海樂餃子店 (已搬遷) 新店位置

喺鰂魚涌返工，想食個性價比高嘅lunch其實唔易。(表面上係好多選擇，但好多都係貴得嚟質素又平平…)而呢間唔係好起眼嘅小店，就成為同同事成日幫襯嘅「飯堂」。小店只有幾張枱，每到lunch hour都一定見人龍。雖然又要等、又坐得逼，但都值得架，因為嗰種「家的味道」真係呢度先食到!講緊嘅係呢度主打嘅花膠淮山豬骨湯底，雖然花膠就搵唔到，但湯底味道清甜又唔會太淡，飲得出係零味精。餃子有10幾款揀，可以選擇叫8隻淨餃($46-50)或5隻餃配麵/米線 ($42)。一個女仔食8隻餃實在太飽濟，通常會叫5隻餃配米線。試過好幾款，比較推介特別嘅「蕃茄薯仔餃」同「鮮肉香菇粟米餃」，前者係因為坊間少見而味道唔錯; 後者香菇加粟米粒食落有層次感，其實呢度冇一款餃係伏的…今次試嘅係「鮮肉芝士餃」，粒粒都脹卜卜好飽滿，夠晒真材實料! 水餃皮厚薄適中，唔易穿到漏晒肉汁，又唔會厚到食唔到餡，不過餡嘅芝士味冇想象中咁重。米線都唔少架，絕對食得飽! 食完餃同米線最緊要飲埋個湯，正到不得了。飲飽食醉，大家都不約而同咁高呼一句：「好滿足呀～」呢碗$50有找，有「家的味道」嘅靚湯絕對可以為我地呢啲「無飯打工仔」差差電。

一向都好中意食餃子，有一次突然發現呢間小店，就一試難忘了。呢度有10幾款餃子，可以選擇要淨餃(10隻) / 餃子(5隻)配面。我通常都會叫餃子(5隻)配面，因為呢度既餃子比一般既都大隻得多，食完會好飽。今次都係叫番我最中意食既鮮肉芝士餃，聽落好奇怪但味道出奇地夾。芝士味唔會好濃，所以唔太受得芝士味既朋友都可以試下，而且真係好足料，有滿滿既餡，而且皮既厚薄都好適中。中意喺到食餃子既原因仲有另一個，就係佢地既湯底係採用無味精既花膠豬骨湯。飲落去好舒服，唔似係不斷加水搞到淡哂，仲會有小小痴口，證明真係有花膠既骨膠原。幾十蚊有足料餃子同花膠豬骨湯，真係又好味好抵!

是晚相約了朋友出席一個講坐，之前吃個簡單快靚正晚餐，她提議到這家小店吃餃子，之前生果日報也訪問過此店，以花膠湯底聞名，那就當然要試試。店內簡單的裝修，感覺開揚，坐得舒服。 有不同款式的餃子。 小妹這個愛咖喱之人，那當然要試試這裡的鮮肉咖喱薯仔餃。湯底口感厚身，有濃郁的花膠、肉及其他配料味道，味道清甜可口，喝得出是沒有味精，回家也沒有after effect。 咖喱味道惹味，為自家調製，不太辣，富有港式的咖喱味道，薯仔夠腍身，肉夠爽嫩，咖喱亦很入味，一口氣連吃8隻實在是不難之事！

聽過海樂餃子店好耐，今日終於可以一試啦！今日係太古坊開完會，想食個下午茶再番公司，就行左去食餃子啦。餐牌試寫既係絕無味精，同埋"花膠淮山豬骨湯", 聽到都好想飲吧。因為本人你一名餃子控，所以無要到湯面，只食雙拼餃子，分別係鮮肉菜餃，同埋鮮肉白菜餃。因為係即煮既關係，所以都等左成15分鐘先有得食，一試飲啖湯，嘩，好甜呀，因為飲得多媽咪煲既花膠湯，都真係幾真材實料！然後咬一口餃子，好濃味，比較之下，我鐘意白菜餃既鮮甜多D, 無推介錯，真無大大粒，食完8隻，再飲埋花膠湯，滿足，不過個皮可能要包到大大隻唔夠薄，咬落會有粉，口感會有小小影響。

就喺病咗先會想食啲清淡野 呢個餃子絕對喺而家想食嘅top5😭-鮮肉栗米三色椒餃 ($46/8隻 雙拼加$2)湯底喺花膠淮山豬骨湯 唔好期待會有好多花膠/好重花膠味～其實撇除呢樣野 呢個湯飲落帶清甜滑口 幾好飲的 重點係無味精 唔會食完好口渴!!!🤤而呢個鮮肉栗米三色椒餃絕對喺我杯茶 因為好多栗米粒 再加埋三色椒 食落爽口👅又好足料 唔會得個皮厚但料就無咩~而且佢啲餃子都幾大粒 淨食8隻當lunch 無難度!!!🙈

准山豬骨湯鮮味沒味精，餃子十分大隻，一人份八隻剛好夠飽，五隻餃子加麪也是剛剛好。有大約10款餃子選擇，但沒有素菜餃；不過，如果不吃菜的朋有一定會愛上這餃子店，因為有栗米、木耳、芝士、冬菇等配搭。最怕餃子神裡見到粒粒肥肉既我十分推介呢間餃子店；自家小店十分值得支持。不過這裡沒有煎餃子，只有炸餃子，個人感覺十分熱氣，食左一隻即刻作喉嚨痛，仲炸到幾啡色添！店內還有一般餃子店有既炒土豆絲、涼拌木耳、拍青瓜等供應！

某夜在太古坊下班後到附近買晚餐，本人對食有要求但有選擇困難(獨自一人時尤其嚴重😂)，經過多番考慮，決定試試這家餃子，附近有一家餃子開了很多年，只吃過一兩次，味道是還好，但總覺得餃子來說有點小貴。這家小店很普通，但每次經過都看到店內總有捧場客，這晚便試一下！看到<絕無味精>花膠淮山豬骨湯和重慶酸辣眼見已是晚上8點多，吃清淡點吧，便選了花膠湯。姐姐著我進店內付錢，然後我說到外面等，她說乖，哈哈，好有趣。我點了鮮肉韮菜餃$47/8隻即叫即煮所以等了一會，回家立即打開，嗯，花膠味好香，喝一口，嗯，好喝！完全令人感覺滿足，稍稍舒緩了一天工作疲勞。餃子超大隻，韮菜味濃，一點點juicy, 湯底完美地比另一家優勝，下次會再回來！

見有餃子店新開，諗住試吓。中午十二點二十分左右，店內坐滿人，門口有兩個兩位等緊，我一位等第三張。5分鐘左右有位，坐最近廚房嗰張。餐牌上有大約十二款嘅餃子，可以淨餃雙併，所以同一位較年輕嘅女侍應叫左韮菜併咖哩薯仔餃，佢仲覆我一次，冇錯先落單，去到呢度都好正常。等左10分鐘上左餃子，食第一隻發現係京蔥羊肉😡😤我對羊食物敏感，吐都吐唔切，跟住我同另一年長啲嘅女侍應講話佢俾錯我，佢就問新嚟女侍應話「你係咪落錯單呀？」，我搭嘴話佢有同我覆單先落，我話你換番咖哩薯仔俾我啦！年長女侍應竟然話「我哋啲餃全部都係咁靚㗎，你食啦！」我再叫佢換，佢攞走左成碗餃子同我咬開左嗰隻京蔥羊肉餃俾男老闆睇，男老闆竟然話「點會俾錯你呀？羊肉貴咁多！係咖哩餃嚟㗎，啲餃全部都係我包嘅，我會唔知！？係豬肉嚟㗎，你食啦！」我話「明明就係羊肉，我唔食得喎！」佢依然堅持自己冇錯！😡😡😡😡成餐飯一肚氣！我當然冇食到羊肉餃，仲每隻都夾開俾番佢睇裡面。其實啲餃子味道唔好，明顯係用雪藏豬肉，調味過濃，完全冇餡料嘅鮮味，再講個湯底又唔係好飲都唔知點解可以賣咁貴！態度差又唔好食，應該唔捱得幾耐喇！

我和友人特地星期六來鰂魚涌試一下這餃子店的，我們會再來的。我們點了碗韮菜餃子。友人起初看見價錢，盤算著餃子都頗貴，$48才8隻餃子，$6一隻，憑什麼呢？不消一會，餃子便上桌了。嘩！湯底很濃，而且香氣撲鼻，就算只看未嚐已知是足料老火湯。等不切先嚐一口，不得了，好味道，禁不住一口一口的再嚐。餃子也是非常巨型，以女孩食量計，如果吃畢一碗的話大概飽肚有餘了。韮菜餃一口咬下去盡是菲菜，多菜少肉，女孩至愛。我稍嫌餃子不夠熱，湯是夠熱，但餃子太概是另外烚起再下湯，待太久了，下湯上桌時餃子不夠熱。

今日做咗逃兵冇打羽毛球不如出去食碗暖嘢啦一開張我食過一次外賣番公司，今次就try try堂食啦去到話4位，冇位，又冇飛派，唯有出面等點知遲嚟嘅人竟然先上岸再問姐姐，一句叫咗你哋又唔嚟咁就唯有再等等啦轉頭坐低店員互相推波唔肯落單，叫咗幾次先成功我食羊肉餃第一啖好重花膠味，冇味精，好似飲屋企湯咁8隻羊肉餃，羊肉有咬口，京蔥份量剛剛好，唔會太多嗆曬羊肉味試咗友人白菜餃，味道一般，略嫌白菜太多又試咗粟米餃，味道唔錯可能舖頭太細，食咗冇四個字就比人趕走味道雖不錯，但服務堅嚇人

鰂魚涌太古坊一帶近商業區和住宿區，食市多，正因爲如此，質素差的往往被人淘汰，所以近海光街的小店差不多一年就結業。 最近在角落的日本店轉手了，頂手是海樂餃子店，是這區第二間買餃子的，OL平時lunch多數吃面食，這家店價錢中等，大概四十多元一碗，中午時份也十分多人呢！ 除了餃子，還是小食，但選擇不多。 我點了鮮肉芹菜餃子米線$42，五隻水餃併麵食，海樂主打絕無味精花膠淮山豬骨湯底，看來不錯呢！ 先試餃子，餃皮很滑，餡料也多和夠味，加上芹菜特別香甜！ 湯底味道清甜，濃濃的像蘿蔔豬骨湯，花膠倒沒有找到，不過湯是沒有味精，喝了成碗也沒有口渴感。 以家庭式經營，老闆娘說她是東莞人，小本經營，自己做餃子一定新鮮好吃！ 店子跟上手日式料理餐廳一樣，應該是頂手，坐位不多，中午時份一定要排隊，而且待應全都是阿姐，說話較大聲粗老。

天氣凍凍地又肚餓，行過呢間海樂水餃店， 本身都坐滿嘅，等咗五分鐘就可以坐低， 睇完個菜牌，樣樣都想試雖然我得兩個人 但我哋叫咗三碗水餃， 分別係韮菜餃，白菜餃同羊肉餃。此舖頭賣點係用花膠豬骨做湯底， 三碗水餃一擺低，第一口就飲咗啖湯，天氣凍凍地飲呢啖湯的確合時， 水餃餡分量算大，算是皮薄餡靚， 羊肉餃是最特別，唔太鬚好好味。美中不足就係幾位婆婆記性實在太差啦，成日都唔記得野，不過佢哋殷勤嘅服務亦都算係補夠曬所有嘅不足，看起來也好好笑，也令我想起童年母親包水餃嘅回憶。傳聞中話冇味精，我唔太肯定，因為食完我有口乾嘅感覺，不過有機會係個鎮江醋裏面，未必係水餃裏面， 總括而言，可再一吃。

上個月網上介紹了這間水餃店，吸引着我的是強調用花膠淮山豬骨湯做水餃湯底，剛巧地點近學校，一開學當然要火速過來試試是否貨真價實。本希望可以避開擠迫的午饍時段，想不到下午二時多也一樣人多，店內的18個座位不久已坐滿了客人，兩位廚師和兩位服務員忙得上氣不接下氣，年紀不輕的服務員非常有禮貌，雖然確實有點亂，但看見他們竭盡所能為客人服務，本人非常欣賞。看見餐牌每款餃子五隻配普遍米線$42，只有羊肉餃和海鮮餃比較貴＄46，若果不想吃米線可以叫淨餃子八隻$46，而我今次點了最普通最傳統的鮮肉韭菜餃米線$42。等了大約15分鐘我的鮮肉韭菜餃米線上枱，大大隻的韭菜餃立時吸引着我，咬開看見肉質新鮮韭菜嫩綠爽口，味道鮮美沒有用鹹的葉料，反而有少許甜甜的味道，正所謂皮薄喊靚好味道。可是我不太欣賞米線，雖然麵質可以不軟也不硬，但吃得出是用水煲熟，味道跟湯底格格不入，若果可以用湯底煮熟麵條效果會更佳。至於傳説中的花膠淮山豬骨湯底，我也找到一件小小的花膠，當然不是貴價貨，湯底也沒有濃郁的花膠味道，可是有濃郁的紅蘿蔔和豬骨湯味，一咬紅蘿蔔便吃得出是煲了幾小時的紅蘿蔔湯，頓時想起媽媽的老火湯，有相為證我真的把整個湯喝光

聽同事講呢間餃子店嘅老闆係貴州人，餃子又大又多汁，於是就膽粗粗同侯小姐入嚟試吓啦！全店20座位，但閒日下午茶時段嚟講，坐滿咗一半客人都算係咁啦。我哋叫咗一碗鮮肉韮菜淨餃同一碗鮮肉粟米淨餃。餃子到啦⋯⋯咿！又的確幾大隻喎，而且好肯定係自家製作。值得一提嘅係個湯底，用豬骨、紅蘿蔔、花膠(先唔好睇價錢)熬製，飲落口好清甜，不過花膠唔夠膠，但勝在一啲味精都冇而每碗湯都有兩三片花膠BB付送。輪到主角餃子啦，用料足，但又未去到好多汁，皮都夠薄，喜歡少辣嘅朋友可以叫重慶酸辣湯，不過本人嗜辣，我就覺得冇料到呢個價錢食到自家製又冇味精嘅製作，算係咁啦！

Lunch time 去幫襯，舖頭只能用混亂嚟形容，落單完全冇系統。。。老闆態度惡劣 😡我叫外賣問左好耐先有人理我，算，人多新開業我好明白。幾經辛苦落到單(我叫香辣餃子米線)，等好耐都未有隔左一陣阿姐拎個韮菜米線出黎，但在場根本冇人叫呢個。。。我問阿姐係咪搞錯左我嗰個，阿姐唔理我。。。再隔左陣阿姐拎左兩碗淨餃出黎，粟米菇餃來的，係後過我好多落單嘅人叫的。於是我入去問我嗰個得未，幾時有阿老闆就話: 而家煮你嗰個囉！(好惡的)我同佢講後過我嘅人都走哂lah wor... 老闆竟然話: 煮左個韮菜你又話唔啱! 你要韮菜咪即刻俾你囉！。。。。老闆你知唔知自己講乜你地自己煮錯，個客一定要接受？你錯單係個客錯？！最後又等左一陣我終於拎到我碗order...不過番到office打開。。。說好的米線呢？！一定唔會再嚟食！態度咁差而且啲餃子無甚特別。。。