影片
更多
2021-12-21
1093 瀏覽
食日本野嚟講，餐牌總有未接觸過嘅嘢食名，明明寫曬係廚師推介都唔識叫。呢個時候，除咗請教店員，可以好似我咁，帶個識食朋友嚟發板，聽埋佢同店員交流細傾，了解多咗，品嚐時都會仔細咗。係時令限定嘅餐牌，招積地叫咗三樣野，分別有：空運魚箱 - 北海道直送秋刀魚刺身秋刀魚熟食就多，而生食就係首次。入口時的確係先食到秋刀魚嘅獨特魚味，但平均嘅油脂，滑而爽嘅魚皮，完全同熟食嘅口感扯唔上關係，對於第一次食嘅我黎講相當有驚喜。秋刀魚屬於濃味魚，但脂肪分佈平均，加上彈牙爽身口感，就算一件又一件擺入口（因為停唔到）亦唔會過膩，變相增加咗食用額度，滿足到非一般地嘅分量。後來店家仲將魚骨炸起為小食，咸香鬆脆，極速清碟。真鱈白子美美地上碟，多層次口感。第一次食，先咬「腦花邊」試試，肝臟粉粉地又軟身嘅質感，卻絕無苦味同散開嘅粉感，而係又軟又滑好幼細嘅感覺。味道就好獨特，好香醇。到第二啖，完整食用。口感嘅變化係一層層由外到內，軟，爽，粉，到最入邊嘅彈牙幼筋。配上酸汁，幼洋蔥絲，整體配合度好高。宮崎縣氣仙沼生蠔巨型又飽滿，入口非常滑身，而且爽脆感同甜味都完整的貫徹係全隻生蠔度，好出色。酒盜芝士又一款新接觸嘅食物，酒盜入口
食日本野嚟講，餐牌總有未接觸過嘅嘢食名，明明寫曬係廚師推介都唔識叫。呢個時候，除咗請教店員，可以好似我咁，帶個識食朋友嚟發板，聽埋佢同店員交流細傾，了解多咗，品嚐時都會仔細咗。
係時令限定嘅餐牌，招積地叫咗三樣野，分別有：
空運魚箱 - 北海道直送秋刀魚刺身秋刀魚熟食就多，而生食就係首次。入口時的確係先食到秋刀魚嘅獨特魚味，但平均嘅油脂，滑而爽嘅魚皮，完全同熟食嘅口感扯唔上關係，對於第一次食嘅我黎講相當有驚喜。秋刀魚屬於濃味魚，但脂肪分佈平均，加上彈牙爽身口感，就算一件又一件擺入口（因為停唔到）亦唔會過膩，變相增加咗食用額度，滿足到非一般地嘅分量。
後來店家仲將魚骨炸起為小食，咸香鬆脆，極速清碟。
真鱈白子
美美地上碟，多層次口感。第一次食，先咬「腦花邊」試試，肝臟粉粉地又軟身嘅質感，卻絕無苦味同散開嘅粉感，而係又軟又滑好幼細嘅感覺。味道就好獨特，好香醇。到第二啖，完整食用。口感嘅變化係一層層由外到內，軟，爽，粉，到最入邊嘅彈牙幼筋。配上酸汁，幼洋蔥絲，整體配合度好高。
宮崎縣氣仙沼生蠔
巨型又飽滿，入口非常滑身，而且爽脆感同甜味都完整的貫徹係全隻生蠔度，好出色。
酒盜芝士
又一款新接觸嘅食物，酒盜入口鹹腥味較重，口感粘滑，但偏偏奇香，配上Cream Cheese，味道好快就跑到整個口腔，促成你去緊閉嘴唇細味享受。將脆紫菜捲上芝士再食用，會更突出呢種爆發感。酒盜係由生鰹魚嘅內臟醃製而成，所以除咗粘滑，都會有不同口感係入面，例如爽身嘅筋位。
伊勢海老姿燒（海膽面）
輕輕燒熟蹏龍蝦表面，真正做到半熟嘅效果。外邊係肉絲口感，內裡爽滑。就咁食龍蝦已經好令人滿足，配上滿滿嘅海膽面多一種食法，會好岩喜好多味及濃味嘅朋友。而食到最後，燒過嘅龍蝦留下肉汁精華係底殼到，一飲而盡，相當清甜。
誤以為完食嘅一刻，想起龍蝦頭會用作為下一道美食，分別係龍蝦湯同粥。係真真正正嘅龍蝦湯，唔會有苦味粉感，配上各式清甜蔬菜及菇，令人好鼓舞。粥方面，以珍珠米烹調，粒粒分明又煙韌。個人比較鐘意前者，始終珍珠米都有自己嘅飯香甜味，較難純粹地去品嘗龍蝦湯底。
大分直送火灸平目魚邊
無論純刺身定火灸平目魚都一直好吸引到我，油香重，口感可爽可滑可融化。花狀擺法去燒，令到所有口感都可以呈現到出黎，由燒過嘅邊到浸汁嘅底部，幾厘米就擁有三種明顯蹏口感層次。
火灸溫度同時間仲岩岩好，保留到魚絲肉質。配上新鮮磨成嘅山葵，只會提鮮絕不搶味。
另外試咗幾款串燒，其中最為欣賞葡萄豬串，牆上有詳細介紹葡萄豬嘅內容。如內容描述一樣，非常多汁，皮脂爽身，肉質嫰滑，甜甜地，完全無豬騷味。
芝士雞腿串
日本雞肝串
特大柚子蜜梳打
真係好巨型，都好好飲，陪足一餐飯，唔洗食食下又要等添飲，專心食好野。
無法自控的用咁多字去形容食物﹐因為每一款都真係好豐富我味蕾，可惜是日開車未能配酒。相信店家主打嘅自定品牌，又會為我帶黎另一個體會。下次😇！
張貼
