海灣餐廳及海灣咖啡室

營業中

休息中

話說老公特登請日假同我地去海洋公園，咁機不可失，當然去試吓隔籬阿萬豪啲自助餐。唔係會員嘅關係，就以我所知最平嘅方式訂位，大人355，小朋友240。不過呢趟啲食物相因為我喺威威天地同個仔爬上爬落，跟埋個手機一齊無晒lu，胖B以為自己好醒，專揀埋啲危險地方，所以嗰日手忙腳亂到我都唔記得自己係用手鈎住部機定點。不過，都係俾人立咗啦，打又唔接，即時搵我行過嘅地方都無，真係無事出街少破財，呢排喺樓下逗留最多，已經好少過海㗎啦。講返個自助餐，以355包加一兼lunch嚟講，係物超所值。熱盤唔多，但好多嘢都好食(尤其甜品)，晏時晏晝有帶子刺身喎~ 個湯麵嘅蕃茄魚湯係明顯無落味精，淡淡地但好味，啱晒小朋友。最欣賞佢雪糕機有齊haagen daz同movenpick最好味嘅味道(movenpick咖啡味堅正)，唔使好似爭咁啲咁。可惜，我最鍾意任飲任食，呢度只包一杯coffee or tea，唔係就完美嘞。呢度整體感覺好好，服務亦不俗(係有一個麻麻)，不過355係閒日價唔算平，兼且地點稍遠，再嚟可能又要等到我平日去海洋公園喇。#lazymamaeatsgoodshit #daydaybuffet #4.5

真係好耐冇去海洋公園 今次吾入園反而去隔離既萬豪酒店食飯🤩 晚餐選擇十分多 有海鮮喔🤤東風螺 蜆 蝦都有提供 新鮮厚肉👍🏻 熟食都好多 牛扒羊架同鵝肝走吾甩🤤 清蒸龍蝦🦞大隻多膏 最吸晴係轉轉雪糕櫃3個牌子 Movenpick Häagen-Dazs 同第一次食既 I scream 食雪糕都抵翻曬😂

今年生日黎到海洋公園慶祝生日咁開心梗係要開心到尾架ma！所以我就揀左晚餐食buffet晚餐buffet 18:30開始！由於我係waiting list所以我18:30先到！因為佢無留位walk in全部都係reserved好好彩我好快收到電話有位即刻行快2步過去😬😬一坐低飲啖水就出去睇下有咩食先黎前菜有青口，蝦，長腳蟹蟹腳，阿拉斯加蟹腳正味道正常，有海水味！佢都有沙律，芝士櫃，可惜唔係我杯茶🙈跟住到我最期待嘅蒸！龍！蝦！佢一轉有6-7隻眼見有3個蒸爐同時開仲要每人每次只可以拎半只所以都唔係等好耐望住佢斬半真係好正龍蝦肉食得出好新鮮好好味我總共食左2隻🤪其他熟食仲有鴨肝多士: 其實幾肥美幾好味，不過凍左爭少少燒鮑魚: 肉爽甜，個汁好清新！炒蜆西蘭花蝦仁咖哩韓式生菜包: 牛肉係即煎！再加埋泡菜蒜片包埋一齊！正燒乳豬: 比較肥仲有燉湯！: 係雪梨湯，我呢個湯怪一共飲左3壺！車仔麵: 有花膠，冬菇，大魚蛋，個湯底係蕃茄魚湯最後就到甜品一入門口個雪糕櫃真係好吸晴！其他甜品都唔錯除左d小蛋糕之外仲有豆腐花，朱古力噴泉，焦糖燉蛋，即整crepe ！樣樣都好好味😋雖然質素算幾高不過價錢就高左少少差唔

今次第三次前來這間酒店進餐。到了酒店詢問那間餐廳有下午茶。酒店員工好像不知道帶了我們到Pier。但這是酒吧五時才開啟使用。最後終於找到了Marina Kitchen。服務絕對說不上是五星級酒店的服務。可能到訪過別的酒店下午茶，對這間亦有點期望。服務絕對需要改進，一間高級酒店裏面的餐廳，員工好像不知道如何介紹食物。最基本給客人一杯清水的禮儀也沒有。我叫了一杯Cappucino有人叫了一杯Café Latte. 不知道是否我們過分期望，咖啡拿到看起來似是由小賣部咖啡機打出來的咖啡一樣。麥當勞McCafé的咖啡質素和presentation比這裏更好。Service/服務 👍🏻Cleanliness/清潔度 👍🏻👍🏻👍🏻Taste/味道 👍🏻👍🏻👍🏻👍🏻Ambiance/氣氛👍🏻👍🏻雖然咖啡不能滿足期望，蛋糕和兒童餐的Pizza味道不錯。

今次因為一啲原因要入住萬豪酒店一晚。下午去咗酒店嘅Marina Cafe坐低食件cake飲杯咖啡，遇到女員工企喺counter入面做自己嘢，企咗5分鐘都冇理過我哋，直至我哋問佢係咪可以order，order完女員工叫我哋自己坐低。但係坐低等咗20分鐘之後，有另一員工行過嚟問我哋order咗啲咩........首先嚟嘅係蛋糕，不過不失嘅普通嘢等咗多一了陣，終於到埋咖啡，諗住呢間酒店嘅咖啡都應該唔差得去邊啦，點知嚟到杯mocha係一杯咖啡溝水......坐低水都冇杯，員工態度惡劣，啲碟仲要係有上手食物殘渣，真係去茶餐廳都好過呢度😢

星期一走去萬豪酒店食自助餐。個人食中午自助餐，事前無食早餐。晚餐都可以免食。中午價是$398加一。但如果加入萬豪酒店會員，可獲七折優惠。最後埋單價$318.4。本餐廳不提供自助飲品，只供一款咖啡、奶茶或熱檸檬茶。如要飲菓汁，可加付$118買菓汁 Free Flow。即無限添飲。如果食一餐等同三餐，都幾抵食。間餐廳好大，食物分類清晰。衞生質數好高。本人食自助餐守則：1)早餐及晚餐不用吃。如食晚間自助餐，早餐及午餐不用吃。2)拿餸時每碟集中一個國藉菜式，好讓自己專心品嚐單一國藉美食。3)每碟餸只拿一點點，因如要品嚐多國美食，用留點配額給自己。4)吃不下不要拿太多，免得造成浪費食物。先飲個熱湯。餐廳提供忌廉湯及南瓜湯。每碗只拿一點點品嚐。個南瓜湯好清甜。入口香濃。但個忌廉湯起粒粒。賣相唔好。龍蝦泡飯我只拿半碗。好多龍蝦肉。個泡飯好多材料。好重海鮮味。越式龍蝦紙米卷。我點了兩只，好清甜爽口。好重泰國風味。個自助湯麵我點咗油麵，加貢丸、雞翼及蝦。麵身好彈牙。個清雞湯好清甜。印尼菜我拿了炒麵及炒飯，再加點餸如印式焗雞。個炒飯有點印尼風味。日式飯團，每個飯團造得好細。好易入口。魚肉屬上等食材。冷麵都

適逢萬聖節限定既自助晚餐，未來食都以非常興奮或期待。第一次踏足萬豪海洋公園酒店，感覺很美妙，以海洋為主題，深深吸引著愛海的自己。6:30pm進入餐廳，員工熱情地招待安排位置，讓我們坐得舒服為止。萬聖節為題既甜品臺非常搶眼，每款蛋糕都非常盞鬼，十分有創意。這裡的海鮮真的冇得輸，每款都新鮮，有份量，肉質鮮美。沙律款式多都冇可能食得哂。我最欣賞長腳蟹，蟹腳長肉肥美。另外還有清蒸新鮮原隻龍蝦，真係回味再回味。肉眼排不過不失，不過都係食薄薄一片便夠，留肚食其他正野。鵝脾多士實在令我發狂，好味到yummy yummy，蒸鮑魚也食了兩隻，夠腍身好味。甜品區款式多得驚人，榛子泡芙和馬卡龍是我的最愛。小朋友和家長忙於萬聖jelly bean 區影相留念，小朋友就最開心，可以無限地食彈牙好味，七彩繽紛的jelly bean！刺身區提供新鮮刺身，帶子屬特大型，油甘魚非常新鮮，唯獨是沒有三文魚刺身供應，有點可惜。沙律菜區款式太多，真的不能一一盡食，太過份了。壽司屬小型一口size，讓食客們可多品嚐多一點不同美食，非常細心。朱古力mousse 杯很可愛啊，10月31日，RIP，和魔鬼也非常搞笑。今晚度過了一個非

去完海洋公園行幾步就到酒店食自助餐。所有野食都好新鮮放得好整齊。一開始食d熱野暖一暖胃，去左拎清蒸龍蝦，每人半隻，係師傅即刻開邊，肉質好爽有膏，好食過好多酒店提供既橡膠凍龍蝦，我係一共食左6半邊，去到自助餐尾聲師傅都繼續新鮮蒸出嚟，好有心供應比客人食。之後就試下鴨肝，一般般正常貨式，底下塊包放到好um，可以分開放比人自己夾會好食d。跟住係和牛，有師傅即場煎，超香，有肉味好肥美，食多兩舊會好滯但都忍唔到，真係太香。好彩有燉湯供應，清清地，熱辣辣飲完解油膩好舒服。之後再戰甜品，比個雪糕櫃迷住左，有好多品牌供應，食左勁多。其實有好多野食不能盡錄。可以話整體質素係好高分，職員都好有禮貌，收碟又快。極推薦，加上而家有海洋公園站，超方便。

今晚去了食buffet 慶祝，我和朋友坐在一個自成一角的空間，後面有一張長枱有一家遊客。我估是菲律賓遊客。坐低未開始攞嘢食，已經見到有一隻大曱甴從遊客家的枱面爬去枱底，我想告訴他們但很快曱甴已經爬到去某位客人的腳，他們在尖叫，他們的爸爸把曱甴踩死，告訴職員。職員攞紙巾包了曱甴走，因為那個位置，是一間像房間的位置，所以他們尖叫其實其他人都沒有發現。如果是香港人見到曱甴，一早大聲投訴了。我覺得很恐怖，因為那隻是一隻大曱甴，而且這間餐廳是新的。但我沒有出聲，因為那些遊客自己也沒有投訴。如果不講那隻大曱甴，其實他們的食物真的不錯，尤其是蒸龍蝦還有黃牛。最悲傷的是他們今晚沒有任何榴槤的甜品和雪糕。職員說因為慶祝萬聖節要用萬聖節的食物取代。我是衝着榴槤才買這個優惠券來吃飯的，但是卻一點榴連也沒有，感到很傷心簡單來說，我也不打算再來因為這麼重要的榴槤做標記的自助餐，話取消就取消榴連，真的失望。

上次嚟site visit時已經喺openrice望吓有咩好食~原來呢度係做buffet嘅😀不過嚟到呢度原來又有一個area係俾人食西餐㗎喎😅五個人share咗兩個pizza...唔同pizza專門店對比嘅話我覺得呢個<<海鮮薄餅>>($185)not bad!雖然細咗d, 但芝士香濃同拉絲效果好勁😏海鮮餡都算多款同埋個量都唔少☺️幾有睇頭!不過餅底唔算係好鬆軟嗰啲...有少少似食軟法包咁~

去完海洋公園玩梗係要試吓酒店嘅自助餐啦間自助餐絕對值得一試，雪糕有兩款牌子H,M環境好正，食物質素好好，沙律嘅菜式好多款甜品質素好好，座位坐得好總評分4.5，值得一試

超開心超興奮，因為萬豪酒店開了咁耐我都未有機會去食，今次公司竟然請我地去食呀！即報名出席啦！一去到就比個甜品旋轉櫃吸引左，有我喜歡的 Haagen Dazs 又有榴槤雪糕，但冇理由咩都未食就食雪糕先，所以我就行左一圈先望望有咩最值得食，因為我好易就會飽，所以要好好選擇食物。我選左清蒸龍蝦，真係好鮮呀！和牛兩片， 我加左d 韓式辣汁包生菜食，又選左d 刺身，個蝦同帶子好鮮甜冇咩雪味。甜品，有個榴槤專櫃，我都食左幾款，好好味。

港島南線通車後，來往海洋公園的交通時間大為縮短。今次乘著交通之便特地到海洋公園萬豪酒店享用大餐。晚上7點到達已有七八成入座，一到門口已有大大個雪糕櫃令人唾涎三尺。入座後，立刻前往賣點之一的即蒸龍蝦，熱騰騰的龍蝦蝦肉爽甜，每人每次只限取一邊，錯過了話只需等待5分鐘左右就會有新龍蝦蒸好。另一個賣點—花膠車仔麵，麵款的數量和配菜自助配搭，花膠、冬菇和特大魚蛋則由待應夾配。花膠的份量有三四片，和魚湯的味道很配合。熱盤和冷盤的數量和其他自助餐相若，食物選擇方面雖然沒有創新菜色，但整體表現都很不錯。

6月初到公園遊玩時訂不到位置，前幾天見到信用卡推廣立即打電話訂位。地鐵通車後，方便不少，是晚不少家庭到來慶祝生日。一進門就看到大大個自轉雪糕櫃，Movenpick, Haagen daze在呼喚我。種類繁多有海鮮凍盤、刺身壽司、沙律芝士cold cut ,還有各式熱食。最愛新鮮有肥膏味的即蒸龍蝦、肉味香濃又細嫩的煎牛肉、脆卜卜燒乳豬、柚子汁燒鮑魚、清甜燉湯。是晚還有榴蓮甜品專區，炸榴蓮、榴蓮蛋糕、榴蓮雪糕，滿足！

早幾日即興去OP，黃昏便即興地去呢間自助餐睇下有無得舒舒服服食餐飯。星期六，餐廳本身已fully booked。所以我帶同小小孩在門口等約15分鐘睇睇有無人放飛機，最後幸運地1930亦能入座。刺身的種類及質素不錯，驚喜的是有大帶子，池魚及油甘魚。赤蝦亦是中size的，很正。凍海鮮的種類不算多：兩盤蝦，兩款青口，蟹腳及藍蟹。感覺比較重覆。芝士及凍肉選擇頗多，但都是一般的款式，沒有特別的推介。太座極喜歡吃沙律。太座表示這裡的沙律吧和Mariott JW的基本上一樣，菜夠新鮮亦夠甜。肉類方面有牛亦有羊架，肉質不錯。不過本人反而更喜歡即煎premium american beef，牛味夠香。（在韓式料理的session) 另外很多人熱捧的有清蒸龍蝦及磯燒鮑魚。可是本人太鮑，食唔落😜。但見不少人翻吃，下次會試下！其後熱盤食得唔多，不過選擇是頗多的；有粉麵，有燒味，有印式及韓式食物，有燉湯。甜品方面，cake我覺得偏甜。而酒店有一個corner係榴槤專題，有各式的榴槤甜品。圖示的榴槤雪糕涼粉，本人推介。另外，雪糕方面有movenpick及haagen daz。值得一提，是日自助餐如有Mariott