泰邊爐 (已結業)

鑑於我同友人都未試過泰式邊爐，湯底對於我地黎講都幾新鮮，同埋openrice有得book位好方便。最後簡左咖哩同椰子雞鴛鴦湯底O(∩_∩)O~咖哩湯底比椰子雞香，但唔太食得出兩者既味，同普通湯底差不多。無寫價錢既食物任叫，令我最意外既係蝦滑墨魚滑，encore 左好幾次，但其他野味道普普通通，勝在有埋泰式熟食叫左個木瓜沙律，其實佢熟食冷盤都唔係咁出色，試下係ok既豉油甜品同平時任食火鍋一樣，都係自助，值得一讚既係椰汁糕不俗，有encore到服務態度係唔錯既，裝修亦好泰式，不過食物味道一般，偶有驚喜但有進步空間。最後二人食左477HKD

第一次知原來泰國都有泰式火鍋野食野飲都可以直接接拎，牛肉海鮮果啲都可以直接落order叫，都是免費的哦，牛肉上碟靚，切到靚靚仔仔，師傅刀工一流海鮮好食過牛肉，不過牛肉有好多唔同部位可以食，香港咁既邊爐唔算多

朋友推薦的泰式火鍋, 位處旺角核心地段一棟商業大廈中.屬於自助任吃任喝的店, 分時段制, 每次2小時, 價格來說不算是太貴.火鍋湯底有幾款選擇, 包括冬蔭公湯, 泰式椰奶雞湯和清邁咖哩湯等. 根據我目測, 冬蔭公湯是最多人選擇的.飲品櫃有各式汽水和啤酒可供選擇, 包括我比較喜歡的錫蘭檸茶, 當然你也可以選擇加錢叫其他特色的飲品.自助櫃位有各式蔬菜, 還有丸類和午餐肉等.另外還有菜單可以任點不同的泰式食品, 雖然選擇不算太多, 但還是挺有特色的.吃飽飽之後, 還可以在自助櫃位自取泰式糖水, 為晚餐劃上句號.整體來說, 雖然食物方面選擇不太多, 但是上菜和收碟的速度還是挺快的, 如果你喜歡泰國食品, 這店還是不錯的選擇!

個場坐得幾舒服，火鍋湯底強力推薦椰子雞湯，好甜好好飲 但有小小濃，兩個糖水又幾好食，又係夠甜。雖然火鍋料唔多，但都夠食既，啲肉出得快。 但係個喇嘛丸 真係好難食 好難食 好難食（因為真係好難食，所以講三次）

作為旺角地膽，可以話係試勻唔同嘅任食火鍋場，眼見開左一間以泰式做主打嘅火鍋任食，當然要去試一試啦！呢間由幾個後生仔主理嘅餐廳，喺細節上見到佢嘅心思，裝修特別，餐桌以木質為主，擺放左不同的油畫，能充分營造到泰國的風味，店內嘅電視機一直播住泰國嘅廣告短片，感覺有趣得意。深知泰式火鍋湯底好緊要，於是加錢點左鴛鴦鍋。冬陰公海鮮湯🌶裡面有：越南大頭蝦、新西蘭青口、扇貝、魷魚圈、秀珍菇、草菇、泰式芫荽椰香雞湯🥥裡面有：鮮雞件、新鮮椰子肉、香茅、金不換、南薑特別需要讚下呢兩款湯底，各有精彩！冬陰公湯底，足足有兩隻大頭蝦，足料嘅海鮮再加埋幾滴青檸汁去提味，令到成個湯底層次提高，味道帶酸而微辣，有冬陰公嘅精髓。打完一輪邊爐後再飲一啖湯，依！更好味喎！椰香雞湯則奶味較濃，雞件夠滑不過略嫌雪味過重。但整理味道不錯！讚完個湯之後，心裡一直都俾幾高既分數。但出去火鍋配料區和熱食區一轉之後....有少少失望......當晚大約9:30到，熱食區睇落已經無咩可以令我落到手。從事飲食管理多年，明白有樣野好重要，便是要聲、視、味俱佳。縱觀全部熱食9成都係啡啡沉沉，已經無咩吸引，夾左一轉回自己位已經無動力再去了。色彩配搭

勁少openrice cm 但今次真係要講下！上個月同朋友食過覺得幾好，所以特登同男朋友出旺角去食多次，點知今次個水準差左好多！首先我地今次嗌左冬陰功湯中辣，一d都唔辣，仲要有好多殘渣（泡泡），但個味係正常嗌既野食有d想食既都冇，鵝腸冇，芝士豆腐冇，d蝦滑係就係有四款，但完全唔爽口，全程覺得最好食係炸蠟腸...一路嗌但每次黎都係得果幾粒。芋絲嗌一份就比左成7，8舊我地。重點係，上次有既甜品（千層糕，椰汁糕等）完全冇哂！得哂一大盆涼粉同一大盆椰汁紫米露，勁失望！講真上次覺得幾好好大程度上都係因應甜品。佢雖然任食兩個鐘，但我地真係覺得冇野好食（最後係食菇飽...大佬我想食菇就返屋企食啦），食左一個鐘3個字就走。用百幾蚊食菇飽，真係第一次🤦🏻‍♀️🤦🏻‍♀️做飲食業好多時候都係靠回頭客/介紹朋友黎，但今次我作為回頭客見到野食差咁遠又點會再黎呢？仲有如果想食果樣次次黎咁少有咩意思呢？希望你地改進下，令食物既水準同款式可以保持一致。

唔算平，每人要240$。但無咩選擇，湯底都係味精湯，仲要係粉開水俐種。連隔離枱個哥哥仔都忍不住同個女朋友講下次唔好黎，真係好難食。火鍋材料更係一文不值，一點誠意都沒有。好失望。

又鍾意食泰國嘢 鍾意打邊爐嘅朋友可以試吓呢間泰邊爐呢度有幾款特色湯底好有泰式風味之前試過冬陰公加椰汁雞鴛鴦湯底不過椰汁雞湯味道淡啲冬陰公比較惹味所以今次直接叫一煲冬陰公小辣不過小辣都唔少野，幾辣湯底選擇👇🏻其實除咗火鍋之外仲可以行出去夾魚皮蝦片食物選擇比之前少咗不過得一個肚其實食唔到幾多野有好多火鍋料選擇雖然有部份要加錢不過唔使加錢嘅選擇都好多泰式芝士豆腐幾好味食咗一個Wasabi丸 食咗一啖已經唔想食另外有一個喇沙丸，都幾特別，但略為鹹咗少少幾辣嘅冬陰公湯底食到後期我都唔敢再加冬陰公湯淨係加清湯就算，辣到食唔到

任食打邊爐黎講，呢度都算唔錯。佢主題係泰式😍，提供多個泰式湯底，每一個湯底都好特別。有冬陰公湯（大，中，小辣），泰式咖喱湯（雞肉或者鴨肉）同蕃茄湯等等。由於我哋有位朋友唔食得辣，所以我哋就叫左變性美顏湯😂😂。又有魚肚又有蜆肉，正！🤤 嘢食方面，除咗生蝦或者一啲高質牛肉之外，其餘都係任叫。佢有一啲泰式嘅粉麵同肉，熟食方面又會有泰式嘅春卷，泰式炸魚餅同泰式臘腸等等⋯⋯😆行出去出面嘅食物區，除咗有飲品攞之外，仲會有各式各樣嘅泰式甜品，仲要係泰國直送！今次去係慶祝生日，佢都有生日嘅優惠就係送一碟安格斯肥牛同一支水果酒👍🏼

係eatigo訂左位，7點火鍋有9折。張檯都幾細，早左15分鐘到都係得2人枱我地，啲嘢食完全放唔晒。不過值得一讚係佢地唔似普通放題落單用紙，而係係過膠左既order紙上面用sharpie寫，抹左就可以重用多謝支持環保入正題，我地叫左個冬蔭湯底少辣，辣就辣啦，但酸味欠奉，要自己加d連生蝦上既青檸汁落去打邊爐湯底都已經咁，都冇乜心機再試其他野。湯底本身有兩隻蝦同青口，唔算細但唔係特別新鮮，但菇呀車厘茄呀都ok既由於唔駛加錢既美國肥牛片睇落勁肥，我地加錢叫左手切牛肩肉。顏色黑黑地但肉質算唔錯，香牛味可以揀既食物都幾有特色，例如生菜包同扎肉係好味既，mama麵更加食左3個 除左可以落單，出面菜呀丸呀野飲都係任拎，魚皮脆卜卜其他大部分都係平時打邊爐放題有既野，可惜無我最愛既蟹粉丸另外可能太忙嘅關係d waiter黎錯咗幾次野，又漏單，有幾次都要催幾次先黎。anyway，如果呢個價錢（$198一位）食呢個湯底應該無下次

嘻嘻...Hotpot lover 又出動喇！今次試試旺角區呢間『泰邊爐』。我哋ordered咗個鴛鴦鍋底(冬陰公 + 椰子雞湯)！ 個冬陰公湯真係不得了！係門口等位時都已經遠遠聞到啲香味。除咗一般肉類：例如雞肉、美國肥牛、豬肉、羊肉、泰式排骨、肉丸，仲有大大隻嘅鮮蝦、鮮魷、青口、帶子、蝦滑、墨魚滑、鯇魚片等海鮮。蔬菜類有冬瓜片、白蘿蔔、粟米、娃娃菜、生菜、金菇菜。另外，亦有一般火鍋店都有嘅響鈴、豬皮、豬紅、烏冬、芋絲、泰式粉絲同泰式金邊粉。熟食方面有炒苦瓜、泰式炒粉、扎肉、同春卷等。甜品類型有泰式糕點如椰汁糕，西米露同糖水。飲品方面除咗百事可樂、雪碧、七喜同橙汁，亦有道地百果園系列果汁同解茶。整體感覺上餐廳環境寬闊衛生，湯底質素有出乎意料嘅驚喜。但出單有啲亂..有錯漏情況，需要改善。PS: 用apps訂枱有折扣優惠

訂咗位一行十日食生日飯，明明訂座8點，嚟到話等多十五分鐘。已埋單等執枱，有個女待應出嚟同我地講張枱可能逼啲，話一定坐到十個人，從門口望入去座枱，一張長枱只可坐八個，吾係化，我地有肥仔，點坐呀。肯定坐吾到。已經等到八點半。再有個類似經理同我地講叫我地坐住先，如果隔離枱走就泊埋比我地，要等到九點喎，吾講由至何，一講把幾火。我有book枱架，你地餐廳吾係要準備枱比食客咩，坐住先？！我兩個朋友難度要企係到食等到九點先有得坐？打邊爐放到成張枱，難道層層疊食呀⋯比多次機會一定吾會嚟，一句吾好意思都，未食已火滾。😡😡😡

本來夏天都好少打邊爐，但朋友話有間新開既泰式打邊爐好正😂咁唯有破下戒啦！咁$178蚊任食又唔算貴既。按時段收費架，但太夜去食對個腸胃都唔好，大家反正都係為美食而來，又何必為少少錢去辛苦自己個身體呢？因為大家都想試下唔同湯底，就叫咗鴛鴦鍋。個湯好好飲喎😂所以落料前都飲咗一兩碗😂同一般放題邊爐一樣啦，有部份任食，有部分就要加少少錢，咁香港人最中意食牛，我們都唔例外，所以就加咗$38要一個特選美國手切牛肩肉（4安士）：然後叫埋其他材料：除咗湯底係泰式風味之外，少不了就係甜品都係泰式，在出面任拎：飲品都係任攞～Openrice可以放12張相，所以唯有放呢張，展示下食物的種類有幾繁多。總評：食材質素同一般打邊爐無乜大分別，只係湯底同甜品係有豐富泰式風情。如果想打邊爐的話，不妨一試，拎個gimmick！（同埋無一間泰國餐廳可以任食甜品，呢一個係加分位）

服務態度: 非常滿意，對妹妹照顧周到，妹妹食得非常開心食物質素: 未煮既食物都算可以，自助bar的款式可以再多樣化熟食及甜品有待改進環境: 不是太窄，自成一角，尚算可以

突然想食泰國野，但又唔想食平時食開既泰國餐廳~搵搵下就搵到呢間泰式打邊爐~~鐘意飲冬陰公既大食妹見到佢用冬陰公做湯底，梗係即時決定去試下！本身上到去無咩特別期待，諗住都係普通打邊爐噤啫。但一睇到menu見到d湯底就笑左~我就梗係擇冬陰公啦，另外仲加錢轉個鴛鴦鍋~叫左個變性湯底~打邊爐個湯底都幾重要~個湯底黎到，職員好貼心噤叫我地飲左個湯先再加d料入去~兩款湯底都好多料係入面~冬陰公:我地嗌左小辣~試左都覺得幾香幾辣~不過就無平時飲開噤酸~相對上覺得用黎打邊爐好過就噤飲，好惹味~覺得呢個湯底必點！變性美顏湯:呢個湯底又係好足料~飲落好香香茅噤同椰子噤~仲好甜好好飲..但比較起上黎，就覺得呢個湯底就噤飲好過打邊爐..甜品:甜品係自己係出面拎既~大食妹試哂出面有既甜品~覺得佢地既甜品相對上就無噤出色...另外，有d食材都真係食得出係泰國野~例如豬肉丸同牛肉丸，食落好扎實好似食緊扎肉噤，好正！總括黎講~第一次用冬陰公湯打邊爐，覺得好特別！職員加湯唔會剩加水~所以個湯底keep住係香濃好飲！正！