海南少爺 (已結業)

今天同同事試試這間常常要等的店子。這店子是中等大小，位於海港城內。午餐有小菜、飯及喇沙等。定價由$58-118，包主菜同餐飲。茶：入口順滑，有荔枝香，唔錯！招牌海南雞飯$98雞湯唔油，很清澈又有鮮味，唔錯；海南雞已去骨，啖啖肉，雞肉嫩滑又有雞味，仲帶有少少酒香，沾上三種不同的醬汁食，十分滋味。油飯幾香，飯粒粒粒分明又唔覺油膩。是高水準的海南雞飯。菠蘿蜜山渣糖醋肉排配白飯$88這肉排大大碟，材料豐富：有菠籮、水蜜桃、紅椒、青椒等。肉排有幾件，幾惹味，肉的口感不錯，一點也不韌，配上甜甜酸酸的醬汁，真的好下飯。檸茶：是足料的，有好幾片檸檬，茶味也夠而不澀口。咖啡：是即磨的，入口幾甘香，奶也滑。整體感覺不錯，環境舒適，窗邊還有海景，一定會encore!

同朋友去Harbour City shopping 特別多人，揾嘢食處處都要等位，結果等了45分鈡才可以入座，入到去已經有茶壺放係到原來唔係普通的茶，係帶有荔枝香嘅茶好特别。有朋友介紹這裏的海南鷄飯好出名但因為今日下午我哋已經食咗，唯有下次再來食過。海鲜喇沙，配料好豐富，擺設得好吸引，湯底好香椰奶味但食落偏淡，原來要加埋附上嘅辣醬先覺得惹味。肉骨茶，未食先聞到濃郁的藥材味，排骨很厚所以有一点点靱但都算ok不過不失啦。生菜包，肉碎抄得很惹味同秋葵好夾配上新鮮生菜👍花生雞腳，雞腳炆得好淋夠入味整體食物份量算多，環境舒適服務都好细心會經常加水同留意客人嘅需要值得一試！

今天晚上相約在尖沙咀逛街，順便搵間餐廳食晚飯，這間在海港城的一直想試，便帶著她一起去嘗嘗。海南雞飯，是必食之選，湯有椰香味，而且雞肉鮮嫩有雞味，又無骨，再配埋有返同埋薑茸一齊食好好味。另外前菜叫咗椒鹽豆腐，係驚喜價＄38，仲要手工一啲都唔馬虎，皮脆內暖又夠惹味，內面嘅豆腐亦都係滑滑嘅，好好吃。然之後我哋仲叫咗個流心斑蘭蛋糕，比較失望因為想入邊係會有椰汁露出來可惜實物上並冇流心嘅效果感覺一般。不過，也不失係一間幾好食幾唔錯嘅餐廳，有機會會再過嚟食。

近期在海港城返工，因為好想食飯所以就試吓他們最出名的海南雞飯，＄98加一個海南雞飯在尖沙咀都算貴，不用等得太久，肚餓的我就開始品嚐，海南雞飯最重要係個油飯，滿雞油味，但食落口一點也不覺油膩，好食。海南雞的雞，當然唔會有雞味，十間有九間都係用雪藏雞，但都算滑溜，最開心係有兩條菜，現在出街食飯有菜好難得。個雞湯做得好清澈，沒有油在表面，也不是味精湯。我最喜歡他們的醬料，味道剛剛好。仲要有一壺熱茶，食完可以消滯。如果不用排隊可以值得一試！

同朋友行開LCX,佢話食過間海南少爺好食，一於去試試先！星期六晚8:50去到，都幾多人等緊，找左飛要等十幾張，好彩10分鐘左右入到喇，因為好多人等等下都走左。入到去已經有茶壺喺到了，針左茶飲住睇menu,茶味好似花茶嘅味道，愈飲愈順口我地兩人叫左必食嘅海南雞飯、黑蘿蔔糕、南乳脆豬肉。海南雞先來，雞好滑有雞油香味點3個汁都好好味，平時麻麻地薑蓉嘅我竟然點得最多薑蓉好夾呀，將雞油香味再提升一級。飯好香，好夾清湯帶有淡淡椰子味，balance番成餐另外黑蘿蔔糕掛住食忘記影相，好味道，味濃，充滿黑醬油同蛋絲香味。南乳脆豬肉，幾大份，南乳味濃，香口脆身，用黎送飯一流

大把空位仲要d人排長隊，搞得好似好受歡迎咁、服務態度極差，完全唔招呼d客。唔覺整間餐廳好忙，不過上菜速度慢、海南雞完全唔滑、食物整體味道好淡、唔會再返來食第二次。

I love pandan so I came here for the Green fairy which is mixed with matcha, pandan, milk and nata de coco.I decided to get a takeout because there was nothing worth dining there for except the pandan tiramisu and you get charged 10% as well as $6 compulsory tea/water.The drink was pretty good but 20% was nata de coco and 30% was cream so you are only getting half a cup.It would have tasted nicer if they used young coconut flesh instead because it is naturally sweet and delicious.Anyway, I liked

和同事 OT 後有點攰攰哋，大腦閉塞但胃口全開，決定前往海港城找一間有惹味小菜的舖頭醒醒神，所以選了海南少爺吃新加坡菜！當然有 order 「賣飛佛」的參巴馬拉盞炒通菜，由於賣相及味道都非常吸引，被本人 KO 了大半碟，對同行的 2 位同事本人心存歉疚！印度薄餅配咖哩汁，簡直是絶配！就像饅頭必須配煉奶一樣！炸蝦餅味道則不過不失！新加坡辣椒炒蜆非常入味，若蜆肉數量多一點就更加理想！至於那杯名為熱帶雨林的飮品，由石榴、番石榴、菠蘿及橙汁鮮製而成，甜甜酸酸的很順喉啊！在舒適的環境、美食的氛圍包裹下，與好同事們邊吃邊吹水，寫食評這個概念事實上也是在這時發酵出來的！

同行友人覺得呢度嘅食物太鹹，但我就會認為星馬菜嘅味道都係比較重口味， 所以幫襯之前要有心理準備。。。一坐低，侍應立即奉上一壺帶有荔枝香味嘅茶，有左呢壺茶，飲品都慳番！ 奉行多菜少肉嘅我哋， 叫咗兩個菜丶 一個沙律丶一個頭盤丶 半隻招牌海南雞丶 咖哩軟殼蟹等等十個餸， 無謂說話唔多講，推介一兩個必食餸菜！頭盤嘅酒香沙葛只係 $38，抵食兼好食， 健康有營養，唔想炒菜嘅話係一個唔錯嘅選擇。咖哩軟殼蟹食到香濃嘅蛋味，隻蟹本身的都好肥美，啖啖食，成隻蟹都係百幾蚊， 價錢中規中矩！煎蠔餅亦都值得推介， 佢唔係潮州打冷嗰種蠔餅，用咗啲好肥好大隻嘅蠔仔，蛋漿底應該有落鴨蛋， 就咁食已經好夠味，再點魚露嘅話就會鹹咗少少， 如果唔怕熱氣，呢個餸係必叫！話就話出街食飯，但未必個個都想食飯， 呢度有個叫 "薄餅配咖哩汁"，薄餅味道正常但咖哩汁非常好味， 我用好少薄餅點好多咖哩汁， 簡直就係大滿足！

今日中午食飯時間剛好在尖沙咀一帶，所以到左海港城的海南少爺，在新加坡食餐廳當然要叫一份海南雞飯，它的雞肉夠滑，油飯是帶有油香、香茅，乾蒜味道，做得相當出色!另外我地再叫一碗海鮮叻沙麵，餸菜份量十足，有三隻大蝦，湯底充滿椰香味但不會太濃~小食方面我們叫了一客雞肉串來試試，食串燒重點在於醬汁如何，它的醬汁像一般泰國的串燒醬汁，帶點甜甜酸酸，沒有驚喜。總結第一次食完海南少爺，可以說海南雞飯是值得推介大家的!

終於都黎到星期中，今日咁岩有舊同事會過黎海港城training，就約左食lunch。lunchtime周圍都咁多人，我地就去左LcX個邊行下睇下有咩食。經過海南少爺見到佢個menu既野食好吸引，我地就羅左飛等。海南少爺係尖沙咀海港城LCX個邊最底個層，門面都幾靚幾grand，入面仲會有d海景位，大家想睇海景就早d去或者book枱啦。等左大約20分鐘給終於都有枱，座位都幾闊幾舒服👍🏻👍🏻 lunch set 有好多選擇，花多眼亂咩都想食🤦🏻‍♀️🤣我地幾個人一人叫左個lunch set，我揀左海南雞飯🐔 見到好多人都推介，同埋唔想食咁濃味。我係完全唔識算骨既人，所以唔中意叫有骨既肉，呢到既海南雞大部份都拆左骨🤗 好岩我🤗🤗 雞肉唔算好嫩，可能因為我呢碟係雞胸位，不過味道係ok既，油飯好味唔會太油仲有d香矛係面！雞湯清得黎帶d椰子味👍🏻👍🏻叫左三個小食share，印度薄餅做得幾薄，味道正正常常。喇沙湯底好正，帶d花生醬椰香味🤣🤣 好足料有成三隻蝦。印尼炒飯賣相唔錯，顏色好深以為佢會都幾濃味下，但係味道竟然偏淡，炒得都好乾身，唔中意濃味既朋友可以一試。炒蘿蔔糕味道偏濃，但好好好好味😳 可能因為

尖沙咀係多嘢食，想坐得耐又好食啲，呢間我會推薦。係正海運裡面，玩具反斗城對出。是日慶祝父親節。環境當然係唔錯，完全唔會好逼，職員都會安排同隔離枱坐開小小。我地5個叫到一枱嘢食，首先驚喜嘅係黑蘿白榚，佢應該係用老抽整，而出奇地係好好味，本身甜甜地，再加上點緊小小辣醬，效果好ok。海南雞我地就叫左半隻雞加兩碗油飯，咁食好滿足，人人都有幾啖。我叫左夏之舞，呢杯都幾好味，唔會太甜。蝦堡、肉骨茶、雞都正常，係蠔餅真係差啲啦，佢皮太厚，而且有啲油，呢道真係扣左啲分。。。甜品叫咗黑糖燉椰皇同斑蘭斑㦸，係咖丫真係加左好多分，另外椰皇都夠甜，有椰肉，食到父親很開心。每人都係200，好飽，價錢同食物質素算已經係好唔錯。

前一排的海南雞飯事件的確掀起了一會兒的風波，不過小弟始終覺得大家口味不一，要定奪那一間才是最佳，未必太貽笑大方了，泰國的做法與新加坡的做法大大不同，風味不同，很難作比較。正好海南少爺有星州名廚Tony Khoo設計了的一系列時令菜式，定必帶給客人非一般的星州滋味。 少爺小食拼盤包括了最受歡迎的幾款香炸小食，分別有長春卷、炸蝦餅、沙嗲串燒、班蘭香葉包雞及柚子沙律，幾款炸物都做得不錯，香脆可口，只是春卷不知是否拍照太久而軟了，失去了香脆的口感，然而將柚子沙律放到最後則可以清一清口腔兼增進食慾，一舉兩得。 既然是迎接夏天的來臨，當然會有一些適合夏日的，先是鮮蝦釀脆豆卜，在豆卜內藏有一些沙律菜及青瓜絲，配合惹味的醬汁及爽口的鮮蝦，簡單清新又美味。而真加洛蝦醬墨魚吃來酸酸辣辣，加上爽勁的嚼感，十分開胃。 相對地，小弟較喜歡這個無骨炸雞配羅望子沙律，雞扒吃起來啖啖肉之餘，外脆內嫩，配合恰到好處的調味，而沙律則著重酸甜，正好中和了炸雞的油膩，平衡很好。 香辣烤魷魚表面平平無奇，還好像有色素似的，吃來感到辣勁的，可是又不太特別，後來才知道我們沒有蘸上醬汁，才致味道普通。而新加坡辣椒軟

夏天，非常適合吃些酸辣菜式去開開胃，份量十足頭的「少爺小食拼盤」內里包括長春卷、乾爽彈牙的炸蝦餅、醬汁相當惹味的沙嗲串燒、 香料味濃郁的斑蘭香葉包雞及清甜柚子沙律。 「無骨炸雞配羅望子沙律」炸衣既輕又炸得外脆內嫩，配酸甜度均高的醬汁，吃來沒有負擔；「鮮蝦釀脆豆卜」蝦肉爽中帶嫩，與豆香濃濃的豆卜，非常匹配。 「新加坡辣椒軟殼蟹配饅頭」是當中我最愛的，香辣濃滑的辣汁配香口的炸軟殼蟹，或是跟鬆軟的饅頭同吃，也是絕佳滋味。 甜品質素亦很有驚喜！特別是中間微咸的「Pancakes」與香甜的芒果肉、糖醬及冰凍雲尼拿雪糕混合同吃，足以感動味蕾。感謝欣賞 KsMeow 小分享！

Been awhile since I last had Singapore my homeland food. Passed by Hainan Shaoye by chance. Decided to give a try! Had a quote satisfying and certainly comforting homeland taste here. The laksa taste is close to authentic and certainly the Hainan Chicken rice is splendid! Would definitely come back again!