泰皇閣泰國菜館

營業中

休息中

好耐沒食泰菜，所以又去九龍城搵食，今次黎到泰皇閣，waiter都係泰國人Menu好貼心，會講解得好詳細，樓上有包場既房野食都有圖睇飲品，一流！仲好足份量招牌炒飯，隻蝦味道相當唔錯！個肉都整得好有心機，味道相當唔錯串燒，個醬好惹味個魚既配料都相當足，個湯好好飲！生菜包有辣有唔辣，我地揀左食辣，個隻辣好正宗！最後4位食埋單542，價位正常，職員好細心，見到有老人家主動比左杯水佢，仲會時不時留意我地有咩需要，服務一流！

特登去九龍城緊係食泰國菜啦〜之前同屋企人都食過依間嫁喇，覺得好食所以就再帶朋友嚟食店內環境比人感覺都幾乾淨，同埋好有泰國feelmenu都幾靚幾有心思〜因為收工過嚟食飯，所以好肚餓呀，都叫得幾多野食叫咗一個細既冬蔭功，炸蝦餅拼春卷，泰式蟹肉炒飯，燒鰂魚，同有兩杯椰汁珍多冰添首先嚟既係冬蔭功，非常足料呀，入面有好大隻蝦〜之後炸蝦餅拼春卷份量都好多，同多幾個朋友share都得，蝦餅炸得好香口泰式蟹肉炒飯都ok~最後就係重點燒鰂魚！一上枱已經嗅到非常香而且比想像中大條好多，魚肉鮮甜又滑，比平時屋企蒸魚好唔同，值得一試依間泰國菜真係好抵食，份量都好多，好適合同朋友一齊嚟食飯，下次一定會再嚟〜

同一班女人食飯，必去d冇限時的地方，由友人C安排生日飯局，今次安排左黎九龍城，黎到九龍城沒有不食泰菜的理由。今次我地去既泰皇閣，友人之前都有去過，所以今次係佢Encore餐廳。.先點了沙嗲串燒(半打)串燒有多款（豬/雞/墨魚丸/雞腎），唯獨沒牛，可自行配搭，最多可選3款。點了豬/雞/雞腎，串燒肉嫩，多汁，不會燒得太乾。配上沙嗲汁吃，格外惹味.拼盤，啱晒一班貪心女人，一盤有多款小食炸蝦餅、炸魚餅、炸春卷、雞翼、酸辣鳳爪等，餐前小食一流.泰東生菜包，生菜爽口新鮮，肉碎小辣惹味，不會太乾，開胃之選馬拉盞炒椰菜苗，要食點青菜，點了馬拉盞炒椰菜苗，椰菜苗爽口，馬拉盞咸香味濃，兩者配搭，正！.明爐蒸烏頭魚，烏頭新鮮美味，配上青檸味清新，加上辣味，酸酸辣辣，刺激味蕾

【#飲食】C+搵食團 || 小泰國覓食之選 - 泰皇閣泰國菜館 九龍城又有小泰國之稱，九龍城泰菜雲集，有時想吃正宗泰國菜，不用遠飛泰國，去九龍城走一趟也是不錯的選擇。今次ms. C就和閨蜜sss，去了泰皇閣泰國菜館，一嚐泰菜。以為平日去九龍城食飯，理應會較為少人，不過我們7點到達泰皇閣都差不多滿坐，這証明泰皇閣也是人氣之選。泰皇閣除了有泰菜之外，Menu上都有不少 Fushion 菜，不過ms.C 今日目的只為泰菜。 ------------------------------ 拼盤-$140 拼盤有多款小食，絕對是貪心人士之選，有多款炸蝦餅、炸魚餅、炸春卷、雞翼、酸辣鳳爪等，炸物香口，用作餐前小食一流。 ------------------------------ 泰東生菜包（豬）-$76 泰皇閣有兩款生菜包提供，另外一款是勁辣清邁豬肉生菜包，不太吃辣的我們，選擇了泰東生菜包。落單時，餐廳好細心亦有問我們辣度，值得一讚！生菜包肉碎，有小小辣，而且惹味，肉碎不會太乾，連爽口生菜吃一流。 ------------------------------ 馬拉盞炒椰菜苗-$68 食泰菜必食，

住在元朗嘅我，總有一個月都會專程去到九龍城食泰國菜，呢間泰皇閣聽朋友食過都唔錯，所以今次特登同朋友來試七點鐘就來到，所以無咁多人，但去到七點半至八點呢段晚飯時間已經坐爆人。菜單餐牌好多選擇，真係花多眼亂，每張相片都好吸引好誘人。馬拉盞炒椰菜苗-好香好惹味，有蝦米、小蒜頭，椰菜苗好青綠又新鮮👍👍👍鹽燒側魚-每次都必叫的，魚肉嫰滑，啖啖肉，加小小鹽少少醬汁，超好味👍👍👍蛋包鮮蝦金邊粉-擺盤好有心思，好靚！金邊粉炒得又香又甜，旁邊放着一些配料，可以混埋一齊食，絕配，呢個一定必試😋😋😋呢個拼盤係餐牌入邊面推介的，有雞翼、蝦餅、春卷、其中以蝦餅最好味，蝦餅味道鮮甜，炸得香脆可口，再配上泰式甜酸醬，錦上添花。

今日相約媽咪去食泰菜，一諗起泰菜就一定要去九龍城，因為嗰度係最多泰國菜餐廳的地方，一去到見到有間泰皇泰國菜館係新開，因為之前未見過，所以就去試吓。一入到去見到好多泰國佛像，裝修好有泰國味道，簡潔整齊都幾舒服餐牌上的食物同其他泰國菜館種類差不多，但係有幾頁係呢間餐廳必食推介。泰式海鮮冬陰公（小）二人份量剛剛好冬陰公材料豐富，酸酸甜甜，微辣，鮮蝦好大隻，好鮮甜彈牙😍明爐清湯大蜆-好似明爐魚味道，但佢地轉做大蜆幾別，第一次食，酸酸地香噴噴，食完大蜆將粉絲放落湯底，粉絲吸入濃湯超入味😋😋😋小食拼盤-可以每樣試小小，炸蝦餅外表炸得脆卜卜，好好味，泰式鳳爪好好味，醬汁酸辣到適中。

好難得來到九龍城晚餐，雖然地鐵暫時未通車，不過九龍城就一如往常的熱鬧。泰皇閣門口有一架小食車掛著蝦片和花串裝飾，很搶眼。每食泰國菜必點冬陰功，這個小的份量夠四人share，幾甜的不太辣很易入口，香茅味重，湯中的香菇又酸又甜很開胃。燒豬頸肉簡直超班表現，本身燒得陣陣烤肉香味，但中間完全沒有因為烤久就乾哂，保留了肉汁和軟軟的口感。不能自拔食完一塊又一塊！食滿了$350完送一條明爐青檸蒸烏頭魚，酸甜得來又引到烏頭魚的鮮味，蒸得剛好，肉質鮮美嫩口，而個湯汁非常好飲！試了杯熱蝶豆花蜜，顏色很特別，是海洋的深藍，第一次喝蝶豆花，味道不算奇怪，都易入口的。最後甜品是芒果糯米飯作總結，糯米飯香又沾黏著濃濃椰汁，甜而不膩，但很飽肚，要幾個人來share，芒果不錯熟透的幾甜。食物是很出色，希望價錢不會因為地鐵通車就大幅增加啦，現在真是超抵吃！

今晚原本約好左朋友黎九龍城食中菜架，不過我突然轉呔話想食泰國野俾我揾到哩間好似幾好食，裝飾又好有泰國feel既餐廳😋😋😋😋今晚一行四人，一入到去就即刻嗌左杯青檸梳打飲，我地四嗰好鬼煩，又話要少甜，又話要少冰，不過侍應好好，服務態度好好，原全無渣型，有講有笑😗😗😗😗我地太肚餓既關係，嗌左好多野食，有青木瓜沙律，生蝦，馬拉盞炒椰菜苗，串燒(豬，雞肉，雞全翼，墨魚丸)各兩串，生菜包，烏頭魚，鐵板蠔餅蛋，燒安格斯牛肉配青檸木瓜沙律嗰汁好醒胃，正正正！生蝦大大隻，好生鮮呀，配埋嗰青色辣汁好夾炒菜好快就食哂🤩🤩🤩串燒好好食，特別係雞肉，因為一啲都唔老身，好嫩滑呀😋😋😋至於最最最好食就係嗰烤安格斯牛肉，配埋啲辣椒粒同埋蒜頭粒，加埋青檸汁，真心好食，首先嗰牛烤得岩岩好，又唔會UN，又唔會有根，啖啖肉，但又唔會覺得好肥，仲之就係好食呀，大推，果然係廚師推薦🤤🤤🤤🤤哩度食野仲要唔洗加一，服務態度又好，一定會再黎食呀👍👍👍

在運動場打完波和朋友就到對面街吃飯，選了比較多人的泰皇閣，環境乾淨而且坐得舒服，最重要是晚餐好抵！滿$350送明爐青檸蒸烏頭魚！又沒有加一服務費！每人先點一個椰青，凍冰次很青甜解渴，水都很多。清邁豬肉生菜包🌶🌶🌶，雖然很辣，但豬肉調味很濃郁，超香口，會愈食愈上癮的。明爐青檸蒸烏頭魚當然是重點菜式，店員先放好熱爐再端上烏頭，還有湯汁附上。酸酸甜甜，有點像泰式甜酸醬的味道，烏頭剛剛熟，魚肉很鮮嫩！超抵吃，每枱都有一條！最後點了飛天通菜，蒜香味道很重，很有穫氣，像大排擋的風味。平日晚上都很熱鬧，幾乎爆滿，還有二樓，不過不知情多大，必會再度拜訪！

今日經開九龍城，知道原來有一間醫館局職員幫襯午餐可以享有九折優惠的泰國餐廳，二話不說，入去一試！因為大家都好窮啦，接近糧尾，走去食咗啲便宜又好食嘅午餐！要滿$38一個人頭，就可以送飲品！我哋個個都叫咗龍眼冰，龍眼冰味道偏淡，但是味道很清新！我朋友叫了青🍋紅茶，他說味道也不錯但要加$5 ！個人推介這個冬陰公海鮮湯河，味道同泰國食嘅一樣，冬陰公湯做得好好味，椰汁及酸味配搭得宜👍，裏面嘅海鮮料十足，大大隻嘅青口同埋八爪魚仲有蝦，非常新鮮！這個濕炒雞河普普通通，我唔會推介！這個豬頸肉咖喱飯，咖喱汁味道帶甜，椰汁味豐富，豬頸肉好大塊，焼得啱啱好，我哋三個女仔每人食咗$40 ，有機會大家來吃啊，超級推介！但係呢度環境就比較黑，衛生環境亦都一方，裝修簡陋，座位擠迫，想食平嘢真係要付出代價！

今日姊妹淘吹水會，想食泰國菜去邊度好? 我心中嘅答案一直都係九龍城。想起上次食過 泰皇閣，好評不斷，二話不說今晚就直接殺入衙前塱道星期二夜晚，客人絡繹不絕，在這市道確是難得呢個咖喱香濃椰汁，咖哩汁點少得麵包，加上軟殼蟹一齊沾咖哩汁食會停唔到口，大家要留意下仲要encore份麵包先夠皮。馬拉盞炒椰菜苗 ($68)  椰菜苗冧身唔帶草青味, 味香且濃.仲有海鮮冬蔭公, 大大隻蝦, 湯夠酸夠辣.N 最愛嘅刺身, 食泰國菜都有選擇, 呢間係我食過咁多生蝦刺身中, 最最最爽口, 蝦肉好實淨, 值得為呢道菜再三來光顧.芒果糯米飯   芒果好甜, 糯米飯沾滿椰汁, 多到滿瀉咁, 所以至做到香滑唔黏口嘅口感.

每次嚟到九龍城 都係心思思想食泰國嘢呢晚行過 見到呢間新開嘅泰國餐廳門口裝修幾有特色 所以入去試吓餐廳入邊唔算好大裝修行簡約路線餐牌製作精美有彩色嘅圖片外面天氣熱辣辣叫番啲冰凍嘅嘢飲 解下渴 消下暑先先來嘅係 泰式乾炒海鮮河 上枱香氣撲鼻算幾足料 蝦肉大粒又爽口再嚟嘅係串燒三併我哋揀咗 豬肉 雞肉 同 墨魚丸最欣賞係燒墨魚丸爽口 彈牙最後嚟嘅係海南雞大大碟 又有擺碟 雞肉嫩滑平時食海南雞 通常有三隻醬可以點泰式嘅海南雞 就係一隻咁大碟都只係$80 超值之選！食完野 出到門口 見到原來呢到都有我最愛既蝦片賣飯後小吃😛而且係做善事 捐款隨心

今日與朋友食飯，兩個人選了這間九龍城的泰國菜，選這間是因爲之前見介紹店主好有善心，會在門口義賣蝦片，但當日好多善心人，蝦片已義賣哂！下次會早點到！我倆今日都好食得feel, 兩個人就叫足兩樣肉，加一碟海鮮乾炒河及一碟菜。先來了一碟豬肉串燒，好對眼，串燒夠大件，食落肉嫩又多汁，個醬都好香，忍唔住點左好多醬，所以好快就 KO 半打。九龍城的BBQ總是給我好食的印象，又找到多一間啦朋友為左就我，叫左個唔辣的肉碎生菜包，我覺得唔辣都已經好好食，生菜係靚及新鮮的，無燶邊無爛，要讚！食靚菜都抵！所以食正常辣版應該更好食，因為老闆都話唔辣唔係果個風味，朋友，謝謝你就我食這個唔辣版，但我已覺得好好味。等我再揀下個胃，食到辣再同你食過！個海鮮乾炒河好有鑊氣，味道好香，也好足料呢！老闆話佢地真係用泰國大廚，所以好地道，而且大廚有時煮家鄉菜給員工食，好食到一定清枱，我真係好有興趣想知這些off menu 的美食是什麼菜，係呢度想同老闆講：諗諗佢做每月推介，俾我地都有份食呀！食左咁多肉同澱粉質，最後都食下菜來中和下，這個菜都好有鑊氣，好有水準，但我貪心d, 如果可以再嫩d更爆燈。老闆們都好風趣玩得，坐到夜，客

善心食店！秘制炸豬手、燒安格斯牛肉青檸、蒜茸飽、明爐清湯大蜆、燒大蝦、泰式生蝦夠新鮮、招牌炒飯、泰式炒什茶（只是細碟咗D）以上菜式都好味道，但海南雞就冇乜味，蝦餅唔夠彈牙，招呼態度好，只可惜不能用信用咭

因事要辨之一月一遊的九龍城又再次開動， 沒有目標下隨意逛著街上眼看這間店子好像從未試過、 開著手機看看開飯網內 食評不算， 儘管帶著頭盔試試這間從未去過之泰國餐廳吃午餐。。。鋪面積與一般餐廳一樣， 容得下只有幾張枱仔、 午市套餐有飯亦有濕嘅湯河粉, 整個餐牌上我想 最為吸引還是海南雞飯 所以異不猶豫下便叫來一個~上菜速度亦不算慢, 雞肉嫩滑、拆骨下完全沒有擔憂骨頭的騷擾, 不過雞肉味道僅屬一般、 相反我覺油飯及配送之例湯更為可取~飯質軟硬度剛好， 味道上日調教恰好~很少喝上一碗那麼豐富的例湯, 師傅落得胡椒更為重、所以很香胡椒味，但不算過於辣很是好喝~至於跟餐我便叫上一杯泰式凍奶茶, 由於早早叫上（小甜）、所以真正屬於正常味道的(甜度)還是有待其他客人反應~總括而言以平日來說店內不算人潮， 對於一個喜歡平平靜靜吃午餐之人來說、實在是一件幸事，至少不會熱鬧得嘈嘈閉。