浜滝

營業中

休息中

九龍城一個美食集中地，很多人都專程來試泰國菜，但其實九龍城美食不止泰國，今次就試了這間日本菜。細小的門口令人很易忽略了，有兩層，下層有不少高檯，像酒吧居酒屋咁，氣氛十分熱鬧，上層則是餐廳，樓底很低加上日本裝飾，很特別。✨炸忌廉薯餅 $48薄薄的炸粉，內裡充滿了忌廉，加上薯蓉和薯仔粒，口感實在又不會油膩。✨北海道直送半熟帆立貝$68初時以為是帆立貝刺身，上菜時才發現是半熟，但大大的帆立具煮得有點過熟，變得太有嚼勁，配上湯汁也算是滿有鮮甜味。✨雞軟骨串 $16燒到剛好，爽脆又有雞味。大愛！👍🏻 ✨芝士雞腿肉串 $22另外試了芝士雞肉串，芝士略嫌不夠溶，再溶點會更滋味，雞腿肉勝在大大件！食得夠爽！✨鐵鍋醬汁烤雞飯 $88鐵鍋上的飯，很像煲仔飯的感覺，但用上日本甜豉油，加上粟米粒，都是不錯的配搭。烤雞厚身而嫩滑，啖啖肉。有點像剛剛的芝士雞腿肉串串燒😂

🎄平安夜和朋友來到九龍城覓食，選了這間浜潼日本居酒屋。來到餐廳門口已見裡面坐滿人，人頭湧湧，看上去餐廳細細，還以為冇位子要轉場，想不到餐廳有第二層，上一層別有洞天，還好有位子！打開餐牌，首先見到各式各種的酒😍不過我們打算有下場，先不喝酒，點了好幾樣小食試試。大分直送火炙平目魚邊$128 熱辣辣送上，一大條魚捲著圍了一圈，夾了一塊來試，一夾即碎，非常軟綿，要小心翼翼輕輕用筷子夾起才可以。沾著wasabi的平目魚塊輕輕的放入口，濃濃的wasabi味首先充斥著口腔，接著是魚鮮味，不誇張，魚肉入口即化，軟綿得很！味道鮮甜，讚！推介！半熟吞拿 $88 看來非常吸引，每件中間都透著粉嫩紅，令人口水直流！大大啖放入口，不是嫩綿的口感，而是厚實要嘴嚼的。乒庫直送活蠔 $48 有生蠔，即叫！大大隻，一啖推生蠔入口，感受生蠔在口中的鮮味，那獨有的海水味令人無法抗拒，蠔本身的甜味滲著海水的鹹味，好好食！燒鰻魚串 $38 鰻魚燒得剛好，有著火炙的焦味，加上鰻魚獨有的鮮甜味，大大塊鰻魚，冇骨，一口吃光一塊，一大享受！浜滝牛油果拉麵🥑 $108最有點一樣較飽肚的主食。這拉麵特別在有牛油果，還打著浜滝自家餐廳的名號

十分別緻的居酒屋，店內擺滿了形形色色的日式擺設，氣氛一流，跟三五好友聚餐的好地方。食物方面有基本的鰻魚飯、窩物刺身等，更吸引的是有比較少見的葡萄豚肉燒、平目魚邊等等，食物款式選擇相當豐富！ 鐵窩日本鰻魚飯• 鰻魚肉口感軟滑香腍、鰻魚汁的味道滲透進了肉內，但是咸度剛好。• 鰻魚和飯之間加了些粟米，吃起來令口感更豐富。• 如果鰻魚汁份量再多一點直至滲透到飯中會更好。自家製黑蒜拉麵• 黑蒜味香濃入味，湯底的油份偏向濃郁，令到拉麵沾滿黑蒜香。• 碗內會擺放著一塊熱石，令溫度得以持續，非常貼心的做法。雞肉漢堡串配日本蛋• 外層燒得帶點焦香、舖上薄薄一層醬油，十分惹味。• 配合香滑的蛋黃拌勻後，增添一點蛋香之餘，口感變得更有層次。葡萄豚肉燒• 極力推薦的一款燒物✨第一次食也是第一次聽到這個名號。來自日本宮崎懸的豬肉，聽說是以葡萄作為飼料。• 肉質極之香嫩充滿油香感，但是油而不膩。感覺不需用太多調味料令豚肉很香濃。大分直送火炙平目魚邊• 平目魚邊肉質嫩滑，細嚼數口已經融化在口腔之中。• 魚肉以帶有柚子味的湯浸泡住，吃的時候可加點芥末，味道會變得更加複雜惹味呢！柚子雞肉串• 雞肉同樣燒得恰到好處，帶點

好耐都冇嚟過九龍城，睇完中醫就要依下個肚。朋友介紹依間， 橫裝好有居酒屋feel， 員工態度殷勤， 食物質素非常ok。 order左自家製黑蒜拉麵，碗內有一塊黑石作保溫用途，非常特別， 味道濃沃不膩， 棉質彈牙，好有咬口； 雞胸軟骨串，香口惹味，夠辣度，送酒一流。其他食物都十分美味，下次一定再來。

約咗朋友放工去九龍城食飯搵好嘢食，經過一間居酒屋，異口同聲都話想食日本野，就入去試一試啦😁。好彩快一步，雖然係平日，坐咗一陣好快已經滿座。打開餐牌樣樣野都想食，店員見到好細心介紹咗幾款食物俾我哋👍🏼。🥢北海道半熟帆立貝 - 果然半熟程度剛剛好，帆立貝新鮮，味道鮮甜，而且仲好大隻添，正呀😋。🥢手燒白鰻魚（店員推介） - 肉質夠彈牙，仲好厚身添，真係好食呀👍🏼。🥢半熟吞拿 - 好似魚排一樣咁厚身，吞拿魚好新鮮。🥢炸忌廉薯餅 - 薯蓉配以好creamy嘅忌廉，甜甜地又幾好食喎🤤🥢原條深海池魚刺身 (店員推介 ~ 🐟一魚兩食）池魚刺身，肉質好鮮甜。食完刺身後，將淨餘嘅魚頭及魚骨拎去炸，粉漿剛剛好，唔會太厚，炸得好金黃好靚，食落去仲好香口，連魚骨都可以食埋，真係好好食好正🤤🤤，本人平時好少食池魚，店員果然無介紹錯😋👍🏼。當然梗係要配返杯啤酒🍻啦，其實店裏邊仲好多酒類可以order，下次gathering一定要介紹朋友，一齊再去食其他菜式😄👍🏼。

兩口子去呢間居酒居晚飯，因為想飲啖啤，點之入去打開餐牌，先發現佢原來間鋪細細，原來食物種類有咁多選擇，睇到真係樣樣都想食，不過得兩個口，唯有每樣嗌少少試吓。北海道直送半熟帆立貝，超大隻，上菜時已經覺得好香，師傅叫我們一定要飲埋個汁，食落口覺得真係好新鮮，好鮮甜，燒到隻帆立貝半生熟好正，同果汁真係好夾，冇得頂。👍🏼👍🏼手燒白鰻魚係店員向我們推介，佢話白鰻魚肉質好爽口，果然冇呃我，肉質又爽又彈牙，燒嘅時間又啱啱好，好好味，老實講，唔係好夠喉🤪🤪見到餐牌有半熟吞拿我就即刻嗌，因為厚切半生熟吞拿魚係我至愛，呢次佢再加黑椒芝麻同蔥配合嚟食，效果都唔差😍😍炸忌廉薯餅，送啤酒一流，而且炸得啱啱好，簡單，不過好味👍🏼👍🏼最後係主菜，原條深海池魚刺身兩吃，魚身就做刺身，肉質鮮甜而且有口感，啲肉真係好甜架，師傅冇比豉油同芥辣我哋，係俾咗一個有子醬汁，加埋個醬汁酸酸地，個味道係非常之配合，勁好食勁新鮮。😎😎之後魚頭魚骨魚尾就會攞去炸，全部係可以連骨食，因為真係揸得好脆好香，一路食一路飲酒真係好爽🤩🤩唔使講，一定會再嚟👍🏼👍🏼

之前在youtube看了一條片，介紹食帝王蟹，之後約好朋友，打電話去訂，隻🦀$2600，三食，頭一食腳刺身ok，二食來料，蟹蓋甲羅燒，d蟹膏苦的，叫了侍應過來叫她試一口，她都發覺出了問題，之後她説：（1.在價錢上減$500，2.可能在烹調上放了過多的海膽，導致有苦味。）三食燒蟹身沒有特別。一份$2600元的食材，不好好烹調以經是死罪，重話有日本師傅在廚房親自操刀，老闆你可以叫他回國再去學下野先回來幫你。我這樣說可能太無禮貌，因為幾年前，我在一間九龍區好高層數的日本餐廳食一條赤睦魚，條魚肉質出現了問題，餐廳的日本師傅他出來一試，第一時間二話不說，立刻去找個垃圾袋倒了這條魚，還有解釋當中的原因，同sorry。其他食物一般，裝修二般，價錢就一流，尖沙咀價。點解我會寫這段文章，因為有YouTuber講到好好好食，可以比美日本高質，高價，神級的居酒屋，我們都喜愛吃🦀，所以無名以來，最後得出來，不外如是四個大字。希望個幾位youtuber的年青人，去多d地方食多d好野先出po，吾好浪費廣大市民健康。

這間「浜滝」在「 為食一條街」的節目播出過，今日和阿仔來九龍城買校服，慕名而來，順便食碗拉麵。店舖面積小巧，以高枱高櫈為主，平日的午膳時間有很多學生幫襯，因為學生的價錢平十元，午市套餐還包一權汽水。拉麵的特色是加了一塊熱石在內，令整碗麵能保持熱度，可能我本身較食得熱，我覺得碗麵本身不太熱，就算加了熱石，熱度也是適中。《黑蒜拉麵》$68 有一隻溫泉蛋，兩塊豚肉，黑蒜味道香濃，麵身軟硬適中。《豬骨拉麵》$58 (學生價) 阿仔的豬骨拉麵其實也是豚肉，沒有豬骨，味道香濃。今次只食了兩碗拉麵，感覺名過於實，下次有機會再試試其他食物。

九龍城本來以為好多泰國菜，但原來日本菜都不少的～這間是朋友介紹的日本居酒屋，還要有日本發出的食物牌照，未食對餐廳已經好有信心！首先是小食，點了瑩光魷魚、海葡萄和酒盜芝士。兩款小食都是偏咸的，個人比較喜歡瑩光魷魚，是有種海水的鮮味，很特別，稱之為味覺新領域，哈哈。之後是明太子三文魚飯、炸雞件和大板燒。明太子三文魚飯的三文魚是直接在飯上燒的，飯帶點焦焦，而三文魚是半熟，肉質不會太乾。炸雞即叫即炸，肉質又滑，不錯～大板燒好正呀，是十分足料的，有魷魚、椰菜、木魚碎等等，所有配料比例又剛好，好吃～

Hamataki is always my bookmarked restaurant which I prepare to revisit at anytime.I usually come here for dinner. Just found that the price and food on lunch menu are super attractive too.Sanma sahimi. The rich flavoured flesh that only available in autumn.Ankimo. Not seeing it very often in HK izakayas but here it is.Speaking of rare, soft roe of cod should probably rank the 1st on the list. Some might find this dish strange. Pity for them coz they’d never know the irreplaceable beauty of it.Ch

無論咩時勢 hamataki都係咁full當然regular餐牌選擇不嬲都多但一間居酒屋我最想睇一定係手寫餐牌留意吓有咩時令食品秋天我有四樣嘢唔食唔過冬大閘蟹 蛇羹 白子 秋刀魚刺身Hamataki一次過fulfill到我呢兩樣生同熟嘅秋刀魚對我唻講係兩樣食物生嘅秋刀魚嘅細膩嫩滑鮮味一煮完就會無影無蹤上檯時冒煙嘅燒雞石鍋飯雞蓋住哂啲飯份量1:1度咁就可以留肚因為hamataki嘅佐酒小食係不能錯過鮟鱇魚肝綿綿細細嘅內臟獨有嘅香口又有深海魚嘅海洋味道燒物盛冷盤同熱盤同樣出色I’m saving the best for last白子嘅肥美甘甜係世界第一完！

去到九龍城唔一定要食泰菜， 今日放假和屋企人去咗九龍城開餐。 賈炳達道有一間好出名嘅居酒屋， 今次一定要試佢出名嘅拉麵。 賣點係每碗拉麵都有 放有 一塊熱石可以保溫45分鐘～九州豬骨拉麵正宗嘅九州豬骨湯底， 濃而不膩， 唔會好鹹好重味。 曲嘅拉麵較硬身， 夠爽， 超喜歡！ 熱石令湯嘅溫度再 滾起， keep 住熱， 確實別有一番風味。叉燒普通一點， 玉子夠糖心， 總括來說，湯底麵條超水準！燒雞皮串燒好邪惡， 外皮燒得夠脆又有雞皮油潤的質感， 下既鹽份啱啱好，超惹味！沖繩金菠蘿串燒厚切大大件，充滿菠蘿的鮮香和甜味，又夠juicy! 大阪燒餅迷你版嘅大阪燒， 唔夠厚， 邊皮嘅位置有點兒乾硬， 充滿木魚絲還有櫻花蝦， 增添味道口感。雞頸骨漢堡串漢堡肉配合特製燒汁非常美味， 配合旁邊用洋蔥圈圈住嘅日本雞蛋， 雞肉棒蘸蛋汁極滋味。炸一口芝士 也是即叫即做， 熱騰騰嘅芝士香口美味， 芝士偏向忌廉質感，吃不停囗！柚子梳打配串燒夠冰涼！ 不過就感覺較細杯～小店細細，放滿各種居酒屋擺設，配合木製高座椅， 氣氛很好。

呢間位於九龍城既日式小店，入面好得意，裝修富有日式風味，而且多以高檯高椅為主。我哋叫咗豚骨拉麵，拉麵湯底唔會好鹹，而且味道剛剛好。一嚟到佢有個熱石放埋入拉麵入面，做出個熱辣辣冒晒煙嘅感覺。糖心蛋都整得恰到好處，個拉麵我覺得幾好食，只係塊叉燒我就覺得老左少。石鍋鰻魚飯又係熱辣辣，鰻魚份量都幾多，而且石鍋飯夠熱，撈埋一齊食好食。小食叫咗炸忌廉薯餅，炸得好香脆，入邊啲忌廉薯餅溶到流出嚟，呢個吉列炸法炸得好香脆，一定要趁熱食就唔會太油。鐵板燒牛舌夠爽，一向我都好鍾意食牛舌，佢仲可以配埋檸檬汁。叫咗一串雞軟骨串，鍾意食雞軟骨串因為有咬口，正。餐廳價錢合理，而且食物質素幾好，推介！

前晚約咗兩個舊同事去食日本菜，經常覺得九龍城交通不方便，要食好就一定要轉車到，如果食物不好吃就更加失望。不過這間日式料理真的很好吃，尤其是海膽龍蝦和龍蝦湯，龍蝦非常鮮味，海膽份量十足，而且我吃過龍蝦肉之後還可以用龍蝦殼來泡龍蝦湯，簡直一絕！難怪見大部份食客都有點這個特色菜式。另外，同樣出色的有石鍋上的鰻魚飯，厚厚的鰻魚非常有口感，鰻魚汁非常濃郁，配上大大粒的粟米粒非常不錯！我們還點了餃子和大燒餅，燒餅配上大量櫻花蝦王光墨魚，材料滿滿，遠遠的入口即有豐富的口感！服務方面，員工都是非常有禮貌和有笑容的，而且高效率。在這裏加多一點點分數，支持惠顧！讚

這天是萬聖節，就約了同事一同到九龍城吃晚餐慶祝一下晚上大概六時我們已經到達，餐廳剛剛開門，但員工都已經準備就緒，一到埗就招呼周到，主動詳盡地為我們介紹期間限定的餐單，上面的都是用最近時令的食材弄的菜式餐廳環境也很有日本風味，很有感覺，裝飾裝潢都很有誠意自家製黑蒜拉麵是熱石拉麵，有熱石在拉麵裡面，讓拉麵不會冷掉，保持熱騰騰的，我還是第一次這樣吃拉麵，很不錯呢明太子燒大啡菇非常好吃，鮮味而且多汁原條池魚店員說池魚當造，我們就點來試試。池魚是一魚兩食，第一碟是刺身，第二碟是炸魚的其他部位另外還叫了些小吃：燒柚子雞、燒日本芝士年糕、水餃子，都很值得吃下一次再來也要試他們期間限定的菜單，和享受充滿日本風味的感覺！