海景咖啡廊 (已結業)

看完這裡食評, 都好多good, 4個男人去食自助午餐!!!環境較舊, 一出去食頭盤, 無生蠔... 失敗!!得返d青口同翡翠螺, 但無味好un... 好失敗!! 主菜d野好cheap, 只係d炸薯仔片??? 炒飯??? ... 重有d乜西芹羊肉?? (咩黎?!) 燴雞?? (煮過火!!) 點心只有d蝦蛟,魚翅蛟同蠟腸卷... 失敗中既失敗!!!唯一好d係魚生同蒸魚, 但只係一般新鮮!!!不過有樣野係好好, 係個廁所好乾淨, 個伯伯好好禮貌, 但重點係... 我地黎食野,唔係黎去廁所!!!我寫呢篇野唔係投訴, 係呢度有好多"槍手" "廣告"!!!什麼"食物refill 得快", 下? 條魚得返d肉碎同內臟,照放!!!什麼"唯一不滿的是那水魚湯：是濃，但不是水魚濃，是藥材濃（淮山杞子黨參）...還有雞胸肉" ... 似非而是!! 其實我飲過係,無水魚味又無藥材味, 爭d唔記得自己令左d乜湯黎飲!!不要再去!! 世間美食何其多!!!

提前二星期Book了生日果晚(2/2)同bf撐枱腳食自助餐，因為覺得同bf一齊咁多年，都好似未同佢食過酒店自助餐......環境都幾好，近窗口位，窗外見到行人天橋同小小海景，都幾好啦，我地個位置又唔多人，都算有情調，哈哈～一去到坐下，bf就為我拎咗半打生蠔，之後就同強分開輪流覓食，食物款式都幾多：生蠔,刺身,壽司唔少得；沙律款式簡單；凍蟹,龍蝦等要好有耐性咁食；熟食普通啲蒸魚,雜菜,金菇牛肉,牛仔骨咁；朱古力噴泉好高,幾好玩；甜品款式都好多,好味；我支持到最後，盡情地食咗唔少野，呵呵～～近十點捧住個肚腩離開，飽到想嘔，哈哈～不過只包一杯飲品(清水任飲),少啲選擇囉!!匯豐銀行信用咭有八折

遲來了的family day。聖誕節翌日自助午餐唔算full house，唔算貴，但又絕對唔係唔得：食物refill 得快（其實唔係refill，直頭成盤食未夠七成就已經換o左第二樣野），服務絕對係快而又有求必應。一記大大隻白烚嫩口翡翠螺：以慰大多數愛蠔者的寂寥，食到停唔到口。二記甜品同應節甜品的數與量：除了Christmas Pudding、Christmas Log Cake、Mince Pie、Gugelhope、Stollen、Rote Grutze w/ Vanilla Sauce 同Blood Orange and Banana Jelly w/ Pink Peppercorn 之外，還有Blueberry Mirror Cake、Passion Fruit Moussecake、Tiramisu、White Chocolate Fountain，還有紅豆沙西米露、甜過頭的Chestnut w/ Roasted Apriot、大大粒士多啤梨或者蜜瓜或者哈蜜瓜或者西瓜...還以為自己在吃Dessert Buffet 添。其他如火雞+金巴利子醬均具水準易入口；肉眼扒火侯也控制得

本來不懷太大期望, 但試過後又不是那麼差. 早一個星期訂了窗口位, 坐位有少少view, 原來就是全場最好view的了. 另邊的窗口位, 旁邊竟然是條行人天橋樓梯. 6點半到達, 人不多, 可以方便我四圍映相. 食物不算太特別, 但款式算多. 全場最多係扇貝,一味四食, 熟食豉什扇貝, 兩款鐵板燒, 一款冷盤. 蟹腳一般,蝦好似唔多新鮮. 又係龍蝦仔, 但論新鮮程度這裡的比marco polo好多了. 蠔係即場開, 細細隻不太肥. 但排隊比較哂時間. 燒羊肉及燒牛肉ok. 魚生都ok, 但就不是高檔貨色. 在壽司吧內找到好東西,是鮮帶子和甜蝦. 我和太太都吃了不少. 雖然不是自己夾要司傅欏比你, 但你有要求你想食幾多都得. 但只係出得一轉, 要吃要快手了. 甜品一般, 求其拿四五件嘆. 本來就是美好的一餐, 就是下半場開始來了一家好"巴閉"的典型香港家庭坐在中央, 他們就像在自己家裡一樣, 高談闊論, 大呼小叫的,實在大煞風景. 總結來說, 那頓自助餐也是令人滿意的.

其實我都喺呢度食過3次。首先，想講講佢地個名。每次打電話訂位佢地都讀錯個餐廳名。呢個名係法文黎... Rendezvous (音: hong day 夫), 佢地讀左ron day 芙。1) 生蠔：我0既首選！好新鮮，即場開。平時喺第2 d酒店d生蠔都係開曬放喺度，小女子腸胃比較敏感，都會肚仔唔舒服。但呢度0既生蠔次次食都無問題，味度仲好鮮甜。2) 長腳蟹：好鮮甜！鍾意食海鮮要必食！3) 翡翠螺：我無食到。但我個friend食左好多，好好味，但佢話比較難消化。4) 甜品：我最喜歡0既白朱力瀑布(不多唔係咁多人食到咁甜)。呢個場比較細，食物種類又較少，但d海鮮性在夠新鮮。服務態度一般...$298 + 10% 包餐茶, 我個friend好衰唔衰叫左杯lemon什，原來要成$60杯，但個waiter又唔提下人... 另外，而家有HSBC card 就八折。

　我上星期去呢間酒店度食BUFFET,啲SEAFOOD好食和好FRESH，但啲魚生就……，OVERALL都絕對超值!!!

就快到生日，先醒起唔記得留上年生日既食評，咁依家補番啦。雖然過左咁耐，都希望大家唔好介意!!其實我覺得食物都幾好啦，有翡翠螺同長腳蟹，都幾好味架!差唔多食完又有d龍蝦出wor，試左半隻，又ok wor。可能我唔多食熱盤啦，主攻冷盤，都食得幾開心。甜品選擇都幾多，又有我最愛既strawberry，仲好新鮮tim!不過d雪糕真係差左d啦，而服務都不是太好，d waiters冇咩笑容，比人既感覺唔係咁好。依餐飯食得好開心，因為係男友第一個同我慶祝既生日，所以全程都食得好開心，食咩都咁sweet^^

星期日去食lunch buffet, 前兩日已打黎book位, , 點知去到話搵唔到record, 搞錯! 態度都幾麻麻.d野食好食, 比想象中多野食, 都係最普通的buffet 食物, 沒有特別. 好多中式點心, 蝦餃燒賣, 臘腸卷, 奶皇包=_= 牛扒幾好食. 刺身都切幾多比你, 幾好食. 熱葷有十款八款, 什麼炸豬扒, 魚香茄子, 蒸魚果d 普通野. 味道都唔差既.$198 一位加一. 應該唔會再去^^"

入到去,見到個場咁細,選擇不多, 所以在開頭1小時內,每款食物食多了份量,(他們的魚生切得較厚)忘記了食番些生蠔補數,龍蝦又唔夠人手快, 仲要鬼掩眼, 叫了杯果汁,my god $55/杯有些地方小的餐廳會中途轉款,但他們唔覺有魚生得大路那些3-4種,壽司好少款,其中一款是海膽壽司,但一般貨色而已..,有即開生蠔,龍蝦,長腳蟹,其中一款蟹腳好咸,甜品較多選擇(與刺生相比)呀...雪糕係牛奶公司, 一間五星級酒店竟然給牛奶公司貨色給客人食,仲要收348/人(星期六), 我去過尖沙咀朗廷,他們個場也很細,但他們供應movenpick 很好味雪糕會展又大過佢,款式多佢幾條街, 以後唔去這間食, 下次可能會試Royal garden / 日航

昨天下午去食buffet，成一百九十蚊位，食物鍾類都一般，壽司既款式少ｄ，同埋雪糕居然係溶既雀巢，呢樣就真係過份D啦最過份就係原來食得半個鍾!想坐耐D都唔得，同埋d services　真係認真麻麻

呀媽生日想食buffet, 就是但去左呢間,呢到最好食都係海鮮,生蠔係即開,如果唔掂就即掉,開蠔先生再開過隻比你,感覺都算新鮮,不過就唔夠肥美. 魚生都ok,不過太少款,得4款.另外D螺,蝦,蟹腳都可以,可惜質素比較參差,有D好有D唔好.熟食就麻麻,好少選擇,我食左串燒海鮮,D蝦同魚都唔得,D醬就好唔掂,忌廉蜆湯冇乜味,家姐話D白汁長通粉好好味,我唔知啦,但係一D料都冇,見到都提唔起興趣.到左食甜品,D甜品因為一早拎出黎,加上D射燈太勁,好多都溶溶哋,包括個tiramisu,攪到成兜湯咁,我諗本身D甜品都ok架.....仲有呀~雪糕係牛奶公司tim(>.<)!最好食嘅甜品應該係細細杯嘅野,有個係薰衣草味啫哩同香檳啫哩都幾好,呀媽仲食左3杯香檳啫哩tim.我諗熱愛海鮮(尤其係生蠔)就啱食D,好多人都半打半打咁攞.環境都唔多好,樓底好低,枱與枱之間太迫,人多起黎都幾嘈,最衰係家姐,原先想去帝苑,又有coupon喎,但佢話早前都去過,唔想咁快再去多次....285+10%

見到下面位EyE 講到咁, 都要講講呢間野,我三四月食過一次,選擇的確係好少!熱盤根本係無野食架,冷盤都好d, 因為有翡翠螺食, 食多幾隻都可回本,而且味道ok~幾鮮幾大隻!但即開生蠔係唔掂, 好細隻無鮮味,壽司亦唔吸引! 雪糕仲離譜, 係雀巢!不過到最尾時突然有龍蝦刺身, 好正!!又係回本!!總括來講如果一心諗住係食翡翠螺同龍蝦就ok囉,唔係就唔好去喇!不過可能而家連呢兩樣野都唔係成日有....

最初睇D評語，好似好正咁，但我地9個人去食，全部都非常不滿。以一般＄200－300既BUFFET計，呢間係我食過最差既一間！食物：海鮮，魚生無款新鮮，龍蝦成晚剩係得幾隻，好似有寶咁，又唔好食，生蠔雖然係即開，但超細隻又無鮮味。沙律吧都過得去，但已MIX好的沙律就好難食，冷盤（煙三文魚，煙火腿等），見到個樣已經無興趣欏。麵包硬倔倔，熱盤全部低成本製作，款式極少，只有炒飯，生滾粥，蒸魚，西蘭花（全部都可以係屋企自己整）。燒牛肉較好，幾嫩，不過羊架太少，切晒就無，然後出低成本既豬頸肉，太孤寒。食到無晒MOOD，希望甜品好D啦，唉，又係奇差！焦糖燉蛋唔知點解係一PAT野，好似嘔吐物咁。芝麻MOUSSE好似食芝麻糊咁，太甜。最奇既係開心果MOUSSE無開心果味，竟然有杏汁味，超難食！服務：人手嚴重短缺，次次去欏完野食，返到個位仍然見到之前個碟仲未收走。埋單仲誇，等左10分鐘都未有人見到我地遞手，要我地行出去叫個WAITER先埋到單！環境：OUT晒，好老套，椅子太矮，坐得好唔舒服。如果要講，仲有排講，總之食到好唔開心，＄260既BUFFET只有＄50既水準！

Dinner buffet 食物新鮮，尤其是生蠔，除了是即叫即開外，本身還有一大個水箱養著它們。魚生只得3款: Salmon, Tune & Snapper，而且味道一般而已。熱盤味道就不錯，其中包括lamb rack, beef steak, steamed fish, sweet potato mash 等。甜品有很多選擇，其中較突出的，是芝麻pudding，有濃郁的芝麻味，很滑但又不是太甜，正!食物味道大致上都屬有水準，但款式比Shangri-la的少。服務方面，在5星級的酒店來說，此店的侍應較cool，麻麻地啦!

被安排坐出lounge,行遠兩步路,不過坐得比較舒服,而已靜D,旁邊仲有人彈琴,好good海鮮試左螺:幾爽口/ 長腳蟹:有兩種,但食唔出有咩分別,幾鮮甜好味,不過食多幾隻就開始覺得咸/ 蝦K / 蟹:都幾好味,叫做啖啖肉唔洗食得咁辛苦/ 蠔:有個counter養住0的蠔,即叫食開,感覺好新鮮,平時無食開都叫左一隻試,ok喎/ 豉椒蛽:幾大隻,味道都ok,不過當然係大排擋有鑊氣好味D / 刺身:即叫即切,三文魚好肥美,正呀/ 我6:45到,無留意倒有龍蝦,鮑魚,蚌等seafood,唔通縮左水...甜品試左tiramisa係傳統\"畢\"黎食0個種唔係cut cake,好咖啡味,食第一次時覺得好好味, 第二次再畢另一邊,可能D糖攪得唔混,好甜,而且隻碟太熱,畢左落去拎返埋位已經溶左一半/ 有個好似火焰雪山既批,超甜,好似食緊砂糖咁,個批底怪甜味/ new york cheeze:好芝士味,幾好/ 士多啤梨拿破崙:最好味,個皮仲好脆,多士多啤梨/ pancake:拎到埋位入面既cream已經溶哂, 不過好好味(有荔枝餡) / 杯杯jelly,好靚,唔好食,不過感覺都幾特別,有白朱古力+薰衣草