海景咖啡廊 (已結業)

因有兩個朋友都有這裡的會員卡, 我們六個女士的拋夫棄子聚會經常會選擇這裡, 但不明白每次用兩張卡訂位都要我們分開兩張抬, 就算安排隔離, 也要在兩之間隔開一條通道, 真是墨守成規。食自助餐的好處是不必等齊開飯, 先到先吃, 邊吃邊等; 今期主打做海鮮, 我6:30 已開始吃海鮮凍盤, 龍蝦, 蝦, 蟹, 蚌, 鮑魚, 長腳蟹等…，非常滿足。但可惜龍蝦及鮑魚之後沒有refill, 我遲來的朋友可沒有口福了。另外每次必食的是燒牛仔肉及羊架, 約七成熟, 肉汁四溢, 今次配了一味非常美味的燒甜薯(勁推介燒甜薯，encore佐兩次呀)!甜品方面, 士多啤梨拿破崙、蛋白檸檬批、tiramisu 及芒果蛋榚比較好吃, 其他的mousse cake 一概唔掂, 本想再試pancake, 但我的胃已收工。海鮮、牛仔肉等已值回票價，甜品側不要有太大期望。

由於今日係男友生日,自己又係酒店會員,諗住近尖東海旁,食正男友海邊必要的晚餐.之前試過食一次下午自助餐都很好,決定今晚來試一試晚餐...7:15 入座,我地早到少少,但係已經好多人'開緊工'食物BAR已經人頭湧湧,證明有一定水準.一坐係窗邊位,先發覺窗外已被植物及天橋擋住左,不過唔緊要,食野緊要...一般刺身,蟹腳,青口,螺,鱸魚,蝦,龍蝦等海鮮都有,好多種類選擇,最緊要係我地都鍾意食既蠔,就只有IRISH OYSTER,而且肉就唔係好多,唔係好厚,一般質感,但係都好啦.最慘都係食唔到海膽..我瘋狂既男友食左好多羊同牛扒,可能太好食既關係,好快就冇哂,羊肉酥又有肉汁,牛扒半生熟,肉感好好,加埋黑椒汁一流.佢仲突然狂食蟹,話好好食.我都見到D蟹肉好大,好足,好鮮,令我都忍唔住食左幾啖.鱸魚係我既至愛,蒸鱸魚都好好食,肉,汁都鮮美味...我地好好彩,男友拿龍蝦時,take左一個半邊龍蝦有龍蝦鉗,侍應serve我地時話我地好lucky...另外,佢地有蒸帶子,仲要係半生熟,正...因為有coupon關係,有支白酒送,同埋買一送一,好抵...食埋d甜品,形形式式都有,tiramisu,frui

15/6 男友大壽,請佢黎呢度食buffet,7:30去到,見座上客有8-9成,估吾到平日都咁多人!食物種類都算幾多,sashimi:salmon,tuna, 劍魚,8爪魚,海膽(但我地去到時已無晒,個server立即攞左3隻半個開邊龍蝦黎作補償,都算系咁啦!cold dish有alaska crab leg,青口,螺,蝦,全部都吾差!熱輋方面亦相當多海鮮,炒蟹,煎鱸魚,蒸石斑,炸海鮮...此外,佢既pasta做得十分出色!墨汁麵及意大利飯夠煙韌!有紫蘇芝士汁,白汁,蕃茄汁3款,3款都吾錯!甜品種類亦吾少,而且頗特別,淨系cheesecake都有4-5款,tiramisu做得尤其正!意式rice pudding亦不俗!另外有即製pancake供應.$258一位,我地有一送一coupon,埋單都系$308,咁既食物質素,絕對系食得過!環境雖然無5星咁好,但食物質素肯定比某d4-5星級好(ie:Island/Kln Shanga-ri,Hyatt,Marco Polo)

食過呢間hotel 出的Tiramisu, 真係唔講都唔知係Tiramisu, 無酒味, 無coffee 味, 蛋糕比例多過cheese好多, 真係寧願買美心$7.x 一件o個d 好過!!

做緊韓式自助餐食物好多款式但係竟然鍾意食佢d素食....仲有鍾意炒蟹d汁撈埋伊麵食, 好似食緊龍蝦伊麵咁....韓式燒烤都ok

去左食佢個count down buffet....生蠔雖然即開....但係唔新鮮.....蟹....好味....螺....亦都夠唒鮮甜~~個人參雞湯幾好飲~不過...熱盆少左d囉....甜品就唔係咁得....最衰係個壽司檔....唔俾人要海膽手卷....我好鍾意食加嘛.....自助餐....原來唔係自己想食咩都得~~~不過其實d野食大睇上都唔算差~~係普通酒店既水準囉~氣氛同環境都不俗....12點果陣....熄燈...跟住D STAFF 就拮穿哂d汽球.....氣氛好熱鬧.....幾好玩...好過去時代同人逼~~

見佢lunch百幾蚊咁抵,一於尼試下.海鮮有青螺,青口,虾.略嫌唔夠新鮮,海水味欠奉,然份量十足,將功補過.中式熟食有點心:虾 蛟,燒賣,蒸包,春卷.點心做得不太出色.燒賣有咬口,不錯.仲有油雞,叉燒,熏啼,炒飯,茄子.值得一提既係佢地蒸既魚,份量十足,可惜大而無當.大大條清蒸淡水魚,不單只鞋口,無味,仲泥腥十足,實在令鄙人食不下咽也.西式既有燒肉眼,燒雞,羊肉,意粉,雜菜等等,印象不深,味道? 亦忘卻了.大概不能在本人心中留一席位.令人滿意既係佢地既沙律,雖然種類唔多(本人睇完某食評見呢間野多沙律,點知原來得幾種,真係失望,多同少既尺度真係各人有異),但係真係味道洽到好處,好!佢地d甜品都做得十分出色,都有十幾種可以選擇下.除左呢d之外,lunch仲有得食芝士,包,雪糕(牛奶公司陳年冰極雪糕),pancake(難食),湯(差),碗仔翅(味濃,唔錯),魚肉生菜,餅乾.最令我滿意既係佢地d壽司,個師父好野,功力十足,我用枝叉叉個舊壽司都唔散,好野好野.刀功又好,叫佢薄切佢真係切得好薄.刺身都幾新鮮,真係好.淨係去食壽司同甜品都抵返.整體尼講真係幾抵既,物有所值.我唔知點解佢地無啦啦打9折

整體來講都幾好，最值得食係生蠔(雖然我唔係太食生蠔)！即開即食，新鮮好食！生蠔並不是美國珍寶蠔那種(大過你塊面o個隻)，是細細隻那種，但甜美！好過一般D自助餐，D生蠔一早放晒o係度晒太陽，睇見都唔想食…另外，海鮮類食物唔錯，好似蒜焗生蠔、凍蟹、翡翠螺、龍蝦仔等…燒牛肉都ok，甜品中上啦，都是一般酒店水準囉，但就略甜。魚生就反而一D都無食過，未能評分~~因食其他都食飽晒啦…但如果唔鍾意食生或凍野，就會覺得無乜食囉

唔錯!幾好!好食!正!

如果以Cafe Rendezvous 的環境來說, 海景二字可謂欺騙食客, 原本大半海景已經被行車行人天橋阻擋了, 現象又因不知什麼工程在海邊圍板, 海景? 上層就可能見到. 此cafe環境不算太好, 以酒店來說僅為合格. 坐位太逼, 燈光昏黃, 裝潢old-fashion, 連員工衣著也不得體, 除了設計不美觀的問題外, 我們還可以透過薄薄的衣料透視男性員工胸前二點, 頗為不雅. 還幸餐具銀器整潔亮麗, 總算吃得安心至於服務, 可說令我非常不滿, 員工不斷催客人order飲品, 又倒反水, 我order赤貝, 卻因為當天沒有貨, 而在沒通知我的情況下隨便給我兩片北寄貝了事, 還有一個cook, "差"著腰, 輕挑地對點pancake的客人說"我淨係幫你煎塊野(pancake皮) ga ja, 你要自己畢d料wor!" (好在唔係同我講, 我一定沉不住氣) 態度十分惡劣儘管酒店環境服務皆不如人意, 不過我還是認為這是我最近吃過的食店中最值得推薦的這裡好像是以龍蝦作招徠的, 倒是有名有實, 大大隻冷盤龍蝦仔任食, 自相矛盾了? 不過佢d龍蝦仔的確好肥美, 有膏有肉, 十分鮮甜. 聞說另

今晚原本同友人諗住去帝苑試下佢地既宵夜buffet, 但係由於今日星期五, 又無book定先, 等左十五分鐘之後先知道無晒位... 唯有去另一間啦~記得呢間既dinner buffet 0係呢度既評語唔錯, 甘就試下呢度既宵夜啦. 哎... 點知... 真係好差...好少野食, D野食質素仲要好差...無乜甜品... 無cheesecake, sushi都好差... 料唔新鮮, 飯"lin"得太實熱盤最差... 差到揀唔落手.總之無樣野好...連生果都.... (我食波蘿時竟然見到有隻昆蟲0係上面.... >_<)唔怪得之甘少人去... 下次去食buffet之前都係應該入去望望D野食先...其實貪平去宵夜buffet, 都唔應該有太大期望... 不過佢真係差得太離譜... $108一位, 一D都唔直. 我覺得佢值$20. 下次一定要去帝苑試試. >_<

地方較細,要坐到出面0既梳化位,不過大梳化幾舒服,而且有人彈琴,都幾有情調,不過最衰出面d梳化位離buffet太遠,行出行入拎野食都要行好遠路食物都算幾少款,冇咩好食,我都係食左個唔知咩魚同炒飯炒麵,不過d即整粉幾好味,哪沙湯夠濃味,食左兩三碗甜品都偏少款式,唔係食左好多,有人整pancake,不過對個pancake冇咩興趣所以冇食到冷盤有龍蝦,不過每次出好少隻,而且一出就比人拎哂,有個冇品"麻甩"夠擔死出唔夠十隻但佢一個人就拎7 隻走‥‥‥酒店又refill得慢,印像中只refill左一次我覺得呢間麻麻,食過就算,下次令願行過隔離日航

印象中，好似好耐冇食過自助餐，今次因為join左海景嘉福個package，所以來試下。間餐廳唔算大，而且食物種類唔算多，最初有些少失望。但我卻發現佢有幾樣野都可以一讚。首先，d蠔好新鮮，全部都係即時開，亦十分肥美。第二，prime ribs好好食，夠「林」，又入味。pancake亦好有特色，雖然我唔係咁喜歡食pancake，但也覺得不錯。最重要的，就係甜品十分好，尤其芝士蛋糕，唔係好多類別，不過就好好味。以大約250元來看，已經是不錯的了！

嚟食晏,生蠔,燒肉眼,甜品ok la但一啲都唔鍾意食環境唔多掂食物勉強最多可畀3分

呢個網頁推介這間酒店無介紹錯!是次食下午自助餐,$145同區來說很便宜呢!再加上有新鮮的魚生、我最喜愛的甜品(包括Tiramisu及Cheese Cake等),好味道!值得推介