9
0
1
電話號碼
98599700
營業時間
今日營業
12:00 - 20:00
星期一至日
12:00 - 20:00
以上資料只供參考, 請與餐廳確認詳情
有關獎賞計劃
食家推介
相關文章
活在茶下Tea Moment就是希望客人當刻可以把煩惱拋諸腦後，好好享受品茗的時刻，透過茗茶文化帶來身心治癒的喜悅！它亦是首間採用了全港獨家的AI泡茶器所泡茶，根據唔同的茶葉，自動去調較水溫同浸泡時間，從而穩定每杯茶的色香味💗由即日開始到2月24日都會有限定的「買一送一」優惠喔🧡-🎈杭州桂花雞蛋仔 $38用上了頂級的蘭王蛋，食起上黎有濃郁的蛋香味😚最欣賞的是桂花口味，坊間真的很少見到，是帶有淡淡的桂花香味，挺特別😋-🎈茉莉花茶雲呢拿軟雪糕 $38推薦！！🥰❤️第一啖已經覺得是滿滿的茉莉花茶味，味道一啲都唔假完全係真材實料咁整，口感細膩順滑，自己同男朋友仔都好鍾意🫶🏻-🎈香茅茉莉 $48好清新好解渴～-🎈暮菊烏龍 $48相對自己喜愛這款多一點，是清醇的菊花味，因沒有額外添加糖漿，裡面的甜度都是全天然的糖，喝上來完全不會覺得太大負擔！-🎈鐵觀音曲奇 $38很香茶味🍵食起上來亦很鬆化～-無論心情如何，總有一款對應心情的茶😌Tea Moment，飲返好心情❤️-🔸TEA MOMENT 活在茶下 📍尖沙咀海港城海運大廈地下OT G03A號舖
繼續閱讀
都市人要減除壓力，有好多方法，有啲人就大飲大食、去旅行、去行山、打波做運動，亦有啲人飲杯咖啡、嘆杯茶，都喺好舒緩壓力嘅方法。今日嚟到海運大廈嘅「Tea Moment」茶飲店享受一下悠閒時光，飲返好個靚心情。 依家時下開咗好多茶飲店，不過大部分都喺比較台式，亦都只喺主打外帶，可以堂食嘅比較少，但呢度就好唔同，先講講環境，有種好文青風嘅感覺，又似間咖啡小店，裝修非常雅緻。 其實初時唔知道佢賣咩茶，以為都喺台式，但近門口嘅展示櫃，細看之下，原來喺中式茶嘅變奏。店員介紹佢哋喺同本地茶葉老字號「福茗堂茶莊」攜手合作，更研發咗全球第一部人工智能泡茶機，將傳統泡茶技藝跟現代科技融合，令各種茶葉有更大發揮，怪唔之得裡面有幾座大大嚿嘅儀器啦！店家嘅宗旨，正如店名嘅中文譯名「活在茶下」，希望客人透過一杯茶，飲返好心情，當然，放慢步伐，坐低慢慢細嚐。 晌展示櫃上，擺放咗店家所賣嘅6種茶葉，包括綠茶、白茶、烏龍茶、紅茶、黑茶 及花茶，每一種茶葉都有詳細介紹其特性、色香味同埋讓人飲出咩心情，非常有意思，而且，每種茶佢都有一支霧化器，可以撳嚟聞一聞吓啲茶香，非常得意。 每一種茶葉旁邊，都有一種該茶葉所代表嘅顏色，用嚟做咩呢？原來喺俾啲客人表達佢哋想有啲咩心情，就放喺櫃檯上嘅收集板，睇見咁多黃色嘅葉，原來好多人都喺希望悠閒抖一抖。 此外，下邊仲有好多跟茶飲相關嘅物品作零售，例如有「福茗堂」嘅普洱茶餅、一套特色嘅茶杯、茶壺、保溫杯、茶包禮盒……等等。雖然 6種茶葉作基調，查實茶飲款式有好多，以分類計，有啲茗茶、調飲、燕麥奶調茶、經典茗茶、手泡檸茶；以配合各種茶飲，亦有多款美食，例如特色雞蛋仔、健康料理、軟雪糕、鬆餅、茶曲奇……等等，好多更以茶作為元素，真喺唔止飲茶咁簡單。 仲有就喺店家特意將各種茶葉嘅一凍一熱飲品，配上食物作為一個推介建議，當然，客人唔一定咁配，不過試下又無妨。 普洱燕麥奶 $45平時響茶記飲奶茶就飲得多，普洱茶配燕麥奶肯定喺人生第一次，估唔到又夾得到喎，雖然唔似飲奶茶嘅感覺，但喺，普洱燕麥奶確喺幾香，加咗一小片八角，更滲出微微八角香，真有意思。個人覺得，奶泡打得厚身多一點，口感可能更好。香茅茉莉 $48呢款香茅茉莉，以香茅、蕃茜、青檸、茉莉花茶混合，只有凍飲。因為加咗香茅、蕃茜、青檸，所以入口非常清爽，但又唔會覺得好古怪，幾種味道加埋一齊，又意外地襯，真喺茶飲嘅創意可以無限大。鐵觀音鬆餅 $35、大紅袍茶曲奇 $38烘焙套餐喺購買任何茶飲，加$25就可配原味雞蛋仔、鬆餅或茶曲奇，而鬆餅另加$15可配上奶油及果醬。鬆餅嘅茶味好突出，口感實在，但唔會太乾，伴上嘅奶油好香滑，果醬亦都好特別，應該喺桃味果醬，但更加入一啲果皮肉；茶曲奇好大件，入口鬆化，同樣茶味香濃，配茶飲真喺幾得意。 宣威火腿芝士雞蛋仔 $68呢款雞蛋仔每日限量，既然有供應，就唔好錯過試一試，餐牌標明喺用上雲南宣威火腿、頂級蘭王蛋，自然有所期待。當然賣六十幾蚊一份雞蛋仔唔可以講平，不過晌度喺一種環境嘅享受，況且，雞蛋仔烘得脆口，蛋心綿密，唔會得陣風，而且好有蛋香，配以火腿、芝士，鹹鹹香香，實在唔錯。 題外話，應該新張關係，有個「買一送一」優惠，但就要做番少少步驟，不外乎晌店家嘅IG / FB讚好、追蹤，又公開分享啲飲食物照咁啦，而呢個着數去到2月24日，好短咋，真要把握機會！今次嘅茶飲嘅體驗喺幾特別，悠悠閒閒咁，飲返出一份輕鬆心情！
繼續閱讀
見到朋友係 IG 介紹呢間店舖做緊「買一送一優惠」，呢日咁啱出嚟海港城，去睇睇先店舖係裝修及茶飲設計都花上心思店舖嘅主色調採用木色同綠色，感覺自然舒適店舖有一道茶類知識牆，題上“一杯茶，飲返好心情 • 🍵A CUP OF TEA, A CUP OF PEACE☮️”茶飲可為客人提供 Refreshing, Balancing, Energetic, Relaxing, Calming & Passionate Moments客人可按所需Moment 揀選茶飲💠綠 茶 👉🏻Refreshing Moments 🏵️白 茶 👉🏻Balancing Moments 💠烏龍茶👉🏻Energetic Moments 🏵️紅 茶 👉🏻Relaxing Moments 💠黑 茶 👉🏻Calming Moments 🏵️花 茶 👉🏻Passionate MomentsMenu 清楚標示每款茶飲所屬茶類除咗茶飲，店舖仲有提供雞蛋仔、健康料理、軟雪糕、鬆餅、曲奇同Kids Drink就住「買一送一優惠」所適用嘅Tea Mocktail, Oat Tea & Classic Tea, 我同朋友揀咗以下茶飲🔸香茅茉莉｜Lemongrass Cilantro Delight (Iced)香茅➕蕃茜➕青檸➕茉莉花茶呢個組合非常夾香茅及蕃茜味特出，夾雜住清新嘅青檸及清香嘅茉莉花茶朋友非常喜歡呢款帶俾佢passionate moment 嘅 tea mocktail呢杯茶飲被標示為Signature Item 真係當之無愧🔸蜂蜜滇紅燕麥奶| Honey Jig Oat (Hot)有機蜂蜜➕紅茶➕燕麥奶各種材料嘅比例及調配都恰到好處淡淡嘅蜂蜜味並無喧賓奪主呢杯燕麥奶調茶好啱我心意真係帶到Relaxing Moment俾我🫶🏻 總括，2杯茶飲都非常出色，飲完呢2杯茶，心情當堂靚晒🧏🏻♀️. 即使冇買一送一優惠，我都大力推薦俾大家，尤其係鍾意飲茶同埋鍾意試新combo嘅朋友. 而我就會抓緊呢個限時優惠，帶多個朋友嚟再試其他茶飲喇✨✨～
繼續閱讀
男職員態度極差，好食到識飛都唔想再去！！買嘢嗰陣男職員冇問我係外賣定堂食 （我係堂食嘅）出到嚟個雞蛋仔用紙包袋入住，我哋見到隔籬枱堂食有tray, 雞蛋仔用碟裝住，有刀叉。我哋就問男職員，如果堂食係咪都係用個袋裝住，佢好大聲話＂係！＂跟住我哋再望一望隔籬枱個setting，女職員就話俾返隻碟同刀叉我哋！雞蛋仔都比個袋整到淋曬一路坐喺度食，就一路聽到男職員厭世feel咁樣問幾時收工…又聽到佢同其他職員講啲客人是非，話人哋問呢樣果樣有客人問佢嘢飲有冇熱嘅，佢就好冇禮貌大大聲咁同人講餐牌寫住熱嘅就有熱餐牌寫住凍嘅就有凍講返雞蛋仔同埋嘢飲，其實兩樣質素都OK，不過咁樣嘅服務態度真係趕客！
繼續閱讀
茗茶店飲品買一送一至24/2‼️.今日要嚟介紹呢間幾特別嘅茗茶甜品飲品店，主打用普洱/烏龍/茉莉/滇紅做出雞蛋仔/蒟蒻麵/雪糕/scone等等甜品，今次我試咗佢買一送一嘅飲品（飲品menu幅圖左邊同中間兩行）先！佢要你like/follow 社交平台再post個story tag返佢哋等等，去到24/2咋大家拿拿臨試吓喇喂😳⚠️menu影得有少少要出動梁國雄議員，敬請見諒🫡⚠️.1️⃣普洱燕麥奶（$45）見到燕麥奶就心思思想揀，估唔到普洱呢款濃茶同淡淡嘅燕麥奶撞埋一齊勁似楓糖漿嘅味道！😲驚艷咗，一試難忘，但就唔好expect仍然會飲到普洱味，呢個系列係試佢mix埋嘅效果的～同埋有啲細杯🥲正價嘅話性價比不高👆🏻.2️⃣茉莉花茶燕麥奶（$45）相對較斯文嘅blending，但估唔到同燕麥奶溝埋都仲有明顯嘅茉莉花茶味，好清新，似飲緊Jasmine latte咁😂so far香港茶飲店未飲過呢隻味道，燕麥奶又感覺上無鮮奶咁有罪疚感，如果買一送一係值得一試！.性價比：🌕🌕🌕🌕🌑（買一送一）🌕🌕🌗🌑🌑（正價）美味度：🌕🌕🌕🌕🌗獨特性：🌕🌕🌕🌕🌕.📍活在茶下 (尖沙咀)🍵尖沙咀廣東道3-27號海港城海運大廈地下OT G03A號舖.
繼續閱讀