野食好快就到，睇落個份量唔少，賣相都唔錯，兩個蛋包都整得幾靚。金邊粉炒得岩岩好，唔會太乾或太濕；側邊仲有啲芽菜同花生碎可以撈埋黎食，有唔同味道。小食OK好食，冇話非常特別，但勝在送黎既時候仲係熱辣辣既，唔會話攤凍左。
燒羊架切開多汁，同埋都入味，冇話燒到硬骨骨，唔錯。
飲品嗌左提子沙冰，一睇就知份量好足，飲落酸甜度適中，仲有見到入面真係有落到提子肉。
最後甜品想試下特別啲既野，嗌左呢個南瓜布甸，係第度真係比較少機會食到。佢係原個南瓜蒸既，入面就係有落椰奶既雞蛋布甸，個配搭都幾新鮮。本身唔鐘意食咁甜，呢個南瓜布甸就岩岩好。
呢度環境舒適，價錢都公道，諗住下次同屋企人黎既時候再試埋海鮮。
