泰COOL (鴻圖道) (已結業)

餐廳距離地鐵站比較遠，沿路行過去餐廳都見唔到d咩人，但竟然餐廳係爆滿既，我地仲係門口等左一陣。雖然餐廳人多，但係佢安排座你左卡位後，即使你得2個人，佢都唔會叫你搭枱，呢點我幾欣賞，好少呢個價位既餐位會咁做。餐廳位置寬敞，仲有2部大電視比你睇波，其實平時要一班人睇波呢度都係個平價既選擇。食物方面，冬陰大蝦海鮮湯同泰式炒河味道偏濃，但唔辣，岩d唔食辣既朋友。椰汁西米糕椰汁味道濃郁，食完d咁濃味既食物refresh下都幾好。 

星期日同女朋友想係觀塘搵野食，揀黎揀去點知最後揀左間 熱飲唔熱 熱食唔熱 既泰國野，後悔了🤦🏻‍♂️話說我地坐低無耐就落order，在場都仲有五六枱客，叫左兩個lunch set+熱奶茶，一杯泰式奶茶一杯港式奶茶，黎到一拎上手，個杯的手握位熱既？已經懷疑純粹係叮熱，再飲就肯定係叮，因為杯野飲係暖偏凍身，仲要係一忽凍一忽熱，搞完都係唔熱，好聲好氣叫侍應整番熱d呀唔該，水吧夠膽死比杯無茶味加完水沖稀左既兩杯野飲比我地，仲要依然係偏凍身既野飲，極度劣評！牛坑腩飯得飯係熱，魚餅又係暖身...睇唔透93個like既人係點比出黎？或者我地唔好彩啦

上星期同朋友去開觀塘，順便食埋晚飯，見到呢間泰菜係OpenRice有甘多好評，就入去試下喇！我哋叫咗😣大蝦炒金邊粉$88個金邊粉上碟嘅時候賣相都幾靚，有隻大蝦係上面，亦有d蛋漿網鋪面，但係成碟都係油，炒得好濕，又太鹹，完全唔好食，好失望！😣牛腩牛丸湯金邊粉 $58個牛腩係有骨嗰種，食落味道都OK，牛丸好普通，冇乜特別，最緊要係個湯底完全係好淡，冇咩味，另外一上枱個湯已經係暖，唔夠熱，又係唔好食！另外我哋仲叫咗杯金桔檸檬凍飲，味道普通，一杯生啤，本來諗過叫甜品，最後都係放棄左，以後都唔會再去喇😭

原來我次次都係食海南雞飯😬🔸海南雞飯 $59冇睇錯，係三張海南雞飯，但係分開三次食嘅😂係觀塘放飯咁耐，一直都有食開呢間泰國野，仲要睇返相發現次次都係食海南雞飯😂一黎快靚正，二來我懶諗食乜，三來我次次都獲得雞肶🤪唔知係所有人都有雞肶定點，啲雞普遍都皮光肉滑，我食咗咁多次都仲覺得幾好味，加埋個惹味泰式辣醬，同大大碗油飯，再飲埋杯泰式奶茶，食完好滿足！(我食唔完)價錢比起另外幾間泰國野平少少，是不錯的選擇～泰COOL觀塘鴻圖道48號新榮大廈1樓

今日同飯腳去觀塘買碎粉扮靚靚，選了這間未食過的泰菜餐廳食晚飯。雖然在市中心行過一條街，但都係值得的。環境坐得幾舒服，可以同飯腳慢慢傾近況。我倆都好想飲杯熱飲，所以一開始我就先叫了一杯熱蝶豆花茶，蝶豆花本來無什麼味道，但上枱時見到加了兩片檸檬，所以就由原本藍變紫，好有心思。而飯腳要了一杯熱杞子桂圓茶，見到桂圓就想食。主菜要了3款，最先上枱的係鮮蝦炒金邊粉，隻炸蝦好爽，金邊味道剛好，不會太肥膩，炒得不錯。第二碟要了馬拉盞蜜豆炒牛柳粒，牛柳粒份量算多，而且幾有鑊氣，蜜豆都爽甜好味，餸飯會不錯因可吸去油膩感，留下牛的肉香。第三碟是鹹魚芥蘭豬頸肉，鹹魚味香，上枱即聞到，芥蘭都係爽爽的，清脆！ 而豬頸肉有好多片都很好食。每人$165，都算不錯的選擇，份量滿足，食得開心。

今日去觀塘整完野之後正值午飯時間，就去左鴻圖道覓食，見到呢間泰國餐廳「泰cool」好似幾吸引星期六日都有午市套餐，價錢都係由四十幾蚊起，已包餐飲泰皇雜錦湯金邊粉湯底濃淡適中，面上放滿左蔥花同炸蒜，好香口美味！金邊粉份量極多，軟硬適中，吸收左湯底嘅香味～雜錦配料非常豐富，有扎肉、貢丸、牛丸、豬肉碎等等，滿滿的配料椰香忌廉海鮮焗飯一大片拉絲芝士蓋面，底下則係濃稠的椰奶忌廉，味道香濃甜美。飯底混合左海鮮同雜菜粒炒香，有魷魚🦑、鮮蝦🦐等等，頗新鮮，同椰香忌廉味道好夾呢熱奶茶茶味好突出，奶味則比較淡，頗香滑凍檸茶酸酸甜甜，解膩飲品首選

平時行去觀塘海濱，都會經過這間泰cool，但就冇特別望係食乜嘢，今日心血來潮想去試吓，一試難忘，有驚喜嘅一間餐廳。首先，環境裝修不錯，座位闊落，坐得舒適，又不會趕人，隨便坐，好啱一家大細食，非常好。食物價錢不算太貴，但勝在性價比高，大大份，每一樣嘢食落枱的時候熱辣辣，賣相不錯，味道也幾好。必食推介：1.鐵板豪仔蛋，廚師特登用牛油數過鐵板面，落枱嘅時候熱辣辣，渣渣聲，仲一陣陣嘅牛油香，好好食，非常大份。2.原隻椰青海鮮忌廉焗飯真係完個椰青，幫你起埋椰青啲肉，連啲椰青汁都唔會浪費，用個杯同你裝住，俾你飲返，賺咗杯嘢飲，成個飯超香椰香味，值得一試。

因為有電器需要維修嘅關係， 所以呢日就去咗觀塘嘅工廠區， 等完維修之後， 然後就同屋企人喺附近度食嘢， 選擇咗一輪之後， 我哋揀咗一間泰國餐廳食飯。泰式鳳爪沙律無骨鳳爪和芹菜等其他沙律菜， 和泰式酸辣汁撈勻， 唔算太辣 ，酸酸地幾醒胃。泰式蠔仔蛋蠔仔蛋有啲似中式嘅蠔餅， 但係呢度用鐵板上， 以整蠔餅嘅蠔仔嚟講， 呢度嘅蠔仔都算大隻， 蠔仔洗得乾淨， 冇蠔殼同埋冇唔好嘅味道， 食嘅時候可以點啲泰式辣椒醬。串燒拼盤(細)串燒拼盤有串燒雞，串燒豬，串燒牛，同埋燒豬頸肉， 配沙嗲汁同埋冬陰功汁， 配串燒嘅沙嗲汁嘅花生味好香好惹味。鮮蝦炒金邊粉金邊粉唔會炒得太乾身，有少少濕潤， 有酸辣嘅味道， 個金邊粉建議加埋青檸和花生， 味道更加豐富， 酥炸大蝦嘅肉夠爽， 隻蝦炸得幾透可以連殼都食埋。

觀塘工廈出名多隱世餐廳，不過多數都係午餐時間去搵食冇諗過原來夜晚都仲可以喺工厦搵到食，今次試一試呢間泰國菜工厦環境比較闊落，我哋上到去已經見到好多人喺度食晚飯睇睇餐牌，有小食、主菜，到飲品、甜品都一應俱全見餐牌有啲推介，我哋就跟住啲推介去揀嘢食無骨鳳爪沙律鳳爪落咗泰式醬汁去醃製，食落酸酸辣辣加上去曬骨，啖啖肉非常好味香芒蟹肉炒飯呢個飯本身調味唔算太重，只係加咗蟹肉同芒果 ，食落有少少水果嘅甜味飯粒炒得較乾身，食落比較煙韌鮮蝦炒金邊粉喺泰式嘅粉麵入面，通常我都會揀金邊粉呢個金邊粉外面包咗一層好靚嘅蛋漿，上面放咗隻大蝦，淨係賣相都好吸引金邊粉味道甜甜酸酸，麵條炒得爽滑裏面有唔少嘅蝦肉，加上旁邊嘅花生粒一齊食，味道更出色串燒拼盤拼盤上有豬、牛、雞三款串燒，另外仲有豬頸肉肉串本身已經加咗香料調味，味道已經夠濃郁，不過點咗醬汁味道會更加好冇諗過工廠區喺夜晚仲有咁多嘢食可以揀，下次想搵好食嘅晚餐又多個選擇

前排帶同朋友嚟咗觀塘食晚飯朋友話比較鍾意食泰國菜所以就黎到試吓價錢見到餐牌非常合理唔算話太貴❤️平日夜晚去都見到好多人食_我哋首先叫咗一個冬陰公海蝦河粉 $68 食落好香口～另外值得一提嘅係佢嘅蝦係預先剝咗蝦殼 食嘅時候就方便😋_另外我哋叫咗個青胡椒花甲煲 $88除咗青胡椒味之外仲有咖喱味可供選擇花甲份量都幾多下 唔會有沙之餘亦都幾有鮮味配埋碗白飯送飯一流_嘢飲方面我哋叫咗兩個熱飲首先係桂圓杞子茶$23同埋金橘檸檬蜂蜜 $26天氣涼嘅時候飲返杯非常暖胃❤️

之前都聽過依家泰國餐廳，啲人話好好食，於是有日收咗工就同媽媽去食，因為媽媽通常都會揀泰國菜，發現依間都幾高質，而且個環境都好舒適，啲枱夠大張，坐得好舒服。今次我地唔算好肚餓，同埋原來佢啲份量都好多，叫咗幾樣菜式，都已經好飽！首先緊係要飲湯啦，我地叫咗地道椰汁雞湯$78，勁大碗，成個煲咁，好足料，有唔同嘅菇、雞肉、蔥花，兩個人真係幾乎飲唔哂，好抵飲！其實最好係有4個人一齊share食，就可以叫多啲唔同嘅菜式。然後有主菜 鮮蝦炒金邊粉$88，係必食嘅泰國菜，因為Pad Thai with prawn都係我嘅favorite，係每一間泰國餐廳食都有唔同嘅味道，依間餐廳煮得好好食，啲麵質唔會太淋，又入味，酸酸甜甜咁，賣相都好靚，真係要一試！小食就叫咗一碟炭烤雞翼，$48，有兩串，四隻，每人兩隻啱啱好，雞翼皮烤得啱啱好，少少燶，啲肉又夠嫩，仲爭啲想叫多一碟！食完咁多濃味嘅嘢，飲返杯清涼嘅龍眼冰就嘅啱哂，一杯$28，有好多粒龍眼肉係入面，而且可以叫餐廳少冰，好好飲

今日朋友帶我去觀塘比較偏遠少少既地方覓食,估唔到觀塘有咁大間泰菜而且內裏裝修得幾有特色.夜晚黎食都差唔多full晒.小食拼盤有單邊雞翼,蝦餅,網絲春卷同魚餅.網絲春卷.蝦餅夠爽彈炸得香口.網絲春卷唔油膩之餘內裏好香芋頭味.基本炸得都唔油膩抵贊.冬蔭公雞肉炒河,河粉質感彈牙唔會一來就斷,冬蔭公味香濃,十分足料多雞肉,青檸味夠香而冬蔭公辣味慢慢滲出.咖哩花甲煲咖哩底帶香濃既椰香味花甲量都幾多而且食落無沙,咖哩醬夠多用黎送飯就一流.

黎到觀塘搵野食，心思思想食好耐冇食過的泰國野，上黎一搵就決定試下呢間泰cool💪🏻💪🏻一行三人太肚餓，唔小心叫左勁多野食😂😂先黎頭盤，生蝦❗️❗️生蝦就不過不失，勝在一盤有十塊😍😍之後到串燒拼盤（細），當中有牛豬雞肉串外，仲有燒豬頸肉，當中豬頸肉最為出色，唔會燒到太乾，而當中最大的亮點係佢兩盤醬，點完再點😍😍黎到食泰國野必點的炒金邊粉❗️好出色，又足料，又好夠獲氣❗️之後由於我太鍾情咖喱，唔小心叫左兩盤咖喱😱😱🤦‍♀️🤦‍♀️分別係咖喱青口配麵包同咖喱花甲煲，佢d咖喱好好味，有椰香，又唔會太辣，而當中的海鮮份量算多整體黎講係間幾出色的泰國餐廳，黎開觀塘區一定要黎試下黎到一定必點❗️❗️👍🏻👍🏻

想網上嘅地圖見到呢到有間泰國菜，就想去試下，我就選擇咗去食晚餐，人都算幾多。入到去第一印象就覺得呢間鋪好有格調，柔和嘅燈光加上放鬆嘅音樂，再配合上特色嘅裝飾，令人放鬆，已經加咗好多分。首先呢，我就點咗一啲小食拼盤，而小食拼盤全部都係一啲香口野，包括泰式春卷，泰式蝦餅，泰式雞翼。而我最最最推介就係泰式雞翼，外皮鬆脆，配合埋個醬，辣辣地又香口，簡直係開胃嘅神器!!之後呢我仲點咗個椰子海鮮焗芝士飯，外貌固然吸引，香味撲鼻之外，味道都好好味。由於係用焗嘅關係所以時間要耐少少，可以到咗就先叫焗飯先，咁就唔洗等到啲其他食物凍嗮。講翻個飯先，因為個飯上面有一層層嘅芝士，加上椰子嘅香味，拎到食落去同聞落去都一樣咁吸引，陣陣嘅香味一啖海鮮一啖飯可以講話係享受啊。而且個飯好大好飽。同埋我叫咗杯檸檬柑桔蜂蜜，不過呢我個人覺得杯野有少少過甜，下次可以叫半糖。不過柑桔蜂蜜令人有清新嘅感覺，同埋泰國菜有少少辣，呢杯野咁啱就可以中和呢個問題，再者蜂蜜既可以養顏，又可以滋潤喉嚨。

跟住地圖搵食諗住支持下同路人，附近好多有色店都排哂長龍，咁行遠d試下呢間啦。上到去覺得有d焗，原來無開冷氣淨係開窗，呢兩晚天氣係涼左既，但未至於可以係室内食肆淨係靠單邊窗…加上每枱壺水係熱水…兩個人叫左3樣野青胡椒花甲煲$88毫無特别，雖叫煲但係碟上，黎到既時候只係微溫，我再說，毫無特别。泰皇雜綿湯金邊粉$68俾餐牌隻手指公騙了，首先湯底無味，餸就係半舊扎肉、幾舊分唔到係雞定豬既肉、魚蛋一粒、不明但難食丸一粒，總括而言，質素仲衰過街邊車仔麵。泰惑燒雞半隻$128最嬲亦係令我忍唔住單都未埋就要上黎打食評既一碟。一上枱碟雞甩皮甩骨斬得求其，目測完全唔似燒雞，加上成碟油…都照食啦，__完全係海南雞黎，拎去慶兩下交貨，成口油根本唔係燒雞。唔怪得叫泰惑燒雞，用海南雞黎扮真係好古惑。食完餐飯兩個人心情都不太好，我都明跟住地圖搵食係會食到不快經歷，我好想支持同路人，但同時亦想反映現實等店家改善，無錯一間食店既社會良心好緊要，但食物質素同樣緊要。希望店家改善後有機會會再黎，但若以今晚既質素，就不了。