泰豊廔酒家

營業中

休息中

昨天去這間食京菜，見食評都有較多人說ok，於是就約了一班朋友去食!!環境:一進去，立即聞到一股幾十年的氣味，有點......................。上到樓上，坐下後，見四週不太干淨，我有BB，要了一張BB櫈，那張櫈是十分十分烏糟，我用了三張濕紙巾，三張都變成黑黑的，很烏糟，茶具OK，可接受，但之後見到一個廚師出來，看見他那廚師圍巾....................是黑色，沒錯，是黑色的......................食物:看了這環境，已沒什麼胃口了，但也要客觀的說一下鐵板蝦~~不好食，"梅"賽螃蟹~~可以，滑，但他加了一些磨姑上去，變得怪怪的北京填鴨~~可以，是即燒的，皮脆，色水不錯，算是最好一個其他都不想說了，因為都不好食服務:這個最高分，伙記年紀需大，但都有禮貌!!可惜其他唔掂~~所以我給喊

從北京交流回來一直都很想念北京菜，可惜一直也沒有機會，今日終於有機會了。聽說這間鋪頭很好生意，於是我的朋友要訂位。一進去，已經見到好多檯都ｆｕｌｌ了．．很多旅客也前來用餐呢，而且很多人在涮肉呢～～～～我們沒有涮肉，我地只叫了一個烤鴨四人餐ｄ餸豐富得很之餘，亦很合我們的心水。先來一個涼拌雞絲粉皮，略嫌粉皮太碎，口感大減賽磅蟹，蛋白很滑，很清甜，味道不錯菜肉水餃，皮薄餡靚，沒法子不ｅｎｃｏｒｅ京燒排骨，好像金沙骨，入口香口，加上燒骨醬，咸咸的，很好吃重頭戲便是北京烤鴨，ｄ皮很薄，很厲害，我從ＴＳＴ拿回ＴＷ的家ｄ皮仲好軟，不會硬哂北京烤鴨又油而不膩，很香口還有一味冬瓜鴨湯，食左咁多味餸之後，有很飽濟的感覺飲一點清湯，清一清油膩也不錯，而且冬瓜去暑，在這炎熱的夏天飲，是不錯啊～最後還來了豆沙高力，由於大家都飽飽的，不能再吃‧於是，放棄了這味甜品。不過我拿了回家，爸爸第二天把它們弄熱，他告訴我還很好吃‧可想而知，當時如果在堂吃應該更好吃呢！

一年一度嘅母親節, 師傅攪盡腦汁都唔知食咩好, 終於諗起呢間食店, 師傅見好耐都冇黎過加上師母又未試過, 所以決定同佢去試一試, 順便睇下有冇去到樣!一早訂定位於是準時到達, 伙計安排左一張幾寬敞同幾入嘅枱, 前後左右都冇咩人, 唔會有逼嘅感覺! 五個人商量一陣, 最後一致決定叫山東燒雞, 窩塌豆腐, 鐵板宮寶蝦球, 片皮鴨半隻, 蒸素餃, 金華火腿津白, 蔥爆羊肉同埋糖醋魚塊! 由於是次有人唔太食羊, 所以冇叫涮羊肉, 師傅其實有少少失望!言歸正傳, 最先到嘅係山東燒雞, 山東燒雞果然係首本名菜, 雞肉相當之滑, 而且好鬆, 仲要係手撕, 啖啖肉又冇骨, 加埋d醬油, 真係好好味, 水準依舊, 好嘢; 窩塌豆腐個皮脆脆地加埋個豆腐又軟又滑, 不過個感覺好似差左, 師母仲要問一句呢道菜有咩特別, 師傅當堂啞左; 鐵板宮寶蝦球又香又辣, 蝦身又大又爽, 不過今次d粉好似多左少少, 而鐵板上就格外顯得惹味, 好正; 片皮鴨半隻都幾瘦, 皮就幾脆, 再加埋d薄餅, 都幾好味, 不過師傅唔係好明點解佢d甜醬會咸嘅; 蒸素餃一客十二隻, 皮薄餡靚, 餡內仲有d湯, 一口一隻, 好好味; 金華火

為慶祝小弟生日, 本來想去鹿鳴春, 可惜遲左訂位..結果見呢度話呢間野靠得住..好....去踩場先.. 一入門口..老店格局..d 伙計個個一睇個樣就知係老經驗...味道唔錯 .. 除左 5 色拼盤同埋送o個個糖水麻麻之外..所有野都好有水準.. 特別鍾意山東雞同宮保大蝦..一句講晒 .. 下次會 encore !!!!

一年一次的老同學吃飯,多年來都是在大埔,食到有些悶,今年決定改改地方忽然好想食北京填鴨,就想起泰豐癏,對她存有思念,因初出來工作時,隊長在收工後帶領一班同事到此老店吃飯預早一星期訂枱,當時聽電話的呀叔話北京填鴨要預早訂,都担心會好大隻,因只得五個大人和一小孩,呀叔話有兩人或三人份量,咁又唔同,於是沒有再問便訂了一隻鴨後來朋友提醒一隻鴨實食唔晒,於是再打電話去問,點知回篬話我地既鴨隻隻都五斤重,嚇得我立即取消訂鴨,唔多放心下,第二日再打去問,點知冇取消過隻鴨,真係過份.昨天終於一行六人去咗食午飯,見到全間食肆都是做旅行團生意,我地叫了半隻北京填鴨,砂窩雲吞雞,窩貼,小籠飽,,金華火腿津白,諗住食完先叫高力豆沙 等甜品.1. 隻鴨好瘦,好少肥肉,白色薄餅好軟,包住鴨肉和大蒜,加些甜醬入口好易,唔會話好難吞,又好味2. 雲吞雞冇肉食,只見到雞皮,雲吞內的肉丸好冧,湯底亦仍好甜3,. 小龍飽皮薄,內有肉好汁,做得好4. 窩貼外面煎得香,放涼了外皮仍是脆,沒有冧到,真好野5. 金華火腿對我們來說是咸了一點食晒所有野,諗住叫甜品,點知呀叔話今日做旅行團好忙,所以冇高力荳沙,荳沙窩餅等甜品,真係掃興

琴晚朋友介紹, 去o左食生日晚餐, 佢o地選擇o左打邊爐我第一次去, 個裝修唔算新, 一上到去就見到馬導演o係另一張檯食緊小菜侍應好好禮貌, 坐低無耐就幫我撈好醬火鍋料唔算多選擇, 都係大路o野, 蝦ok, 帶子好味, 羊夠膻但係免費送o既高力豆沙, 朋友都話麻麻地, 好似煙韌o左少少喎......攪到我都唔敢試食我o地食到十一點幾都唔肯走, 侍應哥哥叫我o地慢慢坐, 但係就比兩個阿姐輪住怒啤結果我o地由側門離開整體都唔錯o既, 不過如果再o黎, 我會考慮叫小菜試下

因為很久沒有圍爐而吃，一行五人決定來此過爐癮。點了個3-4 人餐，有羊有牛、幾款丸、豆腐、支竹、粉絲、拉麵、生菜及波菜。再要了山楂茶橙汁各一jar。所有食物都新鮮，一涮再放進混醬中，簡單但非常美味。再加上送的高力豆沙，飽足的一餐。另外要讚侍應「伯伯」們非常好服務，會教我們怎樣混醬，而且笑容不斷，我們直吃到他們收工都沒有催我們走。一定會再去。

上星期五一行五人到泰豐廔吃晚飯，真叫人喜出望外。我們點了個4-5人的套餐，菜色水準很高。但最叫人驚喜的是泰豐廔的侍應們所提供的五星級服務。他們不只招呼殷勤，衣著整齊醒目，還會盡力滿足食客要求。當晚一個很好的例子是：原本我們柯打的套餐9時前的甜品是杏仁豆腐，但我們都很想食9時後的那款高麗豆沙。不知道是否我們太大聲...其中一位侍應竟然答應9時後再拿高麗豆沙給我們！起初我們以為他也是隨便說說，怎料到了9時許...他真的拿一碟高麗豆沙出來...別忘了我們已吃了杏仁豆腐。泰豐廔這種待客之道真的是走在最前！佩服佩服！我們離開時...侍應們還很高興地和我們道別啊。

每年總會辦一涮羊局，在大圍飯局轉了制後也不想改變，始終不時不食，此時不吃涮羊也不知要待何時。就約了食友，在這裡圍爐涮羊。點菜也是容易事，沒有什麼好預定的，只需交帶是吃涮鍋就可以了。例牌一檯先來兩斤羊肉，再加山東燒雞、窩塌豆腐、宮保蝦球、魚/羊餃及烙盒子各十二隻，就這樣吧！未吃羊，先混醬，這裡盛醬料的盛器也是十年如一日的，年年如是。用大量芫茜及蔥花做底，加點南乳、花雕、麻油及辣油就差不多了。爐未起，就吃其他菜色先。山東燒雞依然緻滑，是手撕的，汁底甜美之餘，亦有花椒八角的香料味，雞肉很上汁，味美，如不吃其他食物的話，一人吃一隻也絕對的綽綽有餘；窩塌豆腐太濕了，件件都雖然炸起，但也有「褪皮效果」，可以做得好一點的；已預計一檯都是碟，宮保蝦球也不用鐵板上了。味道辣中帶點甜，如再有一點點酸味就最好了，亦可能是攤涼了一點，如果熱辣脆口的話是很美味的；紫銅涮鍋上檯，一樣是熱辣滾燙的，不過在這裡涮了多年，一看便知是晚的與往年不同，老伙記證實，是換新爐了。當然滾水一燒開，大家也忙不迭的將羊肉片放進去涮。羊肉片切得夠薄，略略一涮已經可吃，肉質嫩滑，可惜羊羶味太淡，始終是新西蘭的雪藏貨，是這樣子的了。在我而

因為慶祝2008北京奧運, 所以約左d friend黎左呢度食北京涮羊肉.先來大混醬, 有南乳、豉油、麻油、魚露、醋、辣醬、芫茜等等.四人叫左個套餐, 有羊肉、牛肉、牛柏葉、鮮蝦片、豆腐、醬爆丸、龍蝦丸、粉絲、拉麵和青菜.店中伙計大多是阿伯級的了, 服務不錯.火鍋是燒炭的. 我們邊吹水邊吃了2小時後, 火鍋仍然燒得很滾, 都沒有需要加炭, 友人都嘖嘖稱奇.很愉快的一個晚上.還飲了不少啤酒, 醉醉地~~

好耐以前食過一次, 記得d嘢幾份量幾多都幾抵食。但上次冇試涮羊肉, 今次要試, 我地一行五人, 叫咗羊肉、牛肉, 餃子、鮮蝦片和菜打邊爐, 而另外叫咗半隻片皮鴨同埋小籠飽, 真係要多謝嗰度嘅侍應, 因為佢好有耐性等我地諗食咩餸, 仲俾咗好多意見我地, 佢仲建議我地可以叫义子燒餅, 可以將羊肉放進裡面食。未開始食前, 先有一大堆醬油放係面前混醬, 包括南乳、豉油、麻油、魚露、醋、辣醬、芫茜等等, 後來侍應就幫我地混了一碗正宗嘅醬俾我地試。又真係啱啱好, 有d南乳又有d麻醬味咁, 唔錯。我覺得樣樣都幾好, 首推涮羊肉, 而羊肉冇酥味, 燒餅好脆, 放羊肉加混醬唔錯,片皮鴨就最普通, 本來諗住叫埋拔絲香蕉, 不過因侍應送咗個高力豆沙俾我地, 所以我地食都好飽就冇叫。而一路打邊爐, 侍應都好照顧我地, 幫我地加水入個爐到。總之,以老店嚟講,呢間服務真係好好。

三月廿八日八人一齊去食晚飯。片皮鴨都不錯，但熱度不。酸甜魚不脆也不夠。宮保明蝦比較熱及味道最好。份量可以選擇大、中、小這真好!菜餚選擇好多，所以見這都有不少生意!環境和衛生不太好，有見過數隻會飛的小動物!服務些伙記熱情及尊業的服務。希望可以再到此食下火煱，因用舊式的煱，比較特色。

吃完魚頭, 過了兩日又吃火鍋, 是晚就係冬日涮羊之局, 在此先謝過KC兄的邀請. 上次來吃也係大局, 是晚人數係少了, 坐在大廳的中央, 加上天氣不太冷, 係幾侷的. 始終係炭燒, 空氣不太流通都係一大問題.參加得大局, 當然不用想食乜野, 坐底等食就得. 等食之餘, 當然係指定動作, 混醬. 上次貪心撈了太多醬, 出來的效果真混醬, 是晚留給文迪主理好了, 一碗係麻醬為主, 一碗係南乳為主, 其他材料就立立雜雜要了小小.山東燒雞: 9分, 未涮羊先吃小菜, 第一樣繼續係山東燒雞. 雞肉嫩滑, 蒜蓉醬油好香, 黑白肉食混也覺出色, 比上次吃的高水準.窩塌豆腐: 8分, 是晚吃到的水準好像失色了, 個皮做得不夠脆, 比較淋, 但入面的豆腐仲係熱辣辣的.宮保蝦仁: 8分, 沒有了那個好大陣丈的鐵板, 上臺時不用避一避, 個宮保汁幾開胃惹味, 大大件的蝦仁, 不錯的.涮羊: 9分, 來得這裡, 前面的菜色其實也不太重要, 因為都係為了一同涮. 係KC兄的號令之下, 大家也放下那個兜, 就用筷子夾羊肉去涮. 先後來了好幾碟羊肉, 坦白講, 是晚的羊肉的水準不太平均, 由一兩碟的羊係黐埋一舊.

08年第一個食評，在此謹祝各食友身體健康，心想事成，口福常開！年年都涮羊，試問有什麼比在天寒地凍的天時，與一眾食友，圍著暖烘烘的紫銅炭爐，吃羊喝酒，天南地北，談談笑笑更好？我寫的，已是幾百天前的一個涮羊局，而為了這個紫銅炭爐，是晚一開四大圍，新知舊雨，開心一個晚上。在這裡，點菜可以好簡單，先來兩斤羊肉，不夠吃的自行追加。魚肉餃子、羊肉餃子、狗不理包子各15隻，另外席前再叫蝦子窩塌豆腐、山東燒雞、賽螃蟹、宮保蝦仁等等，最後以幾籃十一、二位朋友的一席，應該是相當豐富的了。涮羊在先，例牌要「混醬」，同檯食友問我的心水，十年如一日都是大量的芫茜加蔥花墊底，放上南乳及砂糖，加醃菜蓉及一點紹興酒，味道配羊肉片就剛剛好。在圓檯中架起燒得熱烘烘的銅爐，大家忙不迭的將生羊片去略涮，轉眼便吃著鮮緻的羊肉。這裡的羊肉是新西蘭雪藏貨，一貫的沒什臊味，個人而言，一樣吃得高興。二百四蚊一斤，頭頭尾尾吃了廿斤，好不痛快！其他菜色，都已是吃慣見熟，沒有什麼新意。山東燒雞每次都叫，已略拆骨的雞隻，醬油味夠亦嫩滑；蝦子窩塌豆腐茨汁太多太厚，全讓給食友吃了；官保蝦仁反而是第一次吃，蝦仁下鐵板再贊上甜酸汁，絕對又是令人「嘩嘩

我幫襯第三次了, 食物質數一次比一次差. 我每次都是點已編定的四人, 八人, 十二人之類的餐單.食物:-片皮鴨好像翻蒸, 表皮不脆; 一道鐵板上的酸甜蝦, (不記得餸名) 炸過的蝦完全不脆; 酸甜魚, 又是炸過的, 完全不脆;叉子燒餅的炒肉碎淡而無味;拔絲香蕉整到爛晒, 並不專業;環境: 空氣不流通, 很焗, 很大油煙;我不會再去光顧第四次了...