泰COOL (鴻圖道) (已結業)

今日同飯腳去觀塘買碎粉扮靚靚，選了這間未食過的泰菜餐廳食晚飯。雖然在市中心行過一條街，但都係值得的。環境坐得幾舒服，可以同飯腳慢慢傾近況。我倆都好想飲杯熱飲，所以一開始我就先叫了一杯熱蝶豆花茶，蝶豆花本來無什麼味道，但上枱時見到加了兩片檸檬，所以就由原本藍變紫，好有心思。而飯腳要了一杯熱杞子桂圓茶，見到桂圓就想食。主菜要了3款，最先上枱的係鮮蝦炒金邊粉，隻炸蝦好爽，金邊味道剛好，不會太肥膩，炒得不錯。第二碟要了馬拉盞蜜豆炒牛柳粒，牛柳粒份量算多，而且幾有鑊氣，蜜豆都爽甜好味，餸飯會不錯因可吸去油膩感，留下牛的肉香。第三碟是鹹魚芥蘭豬頸肉，鹹魚味香，上枱即聞到，芥蘭都係爽爽的，清脆！ 而豬頸肉有好多片都很好食。每人$165，都算不錯的選擇，份量滿足，食得開心。