泰豊廔酒家

營業中

休息中

8/8 7pm預祝牛一之飯局三,與家人一行5人到此店來個京菜飯局.7時到達,店內食客3數枱不算多.環境充滿傳統中國味道,水墨畫及毛筆對聯掛於梯間,橫樑上的牌扁更顯老號氣派.一行5人毫不考慮點了個4-5人餐$418:三絲伴粉皮、賽螃蟹、菜肉水餃、京燒排骨、北京填鴨、鴨架冬瓜湯和杏仁豆腐.另加了腿茸津白$52及山東燒雞$88隻三絲伴粉皮--青瓜絲,腿絲及雞絲份量適中,粉皮晶瑩剔透薄而滑,拌而芝麻醬,味道不錯!賽螃蟹--蛋白煮得過火,口感較粗糙.菜肉水餃--一碟10隻,餃子體積適中,餃子亦煮得太久,一咬即散,肉餡亦稱不上鮮!有點失望!京燒排骨--約有8-10條,排骨燒得頗乾身帶點焦香,內裏肉質仍保持嫩滑,蘸上用蒜泥加甜醬的醬料同吃,令食味進一步提升,水準之作!北京填鴨--眼見師傅即席把鴨片出來,視覺上加了分.填鴨份量挺多,鴨皮略嫌色水不夠深;皮與肉的比例是2:8.鴨皮不算極脆口,皮下脂肪亦不少,勝在肉質十分嫩滑,肉汁豐盈而且沒羶味,拉勻來說算是合格!鴨架冬瓜湯--味道清淡中滲出微微鴨香,清新地帶出鮮味,飲罷中香了填鴨的油膩.腿茸津白--亦屬清淡的一味,津白煮至腍身,配以上湯及金華火腿茸,味道

2006/8/2今日太多第一次喇..第一次係3號風球既晚上去打邊爐;又第一次嘗到炭爐打邊爐;又第一次嘗試到自己混既調味料^,^我地邊飲酒邊打邊爐，真係幾爽，原全係冇理出面那個狂風暴雨既世界。我地叫左個5百幾蚊既套餐\+半隻片皮鴨，個套餐\真係好鬼多野食，蝶牛肉及半肉又大蝶，攪到我地最後樣樣野都食剩，連餐\牌送既尾部甜品沙翁(打包走)都冇食>,<個個waiter及waiteress都好好招呼及禮貌，最美中不足係...冇穿制服那個肥男人，問佢\拎個飯盒同膠袋，好似想殺死人咁>.<

三車車做東,係做東呀,唔係做妹,本身想去食大榮華,不過因為我道行唔夠高,最尾都係食下依間我地都未食過既野先.5個人,叫0左個4-5人餐,已經好多野食喇,有賽x蟹,三絲粉皮,水餃,填鴨,甜點,冬瓜鴨湯,唔知名的骨.另加一個松x魚.咁多樣野,先600蚊多d,以價錢同service黎講,係要俾個笑面. d waiter都好helpful同friendly.有問都答0個種.至於食物呢,我會覺得個湯係最好既,因為佢好鮮味,佢係用片0左皮的鴨架加冬瓜煮的湯.0個仲鮮法,真係唔識講,大飲好多碗. 個鴨都ok囉..我唔會覺得佢好出色,雖然佢係燒得剛好,不過肉鮮不足,且片得太唔工整,有d大到有3cm*5cm咁大塊,太大了.個骨都整得好的,你睇上去覺得佢好似好乾身,點知唔係,食落都幾juicy,伴食的醬都好.最尾,當大家都以為係食杏仁豆腐做甜點既時候,點知,waiter哥哥話等多10分鐘會出高力豆沙.好.等佢.點知..10分鐘係我隻手錶變成40分鐘.唔知係咪我隻agnis b唔多準..哥哥帶既勞力士先對呢? 最後..出來的是豆沙war餅..唉.無言.大車車好失望.我就ok啦.因為我覺得個war餅都整

5/22/2006 (星期一)今次與朋友的飯局一行8人﹐大家都係以前於語文班認識的。時至今日﹐大家都忙著自己的生活﹐其中有同學要長期北上工作﹐也有到外國繼續進修。仍然努力每星期還有上課的已經剩下不足一半人....大家見面飯局的機會都不是那麼多﹐今次趁去了外國進修那位同學回港短暫逗留﹐就當然要約出來聚一聚﹐並好好食一餐。所有人都係第一次光顧﹐唔想太花時間唸﹐就叫了一個4-5人套餐﹐另散叫兩道菜。套餐有:三絲伴粉皮北京填鴨賽螃蟹京燒排骨鴨架冬瓜湯菜肉水餃高力豆沙另外散叫了OR網友經常提及的:山東燒雞芝麻蝦其實有點疏忽了﹐整晚食到的都沒有什麼蔬菜﹐主要以肉為主。應該唔要芝麻蝦﹐而改要一牒蔬菜。個芝麻蝦並沒有想像中0甘好食。雖然好香口﹐但係中間層蝦肉太薄了﹐好似食緊炸多士一樣﹐唔覺裡面有蝦肉。燒雞雖然係凍食﹐但一樣惹味﹐雞肉鮮嫩﹐點少許醬汁就更好味。北京填鴨都唔錯﹐皮脆而且幾香。賽螃蟹就麻麻﹐唔夠滑同埋味道好淡。京燒排骨望落好乾﹐但係食落又唔錯﹐肉身幾腍又唔乾﹐點少少個甜醬就更好味。鴨架冬瓜湯就麻麻地喇﹐一致裁定: 好鹹。甜品方面﹐高力豆沙每人有兩件﹐都OK啦﹐如果再多少少豆沙會更好。總算無0

有朋自遠方來,諗住帶他們食餐\傳統D既中國菜,結果是有點失望...朋友當中有唔食豬唔食牛,於是散叫.是日點了:京蔥羊肉(鐵板上)片皮鴨松子魚炒蝦球東菰小棠菜炒津白\'九\'王羹高力豆沙(送的)青島啤一支可樂2支飯5碗整體味道一般.埋單$98x (相信套餐\會抵食D?!)P.S. -問侍應加轉盤佢\找藉口拒絕,攪到我地下下站起來夾...-侍應大部份態度好好,但當中有位沒有著制度,站在水吧那位,我叫多支汽水之嘛,佢\\'怒啤\'我,咀郁郁好唔禮貌...佢\開左支可樂,走到老遠拍一個侍應然後指一指我地張木台...(而我地其實就對住水吧,佢\拿過來其實好近)...其實都唔知發生乜事...之前以為他唔係侍仔,一路都冇搵佢\的,但佢\見我地舉手,佢\就問我地要乜...咁之後想要汽水,佢\咁近咪問佢\囉,點知佢\就好不滿...

一家六口來食晚飯, 叫了一個八人餐, 送菜上得超快, 食到我們飽到嘔, 因為碟碟都份量十足, 片皮鴨好香好鬆化, 我地仲見到前太極樂隊成員Joey Tang 鄧建明一家大細一行十幾人在食飯添... 而且個個侍應叔叔都好好人

又是老友飯局﹐有人提議尖沙嘴的泰豐廔﹐便想起上次因身不在港錯過了Openrice在此舉行的聚會﹐故立刻舉腳贊成。由於時間比較晚﹐亦非假日﹐故只約七成滿座﹐我們五個人坐一張八人檯﹐輕鬆得很。由於在座有人不嗜羊臊﹐故不考慮此店的招牌貨炭爐涮羊鍋﹔而套餐亦沒甚麼特別吸引﹐故最後是散叫形式點菜。山東燒雞- 是日特價六十八﹐卻是整晚最好吃的一道﹐肉嫩滑汁香濃﹐絕品。只是略嫌起了骨後﹐肉稍為零碎, 如果可以整邊雞髀拿在手上啃﹐感覺應該更滿足。榨菜肉抹配叉子燒餅- 肉抹跟榨菜切得夠細﹐比例也剛好﹐賣相是對的﹔亦沒有一般地方做得過鹹的毛病。不過﹐不夠香味﹐是最大敗筆﹐功夫做得如何完整也要扣不少分數。至於叉子燒餅﹐水準一般﹐餅中放餡料的空位相當嬡昧﹐似合還離﹐不用點暴力製造空間﹐較難以將肉抹填進餅中。論此味﹐還是以前的新洪長興及現在的虹橋飯店做得較好。炸大腸- 這道菜很特別。外邊的炸大腸多是把大腸切段生炸就算﹔這裡卻是類似“大腸包小腸”的做法﹐將幾條不同粗幼的大小腸以黑胡椒及香料調味後塞進一條較大的腸中生炸﹐最後才切件上碟﹐賣相可能不太美觀﹐但此做法卻能夠真正做到外香脆內香軟的效果。不過﹐做法是對﹐卻做

　適逢佛誕，理應食齋，但呢度想試好耐，今晚終於嚟試下．　一上到樓上，已經聞到陣陣炭爐香，即時諗起鴻福，其實之前都想試呢度既涮羊肉，但天氣咁熱，食完會唔會流鼻血呢？　其實已經心中有數叫Ｄ乜，但頭一次嚟都要望下個菜牌study，（其實由個菜牌到環境裝修，都係同鹿鳴春，北京酒家個款差不多，所以應該係同時期的食肆），睇完後都係叫番最想試個幾樣（依照出場序）：1. 山東燒雞$88/隻：呢味係無例牌或半隻，但兩個人食份量是應付到，初頭覺得好似好普通，但倒埋生蒜醬油落去一齊食，手撕雞撕得粗獷有咬口，有雞味，夾埋醬油更加無得頂，越食越開胃（雖然係肉嚟），好好食到唔停口．2. 羊肉水餃$38/10隻：傳統整法，隔水上碟蘸醋食，皮薄夾滑，羊燥味香口，加埋菜粒爽口，竟然又係追住食．但呢次小肥有意見，佢話覺得中環間皇府好食D，哈哈，跟得我多，終於開始有要求，實屬好事．3. 芝麻蝦$38(是日特價菜)：其實係因為佢先會嚟呢度，但最後係有D失望，其實係炸得好好不油不膩，便頭芝麻同底既麵包都好香口，但如果蝦膠係彈牙就會滿分，so far港大校友會“蝦多士”係暫時食過最好．4. 砂碢津白$45/細：呢度個份量兩個人食

6位小姐們食生日飯, 食正宗涮羊肉,個爐未見過咁高... (套餐$288 ~ 3-4人)價錢合理,比足料,唔會每碟得少少,羊肉好鮮味,重有面食,另叫芝麻蝦同豆腐,無介紹錯,幾好食,另送熱騰騰既高力豆沙, 但我地自己叫既拔絲蘋果就'林'd,可能'過冷河'太耐啦,整體都唔錯,請2個,平均每位$170埋單..

2月4日，為老朋友慶牛一！隔咗咁耐，仍然記得好好味！好耐都無食過咁有羊羶味嘅羊肉，對上一次係喺哈爾濱食！呢餐食得好開心，大家都覺得撈醬好玩！我們今次只有4人，所以只點了幾種款式，其中羊(要了2碟)、醉雞、蟹粉魚蛋和蝦都比較好！這餐$460元埋單！抵吃啊！會再去

沒有期望就不會失望，可能因為此店口碑不俗，我們有期望，所以結果就失望而回。我們一行四人，原本想吃涮羊肉，不過其中有人不想吃，就改了填鴨餐($418)，菜式包括有三絲伴粉皮、賽螃蟹、菜肉水餃、炸排骨、北京填鴨、鴨架冬瓜湯和高力豆沙。頭幾樣只是普通貨色，水餃嚴格上更不及北角津味館那所小店子。至於北京填鴨，不是片皮，而是連鴨肉，鴨皮要視乎是那個部份，說實的有部份是不脆，然而填鴨已足以填飽我們！到鴨架冬瓜湯，味道略淡但不俗。整體來說，與我們的期望，確實有點距離。

一行十五人book 左七時半食飯.叫了一個北京填鴨餐, 另加小籠包, 燒雞, 炒飯, 炒麵, 拔絲蘋果.結果, 上晒d 散叫的先.... 因為佢地唔記得上個餐, 搞上菜次序好古怪.d 食物都幾好味, 但係賣相唔多掂....

一路好想試正宗涮羊肉, 尤其用炭爐更加有風味. 我是羊癡, 之前試過小肥羊和北京涮羊肉(旺角瓊華中心), 都係似打邊爐, 著重湯底, 食物款式多. 泰豊樓就真係食羊, 第一次混醬好好玩, 所有醬料落齊, 都唔識形容味道, 我皇上就獨愛麻醬, (睇佢幾專一) 我們兩人點了牛羊各半斤, 二十隻羊肉餃和生菜, 份量足而質料好, 尤其係羊肉餃, 肉汁多而鮮味, 我一啖一隻食唔停. 個炭爐好勁, 全店都彌漫著炭味. 下次約多些朋友, 可以多試幾樣菜式. 環境乾淨, 侍應有禮, 價錢合理, 食得心滿意足, 尤其係新十五元宵佳節, 偕同我皇上食完野再到尖海傍漫步, 浪漫到暈.

很有特色的京式涮羊肉鍋,還要是用炭爐來燒,在香港已是碩果僅存的了,慕名已久, 今天終有機會一試了。一上到去,已有濃烈的炭爐香味傳來。出乎意料的人很多,幸好訂了座,不然便得要等位了。點了個四人火鍋套餐,已包括了牛、羊、丸、海鮮(蝦片和鮮魷)、菜等火鍋配料了。配料未到,先來「混醬」,我用了麻醬+麻油+醬油+少量花雕酒+蔥,這醬跟涮羊肉是絕配(至少我覺得是)。牛肉跟羊肉都是上等貨, 跟, 般自助火鍋的肥牛片完全不能比較。鮮嫩得無話可說,有肉味也得來很爽滑,簡直好吃得停不了口。蝦片是原隻大蝦切片,比較淡口,但很鮮甜。鮮魷片也是不錯,很爽脆,可惜不太鮮甜。套餐份量不少,四個人吃也綽綽有餘,$580 另計加一和茶介,不算便宜,但總算物有所值。

早排北風起，發起了一個來這裡涮羊肉之局，是夜開兩席，很是高興。總是覺得，涮羊肉沒有這個紫銅炭爐的話，是不像樣，所以好多時都會來這裡。仗著人多，除了涮羊肉，都吃了十幾樣的菜色，每樣食物的評論請看版頭文章「http://www.openrice.com/big5/article30.htm?article_id=1240」。總括而言，羊肉雖然羊臊味稍遜，但都肉質嫩滑，口感不俗，仍然不錯。就算最後來的幾籃菜，沾了在窩底的薄薄羊油，菜蔬都變得亮麗翠綠，有淡淡的羊臊味，別有風味。其他菜色，都穩打穩紮，如山東燒雞、羊肉餃、芝麻蝦、窩塌豆腐等都不錯，也是每次來都叫的幾味。可惜魚腩餃是沽清了，不然來個「魚羊配」就更精彩。當然食物要緊，但一起圍爐涮窩的樂趣就在於一班朋友邊吃邊喝，邊談天說地，難以還有MM伉儷一起出席，一眾新知舊雨，好不高興。老店子的伙記，服務是不錯的，能作出適當的建議，又很快手，不錯。埋單位位一百八十蚊，吃得飽又滿足，個人覺得是物有所值的一餐。吃涮羊肉的話，這裡是頭兩間會去的。