海天花園酒家

營業中

休息中

眨下眼又去到一年嘅尾聲了， 中國人做冬大過年， 梗係要搵啲好嘢食下啦！最重要係老板請客，於是我們一大班同事 就提議去三聖村食海鮮 ，呢間海天我哋都係常客，今次佢留了貴賓房畀我哋， 望出去個view仲係好靚添, 我哋預早訂了燉湯, 燒腩仔 海蜇 同埋靚叉燒我們到旁邊關財記買了一大堆靚海鮮，包括有蝴蝶蚌，(海鮮檔介紹的，時令嘢， 呢個時候 肥大肉厚，特別鮮嫩)， 聖子皇，瀨尿蝦，龍蝦，海中蝦同埋一條大杉斑燒腩仔海蜇及叉燒 這個拼盤係必然選擇燒腩仔 皮很脆 肉質很柔軟 叉燒肥瘦度剛好， 仲有少少燒燶咗嘅炭燒味，好正呀！海鮮全部都很好食！唯一要彈的是上湯龍蝦，湯底很"傑" 龍蝦有點老了 有點失望

三個天蠍之星，一大班朋友開大餐。樓下大門口，上來有兩三層。我們坐在二樓。地方得大，很寬敞。得獎叉燒 - 叫了兩碟。味道真的很棒！實至名歸！肥瘦適中、很淋很入味！葁蔥飽魚 - 新鮮爽口！原來姜蔥炒飽魚也很好味！辣酒煮花螺 - 辣酒不夠味。椒鹽瀨尿蝦 - 大隻又好味！椒鹽炒得很夠味，又不會太咸。蒜茸粉絲蒸扇貝 - 扇貝手掌這麼大隻，新鮮爽口。可惜豉油下多了，弄得粉絲很咸。蒸星斑 - 2斤重，外熟，中間還生。不夠滑。魚還是吃小的好，嫩些又滑些，亦容易處理，不怕半生半熟。炸桶蠔 - 吃一隻就夠，不然太漏。豉椒炒蟶子 - 蟶子不夠爽口，有些難咬，應該是炒過時了。菜 - 嫩。總括來說，是很好味的一餐！比我之前來吃的另一間好吃多了！

一行多人在假日吃晚飯的可怕經驗話說，曾經在那兒吃過一次晚飯，吃不到什麼東西已經吃了三千塊，所以大家都怕怕。今次，其中一人執意要吃，我們只好再去。今次吃了十二個菜式連甜品，其中煮得較好吃只是海斑，肉質挺滑。至於焗蠔，也相當大隻，十分入味。最後的甜品除了大家也知道的紅豆沙，也有糕點。可是和一般桂花糕有點不同，有兩層Layers，味道也不錯。 可是，其他東西都是味道一般，跟外邊的酒家沒什麼分別。實在不明白為何付出這樣的價錢，竟然吃不到龍蝦等的貴價海鮮。服務還可以，不時幫我們換碟，但初時叫了好幾次加多一壺茶也沒有反應。

在香港吃海鮮的熱點，不外乎西貢﹑鯉魚門和屯門三聖邨，個人認為三聖邨或許因為地理位置較偏遠，加上未及西貢般有較多針對遊客的商業活動，因此未被大量遊客攻佔，價格也相對相宜。區內有數家較有名的酒家，早前到過容龍，今次試一試海天花園酒家！之前在海鮮街買完海鮮，已留意到她的巨大招牌，知道周末人流多，因此早幾天已經電話訂座。 當天因塞車的關係，遲了半小時才到達，門口服務員雖然態度不太好，但最後也給我們安排了座位。 上到一樓，服務員笑容可鞠地歡迎我們﹑為我們帶位，挽回小妹對這家酒家的印象。在場所見，真的全場爆滿！放下行裝，我們立即往海鮮街購買食材，然後將食材交給酒樓侍應，並告知我們心目中的烹調方法！ 酥炸桶蠔 原來想試本地蠔，但已售罄，所以買了美國桶蠔。美國桶蠔沒本地蠔那麼鮮味重，但較大隻，我們決定用酥炸方式處理。酥炸部分薄脆，烹調時間不過火，令蠔汁得以保留。 蒜蓉蒸扇貝 扇貝看起來原本已經新鮮肉厚，以蒜蓉粉絲蒸一定好吃。我們還點了白飯，混入蒜蓉粉絲，令人食指大動。 椒鹽瀨尿蝦 四隻巨型瀨尿蝦甫上枱已令我們相當興奮！廚師調味得宜，不會過咸過辣。蝦肉鮮甜不在話下，蝦殼和蝦腳滲透惹味的椒鹽與瀨尿蝦的鮮味

因為太過懶唔想煮飯，於是約咗屋企人一齊去就近嘅酒家食飯，海天花園酒家算係屯門區最高級嘅一間酒家，除咗可以食海鮮之外，小菜都係唔錯，試咗幾道嘅小菜，足料之餘又夠好味，家人都食得好滿足。而且位置都坐得好舒服絕對係一家人晚餐精選！

初次幫襯，印象唔錯，食物味道不錯，無負面影響，價錢有點貴，只要好味道也值得，提意一點，東風螺類加工費是幾重皮的，蒸魚功夫一流，麻辣花螺頂呱呱，鹽焗奄仔蟹真好味道，總括一個滿意的晚宴

其實這裏的點心水準是OK,好有老派點心的食味！但D服務態度就差勁，終於嘗試到…甚麼叫比人辣慶的感覺🔥😡假日去飲茶要等位我是明白的，但這裹絕對是安排失當囉！我去到客滿三樓的部長話你要到二樓取'飛'(是強調的）😑。當我二樓取了'飛'就同佢講我是否可以三樓的，這位二樓部長好快的奪回手的飛消掉，好冇禮貌地説😧！她說你要三樓坐位，就要於地下大堂取飛，這裏是不會派三樓的飛😒！(是十分強調地說)😳!!!好我又再到大堂取'飛'......但當說要三樓的等候'飛'時，她竟然叫我上三樓等候，大堂是不會派三樓的飛…😳😳😳嘩…我🔥😡聽了火都起來！我就好慶咁同這位呀姐講，未玩啦！👿我由三樓比你D同事叫我去二樓，又由二樓你位同事叫我落大堂，你話比我知我可以點🔥😡當時大堂位派'飛'呀姐，才至電三樓按排我再上去取位，三樓位知客才安排我等…😑正體來説，為張飛玩完一輪，但又不用'飛'我等了20分鐘才有位入坐…！為乜！😑😑😑

多朋友住附近真好，今朝朋友一早就msg叫我上去佢屋企食晚飯，咁我就反叫佢去飲茶，原來佢地已約好一家大細去'海天'飲茶，反正佢屋企人我大部分都識，我當然唔會怕羞咁一齊去啦。平時鍾意去海天飲茶除左佢點心好食之外，最大原因係唔需要等位太耐（因為間酒樓都幾大有三層，而且價錢又唔算平），但出奇地今日等咗差不多一個鐘，原來附近間舊式酒樓冇左（又係領展攪裝修）。呢個炸魚仔香脆惹味，大家每次都好快食晒每次必點《豉汁排骨腸》食咁多次都冇失過手，滑到不得了《鮮沙薑雞腳》最鍾意佢夠多蔥又粘口《蛋撻仔》新鮮焗起熱辣辣，雖然牛油味唔濃，但蛋漿好味搭夠《炸饅頭》外脆內軟，感覺唔太熱氣《滷水豬腳仔》《拖地叉燒湯河》《椒鹽魷魚鬚》《鮮蝦餃》《北菇棉花雞》

呢間餐廳話自己係華爾街入面推介嘅其中一間中菜館，就係呢一點吸引左我呢一個唔係住屯門嘅人入去試一試。 其實我都叫咗好多海鮮，但係我覺得海鮮只要夠新鮮其實就好好食，反而想介紹一下呢間餐廳入邊嘅廚品。首先講吓個撈起先，呢個係三文魚撈起要前一日預訂嘅，的確你係好好食，三文魚唔會聲而且加埋其他唔同嘅配菜好有口感。之後就講下嗰個叉燒啦，我覺得佢肥瘦適中而且好厚身，完全唔似出邊嗰啲餐廳買嘅叉燒，你食呢度嘅叉燒同出邊嘅叉燒比較，完全係有食緊火腿扒同埋火腿嘅比較，咁你話邊一個口感好啲啦？！仲要介紹嗰個炒飯，佢加左啲趣味落去炒個口感好好，平時會飽到食唔落個炒飯，但係佢好食到令我堅持食咗一碗。仲有個蒜香骨，南乳味好重識落唔會太油膩，都係好值得推介。總括而言，其實呢間酒樓都真係幾OK，不過就比較多大陸遊客來食，同埋煙味比較重，但嘢食係好好嘅。

講起三聖一定諗起食海鮮，而呢條街加後巷係有好多海鮮店，餐廳，海天位置咁顯眼，當然係人人首選喇，先講佢地方夠大，坐都舒服，另外，我哋每次買完海鮮都會俾佢加工嘅，佢炮製嘅海鮮味道當然滿意喇，每次都覺得係夠哂老實嘅，不過今次就唔知點解差少少，首先係d侍應態度好似唔洗做咁，叫了又叫，無反應，另外，平時有d鑊氣嘅海鮮似乎無平日水準，反而d菜好新鮮好味，個壽包都好大個好正，同埋佢每次都無生果送，唯一美中不足囉，如果有埋糖水或者生果送就最好，皆因附近太多海鮮餐廳可選擇呀

原本一直相約朋友一起去吃「炭燒拖地叉燒」，但一直未能相約成功。結果自己走去哪兒回味一下。一個星期六，約下午二時半，不用等位，一坐下來就二話不說的點了此叉燒，叉燒是恰到好處的半肥瘦，面層有香甜蜜糖，雖然有少許燶，但不影響其美味。菠蘿叉燒批，其貌不揚。但郤是熱騰騰的，菠蘿皮香脆的。蝦餃就略為厚皮了。

我姐妹結緍攞酒地點不是普通婚宴專門店，而是三聖邨海鮮酒家。究竟水上人結婚菜式是怎樣？除左頭盤係乳🐷，中間全都是海鮮，我們每上一碟都嘩嘩嘩！習俗一定要有乳豬。蒜蓉粉絲蒸扇貝～超級大隻，新鮮又好食，隻隻多汁。豆豉炒聖子～隻隻好似筷子咁長，又彈牙又新鮮。嘩芝士開邊蒸龍蝦～真係好豪，龍蝦啖啖肉再加上濃味芝士，真係想食多隻。隻隻匙羹咁大嘅鮑魚，一啲都唔硬，啖啖肉好易咬。我相信老人家都可以食到。鮑魚螺片燉湯～精華去矖碗湯入邊，好快已經ko!蜜汁甘蠔～我就不係太食蠔，佢整得出面乾身，入面多汁，如果愛吃人仕會愛上他吧！清蒸海東星～不洗講婚宴最貴酒席都係用海東星，一定好好食，佢蒸到剛好。炸子🐔～因為頭先已經食到好飽，去到隻雞已經停下來離然佢好似好好美味。海鮮蛋白蟹子炒飯～我朋友話佢都好食，個飯濕濕地帶有蟹子粒粒好美味

今日親戚請食飯，特登嚟到三聖村食海鮮 ，親戚已經安排好一切，佢一早嚟到去左揀海鮮喇。我哋黎度就直接上咗酒樓，酒樓環境好好， 畀咗間房我哋坐得好舒適 。嘢食煮出嚟樣樣都好好味，尤其個椒鹽瀨尿蝦同埋酥炸生蠔 ，每樣嘢上枱都大大份，仲有個鹽焗膏蟹都非常正， 價錢係比較貴， 如果請客黎呢度就非常啱啦~椒鹽瀨尿蝦炸到脆卜卜， 十分正！ 如果再大隻啲同埋裏面有埋膏就更加正！ 酥炸生蠔隻隻都有手掌咁大隻 真係食一隻 都夠曬！鹽焗膏蟹，啲橙色膏流曬出嚟，食落啖啖膏

由年25開始，各種應酬團年飯，首先係三聖既海天開始，三聖係香港三大食海鮮既地方（鯉魚門，三聖，西貢），性價比最高，個人認為係屯門既三聖由於晚餐太忙，大家決定中午團年，亦係呢間海天既特色，中午既可以飲茶，又可以買海鮮豪食，團年飯，梗係選擇豪食係海天外面既海鮮檔，格左價，買完海鮮入餐廳，海天屬於三聖地區最貴既餐廳，通常餐廳好準，買料幾多錢，加工費就幾多1比1，但由於比較坐得舒服，因此係要俾貴啲30個人，分左三枱，每枱10個人，就10個餸，8碟海鮮，一碟燒味，一碟菜燒味推介燒腩仔，皮脆肉嫩，叉燒半肥瘦，蜜糖脆皮避風塘賴尿蝦，炒得乾身夠香辣元貝蒸得啱啱好，粉絲吸味，蒜蓉香其他屬於中上水平

春節初一に大人4名と子供3名の日本人だけで訪店｡鯉魚門や西貢より安くつく印象を持っていたが、全く違った。外の魚屋でガルーパ1尾と中蝦12尾､ホタテとマテ貝と蛤を人数に見合った量を購入し約1300HKDちょい｡高っ！そして、ここの調理代とチャーハンと芥藍の煮浸しに藍妹4本と🈂️込みで、こちらも1300HKD弱｡くぅ高～！春節初一&日本人価格と思われ、普段のように香港人のヘルプがあれば、もう少し何とかなったと思う。今回は授業料｡まずは自身が相場を知らねば｡だが、店員の愛想はよく、テキパキと対応し雰囲気は良い。そして店内は清潔で味も悪くない。価格面を除けば合格点｡(全体的に薄め。濃い味好みには不足かと｡)