海南少爺 (已結業)

這一天，在附近吃過份量的骰的下午茶後，過不多時，已見肚餓，所以還未到晚上六時，已四處覓食開餐。來到這間「海南少爺」，見未幫襯過，便入內試試。兩夫妻都點了「招牌海南雞飯」，照道理應該是最保險的吧，誰不知仍是強差人意，不算出色。賣相尚佳的「海南雞飯」的湯和油飯雖然還算可以，雞的份量也多，但雞的肉質欠佳，粗嚡不滑，以這樣質素的「海南雞飯」，收取接近一百元的價錢一位，又沒有套餐點選，飲品需要另叫，性價比實在不高。相比之下，前身在尖沙咀開店，現巳遷往大角咀營業多時的「文華雞飯（新加坡）」的性價比就高得多了。再說，這兒的服務也不夠好，幫我們下單的女侍應不知是否心情欠佳，黑口黑面的，即使這兒靠窗的座位可以看到維港，也令人吃得不大暢快呢！ 

今日經過海港城, 見到有間海南少爺都幾多人排隊, 就拎飛等左約20分鐘, 係海港城算快, 睇餐廳原來這是由新加坡名廚主理, 自己還出飲食書籍, 十分期待. 入座後安排了坐窗邊位, 座位都算坐得舒服, 但隔離坐左幾個自由行, 講野好大聲, 我們一行二人分別點了招牌海南雞飯, 玫瑰夢幻, 印度煎餅, 炸豬扒, 炸魚皮, 炸春卷招牌海南雞飯 - 海南雞夠滑, 正玫瑰夢幻 - 略淡一點印度煎餅 - 好熱, 即叫即煎炸豬扒 - 外脆內軟炸魚皮 - 夠脆夠香炸春卷 - 普普通通總評: 餐牌食物種類算多, 但飲品好似少左D選擇, 食物不過不失

今天天雨，唔想走出街，決定在海港城吃午餐。這兒的Set lunch有廿三款，有星洲名物招牌海南雞、喇沙、肉骨茶，還有印尼炒飯、炒貴勻，以及馬來咖喱同鑊氣小炒，種類繁多，價錢由$58-$118。 海南雞飯拼椰香喇沙$118Hainan chicken rice set這個套餐可一次過食哂海南雞同喇沙，完全滿足心多多的我。這海南雞肉質軟腍，雖然唔係最香滑，但雞肉本身已經夠味，而且已經去骨，再沾上三種不同的醬料，十分滋味。黑醬油甜甜地，醬油味濃郁；辣醬香口而只是微微的辣；蔥油感覺油潤，甘香惹味。而那迷你喇沙也絕不欺場，碗子細細，但材料十足，有蝦、魚片同豆卜等等。喇沙湯底椰香味濃，鮮味十足，加埋滑滑米缐，味道濃郁又不過辣，好吃。若果米缐無咁腍身，應該更為味美。招牌海南雞飯$98Hainan chicken rice with Singaporean seafood laksa lemMak這海南雞飯和剛才的大致相同。雞肉是以雞胸肉為主，口質是軟滑又有雞味。而附上的雞湯鮮味十足，湯色清澈又不油膩，好味。而油飯粒粒分明，帶一點香茅的味道，還有些嚼感，不會過份油潤。吃過飽足又美味的午餐，真的令人心情

入座時間20分鐘，係海港城算快，但一入去就知咁快的原因有一碟前菜係炸魚片加花生，啲魚片好鹹，仲要收十幾蚊，好似啲中菜館咁，香港以家係咪一定要騙人錢呢啲茶就不錯點了幾道菜:1.海南雞:淡而無味似白切雞,好難食2.炒粉絲:整到蒸粉絲咁啲味完全㖔和,冇人想食3.蝦喇沙:幾好味,阿媽都話蝦鮮甜,湯底好飲，呢個推介4.新加坡肉骨茶:得個鹹字，無味無蒜味，好似溝咗水，都唔似肉骨茶，中伏3個人食咗500幾蚊，都算正常，但啲嘢除咗喇沙都差，下次都唔會嚟，畢㬌海港城有好多更好食的餐廳

臨時臨急先決定試海南少爺，只因為見到有肉骨茶供應，最愛肉骨茶。而且同海運戲院只需幾分鐘路程，慢慢食飽飽，再慢慢游去睇戲，唔洗趕頭趕命麻。最初打電話想訂檯竟然已經爆滿，那麼利害？唯有 walk-in 等位。來到大門前，眼見不是好 full 乍喎，而且完全感覺唔到好忙既情況，前面無食客等位，5 分鐘左右已可以入座嚕。我每次見到迷你二人檯都立即頭痛頭痕，空間太細根本唔會夠位放食物，每次我都會強調唔係黎食個碟頭飯或食個即食麵呀，極度討厭﹗樣樣都想試，但只得兩口子的晚飯，食不到太多東西呢。真的要嚴謹地考濾，免得食唔晒就浪費金錢又浪費食物喇。當然首選馬來西亞藥材肉骨茶啦，衝著您而來。係香港非常十分好很難搵到肉骨茶，多年來只係飲過幾次，仲要大部份都強差人意，十足十似豉油水、似雞湯水，極為震驚。直到近年，路過屯門翡翠小廚，居然有肉骨茶提供，潮州都有肉骨茶？極品中之極品，好味到不得了呀﹗第二目標海南雞飯。好想食魚啊，但怕食唔晒，轉軚食辣椒炒蜆，不過已有心理準備，無期望。喇沙、咖喱、炒蟹、炒蝦、蠔餅、蝦餅，教我如何是好？貪吃的煩惱。滷水花生雞腳，美女工作繁忙剛剛才收工，要遲一點才能到達呢。我實在太肚餓，叫

突然好想食海南雞飯, search search 附近, 海南少爺見都幾多好評, 泱定去試試~$118既雞飯午餐包埋drinks, 糸海港城算中價.一行入去最搶眼糸佢啲碗碟~糸簡潔既青花瓷, 好有特色!!啲雞已去骨, 肉嫩且有雞味, 加上三種不同的醬, 好野味~我幾鍾意個油飯, 幾香又唔糸太油膩~不過啲coffee 唔好飲, 原全冇咖啡味 =.=可惜得我一個人, 想試埋佢地個海鮮椰香喇沙~~ 聽到隔離枱話好食xp下次試試!

今日成家人星期日行完街就諗住早啲食飯 因為係尖沙咀咁多人都好難搵位🙈因為係海港城行完所以就諗住喺附近搵埋嘢食啦😃由於同埋啲屋企人一齊食又唔想食西餐所以就決定去海南少爺一試😃 相比起其他鋪頭海南少爺小人等位d相信係因為佢嘅鋪頭收埋咗係一邊😄😄😄我哋四個人都要攞飛等候⏱⏰大約都等左25分鐘啊 就已經有位啦👩🏻👱🏻‍♀️👧🏻👩🏼門口大大個Menu可以俾你睇住先都入咗去坐入邊其實都好乾淨而且佢嘅碗碟擺設都好有特色同平時中式食飯一樣佢都會有啲茶水同埋小食俾你🍵☕️🥜 當然計返錢啦但係佢個茶就好似係荔枝茶🍇非常特別到咗叫嘢食我哋就分別帶咗幾個小菜share 首先叫咗頭盤🌟星洲花生半雞腳呢個價值＄28👍🏻但我想非常之抵 因為＄28佢有六隻雞腳而且食落去非常入味 我哋本身仲想叫多啲添👍🏻👍🏻👍🏻👍🏻👍🏻👍🏻👍🏻🌟雲耳伴海蜇頭可能因為海蜇頭比較貴份量唔多而且味道都一般 建議佢可以加多少少調味料🙈仲有當然最出名嘅海南雞飯🌟海南雞飯2個呢個餐價值＄98入邊包左🌟一啲酸瓜🥕 🌟一碗湯 我飲落係覺得係椰子雞湯🐔🌟一碗油飯🌟咁當然仲有海南雞啦一個set來講我覺得包嘅嘢都算多個海南雞食落都幾嫩唔似冰鮮雞但味道上可以話

1. 招牌海南雞（$158/半隻）🐥佢地嘅海南雞真係好高水準，海南雞厚肉之餘又超嫩滑，而且真·有雞味，好鮮甜，半隻都好夠食😋彤好評分：9/102. 麥皮脆蝦（$218）之前係肥媽食平D節目睇過話麥皮會令肉質滑，估唔到依度嘅麥皮真係令蝦肉生色不少😍外皮勁脆，入面蝦肉爽滑，真係好好食🤤，但得5隻好貴呀😫彤樂評分：9.5/103. 黑白胡椒脆鱸魚球（$228）🐟真係切得好靚，吸睛又好食，外身香脆，入面依雞熱辣辣，又軟滑，點上黑白胡椒食勁惹味😍😍😍彤樂評分：9.5/104. 酒醉鮑魚（$238/5隻）👍🏻經過酒醃過嘅鮑魚好有酒香之餘又變得更滑，鮑魚勁多汁又極爽口，非常欣賞，做得唔錯！👏🏻彤樂評分：9/10

星洲風味午市套餐備註：茗茶每位$8元，晚餐要加收餐前小食每碟$12，自助號碼機取票排隊 PS：凡海港城員工憑工作證光顧可享有85折優惠 海南少爺是香港一家主打星馬菜的餐廳，位於尖沙咀海港城海運大廈地下。餐廳入口面向人來人往的商場店舖，而另一端則面向維多利亞港的無敵大海景。餐廳面積不算大，所以用餐時段餐廳門外都會出現好多人等位，記得使用店家提供的自助號碼機取票排隊。即使店內面積有限，但坐位仍保持距離，不會感覺太擠迫。而當中有三張枱貼住海景窗，雖然這三張枱已入座，我亦被安排到一張較接近海景的二人枱，所以景觀也不錯。 餐廳所有服務員都算有禮貌又主動留意食客所需，坐下馬上奉上一壺帶有花香的荔枝茶，非常特別，即使要收茶資亦算值得。如果晚餐時間還要加收餐前小食每碟$12元啊！從餐具到餐牌都充滿中國味道，茶具及碗碟都非常光潔，衛生程度高。餐廳位處海港城這種高租值的商場營運，餐點價錢算得上很合理，特別是這裡的午市雙拼套餐，可以用較低價錢同時享用店家的招牌美食海南雞、肉骨茶和椰香喇沙，還隨餐奉送即磨咖啡或茶(熱/凍不加費)，大家值得一試！ 茗茶每位$8元，晚餐要加收餐前小食每碟$12 用

兩個人叫左三樣野，其中一個係菜，有點太多。個米線好食，夠味！叫左個招牌海南雞飯，隻雞一d都唔好食，我同朋友食左一半就無繼續食。佢地做緊優惠，星期一至五6:39前賣單離坐有75折，好彩有折，如果唔係覺得勁唔低

好一段時間無搵過「海南少爺」，對上一次嘅評價印象不太深，今次因有折扣下再次嚟搵海南少爺，整體感覺一致「好」評！到達餐廳門外依然好多人等位，外冷內熱的服務員叔叔好快亦好有禮安排到座位。餐廳唔算好大，但完全無擠迫感，當中有三張枱貼住海景窗，雖然這三張枱已入座，我倆亦能安排到一張較接近海景的二人枱，感覺一樣舒服開懷。服務方面的確要一讚，所有服務員都好有禮貌又主動留意食客所需，一示意茶壺添水，亦迅速有禮回應，今時今日香港餐廳中難得一見嘅好服務！附上嘅小食魚皮脆口好味，而餐廳的用茶有陣陣果香，似荔枝紅茶，不過我忘記問係咩茶。兩人點了食物如下⋯⋯少爺小食拼盤：拼盤種類好多，包括雪耳冷盤、葉包雞、串燒、炸蝦餅、春卷。每款食物都真係好好味，雪耳特別又爽口、蝦餅夠彈牙、包雞夠入味、串燒配沙嗲一流、春卷就正常。招牌海南雞飯(轉雞胸)：海南雞非常滑，雞飯一啲都唔油而又入味，配上三款調味各有特色。另外附上嘅湯，朋友話好飲。參巴馬拉盞通菜：炒得入味又唔會過油，好味。新加坡蕃薯喳喳：材料十足顔色豐富，唔似一般嘅喳咋，糖水為淡淡椰香，蕃薯香、芋頭粉、芋圓煙勒，幾特別。雪糕球(班蘭&椰子)：兩款味道都好特別好好味！「

前幾年去過新加坡之後就愛上食肉骨茶，但係香港搵一間好味嘅肉骨茶係非常之難男朋友知道我鍾意鍾意食之後，就推薦我去食呢間海南少爺。尖沙咀舖頭唔太大，座位都唔算多，但係有一個落地大玻璃可以望出窗口，陽光十分充足， 環境都選十分幽靜。 喺呢度既肉骨茶係會有分兩種，新加坡或者馬來西亞。而今次我地就試咗新加坡肉骨茶，巴東牛肉，新加坡炒貴刁 同埋班蘭葉包雞 。新加坡肉骨茶同我喺新加坡食嘅有少少唔同，呢個佢冇咁多藥材味，但係亦都好香，分量唔算多，但兩個人飲就啱啱好。而巴東牛肉賣相十分之吸引，肉質超嫩幾乎入口即溶。 炒貴刁就夠鑊氣，都係水中水準之作。唯一敗筆失望嘅就係班蘭葉包雞，呢個係我第一次嘗試，但本人覺得雞肉實在太鞋，不太吸引。整體嚟講呢間海南少爺可以再去， 因為價錢唔算太貴但味道算係我喺香港食過咁多間嘅海南頭幾位。

因為鍾意食啲鞋鞋地嘅肉所以見到雞胸就好興奮咁嗌咗 😺但係原來呢個海南雞飯係個伏 🤢啲雞真係咩味都無 同白灼嘅一樣 😢無味都算 連啲醬汁都唔好食 😭個飯好少少 有淡淡嘅黃薑味同油香 不過整體嚟講真係唔掂 翠華嘅海南雞飯應該好食過佢 🐵一路食一路聽到隔離枱話好唔掂 🙈

今天是大年初一，先祝大家新年快樂！龍馬精神！狗年行大運！今天甜魔家也會去迪士尼行大運，所以來篇簡短而喜慶的分享，先由海南少爺的撈起講起～～～ 新一年任誰都想風生水起，所以已第四年幫襯 少爺撈起，而且材料以素菜為主，在一眾肥膩的團年飯中，顯得如像清泉～因為尖沙咀、葵芳及沙田（少爺18）都可以取貨，十分方便，上週日在尖沙咀玩樂（明天介紹）後也去了取貨。 之前數年都是惠顧清新的 煙三文魚少爺撈起 ($228)，今年則搞搞新意思改點 麻醬雞絲少爺撈起 ($218)，份量足6-8位用，附上招牌海南雞一隻的雙囍價$458，不少信用卡更有85折，都幾抵食呢～ 如圖，撈起及海南雞配料十分齊備，雞絲、麻油、撈起醬、黑醬油、辣椒醬、薑蔥醬，各有清楚標誌；最愛薄脆及芋絲分開擺放，以至撈起完成時，口感仍然清脆！這晚撈起也出動了 PJ 由日本帶給一家的筷子手信，有長有短的筷子非常令人心甜，謝謝啊～撈起是源自馬拉的美食，這晚也不差將老友豪總的檳城白咖哩麵一起煮出來；隔了三年重溫滋味，好香但也好辣啊！再加上 禮賓傅 的勁辣鮑魚 XO 醬撈麵，這晚非常刺激～我始終不是稱職辣媽，兩碗麵都不太受得了啦...  還是乖乖

嫁作人婦後的變化，最明顯是每年農曆新年前的團團轉，辦年貨、清潔、封紅包等等鎖事！不過當中團轉得最厲害的要算是參予團年飯聚了！ 上星期五晚上是老公（陳家）在鯉魚門的團年飯，而剛過的星期天，還得排上兩場團年，中午一家人跟老媽飲茶團年，晚上跟朋友約好在家聚年，絕對是雙囍臨門了！ 看到老媽身體和精神狀況愈來愈好，家人亦因為老媽的突變，變得更有凝聚力，真的很感恩，嚐點前齊齊舉杯 Cheers！ 跟家人道別後，老公和我為了晚上跟朋友的團年，馬上到尖沙咀找「少爺」幫手。將「少爺」美麗的寶盒帶回家，心情也輕鬆下來！ 撈起組合 HK$458 事關寶盒盛載團年的喜氣洋洋和美味，雙囍組合可自選麻醬雞絲撈起或煙三文魚撈起一客和招牌海南雞一隻，份量足夠四至六人享用。對作為當晚大廚的我來說大大減輕了負擔，只需提早準備了老火湯，再炒個清菜和多蒸一個餸，不用多費工夫，團年飯便豐富起了，所以「少爺」是我的好幫手！ 煙三文魚撈起 撈起組合食材整全、包裝衛生。我們將獨立包裝的煙三文魚、薄脆、炸芋絲、撈起醬、胡椒粉和玉桂粉放入已裝上茶瓜絲、子薑絲、錦菜絲、瓜英絲、蕎頭、金柚肉、青瓜絲、紅薑絲、糖果皮、糖冬瓜、紅蘿蔔絲、白蘿蔔