果遇正食飯時間, 出面排住一條隊，咁就好難會miss la.店面環境唔算大，但小小的店感覺份外親切。今次跟朋友都是點了蝦汁醬油沾麵。跟著枱面的Step去品嘗，可以試到唔同味道。配上wasabi醋同蝦醋，更會食指大動～看似少少的一碗麵，麵再沾上湯來吃，吃完之後很撐

老公話同事介紹所以我地去試下淨係得沾麵無湯麵🍜但都好值得去食佢係用蝦做湯底好香蝦味 唔會腥 所以怕腥既朋友都唔洗驚估唔到沾麵都可以咁入味仲要有蝦米仔唔係有蝦味無蝦😂😂😂拉麵唔會有鹼水味同埋唔會過硬剛剛好叉燒有燒過老公話油香d但我就唔太記得只係知唔難食😂😂😂我同老公都覺得依間拉麵店好好食又係好值得去食同埋食過會再想食既拉麵鐘意食拉麵麵不防去試下味道幾特別嫁好似淨係得依間先有依種湯底食完仲可以加湯飲埋個湯tim

晏就一支公唔知食咩好就四圍游下，見到ne間擺明日式裝修但門面店名又沒餐牌又沒的小店，膽粗粗咁入左去（見到有其他客放心曬）。開放式廚房得2位廚師，1位做招待，高峰期最高可以容納13個顧客，柔和燈光配輕聲的日本音樂（有首dodoro 差唔多的歌？食得太忘我了）。 睇menu得3款沾麵選，左上配菜區原本已經有，似乎個人另加，是日特別menu煎蠔xx麵(得圖沒名，唯有見咩叫咩）。小店以貴精不貴多風格前進，叫左蝦汁醬油沾麵試下水先（想叫煎蠔架，不過中午食百幾蚊又真係豪左少少所以算啦）。落左單5-10分鐘就有得食，調味區放左山葵lemon，蝦醋同七味，拿左個湯同麵就開餐啦～ 一開始諗係唔係比錯左蕃茄味的，然後諗諗下，蝦都可以令到個湯變濃，見到一堆櫻花蝦攪勻，試飲個湯就覺湯味濃蝦蝦蝦亂加埋佢調味區的配料，將d 麵放一放落湯就夾黎食，得左～麵條偏硬身，稍後浸一浸d湯就已經成功帶住d蝦湯味上黎，啖啖味。而叉燒（未研究出係唔係，反正當五花腩個3片簿片當係）就係傳說中鎖住肉汁的豬肉，豬味濃。聽到廚房有聲望一望原來拿火槍燒緊（叉燒？五花腩？），香香de。然而唔鐘意食荀的朋友，會有記得dum比fd食啦，食落

沾麵🍜沾麵🍜沾沾麵🍜長沙灣海老名沾麵，食回日本沾麵的味道🤤.店鋪位於長沙灣元洲街，鋪內位置不多，所以更顯日本風味🤭🤭🤭.粗身拉麵面配上特濃蝦湯，絕對稱得上誠意之作。而且作為蛋怪既我們深深的被店家隻流心蛋打敗😂😂😂.食沾麵既時候，大多數人都會覺得沾麵既湯底太濃同太咸。但其實咁係正常的，因為沾麵湯底係用來讓食客把湯汁沾上，並不是連湯食用的喔！所以好多沾麵店鋪都會係客人食用完沾麵後，提供清湯稀釋沾麵湯，供食客飲用😉咁大家就可以品嚐到一個湯不同既層次

電腦壞了又要死死地去到老遠嘅長沙灣維修 😅 安慰一下自己搵下附近有無未被發掘嘅餐廳去探險吓 😆 呢間沾麵店低調得很😶，門面牌都唔多個，食物相都無，大部分人絕對會點行點過，但見佢哋主打幾有特色嘅蝦汁風味沾麵，賣相都唔錯，決定入去試吓基本上只售三款湯頭少少唔同嘅沾麵，醬油風味、味噌風味同番茄風味，全部都係海老作為主調🦐。每份麵本身已經包一隻溏心蛋🥚、荀乾、兩塊長形嘅叉燒🐖、同埋口感香脆嘅炸烏賊🦑碎屑 (雖然聽落好特別但其實一浸湯變淋之後其實食唔出係乜) 😃 叉燒唔錯如果嘴饞的話值得加添。落單後好快師傅就將碗面放到客人跟前，繼而沾麵湯汁亦都嚟到。覺得湯好香好濃，飲落有少少灼熱嘅感覺，蝦嘅鮮味相信熬製好耐先咁重，但越食越覺得都係鹹咗啲，雖然沾麵汁冇日本嘅咁竭，但口味應該都係比較貼近日本本地嘅一啲 😗 麵比較實同少少硬身，都係日本個邊嘅沾麵特徵。另外檯面有兩款幾特別嘅調味料俾客人自己落，有一樽望多浸住好多🦐蝦米嘅醋，同埋🍋檸檬山葵醬。落番多啲酸嘢中和番湯底嘅鹹味可能會

呢間沾麵店沒有華麗裝修門面簡陋得連招牌也沒有無名小店但暗藏深厚功底(後來先知其實係有名架😂)本人已來回反兜好多次～所以好嘢就要happy share·風格如日本拉麵小店一樣單排座位全面向煮麵師傅而座位數目十隻手指可數客人衣物可掛在後面牆身·<海老味增沾麵> $89先飲一啖湯超濃郁既蝦味配料好豐富有筍條溏心蛋大大塊叉燒片配上京蔥片表面灑上蔥花粒和櫻花蝦再另外獨立上的紫菜脆粒倒入湯裡然後加入麵條～超好味！麵條夠爽夠彈牙👍🏻·<牡蠣の怪> $128好彩今日仲有限定口味採用日本広島原產生蠔有四大隻咁多且夠新鮮有肉碎筍片海帶溏心蛋湯底清甜沒蓋過蠔鮮味😍·<總結>食完沾麵記得要叫店員加濃湯呀！將剩餘沾麵湯底再昇華至另一層次·P.S 溏心蛋好好味！😋如愛蛋記得另外添加啦！