海南少爺 (已結業)

係尖沙咀行完街去咗食呢間餐廳，諗住叫個海南雞飯食～兩個人叫咗個海南雞飯同埋串燒炒飯，最後再加多咗一個咖喱薄餅同埋黃金炸魷魚🦑😁😁海南雞飯用咗油飯，好好味好香口；雞肉就啱啱好，唔會過肥。炒飯就啱晒鍾意濃味嘅我，份量都幾多同埋都幾足料，都唔係好食得晒😝😝•不過我最欣賞嘅係兩個小食，黃金炸魷魚好香咸蛋味，好脆👍🏻👍🏻👍🏻同埋薄餅真係好耐冇食啦，真係覺得好好食！個人覺得淨係點少少咖喱已經覺得好好食😹😹

跟朋友一起看完展覽，來到尖沙咀吃午餐，看到它家無需等位，決定去品嚐一下。我們都想吃海南雞飯套餐，按照提示，自己掃碼點餐。可以選擇要雞腿肉或是雞胸肉，我和朋友各自點了一份，但是無法提交訂單，一問服務生才知道，還必須多點一份其他餐食。無奈，我們選了一份青菜，一份肉串。青菜正常水準，但是肉串沒有值得夸贊之處，口感偏硬，而且溫熱的，好像烤好放了很久才拿出來。我點的飯來了，一份雞腿肉，一份油飯。配上一碗湯。肉質比較鮮嫩，爽滑，油飯咸香可口，只是湯是涼的，但是因為肚子比較餓，也沒有太在意。看圖片，有發現什麼地方不對嗎？我的飯、菜已經吃了一半，朋友的套餐還沒有來（旁邊桌上比我們晚來的三位客人都已經吃上了）只能要服務生催促一下。等飯拿上來覺得不對，我都要的是油飯，但是拿上來的是白飯，又找服務生去換，但就只需換一碗飯又等了7分鐘，朋友已經不太高興。這时候我已經吃完，才發現我的套餐里沒有調味料，朋友的雞胸肉旁邊赫然搭配著辣椒醬、蔥油、姜泥，再次詢問服務生才知道，忘記給我了🥲🥲🥲我環顧四周，并沒有太多客人，門口有几位在等外賣，餐廳并不算忙碌。不知道這頻繁出現的失誤是由什麼引發的？300多元買了個疑問。

餐廳唔算多位，不過座位與座位之間好寬躺，咁啱我哋坐喺窗邊位置叫做望到海(但夜晚太黑視野受阻)。枱上有壺荔枝紅茶好清香😛我幾鐘意飲。主餐牌上有好多食物都好吸引，我揀咗幾樣最想試嘅：🦪#星洲蠔餅($118)：新鮮出爐熱辣辣，一定要襯熱食，凍咗口感真係差好遠，可以點魚露或者辣椒醬提鮮(個人認為魚露正啲)😋。蠔餅整體唔算油，入面超級多蠔仔，每一粒都好飽滿而且唔腥。我最鐘意蛋嘅部份，非常蓬鬆，邊邊位仲係脆嘅！🍖#雞肉沙嗲($98)：總共六串，雞肉幾嫩滑，沙嗲醬唔辣同甜甜地，仲有一粒粒花生碎。另外有幾舊青瓜作伴碟，好清新甪嚟解膩啱啱好😝，因為其實個沙嗲醬都幾濃味。🥜#滷水花生豆腐($58)：豆腐外皮吸收晒滷水嘅精華非常入味，內裏嫩滑，㗳真啲仲有微微酸味🧐。豆腐唔會浸到鹹晒因為有一層花生鋪喺底，口感偏向軟爛，會食唔停口。🍲#招牌海南雞飯拼海鮮喇沙($138)：好豐富嘅主食，欣賞餐廳有咁樣嘅配搭比客人選擇，事關有時候真係好難抉擇，會想兩樣一次過試哂😛。先講講#海南雞飯，油飯好香，海南雞滑捋捋去骨方便進食，應有嘅醬汁都有齊，我自己就鍾意酸辣汁多啲。#海鮮喇沙 細細碗夠細味品嘗，麵底係摻摻，不過變咗米線溝

我朋友出尖沙咀行街，經過海港城買野，好肚餓就搵吓有咩嘢食，見到呢個餐廳門口好多人等位，原來餐廳主打食海南菜，就一於決定試下餐廳裡面有幾個位置可以望到維港景，餐廳主打卡位，枱與枱之間好闊落，一班人過嚟傾偈好適合✨滷水花生豆腐$58先叫咗個前菜，諗住清清哋開下胃，花生好多，炆得好淋好入味，豆腐表面亦都吸收晒滷水汁香味，豆腐質地好嫩滑✨沙嗲拼盤$118可以三串雞肉，三串豬肉，好啱貪心的人，可以兩種都試下，豬肉同雞肉質地都好嫩滑，啖啖肉，燒完出嚟仲好有肉汁，表面燒到金黃色，用特製調味料醃過，更加香口，旁邊嘅沙嗲醬好香花生味，甜甜地唔會太辣，好啱香港人口味✨椰香海鮮喇沙$128材料好足料，有三隻大蝦🍤，豆卜，魚片，雞蛋，魷魚🦑，湯底椰香味超濃，麵底米線加米粉，個米粉吸收晒椰香嘅味道，旁邊仲有少少辣醬，可以自己調校辣度，超正✨海南椰子雞湯$128天氣最近涼涼地，飲番個椰子雞湯暖下胃都好，個湯底超清甜，裡面有好多椰子肉，椰香十足，仲有少少杞子補下身，雞件都好多，煲完湯啲雞肉仲好滑

記得記得記得要預先book定窗邊海景位!!!有三張! 三張! 三張檯嘅機會!!!好緊要! 重要嘢真係要講三次👌🏻高貴典雅嘅環境同餐具好襯「海南少爺」呢個舖頭名~睇睇menu又唔算好貴喎🙌🏻合理價錢！舒適享受！我最鍾意<<星洲醬油參巴炒蘿蔔糕>>($106)我係絕對會帶朋友再嚟encore佢!炸過(?!)嘅蘿蔔糕粒粒焦脆香口💯入面軟綿綿嘅蘿蔔糕…同脆皮成大反差!!!呢個口感係一大嘅衝擊兼且享受👏🏻蘿蔔粒入面仲有粒粒臘味同蝦米…鹹香味十足!甜甜哋嘅醬油 + 微辣嘅參巴醬 好似XO醬嗰啲味咁~~惹味又香口嘅小食，我一試就即刻連續食咗五六粒🤭<<椰香海鮮喇沙>>($128)湯頭好重椰奶味，甜而不辣! 小朋友都食得!而且有大人細路都鍾意食嘅米線同米粉😀三隻肉質夠爽嘅大蝦仲剝晒殼~~啱晒我呢啲懶人🤪材料都算豐富💁🏻‍♀️仲有魷魚圈、炸魚片、豆腐泡、芽菜 同埋好少有嘅 溏心鴨蛋!好彩happy share咋!一個人食晒成碗實飽到食唔到其他嘢🙃<<招牌海南雞飯 拼 馬來西亞肉骨茶>>($138)又係好適合同朋

尖沙咀海景星馬菜.落地玻璃太陽猛烈加埋冷氣唔太夠…食到出汗🤣🤣😵‍💫·🥢炒貴刁（$118）炒得唔錯.可以點有辣度/唔辣！河粉及粗麵被醬汁包裹，配埋大蝦、臘腸、魚片、芽菜等～ok derrrr😋·🥄星洲醬油參巴炒蘿蔔糕（$106）賣相極吸引！不過唔太食到參巴醬味！食落油左d…易膩·🐔海南雞（$238）半隻份量都多.不過食落一般…雞肉唔太嫩滑.肉質比較實.得雞油飯係唔錯·🍳星洲蠔餅（$118）唔厚粉，不過味道略咸.蠔仔唔大粒但勝在量多·🍖馬來西亞肉骨茶（$178）分開上響鈴、豆卜、油條、炸魚皮同埋炸支竹，唔會浸淋哂👍🏻另加排骨及豬肚，好豐富不過湯唔太濃，完全唔係馬來西亞食果種味道🥲·🐥滷水花生雞腳（$58）勁硬！完全唔入味唔腍…差呀😵‍💫👎🏿·🍢沙嗲拼盤（$118）6串串燒選擇左雞肉及豬肉，點埋沙嗲醬夠哂惹味！·📍海南少爺尖沙咀廣東道3-27號海港城海運大廈地下G16號鋪

係海港城shopping完，見到呢間餐廳門面幾靚，比佢吸引左買返去屋企人食，外賣等左15分鐘就拎得-沙嗲拼盤(6串雞+6串豬) 外賣返到屋企食都唔乾身，個醬SO GOOD!!!稠身既馬來沙嗲醬，有好多烤香的花生碎，香甜惹味 -馬來蝦麵湯底有濃濃鮮蝦味，蝦肉非常彈牙，配埋我最鐘意既油麵，冇野可以挑剔-招牌海南雞飯拼配馬來西亞肉骨茶海南雞好嫩滑，油飯一啲都唔油，但又有雞既香味；肉骨茶好有驚喜，有香濃藥材味，油豆腐吸曬湯汁，肉肴到好稔身，會想再encore-炒貴刁魚糕、河粉、油麵、豆芽菜炒得好勻，蝦肉彈牙，感覺非常正宗，深色醬油睇落似老抽，口味偏甜，散發陣陣酒香同蔥香

最近發現左尖沙咀呢間有海景嘅星馬菜！睇落真係好高級好吸引😆我哋一坐低有壺茶比我地，本身以為係普通茶樓嗰款茶，點知原來係荔枝茶！🍵-🥢全隻海南雞+2飯+2湯見到呢個set $400左右 幾啱兩個人share就嗌左🫣 唔係講笑全隻海南雞都真係幾多😂 而且隻雞一啲都唔會太肥，好多肉而且唔會冭油膩！加上冇骨，食得好滋味🥰還可以選擇白飯或者油飯，食海南雞識揀一定揀油飯！另個佢個湯都唔似出面嘅海南雞飯既湯咁多油👍🏻🥢馬拉盞炒通菜呢碟通菜份量都好多，馬拉盞同蒜蓉都炒到好香，不過就比較油左小小，但係食落都好惹味！-自問平時都算食得多嘢，但係同男朋友兩個人都完全食唔晒🤣要打包帶走，而且個價錢係完全對得住個景！望住海景食飯真係好正🙈

娘惹菜即是將中式傳統菜餚、烹飪技法結合馬來人料理特色而產生的菜系，流傳於星馬等地，這晚就來到海南少爺品嚐南洋娘惹美饌。餐廳裝修風格雅致，裝潢散發東方韻味而不落俗套。靠窗位置有落地大玻璃，坐擁維港景致，醉人夜景盡入眼簾。茶錢每位收費 $8。餐牌主打經典星馬菜式，選擇繁多，掃描QR code後就可用手機點菜，方便快捷。檳城脆蝦角 $96蝦角造型包得工整飽滿，每一顆看起來都被餡料撐得脹鼓鼓。雖然是邪惡炸物，但炸得香脆而不油膩。脆卜卜的金黃外皮緊緊裹著爽彈的蝦膠內餡，點上酸甜醬汁醒胃解膩。馬拉盞炒通菜 $98 翠綠通菜味淡爽脆的特點正好與馬拉盞的鹹香風味互相匹配，用來炒菜生色不少。菠蘿蜜山楂糖醋肉排 $158娘惹料理受祖宗傳下的中華文化影響，因此離不開中華料理，尤其有廣東菜系的影子。色澤艷麗的糖醋汁，酸甜開胃，不會過酸或過甜，濃稠得宜，即時令人胃口一醒，糖醋肉排極之厚肉，份量十足，肉質鬆化，一口咬下充滿肉汁。海燕窩燉椰皇 $82外殼呈淡褐色的原個清燉椰皇果形小巧，具有滋潤清熱、益氣生津之功效，尤其適合秋季進補去秋燥。幾近透明的清澈汁水散發淡雅清甜的椰子果香，顏色純白的椰肉尤如牛奶布丁般柔軟嫩滑

海港城咁多餐廳，原來有間專食海南雞。第一次望住維港景色食星馬菜，晚市去撞啱時間仲可以睇到幻彩詠香江😂講食物之前必需讚下啲茶好好飲，係荔枝茶，好香❗️A high quality Malaysian cuisine restaurant with a decent sea view and comfy decor found in Harbour City. Recommend Bak Kut Teh and Laksa. The Bak Kut Teh had rich herbal flavours, other dishes were pretty nice too.▫️🔸馬來西亞肉骨茶 配迷你滷水雞雜全盛 $228 🌟8/10𝗠𝗮𝗹𝗮𝘆𝘀𝗶𝗮𝗻 𝗕𝗮𝗸 𝗞𝘂𝘁 𝗧𝗲𝗵, 𝗠𝗶𝗻𝗶 𝗠𝗮𝗿𝗶𝗻𝗮𝘁𝗲𝗱 𝗖𝗵𝗶𝗰𝗸𝗲𝗻 𝗚𝗶𝗹𝗯𝗹𝗲𝘁 𝗣𝗹𝗮𝘁𝘁𝗲𝗿 以熱爐上肉骨茶，又有響鈴、豆卜、油炸鬼、炸魚皮同炸枝竹做配料，有少少似打邊爐🍲🤣食材可從排骨、豬手、豬腩肉、豬肚四選二，湯底頗重藥材味，夠晒補身👍🏻雞雜拼盤有雞肝、雞腸、雞腎同芽菜，份量唔錯。▫️🔹招牌海南雞飯 拼海鮮喇沙 $138 🌟7.

星期六無乜做，又係諗住食見近日covid情況穩定少少，就決定去好耐無去嘅TST食去到，見食burger 嘅地方無哂位，無乜頭緒食乜就決定食多次呢間 可能有海景位坐嘅 海南少爺點知，最後人太多我哋得兩个都係坐唔到海景位…要讚嘅係，今次第二次嚟食，水準仍然保持到service 唔錯，主動加茶。雖然佢茶位要16蚊不過唔係普通嘢，係荔枝紅茶叫肉骨茶仲會有个爐熱住飲，唔怕飲得慢會凍哂而且，佢仲有個餐，係可以無限添飲的如果鍾意飲湯，都係一個唔錯嘅選擇

今日喺海港城收工但要返屋企食飯，決定斬料買少少外賣返去！見到呢間海南少爺外賣自取有85折就決定試下～見星洲醬油參巴炒蘿蔔糕（$106）同馬來五香雞卷（$96）都係被推介所以叫左，前者好香口惹味，後者味道都唔錯，唯一要挑剔係蘿蔔糕因為經過個半鐘嘅路程而變淋（如果近屋企或者堂食就冇問題）招牌海南雞配雞油飯及雞湯各一碗（$238半隻）雞肉嫩滑加埋雞油飯嘅加持，令唔係飯桶嘅我食曬成碗飯！滷水拼盤（$178）有豬手、雞腳、鴨蛋、豆腐、花生，滷水好入味而且唔怕長途車。整體黎講唔錯，下次可以直接喺餐廳內堂食！

肉骨茶偏愛馬來西亞風味，喺海南少爺呢度當然要試佢嘅肉骨茶。混合多種藥材熬製嘅濃湯，加埋啲排骨吸收哂啲湯汁，加上燉到肉質好鬆軟好入味，可以配埋油炸鬼，炸支竹再點醬油食。肉骨茶套餐我揀咗配滷味拼盤，有豆腐，雞腳，豬手，最正係嗰個溏心蛋，個蛋黃係好軟糯甜甜嘅口感，佢滷水香料味比較重，其次係甜味，稍為中和番肉骨茶嘅甘香感覺。跟住到佢哋嘅炒貴刁係炒到好有鍋氣，裡面有蝦仁臘腸雞蛋芽菜，用黑醬油炒製，有齊甜鹹鮮香的味道。

海港城雖然向來有各式各樣的餐廳但要選食有海景的星馬菜餐廳海南少爺必定是我的首選！ʕ •ᴥ•ʔ餐廳裝修環境好舒服如果坐近窗邊仲海景tim。一坐下來就有茶供應茶味醇厚而且帶有荔枝果香！🌟招牌海南雞飯零售價：$108皮爽肉滑海南雞亦不會覺得好油膩平時不喜歡雞皮的我都清了成碟更有伴三色醬有黑豉油、薑蓉及辣醬配上鮮香油飯及雞湯每一口都令人回味🌟星洲醬油參巴炒蘿蔔糕零售價：$106呢道菜式相當有驚喜！！！與平時茶樓的顯然不同口感比較實正煙韌再加上外層經過煎炒形成薄薄一層的香脆外殼外脆內軟口感相富特別再加上特別醬汁炒香絕對晏是完全不一樣的體驗🌟沙嗲拼盤零售價：$118 半打雞串燒外表散發焦香香味配上秘制沙嗲醬十分惹味沙嗲醬亦見到粒粒原粒花生有時少少的細節便看得出餐廳的用心！🌟美祿哥斯拉零售價：$35相信大家都聽過星馬名物飲品——美祿恐龍這裡的更升華叫呀美祿哥斯勁過恐龍呀！！！ 哥斯拉味道相當澎湃濃郁再配上脆口粒粒絕對係all time classic 飲品我同朋友都相當滿意呢一餐下次再行過海港城一會再光顧(╯3╰)味道：8/10環境：8/10性價比：8/10回頭度：7/10

#chuchu食在尖沙咀📍 海南少爺🐷第二次食了，有海景野食又好食！平日夜晚去竟然唔洗等位！張檯好大，嗌好多野食都放到！💡茶芥每位$8，不過啲茶唔係cheap 嘢，係有荔枝味，好飲！同埋呢佢8:30就last order—————————————————————❣️招牌海南雞飯 $128今次想介紹下無骨海南雞！好嫩滑有雞味，中間仲有啫喱！三色醬係新加坡正宗口味，雞油飯粒粒分明帶點薑味，唔會太油！個雞湯好清甜好好飲！.❣️椰香海鮮喇沙 $128一上枱已經聞到椰香味，配料好豐富，有魚片、豆卜，魷魚、蝦，成碗都係！蝦好方便已經剝咗殼，魚片好爽口，湯底好濃，用左米粉米線滲滲，吸曬湯嘅精華！.❣️馬拉盞炒通菜 $98好有鑊氣！完全唔老，馬拉盞同蒜蓉好惹味，份量好大，兩個人都食唔晒！.❣️鹹蛋黃魷魚 $106上枱好夠熱，好香鹹蛋黃味，每件魷魚都有鹹蛋黃包住，炸到金黃色，外皮脆香，入面嘅魷魚好滑溜彈牙，如果分量多少少就好❣️珍多冰 $28好得意！同平時嘅唔同，用咗紅豆係底，椰汁好香濃！—————————————————————不專業評分👅好味指數: 7/10 💰性價比: 7/10👍🏻推薦: 7/10 ———