影片
更多
2019-04-26
99 瀏覽
今日同老公行過九龍城諗住食泰國野，點知經過呢間舖頭就被佢既裝修吸引左，因為真係整到好似日本既居酒屋咁。一入到去個環境真係好舒服，感覺上夜晚同朋友喺度飲下野傾下計會好chill！因為我地大約12點就到咗所以都唔係有好多人，menu方面有午市套餐同埋 a la carte。老公見到佢有幾款拉麵就即刻決定左要自家制黑蒜拉麵；而我就點咗a la carte既鐵窩醬汁烤雞飯。另外我地仲叫左個好開胃既芥末海老餅同埋串燒併盤，可以咩都試啲。過左冇幾耐就上咗個餅，原來個精粹係喺個用蝦、芝士同埋牛油溝埋既醬到，咸咸酸酸咁好開胃，加埋已經有少少味既餅真係好啱飯前食！過多一陣串燒就嚟咗，我地其實都留意到係個日本人師傅即席燒所以好香同惹味。首先豬腩肉燒得好香，一啲都唔肥膩；牛肉都係燒得岩岩好，因為牛味好濃所以冇太多調味都已經好好食；燒冬菇都係好香同埋面頭乾身入面juicy；最後大蔥豬肉串真係有日本既風味，師傅燒得岩岩好而又唔會太咸！等多一陣個拉麵就到咗啦，我同老公都好好奇點解會係咁出泡咁勁，到我地一夾起啲麵就明哂，原來師傅將一塊熱石都放埋入去，所以令到碗麵熱到出泡。首先個黑蒜油湯底濃而不咸，應該係真材實料用豬
因為我地大約12點就到咗所以都唔係有好多人，menu方面有午市套餐同埋 a la carte。老公見到佢有幾款拉麵就即刻決定左要自家制黑蒜拉麵；而我就點咗a la carte既鐵窩醬汁烤雞飯。另外我地仲叫左個好開胃既芥末海老餅同埋串燒併盤，可以咩都試啲。
過左冇幾耐就上咗個餅，原來個精粹係喺個用蝦、芝士同埋牛油溝埋既醬到，咸咸酸酸咁好開胃，加埋已經有少少味既餅真係好啱飯前食！
芥末海老餅
$58
18 瀏覽
0 讚好
0 留言
過多一陣串燒就嚟咗，我地其實都留意到係個日本人師傅即席燒所以好香同惹味。首先豬腩肉燒得好香，一啲都唔肥膩；牛肉都係燒得岩岩好，因為牛味好濃所以冇太多調味都已經好好食；燒冬菇都係好香同埋面頭乾身入面juicy；最後大蔥豬肉串真係有日本既風味，師傅燒得岩岩好而又唔會太咸！
串燒盛合
$188
14 瀏覽
0 讚好
0 留言
等多一陣個拉麵就到咗啦，我同老公都好好奇點解會係咁出泡咁勁，到我地一夾起啲麵就明哂，原來師傅將一塊熱石都放埋入去，所以令到碗麵熱到出泡。首先個黑蒜油湯底濃而不咸，應該係真材實料用豬骨去煮，就咁聞已經有好香既蒜油味。拉麵亦都係煮得好彈牙同埋食得出唔係用預先包裝既拉麵，叉燒亦都整得好諗好好食。呢個拉麵真係成碗都好有喺日本食拉麵時既感覺，好滿足同埋好令人回味。老公再同個日本師傅講好好味，師傅話原來個湯底係佢自己每朝用豬骨同埋其他配料煮成，所以同香港其他拉麵舖食到既有少少分別！
自家制黑蒜拉麵
$68
13 瀏覽
0 讚好
0 留言
鐵窩醬汁烤雞飯一上個陣係熱到炸炸聲，係好傳統既日式醬油味，加上有煎過塊雞扒令到整體夾埋好香口。除左飯之外仲有少少粟米粒添。今日呢個午餐誤打誤撞都試到好嘢，下次一定會再同朋友嚟試多幾款嘢食。
鐵窩醬汁烤雞飯
$88
15 瀏覽
0 讚好
0 留言
張貼
