海南少爺 (已結業)

以前覺得海港城淨係食貴嘢，呢幾年開始行平民化路線，想食百零蚊位都好多選擇，其中海南少爺真心唔錯，餐點選擇多價錢又抵！再配合新派東方元素裝修，最緊要係，有機會坐靚海景！咁就抵返晒！是日同朋友行街行到攰，三點諗住食個下午茶，呢個鐘數仍然超多人排隊！好彩可以用App 攞飛，夠鐘先返嚟！😆🔸獅城脆蝦卷 $98味道比到驚喜! 好香口嘅前菜，腐皮煎得香脆，裏面的蝦肉質量豐厚又彈牙！下次要試吓另一個腐皮雞卷🤩🔸 沙嗲拼盤 $118揀咗雞牛各三串，燒得夠晒火候，外香內嫩，充分鎖住鮮嫩肉汁！其實就咁食已經好夠味！當然再加沙嗲醬汁，內有好多花生粒，更是香濃滋味🔸 紅蔥豉油白菜 $88次次食東南亞菜都食馬拉盞，今日忽發奇想，想試吓其他，都幾有驚喜喎！豉油調味恰到好處，紅蔥油帶點微辣，面香脆的炸蔥頭添一分酥脆濃郁，讓美味更上一層樓🔸 海燕窩燉椰皇$68估唔到係原隻椰子上，賣相特別。個質地好特別，不像一般水水的，在溫熱的時候呈糊狀，放涼了就凝固成奶白色啫喱狀。我還是喜歡用喝的所以我請服務員幫我再加熱，燉得夠火喉，連燕窩都帶着一股椰香，吃着清甜滋潤！比一般糖水舖吃的更好吃！🔸熱帶雨林 $28 + 羅漢果冬瓜桂圓蜜

海港城coupon真心抵🤣拎著coupon個個禮拜都黎海港城，星期六傍晚時間，難得海南少爺未算好多人，仲咁岩有海景枱😍。.餐廳用QR code 落單，主打食正宗馬拉/新加坡菜式，用海港城coupon就要點主餐牌，特價食品不適用。.🍴馬來西亞肉骨茶$178自選兩個配料，我就擇左豬手同豬肚，另外會配埋豆卜、響鈴、油條、炸魚皮、炸支竹。肉骨茶湯底好濃藥材味，豬手炆得夠淋身。.炒貴刁$118正宗馬拉炒貴刁，有河粉+油麵，配料就係魚片、蝦、臘腸、芽菜，夠晒鑊氣同風味。.🍴 海燕窩燉椰皇 (熱)$68 甜品大推 海燕窩燉椰皇，滋潤得黎好補，用埋半價Coupon真心抵食過出糖水鋪食。.呢度有個好特別既特飲「夠薑香茅梳打$28」，薑味十足，飲完凍飲都覺得成個人好暖粒粒。.對著個咁靚海景食飯，特別好feel，難怪餐廳成日大排長龍😙

去開尖沙咀海港城行街，行到攰想食啲特色嘅菜式，揀咗呢間星馬菜「海南少爺」，啱我同朋友口味，而且裝修低調奢華，坐得都舒服。重點推介🔥 👍 招牌海南雞飯 ℍ𝕒𝕚𝕟𝕒𝕟 ℂ𝕙𝕚𝕔𝕜𝕖𝕟 ℝ𝕚𝕔𝕖超高質嘅海南雞飯，絕對對得住招牌呢兩個字。雞肉軟，有雞味，雞皮爽薄唔肥。 一上枱就聞到油飯香味，帶淺黃色，粒粒分明帶油香，有咬口又不會過硬。 👍 沙嗲拼盤 𝕊𝕒𝕥𝕒𝕪 ℙ𝕝𝕒𝕥𝕥𝕖𝕣經典星馬街頭小食沙嗲串燒，可以揀豬/牛/雞，六串可以揀兩款，我地就試咗豬同雞。餐廳用自家調味醃制十二小時，烤至外熟內嫩，再配上濃香沙嗲汁，滋味無窮。👍 椰香桂圓紫米露 𝔹𝕝𝕒𝕔𝕜 𝔾𝕝𝕦𝕥𝕚𝕟𝕠𝕦𝕤 ℝ𝕚𝕔𝕖 | 𝔻𝕣𝕚𝕖𝕕 𝕃𝕠𝕟𝕘𝕒𝕟 & ℂ𝕠𝕔𝕠𝕟𝕦𝕥 𝕄𝕚𝕝𝕜有驚喜嘅甜品🍨 充滿椰香嘅紫米露，唔會太甜，紫米煮得啱啱好，有咬口。再加上一粒粒嘅桂圓，味道同口感整體提升。📍海南少爺 尖沙咀廣東道3-27號海港城海運大廈地下G16號舖

去開海港城shopping，行到腳軟之際見到呢間主打星馬菜嘅餐廳，餐牌望落幾吸引，價錢唔貴重有海景位，就喺度落腳食飯。一坐低已經有份鹹蛋炸魚皮，口感香脆，鹹香惹味。招牌海南雞（半隻） $238套餐包埋一碗雞油飯同一個湯，半隻雞兩個人share食就啱啱好。雞肉新鮮嫩滑，雞皮爽口，冇乜多餘脂肪；雞件除咗一隻雞中翼有骨之外，其他全部都冇骨，食起上嚟啖啖肉好方便，啱曬我呢啲懶人。三色醬有：黑醬油、薑蓉同埋辣椒醬，我自己就鍾意三隻都點曬雞油飯入面有啲薑絲，令成個飯香而不膩；個湯有陣青瓜嘅清甜味，一飲就知唔係味精湯。新加坡肉骨茶 $168呢度有齊新加坡肉骨茶（白胡椒蒜頭）同馬來西亞肉骨茶（藥材），我哋揀咗前者。份肉骨茶一上檯已經聞到好香，食落有陣淡淡嘅藥材味同濃郁嘅白胡椒味，冬天飲嘅話一定會成個人暖笠笠入面嘅配料有排骨、豆卜、油炸鬼、蘿蔔同炸支竹，排骨啲肉好腍，煲到入曬味星洲醬油參巴炒蘿蔔糕 $88蘿蔔糕煎到表面微脆，中間軟糯，撈埋啲黑醬酒、參巴醬、雞蛋、菜脯同銀芽一齊炒，甜甜辣辣咁，口感同味道都好豐富。

今次係第一次食，星期二夜晚等左50分鐘先入得座。服務ok，但自己scan QR code入單，有些食物已售罄但沒有顯示，令我無法下單，需要諮詢職員才知道那些食物售罄。海南雞：唔錯，都幾滑，油飯入味幾好食。馬來蝦麵：隔了湯底，只係食麵都超鹹(本人平日食野都較為濃味)馬拉盞通菜：超油超鹹，最後要用水沖洗先食到星洲醬油參巴炒蘿蔔糕和菠蘿蜜山渣糖醋肉排：正常偏鹹，需要送飯食，份量Ok，唔好太少。飲品正常，但熱情果梳打，似雜果賓治。

黎到海南少爺緊係要試下個海南雞～我哋兩個女仔食驚一隻雞會太多，所以叫咗一個招牌海南雞套餐連一碗湯一碗油飯，飯嘅份量都幾多share食啱啱好👍🏻 雞肉好嫩滑，三種海南雞醬汁齊全，醬香美味👍🏻 小食有炸魚皮，香口惹味又煙韌😆滷水花生雞腳花生同雞腳炆得好入味，雞腳軟淋淋一咬就起肉，花生唔會過淋，保留有脆脆嘅口感又裏面又多汁，滷水味香濃入味❤️明爐鹹菜胡椒湯浸烏頭好大一條烏頭，魚肉香滑，胡椒湯唔太濃郁，所以條魚味道都幾清淡，原汁原味😋熱帶兩林凍飲冰凍酸酸甜甜水果汁，開胃又解渴～餐廳環境舒適，仲有得望海景，日落時間來食個天漸變色好靚啊～ 店員親切主動👍🏻

間唔中會黎海港城搵食，貪佢可以用coupon。估唔到呢間海南少爺平日都咁多人，要等左一陣先有位。一坐低會開壺茶俾你。馬來西亞肉骨茶（無限添飲）$248佢有兩款肉骨茶簡，一種係馬來西亞，另一種係新加坡，新加坡款比較小見，佢係用大量胡椒調味，所以胡椒味濃郁，顏色較淺。而馬來西亞款平時見得多，佢既藥材味就重d，顏色亦深色d。今日就簡左馬來西亞款，仲加埋無限添飲，乘機補補身子。藥材配料都幾多，所以幾重藥材味，正😋無限添飲個款係包哂🐷排骨、豬腩肉、豬手同豬肚，份量好足夠，排骨係啖啖肉，豬手勁入味，佢仲跟埋響鈴、豆卜等食材，好似打邊爐咁整熱浸湯汁黎食。馬拉盞通菜 $98炒得好香，再加小辣🌶，唔錯。炒貴刁 $118佢既麵底係河粉+油麵，有蝦、魚片同臘腸，好好食，如果唔鐘意食油麵，落單時可以走左去。佢呢到用app📱落單，好方便，減小落錯單既機會。而且好多款食物都有選項俾你簡，例如走辣同配料。

每次星期五過嚟呢頭食飯都要準時收工, 如果唔係實要等位. 今晚有啲想飲胡椒豬肚湯, 就嚟咗呢間食. 坐低嘅時候都仲有一兩張空枱, 然後下一秒已經full咗🫕新加坡肉骨茶(白胡椒蒜頭)配料豐富, 除咗好入味又腍嘅排骨之外, 當然仲有響鈴, 豆卜, 油炸鬼, 炸魚皮, 支竹, 豬手等等食材. 全程仲有個火爐喺個鍋下面keep住個湯熱辣辣✔️🐓海南雞(半隻)有得揀一隻/半隻, 第一次食就半隻. 配油飯同雞湯. 油飯好好味, 半隻雞切咗有十幾件, 肉質嫩滑, 肥瘦適中. 三隻醬汁我最鍾意都係配豉油汁食✔️🍝炒貴刁醬汁惹味, 蝦仁爽口彈牙, 河粉同油麵夠鑊氣, 同臘腸一齊食好好味✔️🧋美祿哥斯拉/ 珍多冰食咗咁多味道比較濃嘅嘢, 都要叫番杯凍飲. 推介凍嘅美祿同珍多冰✔️💛個人必食推介: 肉骨茶, 海南雞返食指數: 🥑🥑🥑🥑 (5🥑滿分)

收工約咗中同食晚餐，今次就揀咗幾就腳嘅海港城 - 海南少爺！食完可以繼續行街🤣！食物表現不裕，餐茶係荔枝紅茶，果味清新又唔甜，餐前小食仲有炸魚皮~而家堂食主餐牌仲有85折係抵嘅😍。🌟少爺小食拼盤👧🏻太貪心咩小食都想試，所以就叫咗個小食拼盤唔洗煩😝。小食拼盤有：馬來五香雞卷、香脆蜜糖單骨雞翼、檳城脆蝦角、獅城脆蝦卷、海鮮釀油條、炸蝦片。當中最欣賞脆蝦角同獅城脆蝦卷，都係啖啖海鮮/彈牙蝦肉。🌟肉鬆煉奶夾酥餅平時食酥餅通常都係點下咖哩食，夾肉鬆煉奶食就真係第一次！酥餅酥軟，夾上咸香肉鬆好正！夾餅內嘅煉奶唔多，所以都叫店嘛比咗一碟仔煉奶，咸甜夾雜幾得意！🌟印尼炒飯配沙嗲串燒印尼炒飯發揮正常，炒飯粒粒分明調味適中，配料就有煎蛋🍳、蝦、雞肉、青豆，再用煎蛋嘅蛋汁撈飯食一流。串燒係雞肉串燒，雞肉燒得嫩滑唔鞋口，配埋花生沙嗲醬，係全晚最滿意嘅食物之一。🌟炒貴刁炒貴刁嘅味道香氣主要來源係炒蠟腸！而麵條就有河粉同油麵，餸菜仲有魚片、芽菜、韮菜，不論味道同口感都幾多層次，又夠惹味。

今日咁岩同朋友都有時間，諗住好耐都冇見面啦，於是諗住去食餐好啲嘅，順便敘個舊😆👍🏻去海港城都行咗一圈，發現呢間餐廳都幾多人排隊，應該聲譽唔錯，於是我就同朋友一齊去食啦😛侍應嘅服務態度好Nice，好快就帶咗我哋入位，坐低冇幾耐即刻就上茶，速度好快🥳🙏🏻我哋叫咗一份串燒，串燒配上沙嗲真係好夾，而且啲肉燒得好嫩，唔講以為係佢嘅招牌菜😊終於是餐廳嘅招牌菜啦。海南雞飯加油飯海南雞真係十分嫩，加埋油飯，簡直係天堂級嘅享受。再加埋返海鮮麵，又有海鮮又有肉，真係啖啖肉呀😁😜甜品我嗌咗碗紫米露，紫米露一飲真係暖入心，甜度啱啱好，食完會好想再食多一本嘅程度😛✌🏻最近呢度做緊八五折，所以埋單兩個人$500都唔使，真係十分抵食呀🙇🏻‍♀️

堂食同外賣都做緊主餐牌八五折優惠🈹 唔怪得平日夜晚都排晒隊，喺海港城講呢間餐廳都算係幾抵食😆🫖一座低侍應放下一壺紅茶，滲透着淡淡的荔枝味，解膩一流👍🏻▪椰香海鮮喇沙 湯頭椰香味好濃厚，魷魚圈🦑蝦🦐魚片、蛋豆卜，米線溝米粉，口感特別，辣度大概為中辣，食落非常惹味▫黑豉油雞飯 豉油味並非死甜，有着淡淡的煙熏味道😌雞嘅份量仲相當足夠，食落嫩滑。三個調味醬汁：薑蓉、甜醬、辣醬，均能提升雞的味道。油飯食落乾爽，跟配嘅清雞湯味道鮮甜，十分滋味▪星洲醬油參巴炒蘿蔔糕 以味甜刻醬油及香辣參巴醬炒嘅蘿蔔糕，食落外脆內軟，香口惹味，並不會太辣🤗配上韭菜、芽菜、蛋等配料，增加口感之餘亦能解膩😚每舊切成正正方方嘅bite size，好食到停唔到口😛▫沙嗲拼盤 六串串燒可選兩款口味，我地揀左雞同牛🍡火候控制得恰到好處，能鎖住鮮嫩肉汁，沙嗲醬汁亦好入味😋▪海燕窩燉椰皇 海燕窩質地並唔似普通燕窩，口感較似啫喱，有做抗衰老及養顏🤫加埋清甜嘅椰皇水同埋片片椰肉，食落清甜滋潤🥥

印尼炒飯配沙爹串燒Nasi Goreng 比較軟身的炒飯，每一粒飯都充滿甜豉油的味道，牛肉串燒的沙爹味道很濃郁，蛋煎得剛剛好還有三隻蝦，蝦片再脆一點會更好 金絲網蝦春卷Golden Net Shrimp Spring Rolls 很喜歡這個春卷，金絲網的外皮特別鬆脆，外脆內軟，口感極佳 新加坡肉骨茶(白胡椒蒜頭) Singaporean Bak Kut Teh (White Peppercorns and Garlic) 用瓦煲温熱著肉骨茶，温度剛好，這個肉骨茶很濃，味道比一般的肉骨茶重一點，還有原隻蒜頭，如果喜歡白胡椒和蒜頭的可以嚐一嚐 蔥油手拍酥餅配咖喱汁 Green Onion Roti Prata with Curry Sauce酥餅香脆，很香蔥油味，咖喱汁偏甜荔枝紅茶Lychee Red Tea 沒想到這裡的熱茶是荔枝的味道，每一口熱茶都有荔枝的甜味，好喝也解膩  這裡環境舒適，坐窗邊的位罝還有海景，很適合shopping後來大吃一頓😋

喺海港城食飯你平平地以為冇乜選擇 因為俾我發現咗呢一間食星加坡馬拉你嘅海南少爺 高質素之餘亦都唔係貴 叫左個set lunch 海南雞飯拼新加坡肉骨茶 一次過滿足晒又可以試到肉骨茶同埋海南雞兩個願望 肉骨茶分咗兩款分別係馬拉同埋星加坡版本 馬拉係藥材味重啲而星加坡係胡椒味重啲 個人比較鍾意偏向胡椒味嗰隻 基本肉骨茶相當好味 佢有豆卜同埋蘿蔔吸收晒湯嘅精華 濃濃既胡椒味 非常暖胃 海南雞都相當好食 勁滑勁淋 配埋個油飯無得頂 另外可以加配小食 額外叫咗個馬拉盞時蔬 出邊嘅馬拉盞炒菜一般都比較咸 而呢個味道啱啱好 最後叫咗甜品海燕窩燉椰皇 好潤好滿足

朋友仔推介我去海港城食D間星馬菜，話D間肉骨超好味同價錢合理！環境好舒服，又有無敵海景，好正！☺️餐前小食有鹹蛋黃魚皮配荔枝紅茶☕️，好滋味，魚皮脆卜卜爭啲食到停唔到口，荔枝紅茶好有果香味道，好好飲，我幾乎添飲咗兩次👍🌟馬來西亞肉骨茶，味道香濃，藥材味又唔太重，D排骨同豬肚好淋好入味，配料又豐富有響鈴、炸豆卜、油炸鬼、炸支竹…..個肉骨茶以火爐keep 住熱熱地咁食，好細心❤️吾怪得之我朋友極力推介🥰🌟馬來蝦麵，湯底有濃澧蝦味D蝦又大隻又爽口，份量仲十足添，都好飽肚😋🌟串燒我哋要咗豬同雞好juicy ,又冇過火，D沙嗲汁先係重點，粒粒花生香味，絕配🤩🌟薄餅一定要襯熱食，加埋咖喱汁食到停唔到口，超大滿足👍

和朋友在海港城shopping 完，經過呢間海南少爺，聞到微微馬來西牙菜式味，考慮之際，店員已經有禮地招呼。一坐低就送上一碟鹹蛋炸魚皮惹味餐前小食，都算大份，真正的鹹蛋香味，口感酥脆惹味。這裡的肉骨茶有很多款，有些主打藥材味，我揀選了這款較傳統的。每款肉骨茶都可加配指定主食或配菜。馬來西亞肉骨茶配料有響鈴，豆卜，油條，炸魚皮，炸枝竹，另外在指定四款肉類選了排骨和豬手。用上明火瓦煲，可以一邊熱辣辣滾住一邊放上配料慢慢品嚐，有點火鍋感覺。湯底帶有濃濃的肉香，香料有獨特香味，香味慢慢滲出濃郁而不苦。響鈴，豆卜，油條可以因應自己喜歡的熟度慢慢滾。另外追加了一份拼盤， 油雞，雞蛋，豆腐， 雞腳，非常豐富，全部都好入味。椰香海鮮喇沙喇沙最重要是湯底，帶有濃郁椰香辣味，椰香味沒有星加坡式咁重椰奶味， 冇咁油膩； 配料豐富，有海蝦，魚片，墨魚圈，雞蛋；麵和米粉比例 七比三，口感正好；食飽整碗都沒有口渴。馬拉盞炒通菜非常惹味， 通菜新鮮爽脆