海南少爺 (已結業)

去開附近做嘢，同事推介一間尖沙咀海景星馬菜餐廳， 一於去試試，雖然坐唔到窗邊位，但係都望到海，光猛開揚感覺唔錯。每人叫左一個午餐，另外加錢叫左個蔬菜同埋特色甜品。海南雞飯拼馬來西亞肉骨茶$120無骨海南雞啖啖肉夠嫩滑， 油飯又香又軟。馬來西亞肉骨茶足料，好香當歸味飲完暖笠笠馬拉盞炒通菜+$28惹味又爽口，椰香海鮮喇沙$98海鮮喇沙椰子味好香，材料豐富，有蝦、魚片、魷魚、豆卜，最鐘意佢有粉同粉絲， 加埋芽菜爽口又過癮。羅漢果龍眼蜜+$10加埋杞子，感覺滋潤順喉又明目。新加坡蕃薯喳咋+$28好鐘意個椰汁底，好味呀材料都幾多，除咗番薯，仲有芋頭、芋圓、珍多冰、西米......食嘢期間，望住外面海景，感覺寫意，人都輕鬆啲。

就快嚟到聖誕，今日到了全香港最有名的海港城，欣賞聖誕燈飾之後嘗試了這間星加坡菜的餐廳.食物選擇十分之多，包括有最出名的，海南雞及肉骨茶等令人期待十足.這個星加坡炒貴叼，利用兩款粉混合而成，加上特色的臘腸，十分之好味道鑊氣十足.肉骨茶利用煲仔上，除了保存了溫度，火候控制也十分好，豬肉十分之香滑，加上藥材的味道配合得宜水準之作.至於海南雞十分之香滑，雞湯也十分之清好味道.最後這個蠔餅十分之香口，蠔味十足.

性價比高新加坡菜餐廳位置非常方便，服務員帶領我們坐靠窗位置，可以望着維港海景，座位舒適，難得可以望着海景享受美食。打開餐牌，有不同新加坡美食的選擇。新加坡辣椒炒蜆 $148每隻蜆都非常厚肉肥美，配有茄汁辣味的炒蜆。椰香海鮮喇沙$98味道配上香濃椰香味，味道香濃又帶點微辣，再配上不同的配料，包括豆腐卜，流心蛋，魷魚，三隻大蝦等，整體都非常入味。招牌海南雞飯+$8 轉雞髀賣相不錯，海南雞非常嫩滑，配上三款口味醬汁，三款醬汁各有特色。我們叫了油飯，雞油香，非常好味。星洲蠔餅$88蠔仔的數量頗多，很有蛋味。總括而言，兩個人食，飽到上心口。環境不錯，想享受新加坡美食，和閨蜜談心，這間餐廳是不錯選擇

喺尖沙嘴名店行耐咗真係要搵地方落腳休息下！好彩有間「南海少爺」個view超吸引即刻行咗入去打卡！原來係食東南亞嘢食 啱曬我胃口窩😍😍女仔要要嘅藥材湯———肉骨茶😋😋仲有好出名嘅海南雞飯套餐❤️❤️❤️scan QR code落單好方便喺部電話慢慢揀好先order，嗌咗咩清晰可見！讚👍我哋總共嗌兩個海南雞飯set+糖水做飯後甜品服務員好nice我想影相，即刻安排咗我哋轉海景位😍好啦！share俾大家欣賞下香港咁靚嘅海景喇！個藥材湯好補 味道好濃！👍👍雞肉好滑😀 點d醬一齊食 超夾！有蕃薯、芋圓⋯ 甜甜地好sweet😋

海景chill住食海南雞今日去佐海港城既海南少爺食咗佢哋嘅招牌海南雞飯同椰香海鮮喇沙雞肉香滑就算雞胸位都好有雞味同埋幼嫩價格親民雞油飯軟硬適中唔會太過淋另外海鮮喇沙真係做得好出色香濃而不辣既湯底加埋鮮味十足既海鮮加埋煮到剛剛熟既麵完全無過火喉.嘢飲就不過不失環境方便闊落難得食喇沙同海南雞可以一飽維港兩岸既海境

充滿熱帶風情的新加坡，享有獨特風味不僅菜色香氣逼人之餘，提升香料層次之外口感融合多種調配香料所結合，材料亦相當慷慨，整體口味看似平平無奇所做的菜主打重厚重質感，以原汁原味菜式美食氛圍下享受之中 !「海南雞 - 半隻」肥瘦均匀去骨狀態偏挺身兼不嚡口醒胃惹味既賣相吃起來無負擔也不油膩感極具鮮味「椰香海鮮喇沙」湯汁香濃椰香味重以湯頭陣陣惹味，配有蝦、魚片、豆卜、半熟蛋正宗的一碗「沙嗲拼盤」牛、豬以竹籤插汁燒既表色澤金黄，肉質嫩滑分佈得平均拼汁醬加添美味

臨近聖誕節，就去到尖沙咀掃貨行街買禮物🎁，準備迎接一年一度嘅聖誕節，掃完貨之後就揀一間餐廳坐低休息食飯，見到有一間食新加坡菜嘅「海南少爺」，喺門口直望已經見到好靚嘅夜景，又咁好彩窗口位有位，就二話不說入去試吓。餐牌嘅星馬風味菜式好多選擇，而且仲有QR code可以自己Scan去下單，係而家疫情嘅期間，亦可以減少人與人嘅接觸，可以食得安心又放心呢。首先飲啖茶濕一濕口，再等嘢食嚟及欣賞美麗嘅夜景🌃。話咁快海南椰子雞湯就來了，裏面有鮮味十足嘅椰子同埋雞件，仲有我最鍾意嘅雞髀肉位置，食落去有鹹味，也有椰子香味，而且椰子湯好鮮甜呢。星洲醬油參巴炒蘿蔔糕好大碟，而且好香嘅星洲醬油味，食落去有少少辣，蘿蔔糕好入味，好滋味呢。炒貴刁仲可以揀辣或者唔辣，男女老少都啱食，當中mix左河粉同埋炒麵，入面仲有爽口彈牙嘅蝦肉，嘩咁快就食晒。食咗咁多嘢要食返啲蔬菜清一清腸胃，馬拉盞炒通菜係最佳選擇。甜品系列嘅椰香桂圓紫米露，桂圓原來是溶化在紫米露入面，而海燕窩燉椰皇食到有絲絲海燕窩，為呢一餐星馬泰晚餐畫上句號。

位於尖沙咀海港城的「海南少爺」，係一間主打新加坡海南雞飯的餐廳，店內設有落地玻璃位置，可以飽覽維港兩岸景色，環境一流呀雲耳海蜇頭新鮮爽脆嘅雲耳同海蜇頭，加上芝麻醬後就成為清新嘅前菜雞絲青瓜夾酥餅一客有四件，金黃香脆嘅油酥餅，夾著雞肉絲同青瓜絲，味道同口感都好豐富招牌海南雞飯海南雞飯係餐廳招牌必食名菜，加$8可以轉雞髀🍗採用百日三黃雞，以雞湯低溫慢煮後再浸冰水，雞肉口感好嫩滑，鮮雞味濃，非常出色！三色醬集酸、辣、甜味，配海南雞食一流雞湯以豬骨、雞殼、胡椒粒同雜菜熬製而成，清甜美味馬來西亞肉骨茶揉合16種上等食材及藥材，味道甘醇芳香，帶濃濃藥材香，係一年四季都可以飲用嘅養生湯品☺️裏面仲有豆卜、腐竹、冬菇、一字骨等等材料可以食用，一字骨肉質腍滑，豬味濃郁，沾上濃厚辣椒醬油後食用味道更佳椰香桂圓紫米露加咗椰汁嘅紫米露口感順滑，紫米煙韌有嚼勁，帶桂圓甜香，同時帶椰汁香檸檬蜜糖薏米水薏米水有助去濕，加埋檸檬同蜜糖，唔會太甜，酸酸甜甜好滋潤椰汁紅豆冰沙冰由椰汁刨製，帶濃濃椰汁味，配上大粒又香甜嘅紅豆，簡直係絕配

講到海南少爺，佢最出名嘅就係肉骨茶，我本人都好鍾意，但係我相信佢已經出名都唔使點介紹到佢嘅肉骨茶。我今次想同大家推介嘅係，滷水拼盤、串燒同埋薄餅。滷水拼盤份量十足，滷水蛋控制得恰到好處，可以食到濃郁嘅蛋黃香味，蛋白又不失濃郁滷水味，覺得做得十分之考功夫。另外，追想推介嘅就係佢嘅串燒，有雞牛豬三種可以選擇，而我是然之後我自己個人比較鍾意雞肉同牛肉，唔知豬肉係咪煮得過龍好似比較乾，但係三者來講都非常之入味🥳🥳

同朋友約食飯見面吹下水呢個朋友真係幾有我心知我最中意食海南雞同埋掛住新加坡嘅美食就介紹我黎海港城嘅呢間海南少爺止下渴!餐廳環境唔錯 第一個感覺其實有d似中菜嘅設計連Menu同茶壺都好中國風Menu第一頁有佢地嘅少少簡介可以了解到餐廳嘅理念呢方面我係幾中意嘅~菜式方面都有好多選擇海南雞就必定係我嘅心水另外再叫左沙嗲串燒馬拉盞炒通菜同埋新加坡風味嘅肉骨茶由於我確實太中意食海南雞所以喺例牌同半隻之間我揀左半隻雞雞都好香滑就算唔點薑油甜醬辣醬都好好味!佢再有d 青瓜墊底~青瓜都爽脆好味再黎就係肉骨茶呢道菜佢都好有心思同誠意佢有個爐有火keep warm 住煲肉骨茶有三條骨 肥瘦適中好好味唯獨個胡椒湯我個人黎講覺得可以輕手少少最後炒菜同串燒都幾好達到水準!呢餐食得好開心好滿足都希望可以快d有得飛去新加坡啦!

因為要陪朋友黎海港城打卡,今晚就黎左海南少爺食晚飯,收工過到黎都差唔多七點喇,見餐廳都幾多人客,好彩我地都好快有位坐,店員安排左我同朋友坐喺近門口既二人枱,如果坐入面就可以有海景,可惜我地都趕時間等唔到呢間餐廳係自己睇菜單用手機掃QR code落單既,落完單上菜既速度都好快,啱晒節奏快既香港人$72星洲醬油參巴炒蘿蔔糕可以揀辣或者唔辣,我就揀左辣既,蘿蔔糕切到一粒粒咁再拎去炸之後再用個醬油煮番,都幾好食既,個質感都幾過癮$88滷水雞雜入面有雞腸,雞腎同雞肝,總括黎講都算入味既$99 招牌海南雞飯個set有跟埋碗湯,個碗都係熱既,呢樣野係幾抵讚,另外個油飯都好食,算係粒粒分明$88 星洲蠔餅蠔餅食落似係雞蛋加蠔煎既一個餅,味道比較健康,要點堆個魚露同辣醬一齊食就啱啱好$28 凍奶茶正常發揮,個人認為可以再甜少少$62 海燕窩燉椰皇燕窩食得多,海燕窩就真係第一次食,感覺都幾特別,加埋椰皇一齊食感覺都幾清潤,味道亦唔會太甜今晚兩個人食左$498不得不讚餐廳壺茶係幾好飲既，好似有啲荔枝味咁

今日同朋友去海港城中庭睇mirror展覽，睇完就去附近搵餐廳食飯，揀咗樓下一層嘅海南少爺。咁啱坐到海邊卡位，環境感覺好舒服，一坐低就開左壺茶，荔枝紅茶飲落好清新。之後叫左個招牌海南雞飯，雞件都幾滑身，中規中矩，有三款醬汁蘸，最鐘意係薑茸，配果碗雞湯都好飲，唔會淡而無味。串燒併盤我哋揀左豬同牛，幾香唔韌唔柴口！不過最有驚喜都係個馬來西亞肉骨茶，由暖爐仔奉上，可以熱辣辣咁食，個湯夠晒味道，藥材味唔會太濃烈，感覺好養生，肉都夠腍身，重點係唔嚡口，會再想食！之後朋友仲想叫多咗個主菜，就揀咗份炒貴刁，唔會太鹹，微辣，好快就俾我哋ko晒！最後，去到星馬餐廳都會想叫番杯特飲試吓，呢杯杏仁奶茶味道好特別，好香滑，嗌少甜就啱啱好喇。另外果杯略微遜色，似雜果賓治。

辛苦左一個星期返工今日星期六放假又難得陽光普照，所以就同屋企人出去食個午餐順便行一行尖沙咀海濱長廊。結果媽媽選擇咗想食海南雞，見到呢間海南少爺，有海南雞食仲有機會可對住個海景，所以就入去啦我哋兩個人都算大食啦食咗一個海南雞飯餐->肉質好滑，而且有得自己選擇食 “白飯” 定 “油飯”，幾健康！仲叫咗一個大樹菠蘿糖醋排骨->平時糖醋骨就食得多，今次佢唔係用菠蘿而係用大樹菠蘿，味道幾特別，鍾意食大樹菠蘿嘅值得一試！一個煎蠔餅->啲蠔一啲都唔細隻，而且煎得幾香口！如果再多啲芫荽就仲好一個新加坡肉骨茶->夠胡椒味而且仲有個火爐烘住變咗夠熱更加好飲，唔怕凍哂！再加一杯金桔檸檬蜜特飲->冇乜特別，不過可走冰，幾好！最尾仲食多個椰香桂圓紫米露糖水作為總結->而家唔係好多地方有得食呢個糖水除咗糖水舖！值得一讚！今日真係食到飽飽連夜晚都可以唔使食，返到屋企淨係食啲生果就足夠。結果埋單$567🥶少少貴可惜今日安排嘅座位未係真係對住海景嗰邊，希望下次再去食嘅話有機會可以望住個海景食就仲正

朋友喺海港城返工，就相約佢去海南少爺食晚餐，唔使等太耐位，就可以入到去。 餐廳主要以藍色同埋白色裝修為主。 碗碟同埋餐廳佈置都非常雅緻。星洲蠔餅蠔餅係即叫即整，暖笠笠， 蠔仔好新鮮，蛋味香濃， 煎得好香脆又唔會油淋淋，有埋辣醬同埋魚露點。煙三文魚撈起我最鍾意食煙三文魚，見到有呢個咁新穎嘅菜式，就梗係要試下啦，裏面有炸芋絲，青瓜絲，蘿蔔絲，柑桔絲，同埋好多其他配料，材料非常豐富。 新加坡番薯喳喳裏面有芋頭，番薯，芋圓，珍多冰，西米 ，加上椰汁糖水底，層次豐富，有口感。椰子鳳梨沙冰甜度可以自己選擇， 椰子冰同埋新鮮菠蘿肉打埋一齊，仲有兩塊菠蘿肉喺沙冰面，酸酸甜甜非常可口。招牌海南雞飯呢間餐廳嘅招牌菜，一定係海南雞飯。由於減肥嘅關係，我哋揀咗食白飯，但係都冇咗我哋享受海南雞嘅美味。 配合埋鮮甜美味嘅雞湯，絕對系OL之選。

就嚟聖誕節 出開尖沙咀 去睇下海港城嘅聖誕佈置🎄順便食埋晚餐 之前一直想試海南少爺 呢晚6點半左右去到 見唔洗排隊就即刻入去啦😍隔多15分鐘 已經見出面排隊等位啦◽海南雞(半隻)半隻雞 配咗一碗油飯同一碗湯🍚叫埋其他小食 兩個人share啱啱好 海南雞主要雞脾/雞胸部份 本身嘅調味已經好足 而且雞肉真係好嫩滑🐔連埋雞皮食都唔會過油 而油飯粒粒分明 唔會太黏 充滿油香 一啖接一啖停唔到口◾星洲醬油參巴炒蘿蔔糕超惹味嘅小食🤤醬油加咗蛋/蒜等等嘅香料落去炒 好香啊 中間有大量嘅銀芽 千其唔好忽視佢 因為佢係吸盡晒醬汁嘅精華架💕◽金絲網蝦春卷我最鐘意食絲網春卷🤗因為質地好鬆脆 入面嘅餡料都好飽滿 呢個仲可以揀3件/5件 咁就可以因應返唔同人數去揀啦◾肉鬆煉奶夾酥餅醎嘅肉鬆同甜嘅煉奶 諗落好似格格不入🤔原來夾起上嚟係好好味架 酥餅本身處理得好好 唔油膩而且表面脆脆地 搽咗一層薄薄嘅煉奶 呢個配搭真係好特別◽美祿哥斯拉美祿入面加咗曲奇碎 增加口感🍪cream充滿奶香 上面仲有燕麥tim◾港式奶茶鐘意奶茶嘅應該都會鐘意呢杯 茶香夠濃郁 而奶嘅比例亦都啱啱好