海港薈

營業中

休息中

今天和家人在「海港薈」嘆茶，欣賞著維港景觀，嘗著美點，品茗香茶，優哉悠哉！在餐單紙看見叉燒包的叉燒饀是用西班牙黑毛豬豬肉，那麼就要一嘗，熱騰騰的叉燒包皮鬆軟可口，叉燒饀沒有肥肉腍滑且有肉香，的確是星級的叉燒包。份量不少的乾炒安格斯牛肉河，香氣撲鼻而來，味道適宜，薄切的安格斯牛肉，肉味濃郁，紫色洋蔥代替綠色的蔥有爽脆口感。還有小食；椒鹽鮮魷，鮮魷肉質爽脆，大量蒜香增添香脆口感，適量的椒鹽令味道恰到好處。另一款小食；黃金脆魚皮，是魔鬼和天使的混合體，蛋黃的鹹香、脆魚皮的香酥，怎可抵擋？！最後，甜點選擇黑金流沙包，黑鼆鼆的黑金流沙包，包面有數度金光點綴，提升了吸引力，美味的流沙給予滿足口腹之欲。又是迎接新一年了！

放假同屋企人去到北京道一號嘅海港薈飲茶， 見酒樓嘅裝修好適合做婚宴嘅場地， 而且仲有維多利亞海港嘅海景。黑金流沙包賣相突出， 搣開一半奶黃做到流沙嘅效果， 甜度適中，唔會過甜。 西班牙黑毛豬叉燒包黑毛豬叉燒包嘅肉質鬆軟， 叉燒醬夠入味。韭黃鮮蝦腸腸粉嘅皮都做得幾滑口， 韭黃嘅香味都幾出 ，蝦肉爽口彈牙。翡翠筍蝦餃皇蝦餃皇夠大粒， 翡翠筍和蝦肉嘅配搭都幾夾。原隻鮑魚燒賣皇配上鮑魚，燒賣嘅賣相當堂升級咗， 味道甘香豐富。松露野菌餃用咗什菌嚟做餡料嘅餃， 裏面加咗黑松露嚟調味， 幾有fusion嘅感覺。澳洲帶子鳳眼餃鳳眼餃用咗蝦和韭菜嚟做餡料。鮑魚生炒糯米飯百零蚊嘅價錢有三隻都算幾大隻嘅鮑魚鋪面， 都算幾抵， 糯米飯炒到粒粒分明， 唔會炒到好乾身， 保持到濕潤， 將臘味嘅味道炒曬落飯裏面， 我個人好鍾意呢個炒糯米飯。

今日聽了朋友介紹，前住位於尖沙咀站和尖東站附近的海港薈去品嚐一盅兩件。一入到去，店面十分之舒服，佢好闊落，仲有無敵嘅維港海景。見到點菜紙後就二話不說叫了一些中式食物了！鮑魚花膠灌湯餃有乜野好過可以飲到茶之餘又食到高級嘅海味，名貴嘅鮑魚花膠兩樣夾埋好夾，熱辣辣上枱嘅灌湯餃好暖胃，味道十分之鮮甜同埋濃郁，令人開胃，十分之舒服同滿足！脆皮醬燒雞脆皮醬燒雞用了原隻嘅鮮雞去做，特別有雞味有口感之外又無味精的感覺。肉味又夠香濃，令人有一吃再吃的衝動。另外雞亦炸得非常之香口入味，正！金蒜蓉炒豆苗這𥚃的小菜食物也很不錯的，另一樣推介之選，估唔到佢味道配合得十分不錯，豆苖絕對唔會太過硬或者太過咸，有蒜蓉的香味之餘又有口感，正!西班牙黑毛豬叉燒包又到了中式部分既點心的時候了，西班牙黑毛豬叉燒包一樣咁正好好味，仲用咗高級嘅西班牙黑毛豬。估不到這𥚃連蒸點心之外都做得比中式酒樓好。菜遠蝦球湯河上桌之後俾佢嚇一跳，估唔到咁大碗河粉。數塊大大的蝦球再加上熱辣辣嘅河粉，每一啖又溫暖又滿足，非常之不錯的！

今天相約知心友往尖沙咀午餐，想找一間環境優美，悠閒地飲啖茶食個包的酒樓，最後選了位於北京道一號的海港薈。甫進酒樓便看到落地玻璃下的維港景致，陽光曬進來很舒服。餐枱之間通道很闊落，空間感強。看了餐牌，點了六個點心。等了十至十五分鐘上菜，全部點心都熱辣辣，應是即叫即蒸，加分。西班牙黑毛豬叉燒包：包皮軟熟，叉燒不肥有咬口。帶子豆苗餃：餃皮晶瑩通透，豆苗新鮮有菜味。四季豆煎薄餅：餅皮脆但內裡煙韌，包著爽脆四季豆還有豬肉粒，很特別。南瓜帶子腸：配搭新鮮，健康之選。野菜松葉蟹柳卷：炸得脆脆的，蟹柳大條，擺盤漂亮。開心果蛋撻：牛油撻皮又薄又香，蛋漿不甜還有幾粒開心果，比市面很多有名餅店的出品好得多了。吃完六個點心，朋友說想吃甜品，點了一個蛋白杏仁茶。落單後侍應問我們要不要試椰皇燉燕窩，心想一定很貴，一問之下只是$38 就叫一客吧！和朋友討論大概只得幾條燕窩絲吧！怎知等了15 分鐘後，打開蓋，竟看見有一茶匙燕窩，十分驚喜，覺得超值！兩個甜品都足料和不甜，誠意之作！酒樓環境好，坐得舒服，服務到位，價錢合理，最驚喜是甜品的質素高。我和朋友都吃得大滿足。

今個週末來到尖沙咀北京道1號9樓飲個早茶，望著維港景色嘆早茶真是太幸福了！見到點餐紙上已經印有叉燒包，相信係招牌菜啦！所以想也不想就點了！這裹的選擇雖然不是有好多，但平日去酒樓要食既都會有！超值孖寶 $98脆皮醬燒雞(半隻)+金蒜蓉炒豆苗(例)真係非常超值，首先是燒雞外脆肉軟色香味十足豆苗更是想不到的多，完全係四人份！炒得剛剛好，不會太老！翡翠筍蝦餃皇 (特)皮薄餡靚之餘，蝦仲很大隻，看圖片都見到脹卜卜西班牙黑毛豬叉燒包$48叉燒包就食得多，西班牙黑毛豬叉燒包真是第一次嘗試！餡料很多，爽嫩有咬口，完全冇肥膏！鮑魚花膠灌湯餃 $48$48已經有鮑魚仔，花膠，灌湯餃，除左扺食之外 我都沒話可說了！南瓜帶子腸 (特)貼心剪開了一件件，一口size，每一件都平均有帶子和南瓜，鮮甜美味！

帶外國朋友飲茶，通常一係揀地區特色小店，一係就揀一啲有返少少特別嘅酒樓，依間海港薈，最正就係有一個超級靚嘅海景。佢啲點心都唔差，黑毛豬叉燒包非常扎實，醬唔會太甜，包又鬆軟。馬拉糕都一樣香甜鬆軟，但個甜意又唔會太死。蝦餃入面嘅蝦仁大大粒，爽口鮮甜，皮唔會厚，仲有啲煙韌。我哋仲嗌咗啲小吃，椒鹽炸豆腐外脆內嫩，滑溜嘅豆腐熱辣辣，點醋就最好吃。炸兩大大份，非常飽肚。朋友點左個灌湯餃，湯鮮熱，餡料豐富。海景一流，坐得寬敞，點心又有水準，係市區飲茶都可以考慮下。

想起好一陣子沒有品茗，嘆一盅兩件，與家人去了北京道1號的海港薈。維港景色盡收眼底，頓時胃口大開。松露煙燻蛋 - 蛋黃七至八成熟，蛋白散發著淡淡煙燻香氣，加上松露醬，味道更細緻。拍青瓜海蜇 - 脆口跟煙靭這兩種口感好像有點不相容，但海蜇就正正有這特質，加上清爽的青瓜，微辣的很開胃。西班牙黑毛豬叉燒包 -叉燒包不是常食的點心，不過見到是西班牙黑毛豬叉燒包又想試試。肉味較濃，而且比較少肥肉，醬汁份量適中，較健康的叉燒包。帶子豆苗餃 - 每隻餃子內都有細粒帶子和蝦，豆苗挺新鮮有菜香，皮薄餡多，足料美味。韭黃鮮蝦腸 - 鮮蝦大隻彈牙，腸粉有米香。能望著維港嘆精緻點心，充好電去享受週末。

近日發生的事端太多，為了轉換一下心情約了朋友出來飲茶，本來去樓下的街坊茶樓的，但朋友話要對自己好啲，去左呢間有靚靚海景的海港薈，地點在北京道一號，好易搵啦～很優雅的橫裝，看著無敵大海景真的不錯。茶要了普洱，很滑呢，難得的靚普洱茶，現在真是買少見少了。四季豆煎薄餅跟想像中的煎薄餅不一樣呢，哈哈，上枱時還以為係腸粉。外層是煙煙靭靭的糯米皮，內裏包著豆莢火腿片等，鮮味爽口，雙重口感很特別呢。西班牙黑毛豬叉燒包再來是這裏有名的叉燒包，餡料很多呢，滿滿的叉燒肉，爽嫩有咬口，肉多汁少且完全無肥膏，不錯不錯。帶子豆苗餃相當飽滿的豆苗餃，帶子鮮味，蝦爽口，仲有多汁的豆苗，加上有韌度的外皮，好吃。豐料珍珠雞最後還有珍珠雞，滿滿的荷葉香很吸引呀，餡料是瘦肉，冬菇，瑤柱等，飯除了混入紅米，仲有薏米，感覺相當健康呢，飽肚又好味。重口味的我倆當然要求辣椒醬了，居然仲有潮式辣椒油，正啊，現在的茶樓都只淨豆瓣醬了。環境靚靚，食物好食，茶好飲又夠滾，加上不斷沖水的侍應，真係同朋友吹水的好地點呢。

香港人步伐好快，所以假日有時間我都鐘意去酒樓嘆下菜，雖然環境會嘈一些，但係這就是香港特色！今次同男朋友去左尖沙咀海港薈飲茶！我未去過，不過男朋友之前食過晚餐，覺得唔錯，所以就試下食點心！內部裝修簡潔而明亮最大特點是落地玻璃可以飽覽維港景色！真係好靚，一邊嘆茶，一邊食點心，假日就應該如此享受一下生活！侍應服務比一般酒樓好好多，會主動倒茶，加水收碟全部都唔洗叫已經主動做了叫左好多點心！黑毛豬叉燒腸$48見到有黑毛豬叉燒腸！我好鐘意食腸粉，就試下得唔得先！外表望落唔覺特別，不過一夾起就見到有別於一般的叉燒腸！平時的叉燒切到好碎，叉燒份量其實好少！呢個好唔同，可以見到成片厚既黑毛豬叉燒！每一件都有，好足料！是不是黑毛豬，一食就知！呢個一咬落去好有油香，雖然有厚度，不過都好嫩！真材實料！這個價錢交足貨！好好味！值得encore翡翠筍蝦餃皇 特睇點心皮的摺痕，就知師傅認真與否！摺痕平均，皮算薄，蝦仁夠多，啖啖蝦肉。上海蝦春卷 大脆卜卜，食到有蝦，味道不錯西班牙黑毛豬叉燒包$48好大個，啲饀料好多，黑毛豬肉夠嫩，正！帶子豆苗餃 精最喜愛點心之一睇得出皮薄饀料多，趁熱食最啱，滿足沙爹金錢肚 精平時酒樓

辛苦了一個星期，星期六梗係瞓晏啲，瞓飽先來食嘢，去咗北京道1號對住靚景影飲茶，今日陽光燦爛，望出去有層薄霧，維港真漂亮。有咁靚個景，價錢又好合理，小點$22起，中點$26，大點$30，精點 $33，特點$38。都係食基本點心，最出色就係叉燒，全部都係用黑毛豬做的。黑毛豬叉燒腸，黑毛豬叉燒包，肉質真係唔同，比平時食到得更有咬口，同時又鬆軟，叉燒汁好好味帶點甜，好食指數高。招牌三色包真的可愛，分為是核桃包、黑金包、豬仔包，適合最後食作為甜品，合桃包裏面有合桃粒，甜到啱啱好。黑金包及豬仔包都是流心奶皇包，豬仔爆漿真可愛！甜度又係啱啱好，很香很滑。最後仲食咗合桃蛋撻做甜品

今天見到風和日麗，刻意找間有海景的酒樓飲茶，見到海天一色，高樓大廈，感覺心曠神怡。有維港海景的環境，高雅大方的裝潢，收取這樣合理的價錢，仲有免費泊車，絕對諗得過，留意每張枱只得一架泊車優惠。近日吃得太多，今日就簡單一點，叫了我最喜歡的蝦餃、叉燒包、灌湯餃、鮮竹卷。這裏的叉燒全部用黑毛豬，這亦是大勢所趨，吃過好的返不到轉頭，黑毛豬的肉有豬味，肉質鬆軟有別，無論配合包吃或腸粉皆極之夾。這個年代的灌湯餃浸在高湯內，與從前裹著不同，但配合疑似鮑魚花膠，又何有投訴，味道唔錯。素材料的鮮竹卷用上同樣的湯，味道很好。蟹粉小籠包都好，唔腥，灌湯，夾起不破。

到海港薈茗茶一為維港景色，二為這裡的精美點心而來。 與老爸每次來都感到心曠神怡，真真正正能享受到茗茶之樂！每次來必吃的;西班牙黑毛豬叉燒包 ，包的外表就像三朵雪白綿球一樣，質地很 蓬鬆，入口軟綿綿，熱呼呼的~內裡餡料更出色！肉質淋滑，蜜味醬汁不多少將肉包住，未有像" 漿糊"的口感'。果然非一般的叉燒包！每次吃完總是回味！鹵水豬仔脚皮爽肉滑口感，鹵水很入味，醬油色澤鮮明。上湯焗蝦球伊麵麵的韌度彈牙，味清甜，蝦球好爽口，份量很足！原隻鮑魚燒賣皇肉質鮮味而爽口！開心果蛋撻香滑蛋撻加了脆脆開心果~美景美食，每次來過之後都一樣的回味~

10月尾先係稻x 趕得切食$168一斤的長腳蟹，今日終於約到朋友食11月壽星的生日飯喇🎉🎉🎉稻x 11月份加到$224一斤，所以即刻轉場黎海港食，本來想去太子分店，但朋友話尖沙咀海洗薈環境靚D所以黎左呢度喇首先環境真係靚的，有無敵大海景，樓底高，燈夠光孟，影相都靚D。但侍應全部hea做，坐底叫茶等左十幾分鐘都未有，隔離枱剛到都即刻有茶，追茶又問我係同邊個講開茶，大佬呀......叫壺茶都要認人咩🙄食蟹有好多殼又唔主動換碟，要叫先換，到後尾我地食得8899開始傾計又走黎換碟，叫佢唔洗換，同佢講左我地唔食架喇，但唔理我地繼續換。真係應做時唔做，唔應做又博命做我要強調，當晚入座率約7-8成而已但食物質素係ok既......呢隻蟹5斤12兩 $1076.4蟹膏都算多，味道都唔錯蟹捧有成隻手掌咁長呀滷水豬仔腳我個人覺得咸左少少，但朋友覺得好好食腐皮素鵝炸得好香脆，可以一試南美花膠煲螺頭好伏囉味精極濃飲完一陣要不停飲水，最後頂唔順要叫罐可樂飲，飲完先舒服D鮑魚臘味糯米飯全晚最最最有驚喜的鮑魚好食唔un ，糯米飯炒得好香又唔會太乾身，少少’念念‘地好好味呀一品醬燒雞隻雞都算大隻，又唔太肥，好脆口睇番

今日約咗舊同事飲茶，為了方便他，地點選了，北京道一號的海港薈一出電梯，嘩！無敵大海景,視野開揚,如置身於五星級酒店，我猜如果在這裏擺喜酒，極之開心。因為避開寫字樓午飯時間，所以暫時客人不算多看見點心紙，很多食物都很吸引，以免眼闊肚窄，不敢叫太多鮑魚花膠灌湯餃價錢不算貴，湯味濃郁，鮮甜，女士養顏極品，感覺吃了很多膠原蛋白西班牙黑毛豬叉燒包搣開香噴噴，肉味鮮嫩多汁，口感甘香軟熟，遠勝普通豬肉很多，簡直冇得輸。恩愛天鵝酥看見隔離枱點了，被它的外型吸引。酥皮很鬆軟，包著冬菇碎肉，甘香回味酒糟鴨舌淡淡的洒香，鴨舌爽滑，一上台已經畀我一個人吃了七七八八，真無儀態.哈哈望著外面藍天白雲,維多利亞港，喝著鐵觀音茶，吃著美味可口的點心，簡直是人生一樂也，平時工作辛勞，就是賺取開心的一餐

假日飲茶相信是不少港人最愛的節目，在尖沙咀可以欣賞美麗的海景，此外也比較寧靜於是來到了這食店來享受這個美好的假期.食店你地鐵站大約2分鐘十方方便座位也比較舒適，由於點心也是即叫即正的，雖然等候的時間要大約15分鐘，但由於出品比較有質素，等一等也是可以接受的.這個蝦腸皮十分之薄，此外也充滿了米張的味道，水準十分之高.燒雞皮十分之香脆也是即叫即整的.鳳爪的醬料十分之好味道，又不是很咸，令人不禁也吃多了一隻！這個蝦十分之爽口加上滑滑的河粉簡直是水準之作.