浜滝

營業中

休息中

由兩位日本人主理嘅日式餐廳🤩店內裝潢別樹一格😎直頭好似去咗日本居酒屋咁🙈而且店長仲親手寫咗張Thank you card俾我𠻹😝自家製黑蒜拉麵🍜$88上枱前，會放入熱石滾湯😎黑蒜味道超香濃，口感非常濃厚😛濃濃嘅黑色湯汁，配上日式叉燒和糖心蛋😋加上爽口彈牙嘅拉麵，真係好正☺️鐵窩明太子三文魚飯🐟$88明太子鹹味濃郁，加上三文魚嘅鮮甜🤤兩者結合，確實係絕佳配搭👍份量十足，啖啖肉，味道有層次😋雞胸軟骨串😝$18日本雞皮串😎$16雞肉漢堡串(配日本蛋)🐓$28雞胸軟骨口感軟嫩😛雞皮就烤到好crunchy😋雞肉漢堡串嫩滑唔嚡口😚加埋蛋黃汁一齊食😉味道更突出😆日本直送雞翼串$38大蔥雞肉串$22柚子雞肉串$22雞翼串烤到脆口多汁😛皮脆肉嫩，口感一流😎柚子雞加上咗柚子鹽😆鹹香味有新鮮感，味道較為特別👍大蔥雞燒到熱辣辣，夠曬惹味，正😚冬菇串😆$18雞肶菇串😛$18冬菇味夠香😋唔會燒到太乾，食落仲係好多汁😝雞肶菇味道亦不錯👌而且好有咬口😎浜滝 (九龍城)九龍城福佬村道59號地下A舖

九龍城雖然係泰菜集中地, 但仔細尋覓總會有些特色小店。之前經過見到呢間門外掛上一個發亮大招牌, 兼有不少日本語旗桿, 不用問都一定是跟日本菜有關, 原來是一間有清酒飲既居酒屋。 餐廳地方細細, 朋友為免我久等, 更貼心地提前book位, 嘆返餐居酒屋美食。入座後, 店員即時送上由日本老闆親手寫的心意卡, 很窩心呢~ 【厚切三文魚刺身】HK$68果然沒令我失望, 每件三文魚均為厚切, 其中兩件更是三文魚腩。三文魚帶有魚香, 三文魚腩魚油超豐富, 厚切仲滿足埋口感, 正!!【火炙平目魚邊】HK$128長長平目魚邊打蛇餅咁卷起, 魚邊質地又滑又林, 一夾即散, 油脂豐富雖然我唔飲酒, 但同朋友閒聊都order串燒食下~【雞胸軟骨串】HK$18其他店比較少有既雞胸軟骨, 呈三角錐狀, 口感更為爽脆香口【雞皮串】HK$16燒得有如餅乾香脆質地, 有微微焦香味【鵪鶉蛋串】HK$22蛋香味重, 外表有少少煙靭【牛油粟米】HK$22食唔出牛油味, 粟米不太清甜【大蔥雞肉串】HK$22大蔥雞肉表面掃上了燒汁, 有少少鹹, 雞肉頗嫩, 夾埋大蔥食, 香口大增【鐵窩醬汁烤雞飯】HK$88不是預期中有飯焦果種

今日慶祝朋友生日，黎到呢間出名嘅居酒屋——浜滝🎏因為預早book 枱嘅關係，日本老闆寫左張感謝卡俾我地🥰芥末海老餅 🦐 $58 佢嘅芥末醬溝埋牛油果蓉🥑，芝士，海老。搽上塊餅乾度食真係好夾，口感好豐富，好食。 依個價錢黎講都算合理。近江牛 🐂 $68 近江肉脂肪唔多，肉質軟熟。同埋佢牛味都幾重，但係$68一串都唔平。😣半熟海膽龍蝦 🦞 $368 半熟龍蝦真係好好食🤤，比起刺身龍蝦多左陣口感，上面再配海膽真係一流🙊，海膽都好鮮甜。 不過得4-5件左右，唔太抵食。個龍蝦頭仲可以兩食再煮成粥/湯，而我地就揀咗轉粥🍲龍蝦粥 +$150 無諗過個粥係可以咁好食🤩。好重龍蝦味，好入味，非常好食。粥嘅份量好多，亦食得出一粒粒日本米🙂，每人一大碗，仲有啖啖菇，撈埋一齊食簡直一流。火灸平目魚邊🐟 $128入口即溶，撈埋少少wasabi食，帶有少少柚子味，好清新。😚池魚🐟 $298 叫咗個原條刺身，都有啲油份，魚味好重，亦好新鮮。池魚既骨頭可以免費炸埋俾你食，炸出黎好好食，好脆好香口🤘🏻值得一讚🥰🌟🌟🌟🌟🌟🌟🌟🌟🌟味道 ： 4.5/5衛生 ： 4.5/5服務 ： 4/5價錢 ： 3/5整體 ： 4/5埋

一個人路過，唔算太肚餓，見到🏮和風裝飾東瀛佈置🎏，入去試試吧！食物有拉麵🍜、刺身🍣、好多日本🇯🇵進口嘅海鮮🦞選擇，人多嘅話可以再去試下，無得飛唯有本地消費🤔———————————————————————————🥢鐵窩日式照燒雞飯🐔🍱💬雞肉好好味，嫩滑而且濕潤，鐵窩上有飯焦香，是店鋪推介😏.🥢近江鐵板薄切牛舌🐮👅💬或許係日本🇯🇵入口食材，份量比較少，但味道確實不錯，薄切爽口😌

今日去左九龍城 但又唔想食泰國野 於是上OpenRice睇 見到呢間好多好評 於是try try 店內的裝修很有日本風 有五張圓枱和少量位置bar枱 由於我地冇book位 所以只可以坐bar枱餐牌上嘅食物好特別 除左一般刺身 燒物外 有好多特別食物左右魚邊入口即溶 仲要火炙 好香油脂味燒芝士年糕 出面一般的芝士年糕都是沒有加紫菜 但今次這個芝士年糕不是炸的 而是燒的 口感比較煙un 其他食物感覺不過不失 食物質素是特別的 不過價錢略貴 而且份量較少

前排日日就係忙搵口罩、搵消毒、搵洗手液，由於屋企附近供不應求於是就去屋企附近區搵。九龍城區都算幾多野補給，而且亦有好多嘢食，去買嘢時候順便醫肚，喺九龍東區好多人嘅選擇。剛巧行過本來諗住食魚蛋粉，但係買洗手液時見比浜滝，諗起係天后食過呢間野，記得唔錯，而且book mark左呢間係九龍城嘅餐廳好耐。擇日不如撞日，於是就入去試吓。呢間主打居酒屋，主廚都係日本人，拉麵、刺身、壽司、串燒、鍋物，酒不同嘅美食美酒都有。由於疫情關係，都唔想坐得耐，於是試少少簡單野就算。坐低先食一個前菜，螢光魷魚，不得了，晶凝通透嘅樣子，入口超濃味，好新鮮。叫了個近江牛肉沙律，出色嘅一定係近江牛啦，牛味夠，沙律只是配菜而已。呢度嘅極辛地獄拉麵非常出名，聽聞辣度一流。上枱嘅時候熱辣辣因為有熱石係麵入面，麵質不能說勁好，但掛住熱到不行嘅湯，衰極有限。而叉燒不算太厚，拉麵旁邊亦都附上兩件餃子，味道不錯。不過，我幾鍾意個湯，辣得來的野性不會有叫人叫救命的感覺。另外老婆選了浜滝牛油果拉麵，牛油果？感覺會不會太奇怪？我試了一口，又不會太奇怪，牛油果令個湯多了個層次，感覺不錯。另外要講，隻蛋都做得不錯。同埋個湯都維持非常之暖，只

睇到尼間有好多YouTuber 推介講到好好食水準高🤔情人節bk位試下去到又真係好滿座——————————————————————但一黎就有小嬲既位原來情人節有$1200最低消費!!😨 (都幾貴...)重點係由訂枱既條文到入座後都冇職員提及過order 哂野食後先黎話我地叫既野唔夠數🤷🏻‍♀️隔離枱情侶因為咁離開唔食但男朋友話都叫哂野食就算..龍蝦🦞賣相不錯但比想像細隻，同相片有出入😐肉質咬落去算彈牙但味道不太鮮亦唔多覺得有半熟既feel性價比較低加$100可保留龍蝦頭加湯而加粥底價錢再貴d湯似味噌湯但唔覺得有龍蝦🦞味份量都足夠，配有娃娃菜柳松菇等蔬菜🥬但只係將本身你食完道龍蝦頭去加d蔬菜同湯，未免有d唔抵食吧🥴三文魚刺身都算ok，唔會有咩根帶子都厚肉，薄片檸檬帶出點清新味道整體刺身都唔算有雪藏味面頭一大束日本柴魚絲&櫻花蝦增添左口感而汁酸meimei咁但豆腐並不滑，有種太實既感覺..雞皮燒到有點乾食落冇咩味道雞翼係正常燒雞翼味道不過不失吧年糕都算煙韌芝士都算飽滿沒有太大驚喜的拉麵🍜吧普普通通既料湯底濃度一般雖賣相色澤不算吸引😐但珍珠米都粒粒分明鰻魚燒汁滲入飯鰻魚算肥美所以！！不能盡信Y

又番黎九龍城覓食喇～通常黎呢度都係食泰式野，今次搵到一間別緻既日本居酒屋，當然要食下！入面麻雀雖小，五臟俱全，充滿居酒屋風格，電視仲播住日本電視節目，唔講以為去左日本！打開menu，發現呢度既身物都好特別，有好多其他居酒屋都冇既菜式，好彩我朋友係日本通，有佢介紹之下我地選了一個香港難得一見既食物！酒盜芝士呢味小食係日本常見既佐酒小食，所謂酒盜，其實係用魚既內臟腌製而成，單食會有點腥同鹹，配上芝士就perfect！咸咸香香又有鮮味，配上芝士既香濃細滑，再用紫菜包住黎食，實在一試難忘！生蠔 My all-time favourite, 呢度食唔貴，海水味唔太重，淡淡既鮮味，唔使加檸檬汁都好好食！熱石拉麵呢度都好出名既有熱石拉麵，湯底中加入一個熱石，可以保持湯底熱力一段時間，同朋友一邊傾計一邊食野，拉麵都唔會變凍！湯底濃而香辣，食得好過癮！刺身當然唔少得，每次都一定會叫，新鮮，帶子厚身。最後叫左幾串串燒作結，每串都有唔同既醬汁mix and match，呢度連一串串燒都好比心機去烹調，值得下次再去食支持！！

經過見到午餐拉麵價錢唔算貴$68，入左去食，舖細細bar 枱位多，叫左個豬骨湯拉麵，想試下最普通果樣好唔好食先，午餐仲送野飲，可叫氣水，烏龍茶，柚子蜜。等左十幾分鐘，終於有得食，睇來係即煮，上枱見到碗麵入面舊熱石仲滾緊，整體賣相吸引，試淡湯先，隻蛋都好流心，湯有濃豬味都ok, 麵係較有咬口果隻，到舊肉 好厚身 但太多肥膏，咬唔開同埋仲凍，到食第二舊肉好明顯變左味，但我都食到尾，唔換啦，至多冇下次，最後埋單要加一 $75。

Lunch Set有兩款拉麵選擇，試左原味豚骨拉麵，配上荀，粟米，豚肉，半熟蛋，仲放了熱石，保持湯底熱力，啱晒我鍾意食熱辣辣嘅人。湯底濃郁質地厚，拉麵用上粗身曲麵，掛湯力高。半熟蛋烹調剛剛好，蛋黃流心。慢煮薄片豚肉肥瘦適中口感不乾柴，質感軟淋。炸池魚定食炸漿厚薄適中，池魚肉質嫩滑，小骨。不過味道普通冇特別地方。米飯煮得好好，日本珍珠米，配著池魚整體還算不錯👍🏻

呢間位於九龍城嘅居酒屋，位置於橫街內，位置雖不算起眼，但到晚餐時間都有緣緣不絕嘅食客，店內有大量充滿日式風格嘅旗織及擺設，甚有氣氛～餐牌選擇非常多，有拉麵、串燒、海鮮等等。當然唔少得酒！鐵窩日本鰻魚飯 $98   鰻魚塗上鰻魚汁烤到好入味，肉質肥美，口感軟糯，鰻魚汁一啲都唔會偏甜或過鹹！大推！！自家製黑蒜拉麵 $88   每一碗拉麵內都會附上熱石，得以令湯底保持最佳溫度，豬骨湯底本身已經好濃郁，再加上黑蒜油嘅香味，令整體特別香濃，麵條係捲麵，每一條麵都能夠沾上黑蒜！雞肉漢堡串配日本蛋 $28/串雞肉漢堡內有雞軟骨增加口感，加上燒汁黎烤，再沾上蛋黃醬令口感更濕潤～葡萄豚肉燒 $68葡萄豬係期間限定架！！並唔係成日有！葡萄豬係日本宮崎縣特產，採用葡萄皮同種子作為飼料，葡萄豬經烤過後口感亦清爽，肥而不膩和柔軟多汁！肉味特別香，大推～大分直送火炙平目魚邊 $128第一次食平目魚裙邊，肉質非常嫩滑，帶點焦香，配上帶點柚子味嘅醬油汁，非常清新，十分高質嘅一道菜。柚子雞肉串 $22/串雞肉烤得外皮脆身，仲可以保持肉汁，雞肉同柚子胡椒係絕配！一口芝心魚腐 $88店員推薦嘅新品之一，魚腐食落好軟屬，中間

九龍城食店出名多，今日黎搵食，見到呢間舖面細細，但裝修好有日本居酒屋感覺嘅舖頭因為掛住日本🇯🇵忍唔住要入去試吓舖入面都花左心思令人覺得置身日本居酒屋。睇過食評見到大部份都評價食拉麵，今次攞咗正價Menu睇吓有咩特別嘢食先😆食物種類都好多，我哋兩位女士就叫咗啲小食我自己好鍾意食明太子所以見到呢一個就即刻第一時間叫啦「燒明太子」，仲有紫菜同蘿蔔蓉夾住，明太子面頭燒一燒，散發左明太子嘅鹹香，再夾埋紫菜，咬落有明太子爆開嘅口感，真係好似喺日本居酒屋食嘅咁樣。之後再嚟係「海膽芝士玉子燒」玉子燒嘅幼滑蛋香，夾埋芝士，配上輕微火炙嘅海膽，免頭再淋上一層燒汁，呢個配搭係邪惡嘅誘惑，令人食完一舊又想再食多一舊。最後再加個飽肚嘅大阪燒，好有日本大阪嘅感覺，面頭超多木魚花，聞到都流晒口水另外餅底唔太厚，材料充足，一口咬落去，有滿滿嘅蔥花，章魚粒等，10分好味，但食多咗略嫌小小咸，因為有太多木魚花🤣整體由裝修到食物嘅配搭同質素味道都好似日本嘅居酒屋，行過九龍城唔想食咁多泰國菜可以試吓呢一間

今日喺九龍城經過見到有人排隊食呢間，心諗應該都好好食先會咁多人幫襯，所以就同朋友一齊試下，結果果然無令我失望下圖係一口芝士，外皮脆得嚟入面係做到拉絲效果，鍾意食芝士嘅一定要叫呢個！跟住我地叫咗個豬骨拉麵，同其他拉麵店唔同，佢會放舊熱石喺入面一路慶住碗麵，等碗麵無咁快凍，非常貼心另外仲叫咗個鰻魚飯，個石鍋熱得嚟又唔會熱到啲飯燶哂，啲飯又熱又有飯焦，超正！我地仲叫咗個好稀有嘅白鰻魚，佢比起一般鰻魚多骨，但魚肉非常滑身，魚皮亦都有少少脆口，非常好食，果然無嗌錯最後我地仲加碼叫咗個芝士年糕，芝士十分之濃郁，仲要係我最鍾意食嘅年火木廿土火呢個簡直係最佳配搭食飽嘅時候仲有人排緊隊，仲有幾個日本人喺度呢間果然係正宗嘅日式料理店

本人好少有心機寫食評，所以無影到相，但呢個真係唔寫唔得首先兩個人食左:黑蒜拉麵地獄拉麵芝士魚餅炸忌廉薯餅日式餃子1:先講拉麵，個麵無口感，cheap野當靚野， 又唔煙韌又唔粗又唔幼都唔知似乜2:地獄湯底得個辣字，冇層次感好似就咁清湯加d辣味落去，咩味都食唔到總之淨係得個辣字， 餐牌要扮曬嘢又唔知有幾多級數嘅辣畀你揀玩噱頭3:黑蒜拉麵就唔知點解會有腥味，反而沒有蒜味4: 拉麵裏面嗰塊叉燒真係我食過日本拉麵中最差嘅叉燒，又鞋好似食緊擦子膠，我諗都真係幾難整到有擦子膠嘅口感，仲要無咩味道5:好啦到塊芝士魚餅啦，塊魚餅大細就好似你去牛什檔食碗魚片河嘅魚片大少少，厚少少因為裏面會夾咗芝士，但就88蚊兩塊， 性價比低到不得了，因為係店員介紹餐牌裏面冇相睇到，原來係88蚊只得兩塊， 性價比堅係離譜，你咪又係叫貨翻黎後炸俾客食，洗唔洗88蚊賣兩塊咁細塊既野劏人咁既價錢5: 炸忌廉薯餅係呢餐飯裏面最正常食得過嘅小食6: 日式餃子就係普通嘢， 冇咩特別同出面街嗰啲一樣埋單406蚊

我同朋友一向都好鍾意食日式居酒屋，貪佢夠多食物嘅選擇，而每樣食物都細細碟，可以叫到一枱都係食物，啱晒眼寬肚窄嘅我地! 今次嚟到九龍城搵到呢間居酒屋，店內裝修令人好似置身日本咁，連電視都不停播住日本嘅電視節目。三色刺身三色刺身包括三文魚、帆立貝、牡丹蝦，兩個人食就叫個三色已經好夠，呢度嘅魚生夠新鮮，三文魚肥美而帆立貝好鮮甜，牡丹蝦得一隻但足足有手掌咁長。半熟呑拿魚呢個半熟呑拿魚首先賣相好靚，外面薄薄嘅一層金黃色，入面就係鮮粉紅色，食落有表面嘅香口，同時亦有內裏嘅鮮嫩。酒盜芝士呢個酒盜芝士我之前係日本食過，味道一試難忘，但係香港真係未見過有！呢個咁有趣嘅名其實就係講緊魚嘅內臟加cream cheese，啲內臟食落就好似食緊爽口嘅魷魚咁，加上帶點鹹甜嘅醬汁完全唔會有腥味，配上cream cheese一流！串燒方面叫左我最愛嘅雞頸骨漢堡串，點上蛋汁食係絕配。另外仲有個燒柚子雞串，少少嘅綠色柚子汁味道意外地濃郁，清新嘅柚子味可以一洗燒肉嘅油膩。水餃子係日本餐廳煎餃子就見得多，就咁水煮餃子就真係少見，係清淡點嘅選擇。極辛地獄拉麵最後雖然好飽，但見呢個拉麵好出名咁，就一於照叫來一試。最特別嘅地方係拉