泰皇閣泰國菜館

營業中

休息中

經UberEats 下單 完全是淡而無味，性價比又低。直頭是不好味！比普通茶餐廳質素更低。見佢新開 上Open Rice睇左評價先落單。岩岩睇返全部等級一比好評 不排除是打手。首先菠蘿炒飯完全是沒有味道， 價錢$100，哈哈。 其他店貴十多元都已經包飲品。另外的金邊粉都要劣食！又是沒有味道。這間店真是難得，兩味菜都是只有色而沒有味道。原本心情大好的星期日都被這間貴又不好食的泰國菜破壞，真是十分失望。一定不會有下次再試。

同朋友食飯想食下新野，揀左呢間泰國菜試下。睇睇餐牌有好多菜式都好吸引，原本對鮮蝦刺身同咖哩軟殻蟹好有興趣，可惜朋友唔係特別好海鮮，所以主食就嗌左飯同麵類，再加小食同燒羊架。野食好快就到，睇落個份量唔少，賣相都唔錯，兩個蛋包都整得幾靚。金邊粉炒得岩岩好，唔會太乾或太濕；側邊仲有啲芽菜同花生碎可以撈埋黎食，有唔同味道。小食OK好食，冇話非常特別，但勝在送黎既時候仲係熱辣辣既，唔會話攤凍左。燒羊架切開多汁，同埋都入味，冇話燒到硬骨骨，唔錯。飲品嗌左提子沙冰，一睇就知份量好足，飲落酸甜度適中，仲有見到入面真係有落到提子肉。最後甜品想試下特別啲既野，嗌左呢個南瓜布甸，係第度真係比較少機會食到。佢係原個南瓜蒸既，入面就係有落椰奶既雞蛋布甸，個配搭都幾新鮮。本身唔鐘意食咁甜，呢個南瓜布甸就岩岩好。呢度環境舒適，價錢都公道，諗住下次同屋企人黎既時候再試埋海鮮。

今日路過九龍城呢間泰國菜館，叫左1）炸魚沙律（老闆教我地炸魚夾埋木瓜同芒果及配菜一齊食，口感及味道唔錯）2）獅鉗（新鮮同埋配個醬食，好野味）3）海南雞（肉滑，好好味）4）燒牛肉（幾特別，肉質唔韌）5）燒雞翼（呢個超正，要encore)6) 泰式生蝦 （新鮮，都好大隻）7） 魚翅鍋（足料份量都高水準）😋😋😋價錢又唔貴！值得推介！菜館環境不錯，仲有VIP房！約埋d friend下次再去！不過今次太飽未試到甜品～

上個星期母親去泰皇閣食飯，真係好開心，母親節竟然有花收，泰皇閣預備左康乃馨送給媽媽，每枱都有，好有❤思，仲唔係一支喎，好豪！當時已經想share, 但係搵來搵去都搵唔到到佢個OpenRice, 今日無聊搵食，見到，即刻補返寫。我最喜歡個炸豬手，砌得好靚，起埋肉，食豬手都可以食得好詩文嫁👍🏻黑椒安格斯牛肉粒，一定會再食呀！仲有滑滑南瓜布甸，好香蛋味，唔太甜，岩唒我！激讚呀！老公已經講定父親節都要去泰皇閣食喇😂

個人一直係泰國菜嘅忠實fans 以往唔少家庭聚會都起泰皇閣呢度食 今次搬咗新鋪完全冇令我失望 可謂更勝一籌😎😎😎新鋪嘅擺設同裝飾比舊舖更有泰國風味 而且門外有架小小既車仔 係打卡嘅好去處 聽老細講嗰度遲啲會有義賣 去到都忍唔住週圍影相📸📸📸先講服務質素 呢度既侍應落單快手 而且上菜快手 無論係想舒舒服服喺度食個飯 淨係想食個quick lunch 呢度嘅服務都滿足到我嘅需要😁😁😁最重要講到食物 今次main course叫咗個招牌炒飯 食相非常吸引 炒飯用蛋包住 感覺好有誠意 炒飯嘅醬汁非常惹味 唔會太鹹 醬汁份量亦恰到好處 而且飯炒得粒粒分明 用料完全唔吝嗇 又唔油膩 非常開胃 一人一啖好快就清曬成碟😋😋😋今次小食叫咗個蝦餅拼春卷 唔同出面嘅蝦餅 呢度嘅蝦餅每一啖都食到蝦肉 而且非常有咬口 拼埋啲酸辣醬 直頭係perfect match 😆😆😆 一直唔太鐘意食春卷 因為成日覺得好油膩同炸得太燶 但係呢度嘅春卷炸得剛剛好 而且餡料非常充足 係好高質既小食配搭😁😁😁最後叫咗個甜品 芒果布甸就食得多 但係南瓜布甸真係第一次食 呢度嘅南瓜布甸用咗原個南瓜連皮上 感覺好友誠意 而且上面嘅布甸好

同朋友食生日飯，揀左九龍城泰皇閣，D餸靚到哇哇聲，又好味，有好多出面都食唔到。個爆炸蟹超扺食，好香，又多膏；原條燒則魚青芒沙律第一次見，未見實物之前覺得有D貴，見完食完就覺得物超所值，超埋肉，外脆內軟，又多青芒，原來係好大碟，真係要試。見格離台叫個椰青焗飯好靚好香，好靚，心思思好想食，個花挑得好靚。 仲有個明爐蜆煲，真係細心到無朋友，因為叫左則魚，唔想叫烏頭，但係好掛著明爐烏頭煲湯，竟然有蜆煲，真係好岩，D蜆好大隻，好好味，父親節一定要再來食。走個陣老板娘仲係門囗幫我地同木頭車影左好多相，好好人呀！

Today, I go to this restaurant, I think the decoration is fashionable. Besides, I am very glad that the services are good, the waiters are nice and polite. Finally, the best thing that this restaurant has is her food. The food that I had was fried rice with pineapple. It is very delicious

我和老公喜歡食泰菜嘅程度，已經去到連續食幾日也不是問題，加上天氣酷熱，要食D較為重口味既食物才有胃口。之前有朋友推介去九龍城~泰皇閣，經openrice搜尋，得悉泰皇閣已搬遷，搬到衙前塱道，新裝修新環境，更有慾望想去，今日就同老公去食呢間。菜館裝修簡潔淡雅，有灰褐色既磚牆，有幾幅大象、佛像既圖畫，有好可愛既椰樹仔燈飾掛於牆上，讓人享受着東南亞既異國風情。睇過餐牌後，決定要以下菜式 : 第一個係生蝦刺身($98)，真的十分新鮮，爽脆夠凍又美味，那個綠色辣汁，將其鮮甜度提升另一境界。之後係海南雞($80/半隻)，這個本人推介，好正！未食已香氣豐沛，食落肉質嫰滑又多汁，肥瘦均勻，連雞胸肉位都好味。最後係泰式濕炒海鮮河($68)，用料大方，有鮮蝦、魷魚、青口、多款蔬菜及菇菌，河粉滑，加上濃濃芡汁，美味又飽肚。飲品味道不俗 : 青檸梳打($28)及椰汁冰($28)在我和老公進食期間，見有一枱客人要求要蘸生蝦刺身既醬汁要了幾次，菜館既侍應不但沒有顯得不耐煩，還殷勤有禮，勤快遞上，值得一讚。總結 : 環境好，食物好，服務好，價格相宜，我會再來的。

一直都有食開呢間，而家搬咗新店，緊係要試下啦！無以前咁鹹，而家仲好食咗，值得一食！新店分咗兩層，坐得比以前舒服！上菜都好快，唔洗等好耐，如果多人的話要預早少少可以book房！

原來諗住行去舊店，好彩剛好碰上新店😯唔洗白行！金邊粉最正 好夠味👍🏻仲叫左海南雞，燒雞翼，炸皮蛋，燒豬頸肉。樣樣都好食，唯雞翼咸左啲！份量都唔細，二人食到好飽

泰皇閣搬左鋪，裝修得好靚，椰子樹燈仔好有feel呀！仲有D畫望落去好舒服。食物除左好味，仲好吸睛，廚師整得好靚！上星期已經幫襯過喇，食左個原個椰青焗飯，滿滿的椰汁，香噴噴，上枱個下好有驚喜呀！又靚又香，我估廚師燒一燒過頂部啲椰汁，更加香。今次叫左我最愛既Pad Thai , 真係好精緻，個蛋包好靚，安格斯牛肉無得彈，多左蔬菜，又靚又健康，仲有條魚，靚女侍應畀埋碗湯我，淋落條魚度，好細心，等我可以慢慢食，唔怕燒乾水，老細真係大方！不得不提個廁所，好乾淨，去過九龍城咁多間，泰皇閣個廁所真心企理，有鏡，仲有位放個化㛇袋，我可以補埋㛇先走👍

餐廳用料上乘，重現經典泰國菜。例如呢味鰂魚已經很少在出面吃到。因為很多店家都怕麻煩而不做。咖哩配法包再加配軟殻蟹，口感很有層次。店家服務很周到，環境很新，適合三五好友聚會

一路都有去開舊舖，今晚同屋企人食飯咁就去九龍城泰皇閣，點知無開門，勁失望，好彩啱啱睇佢地Facebook 先知佢地搬左去衙前道15号地舖，當然要試下佢地有無失手同環境係點。先講地方比之前舒服，食物比之前款式多左D，咖哩炒膏蟹膏多汁正，再加蒜容包同薄餅絕配，柚子沙律夠fresh 生蝦刺身夠新鮮，新野就試泰式炸豬手，多汁唔乾，仲有多左甜品南瓜布甸唔甜女士至愛，我就芒果迷，當然食芒果糯米飯。最後提下大家記得訂枱