泰豊廔酒家

營業中

休息中

呢度D北京填鴨都幾好食~不過賽螃蟹就蛋多過蟹,食過北京樓就覺得呢度D賽螃蟹好似呃錢咁...我o地叫o左四人餐,但係六個人都食唔晒~幾抵!最衰就係甜品...唔係豆沙窩餅或者高力豆沙,只係紅豆沙...唔開心...整體幾好*.*

數年前已開始每逄冬季都來這酒家吃涮羊肉, 吃小菜套餐還是第一次, 看了餐牌一會還是點了一個五人套餐了事, 頭三個小菜, 三絲伴粉皮, 賽螃蟹, 和菜肉水餃三者同樣味道輕清, 只是不過不失; 再來的炸芝麻蝦原來是十數件蝦多士, 多士之上薄薄一片蝦肉和芝麻, 感覺一般亦不討好; 主角北京填鴨, 鴨片連肉的片出來份量真的不小, 五個人亦不能盡吃, 鴨片不太脆身但鴨肉香味可口, 和配上自携來的澳洲紅酒十分相襯; 再來的鴨架冬瓜湯, 乳白色的湯底味道偏濃; 最後亦是最滿意的竟然是甜品高力豆沙, 香滑討好甜味適中. 整體上還是涮羊肉比較優勝. 個別侍應十分有禮貌, 但亦有部份偏向不耐煩和黑起臉來, 另人有點不自然. 北京填鴨套餐(4-5人):三絲伴粉皮賽螃蟹菜肉水餃炸芝麻蝦北京填鴨鴨架冬瓜湯高力豆沙合共:389

建意食法:一人叫一碟細羊肉(份量已經幾多), 叫多碟津白, 生蝦片, 啤酒. 加幾個好朋友, 先食菜, 因遲食會吸油, 再夾幾片羊肉, 焯幾鈔, 點一點自制果碗醬......, 最後仲有高力豆沙送.個爐唔知點解keep好耐都仲熱, 唔駛加炭(我有懷疑佢用電), 個場又唔係咁爆, 侍應無俾壓力, 可以慢慢食.

我都係因係呢度睇左食評先去..... 不過一入去已FEEL 唔對路....... 格局好殘舊!員工多數全上了年紀的! 加上唔太主動!點既有片皮鴨, 但出奇地麻麻! 又多肥肉,片到一D 厚一D薄! 其他既都好麻麻!反而我見打邊爐係用碳既, 比起出面用GAS 既好得多!不過我唔明, 依然撞見有數個名人去食!

情人節晚上去吃了涮羊肉, 叫了半斤羊肉及火鍋餐牌上沒有的羊肉餃子, 這個羊肉餃子即叫廚師即包, 一次最少要20隻, 另外也叫了蟹粉魚蛋, 高力豆沙。涮羊肉--醬料配羊肉甚佳, 羊肉夠肥夠味, order一碟小的有半斤足羊肉餃子--由於新鮮包好, 入口新鮮羊肉肉汁四濺, 非常美味, 是吃過最好的羊餃高力豆沙--廚師炸工佳, 入口感覺少油, 而且不太甜, 吃到蛋白及豆沙的香唯一不太好的是, 丈夫上洗手間時看到廚房較骯髒^^

自從上年去過北京涮羊肉之後,一直都想再食佢地特別o既混醬,同用佢地炭爐。今次朋友介紹o既泰豐樓真係冇令我地失望！食物：我地3個女仔叫o左一個3-4人套餐,分別有一碟牛肉、羊肉(真係好大碟,成座小肉山,而且羊肉一點都唔蘚,好嫩),蝦肉片(幾大隻,好彈牙,已經除去了蝦殼,所以好方便唔駛落手),龍蝦丸(好彈口,正!),墨魚丸,等,最好味當然仲有佢地十幾瓶o既醬汁,,高梁,花生等等,任混任添!仲有個高力豆沙,細細地1舊2啖,我地放o左一陣,凍o左至食,但係都幾好味,唔係太甜,個部長仲送o左每人一杯酸酸湯,好好味,不過好鬼甜,要等d冰溶至得!服務：因為我地唔識加醬料,所以d 侍應仲幫我地調味,服務態度殷勤!而且部長話個套餐4個大男人都食唔晒,如果我地3 個女仔食晒的話俾九折我地,雖然最後都食唔完,但都俾o左九折!~其間待應茶水都照顧好好~一飲完就添!環境：因為我地平日去,所以好少人,得4、5 桌人,就算食好耐都唔會追趕人走！而且雖然係舊式但都好乾淨！

同同事慶祝生日,一班十個人叫左個八人餐,有Coupon都成千二蚊.食物方面什麼都有,如下:龍蝦丸,貢丸--一般街市貨式,每樣十幾粒.鮮蝦--兩碟,用中蝦,開邊再開邊(一只蝦分兩分,每分再開邊),合計十只八只島.肥牛--兩碟,又是一般街市貨式,但鋪得幾高.牛柏葉--一碟,水準刖一般.羊肉--兩碟,是當晚主菜,非常薄,肥肉瘦肉分佈平均,幾好食.豬肚--兩碟,小弟小食內藏,看來應該幾爽口.水餃--一碟,應是新鮮包的,好食.其他還有冬菇,金菇,粉絲,麵.豆腐,等.連八杯酸梅湯.平均每人百二蚊,唔抵食!仲有用泰豐樓炭爐打邊爐,加一次炭成半個鐘!!!Too bad!

聖誕節同朋友們聚會, 在大家沒有主意之時, 正好提議來一個炭火涮羊肉, 朋友們先到一步, 六個人先點了一個四人套餐, 似乎已包括了大部份的火鍋配料; 先來的亦同樣是混醬一番, 自己總比較喜歡痳醬味多一點的; 印象中羊肉片羶香味討好; 龍蝦丸香口彈牙; 冬菇香滑; 豆腐豆味香而且軟綿綿的; 其他如牛肉, 柏葉, 粉絲和麵等等水準刖一般.同桌之中, 得我一人獨飲, 只點了一支冷花雕作為陪襯, 可惜上檯的還是來了一支熱飲花雕, 有點烏龍~

做冬o黎, 係同openrice 一大班人食飯~ 今次就冬至同屋企人o黎食涮羊肉火鍋~ 前排聽收音機先知道, 古代戰爭時, 大廚正o係戰場預備皇帝o既午餐時, 突然接到訊號要出征, 大廚就即刻將d羊肉切到好薄好薄, 用熱水灼熟就俾皇帝食~ 皇帝打勝仗番o黎, 叫大廚再煮俾佢食, 仲改依種食物為"涮羊肉"~ 唔知係咪真呢?講番依度o既涮羊肉火鍋~ 湯底只有雪菜同蝦米, 所以無咩味, 靠晒d"混醬"啦~ 好唔好味, 靠你自己~ haha! 叫o左細o既羊肉($110), 帶子($50), 蝦肉片($50), 包心肉丸, 醉雞, 黃鱔, 水餃, 金菇, 生菜同津白~ 本來想叫管廷, 但賣晒~ d料幾新鮮, 醉雞最好味, 羊肉細size都好大碟~ 我媽就懷疑帶子係咪用糖醃過, 否則無可能咁甜喎~ 飯後送o既高力豆沙好唔惦.....全部扁晒, 好明顯一早整定, 有d仲硬到阿媽都唔認得~食飽飽都只係$6XX, 幾抵食~ 不過都係鍾意一般o既火鍋多d~依度o既service幾好, d waiter 好nice~ ** 地面幾跣, 行路要小心~~d相o係我家姐部機, 後補~

午市幾經濟，味道都ok 既

油尖區鹿鳴春、北京酒樓同呢度幾間老式京菜都一樣午市要搞午市特價，當然野食方面就唔會質疑啦，不過當然選擇就冇咁多。但係我覺得呢度有位女侍應唔太好囉，係都要人揀特價餐牌野，想睇下個大餐牌都唔得。又係都要幫人揀菜，家陣我地唔識睇字咩？但另外有位男侍應就好禮貌，又幾好傾。

尋晚約番d舊同事食飯，地方就定在泰豊樓。四個男人，叫左個4-6人套餐，包括:i) 有三絲粉皮—手撕雞加青瓜絲等，連粉皮加上麻醬汁。麻醬味道適中而不太濃，加上薄薄半透明又爽口的粉皮一起食，很快便被四個大男孩清掉。ii) 賽磅蟹—蛋白發得勻均，食落口頗彈牙。撈埋隻蛋黃，加上點點醋酸味，開胃也。iii) 芝麻蝦餅—炸得脆脆的面包皮包著蝦膠，外層沾滿芝麻，香口非常，哪管他有點熱氣。iv)北京水餃—略嫌不太熱，但豬肉餡料充足，皮亦弄得厚度適中唔癡牙。v) 北京填鴨—這個不用多說吧，到這裡食的水準唔會差了。vi)高力豆沙—外層鬆化煙韌，但內層卻略嫌豆沙餡不夠多。加上席上三支燕京啤酒，當中各個「有份量」的人，都食得飽飽的離開。

仲記得差不多半年前同openrice的食友第一次gathering的情景，好懷念及水準亦唔錯，o尋日同屋企人食飯都提議帶他們o黎試一試。我們一行9人，毫不考慮下點了6-8人套餐再加了山東手撕雞同冬菇豆腐。套餐中我最欣賞係醋溜桂魚，魚身炸得夠乾脆，個汁有別於一般糖醋汁，不太酸帶少少酒香味。鐵板宮保明蝦，心知係急凍蝦，蝦肉雖彈牙但冇鮮蝦味，全靠佢d酸辣汁夠味，可補回分數。主角北京填鴨，大家最喜歡佢唔多肥羔，皮脆肉嫩，叉子燒餅比一般鬆脆，略嫌少少梳打粉味。而套餐中較差的係京燒排骨，我咁鍾意食排骨，都覺得佢好乾，又唔入味。另外手撕雞同冬菇豆腐都係水準之作，豆腐夠滑好適合老人家口味；手撕雞差不多台台都食，我o地雞肉同雞骨都清晒只食凈個雞頭。餐送的甜品以為係高力豆沙，原來係杏仁豆腐，d侍應話師傅做唔切高力豆沙，要過8點後才有，唯有叫拔絲蘋果、拔絲香蕉各一客，食過不少的拔絲蘋果/香蕉，呢間算做得不錯，好多舖頭一將d拔絲過完冰水後就浸淋晒，雖然佢較硬身，但隔了一陣仍然脆口。除了抵食之外，佢o地d待應服務態度亦好，雖然佢o地一把年紀，好醒目又快手，敏捷過時下的年青人，現在的年青侍應好應該學佢o地為榜樣。

久仰大名, 終於有機會一試. 奇怪在以前要book weekends好難, 今次一日前打去book星期六同日都無難度, 上到去仲鬼咁多吉位添. 可能因為咁樣, 侍應好attentive, 阿姐由我地坐低開始就一直企響我地後面, 我地一拎起菜牌, 佢就好熱心咁樣介紹菜式, 我地話睇下先啦, 佢隔兩三分鐘又黎過, 如是者有三四次, 有d煩囉. 不過整體服務都ok.最後決定叫小菜, 有辣有唔辣. 山東燒雞入味又嫩滑, $66有成隻, 雖然唔大隻, 但都好抵食, 難怪咁多人叫. 小籠包皮算薄, 多肉汁但唔算好漏, 正. 醋溜魚片都唔錯. 嫩雞煨麵既麵質夠軟滑, 唔會太腍.賽螃蟹就好”另類”, 未食過咁”削”既, 唔同一般果d用好多油炒, 咁樣自然唔滑, 蛋白好實. 三鮮扒菜膽非常一般. 最失望係拔絲蘋果, 出面層糖漿又厚又硬, 用黎掟人我估唔死得都穿頭囉.免茶錢收芥錢, 埋單每人唔駛一百蚊, 過得去, 但唔好太大期望. 密謀緊凍d果陣黎涮羊肉飲花雕~~

首先要講明，這個食評是在根據太座的口述而寫。昨晚與太座各自各精彩，她的一班友人在這裡食晚飯，所有人都是第一次到這裡，一共七個人，點了沙窩雲吞雞、炒回窩肉、手撕雞、醋酸魚柳、麻婆豆腐、四色大拼盤、小籠包及清炒波菜。整體實屬一般，未見太突出，可讚的是回窩肉及小籠包，回窩肉夠入味，小籠包湯汁亦夠多。食完還有下文，就係七個人之中，有六個人都分別在當晚及第二朝早上有拉肚子的現象。不知是否食物未能處理得乾淨有關，希望只是湊巧吧！