泰豊廔酒家

營業中

休息中

這個晚上,一班個多月沒見的朋友,今晚因其中兩位朋友生日,大家又能聚在一起,經過多重既精挑細選下,這裡成為今夜的聚餐地點~~格局/環境:一般老字號的陳年懷舊裝修,沒有感覺殘缺不全,反而是實而不華,畢竟也縱樓飲食界四十多年的酒家,老氣橫秋的感覺,總會有一點點吧,白色檯布加啡色椅,不是型格,但放眼望,也算是窗明几淨的服務:全店侍應也是較為年長的店員,沒有態度傲慢,亦不算是殷勤,不過就幾人情細故,我地有朋友因事,而遲左成個鐘先能到達,佢地不單只無成日黎煩你落單未,仲時不時提醒10至12人套餐,都夠我地15人食,又可能見我地頭兩味送,不停咁影呀影,所以之後既全隻片皮鴨,醋溜桂魚,以至湯羹要分裝時,都不厭其煩咁,問我地駛唔駛影左相先,令我都有d 唔好意思~~食物:叫左個十至十二人套餐,我地有成十五個人,都食唔晒,可能全女班吧,本來除了我以外,有另外兩位,都算叫有食力既,但佢地今日舟車勞動,引致疲憊不堪,因而大大減低戰鬥力,試問無敵是最寂寞的我,又怎能在孤身作戰下,而把檯上食物掃清呢~~再加埋早前預訂既壽包,大家真係飽到傻,直情係動彈不得~~(待續)

此夜共有七道菜,一湯,一甜品,兩籠蒸餃,再加壽包,首先來的是肆色大拼盤, 分別有雞,海浙,牛展和不知名肉類,雞==>好滑,有微微麻香,海浙略帶口感,,牛展好像是鹵水的,不會過靱,不知名肉類吃下好像是鴨,但亦有點似燻蹄,但就似前者居多,無問之下,估估下係咩,都幾好呃,此四款食物也做得好夠味,我就完全無點跟著上的芥末同埋不知名醬汁喇鍋塌明蝦蘭花蘭花煮得夠腍身,但又唔會黃,最怕出街食飯,食到個d硬生生既西蘭花,呢度處理得幾好,而明蝦就幾彈牙,有d以為自己食緊龍蝦,哈哈!!炸裡脊二崧個名好特別之外,也發現似乎無得散叫既,基本上舊炸物,食完都唔知係咩肉類,不過就炸得岩岩好,同埋唔會乾爭爭,而係面頭一大堆綠色食物,脆脆地好香口片皮鴨成隻在你面前片肉,上檯時仲有微熱,跟隨的薄餅,薄到差d可透光,而平時捲埋一齊既材料,通常係大蔥,不過呢度個d,就有少少似青瓜三鮮冬蓉羹呢個係全晚,較為普通既菜,材料做得較碎,如果大粒番少少,個人覺得會好D醋溜桂魚呢個係我全晚最欣賞既菜式,首先一上檯,全檯人就嘩嘩聱,條魚既賣相,真係好得,擺到條魚仲好似仲游緊水咁,簡直可以用栩栩如生來形容,至於食味,都要一讚,真真

看了大家的推介，昨晚終於到泰豊廔一試，我們一行八人，叫了一個$738套餐，兩分鐘後，大家改變主意，立即招剛才給我們落單的女服務員取消，但她不斷重覆套餐最抵食，菜已做好，不能取消等等，在糾纏了兩分鐘後，她終於答應入房一看，回來的時候，已拿著一碟三色拼盆，從落單到上菜，前後約五分鐘，效率其高。北京填鴨- 已片好才拿出來，鴨是熱，但皮一點都不脆，味道偏淡，而且份量肯定不夠一隻鴨，對這個招牌菜非常失望。炸菜肉末- 一點炸菜味都沒有，很淡。叉子燒餅- 最好食。松子桂魚- 不過不失。三色拼盆- 一般。金腿扒雙蔬- 份量很少，一般。鐵板蝦球- 味道不錯。炸一字骨- 很乾，無味。燒雞(後加) - 無雞味。紹興酒(後加) - $80/斤，年份不夠。這個6-8人套餐，並不如大家所說，份量夠10-12人，我們5女3男(其中一個唔舒服，吃了很少) ，還要再加燒雞，都清碟。埋單$1,040，平均每人$130，一點都不便宜，建議大家還是散叫較低，北京填鴨可以不試。本來想試羊肉火鍋，吃過這餐後，應該不會再來，要吃京菜，還是到北京酒樓吧。

套餐很抵食, 八人餐足夠十二人吃..散叫食品亦具水準蒜蓉青瓜..味道清新山東燒雞...很有雞味鐵板蝦球..彈牙炸東菇絲是值得推介的, 很香脆餃子有肉汁叉子燒餅很正宗火腿津白味道剛好不過略嫌榨菜肉鬆不夠惹味, 高力豆沙不夠熱,甜品選擇不多,炒骨很乾(似曾煲過湯的骨拿來炸一樣)侍應服務態度殷勤去了幾次, 發現食物味道較濃, 有時還偏鹹,值得改善。

天氣好凍~ 又去泰豐廔涮羊肉~ 遲左決定~ 差d訂唔到位~ 除左涮羊肉~ 既羊肉之外, 貢丸, 龍蝦丸, 蝦肉片, 帶子都唔錯~ 至正係佢用碳爐, 十分之有風味~ 食完真係暖笠笠~ 今次去約莫$500 3個人.....幾乎食唔晒如果飲得2杯就要試下佢地d 花雕~

i got dinner on 24 Dec. before 7.30pm, basically, U can have a table without booking. of course, U can't miss hot pot with lamb. i think 1/2 portion is very enough for 4 unless U are a lamb addict. but i don't like their sauce for lamb bcos it's not too original. in beijing, U can have several dishes for different taste of sauce but here they just give U a bowl and mix all the sauce into a bowl. it seems a bit awful. i asked waiter how come they don't provide different sauces and he said it's a

近2日涷左少少,即時約埋幾個好友涮羊肉, 水準十分穩定, 羊肉唔算好蘇, 幾有肉味~ 另外都幾欣賞佢地用炭爐, 食完後除左一身蘇之外, 仲有DD炭味.....

係幾抵食,但無想像中咁好,無叫套餐, 8個人埋單$560,如下:<br>1)雞絲粉皮= 唔好味,粉皮厚疊疊,麻醬唔夠香滑.<br>2)小籠包= ok 啦咸左2 毫子.<br>3)蒜茸炒小棠菜= ok啦,不過個生粉獻重左小小.<br>4)京醬燒雞= 鹵水手撕雞,可以一吃.<br>5)椒鹽排骨= 好明顯係用雪藏豬排,麻麻地.<br>6)桂花松鼠魚(特價$65) = 其實條魚都幾好,至衰佢地用罐頭什果而唔用鮮波羅,個汁變左得個甜字,唉!<br>7)炸菜酥盒= o拿! 呢味至正好似個芝麻包不過係酥皮包,熱辣辣,加d 炸菜茸入去,好好味o架,4 件夠八個人食,一定要試呀!!!<br>8)送甜品豆沙窩餅= 唔多甘香,粉厚左d,都係麻麻.

對上一次到「泰豐廔」已是1年多的事，當時覺得佢價錢平、服務好、食物唔差、又少人，但係今日再去，已覺今非昔比……一行7人，同樣叫個6 - 8人o既「北京填鴨套餐」，價錢一樣$738，但食物就有少少唔同。「鐵板牛肉」變成「宮保明蝦」，酸酸甜甜，蝦又夠爽，算唔錯。「炸春段里脊」變成「京燒排骨」，呢個比較差，排骨炸得又乾，而且醃得唔夠無乜味，似係返炸再返炸果隻。其餘菜式一樣，不過總覺得唔及以前好食。尤其是個高力豆沙，上次食係新鮮熱辣剛剛做出o黎，個個真金黃色，仲有掌心咁大，今次就縮晒水，變成一口一個……

仲有..........<<炭爐涮羊肉>> 夠晒特色!<<山東大包>> 夠足料! (不過要預訂)<<烙盒子>> 夠晒得意!

呢間係一間40 年老字號o既北京菜館，不過依家好似無乜人識。我果日同D 同事一齊去，星期三晚，全場小貓三幾隻，不知玩得幾開心。D 叔叔伯伯o既服務又好到不得了，無微不至，簡直係一流享受！<br>一行7人，叫o左個6-8人「北京填鴨套餐」，連甜品有成9 個"送" ，而且碟碟份量十足，10 個人去食都無問題。「三色大拼盆」﹕有海蜇、醬蹄同唔知乜卷，冰冰涼涼，係不錯o既頭盤。「北京填鴨」﹕睇完表演，就有得食。係較正宗，皮連肉，「麼麼」煙煙韌韌，但唔好點太多甜麵醬，因為實在太甜。「松鼠桂魚」﹕最正！魚炸到脆口，難得淋過汁後，食到散場條魚都係脆o既，汁o既味道又o岩o岩好。「鐵板牛肉」﹕無咩特別，不過牛肉幾敕。「炸春段脊里」﹕脊里即炸排骨，炸得唔乾、唔，入口仲有D爽。「金腿扒雙蔬」﹕金腿少o左D 喎。「鴨架雪菜湯」﹕飲完唔口乾。「叉子燒餅+ 炸菜肉末」﹕好似係玩多過食。「高力豆沙」﹕熱辣辣，唔太甜。個餐只係$738 ，食到個個都飽到死，仲要D 服務咁好，仲想點﹖不過要記著o個度收11 點，要睇時間。另有4-5人餐($488)同10-12人餐($1388)，菜式大同小異，可以一試。