泰皇閣泰國菜館

營業中

休息中

今晚又到九龍城搵食，順道約同事食餞行飯，九龍城超多泰國菜，今次便找到這間泰皇閣，聽個名覺得好勁。餐牌都好華麗，不知菜色又是否同樣的華麗？吃泰國菜，怎能不吃生蝦刺身？你見便知是即叫即製，非一般大餐廳因時間關係已預先製作。所以蝦好新鮮，好彈牙，配合送上的辣汁，十分惹味，但真心有點辣。這柚子沙律非常清甜，柚子和蝦配上泰式酸汁，沒有半點辣味，淡淡的酸汁顯得柚子和蝦更甜，真是停不下來。泰國菜另一必食，當然是串燒沙爹，今次很特別，有雞，好有𡁻口；另外燒雞串超滑，必食之選，不知豬牛是否也同樣美味？要下次一試。試了許多冬陰公湯，這湯又有著她的特色，酸甜辣味配合得宜，非常出色。鮮蝦十分脆甜，最好是已除掉了殼，進食很方便。不過餐廳最出色的是泰式海南雞飯，雞味濃郁，肉質嫩滑，點上少許泰式酸辣汁，更顯風味。另外一定要點那雞黃飯，超香超好味，平日不吃飯的我，也刻意搯了一口吃。是次晚餐非常滿足，也只消費了五百大元，超低吃。

家庭朋友聚會想暢所欲言，又要坐得舒服，通常都只有中菜。同埋一個字，悶親戚介紹下試呢間，十幾人有獨立房，圓枱，坐得舒服。野食都唔錯。今次gathering 就選呢間包房坐位寬敞，餐具全部都又新又清潔（有小朋友衛生好重要），環境滿分最重要食物，推介食物有燒豬手： 上碟見到好靚，仲要切好一片片。味道，好脆。豬手最怕做得半淋半脆，然後同你講嗰d 係外脆內軟。呢間好呀，全隻都脆仆仆，似足德國豬手咁，正咖喱蟹：偏甜，做到大眾都啱的口味。隻蟹仲要好大隻。食完蟹連汁都唔好浪費，叫左3客薄餅garlic bread, 好滿足呀燒蠔： 好飽滿，燒完都唔係乾曬水。好鮮味多人食，仲叫左生蝦，冬蔭公，燒羊架，豬頸肉... 食物有泰國味之餘唔會辣，啱曬大眾，gathering 最啱。大人小朋友食到抱住個肚走，平均二百幾蚊一個人，抵！ 好野留言比大家知

今次已經係第二次上黎食啦 難得約到班中同出黎聚舊 梗係揀翻間食過覺得有保證既😆😆😆上去大學個個翻part time所以就叫左個貴啲既海鮮食下 聽到個侍應極力推薦咖哩軟殼蟹咪試下囉 呢碟嘢個配搭非常新穎🤔🤔🤔 底下係蒜蓉包上面係軟殼蟹最上面有 有陣離遠都聞到嘅咖哩椰香味 聽落好似好奇怪點知將所有嘢拼埋一齊食又出奇地夾喎 個蒜肉包索曬啲咖哩嘅香味之餘 又唔會蓋過左主角軟殼蟹本身既鮮味 所以你一上到枱我哋好快就清曬佢啦😎😎😎 跟住我哋叫咗個燒羊架 本身自己就對羊肉一般般嘅 因為覺得佢有陣不討好嘅腥味 點知佢呢個煮法配埋啲好嘢味嘅醬汁 又ok wor🤣不過感覺好份量可以多翻少少 切完啲骨淨低既肉都唔多啦😥😣最後我哋使咗個南瓜布甸 聽個名好似好伏咁 其實原來佢係原個南瓜嘅上面加層燉蛋 真係幾有誠意😁😁😁今次我哋係樓下食 聽老闆講原來上面有更加大既枱可以for更多人嘅gathering架🤗🤗🤗

話說近排有個剛剛係英國翻黎既朋友 見佢幾中意食泰國菜 就試一試呢間啦😆先講講個小食拼盤先 雖然價錢係有少少貴 但真係好足料 最中意係個蝦餅 淡淡蝦肉 好有咬口 個春卷既皮薄餡料多 岩唒我口味到主菜啦 叫左個咖喱雞 問題黎啦 我朋友食得辣我唔食得辣😓😓😓 見到有紅 黃 青 三種咖哩都唔知有咩分別🤔好彩有個好talk得既侍應介紹左隻黃咖哩 椰香味重之餘又帶少少辣 仲送左碟蒜蓉包畀我哋點嚟食 都真係幾有誠意😉😉😉美中不足既係啲雞既份量有啲少 其他配菜有啲多 期待下次會有改善到甜品時間啦 今次叫咗個泰式招牌芒果糯米飯 芒果好香甜 糯米飯都整得好正宗 份量可能有人會覺得睇落細左啲 但我就覺得做dessert剛剛好!😄值得一提既係呢到9點後有85折 見到出面塊牌原來佢地初一十五都會捐飯俾有需要既人 呢間咁有善心既泰國菜館值得再黎😁

蛋包鮮蝦金邊粉：呢個係一個好特別既菜，因為平時食開d金邊粉都係成碟放上枱，但呢碟就有一層薄薄既蛋包住佢，成碟又有賣相又好食👍蒜頭炒通菜：平時食蒜頭炒通菜最驚蒜頭味太重，而且多油，但呢間既油分適中，而且味道岩岩好，不咸不膩，係幾好食青咖哩雞：青咖哩個辣度唔算好辣，適合一d唔鐘意食辣的朋友，餐廳仲有青咖哩豬，羊，牛選擇，多款選擇，配理蒜蓉包做配菜真係好抵食呀！環境：餐廳裝修富有傳統泰國風味，除左有好多泰象裝飾，店內既侍應仲好熱情，最深刻係有個伙記伯伯仲戴左個草帽添! 而負責人都係一位好風趣幽默既老闆，都好關心d客，仲同佢地一齊有講有笑😄呢間餐廳有兩層，去食果日仲係上層見到陳展鵬，仲同佢影左相😂連陳展鵬都黎，甘真係值得再食啦💪

去九龍城動物醫院擺低家中寶貝洗牙，經過啲間泰皇閣餐館門口，有擺設每逢初一同初十五嘅義賣齋菜活動資料，又有蝦片捐贈義賣，老闆確係好善❤️而家開始做緊個優惠；食滿＄350元有檸檬鳥頭魚送、另外九點後全單八五折優惠。舖内裝飾好有泰國feel,有兩層的；上層可以包房同廳、重可容納幾十人，啱曬家庭同朋友吹水聚會用。馬拉盞通菜需然係一款普通菜，但啲間師父調較味道恰到好處，通菜鮮嫩爽脆又好有鑊氣。拼盤有炸魚餅、蝦餅、春卷同雞亦,每款各有兩件，重有一碗白雲鳳爪都只係$140元；魚餠同蝦餅入口彈牙，材料十足，點埋酸甜醬一齊食，感覺特別醒胃。我好鐘意春卷入面啲餡料,因為加咗啲竽頭絲，外層咬落脆bo bo ，入口與別不同😋燒側魚比出面其他泰國菜館大條，魚肚入邊塞咗好多泰國香料；燒嘅時間控制得好啱，令肉質鮮美又嫩滑，配上一碟秘製泰汁，另有一番風味。食到最後當然要飲番杯咸🍋七,🍋醃漬有番咁上下日子，夠入味、飲落真係零舍唔同。

今日收工同事提議去九龍城食泰國菜，時間尚早，我們在九龍城行下先，因為之前食過好多間，今日想揾一間未食過的試試，行到衙前塱道見一泰皇閣，門口放有一活動屋仔，上前了解一下，原來是賣泰式蝦片，老公好中意食，我就買一包，當比錢時先知，原來是自助售賣的，將錢放入錢箱(不設找錢)，而所得的錢是用來做公益慈善的，這店老板真有善心。再望下門口的菜牌，價錢公道又吾洗加一，我們都好想試下尼間泰菜，於是就入座了！餐廳地方整潔，招呼週到。海南雞半隻已去骨，雞肉嫩滑，點些特製醬汁更添美味。油飯：我食海南雞一定要叫返碗油飯配合，飯粒粒分明，軟硬適中，調較的味道也夠味！泰式乾炒河(豬)：泰式炒河好夠穫氣，夠乾身不會太油膩，河粉滑，豬肉入味，加左銀芽等配料增加口感，好味道！沙嗲串燒半打(雞和豬)：擺設經過一番功夫，賣相不錯，豬肉和雞肉都燒得夠火喉，燒至微蕉好香口，肉質有口感但不鞋口，配特製的沙嗲汁甜甜的好惹味！燒雞全翼都好大隻，燒得外面金黃色，雞肉內剛剛熟好嫩滑，食落還有肉汁，味道入味，想提升味蕾就點些泰式酸甜醬。勝獅啤酒

星期一特別任務要出去九龍城買上海糭做節，梗係順便食埋個泰國午餐先走啦，街市附近最正就係泰皇閣，幫襯左第五年，真係好好味，今次食游船河，好香濃，金不換又夠多，好香好野味，不過我❤辣，另外問侍應攞辣粉，個種化學作用真係正到無朋友！食麵湯底就係要夠濃夠辣，真係超級無敵閃電霹靂非常十分極嚴重之好味👍🏻 ，湯底我都飲唔少，大家一定要試試。另外要特別一提就係泰皇閣有捐齋活動，每個月初一，十五都有，真係難得！ 真係要開心share! 仲有蝦片小食義賣，我去廁所望入廚房，見住新鮮炸好，梗係唔可以放過啦，捐左$20，買左包蝦片，仲可以做埋善事😂 我問侍應咩人先可以來攞免費飯盒，佢話覺有需要就可以，👍 返到屋企，包蝦片立即被秒殺，脆卜卜，唔夠分，早知買多兩包。

又係入九龍城的時候 今次都係要食泰國菜今次揀左呢間泰國菜餐廳主要係地理位置近 而且店鋪門口非常之吸引人；一開始點菜 我朋友就急不及待就選了海鮮冬陰功湯，湯的味道十分濃郁 而且用料很足如果有得加河粉/麵拌在一起吃 就味道十足了；主菜方面，點了招牌炒飯 ，擺碟十分有趣，就像個軍艦咁炒飯有足料海鮮 而且加上茄汁 食落酸酸甜甜 味道很匹配；小食揀左薄餅，很有嚼頭 香香脆脆 小朋友都啱食；泰國菜嘅精髓在於用香料食串燒就最能夠食到泰國菜獨有的香料今次點了串燒拼盤（豬，雞，雞腎）各兩串；最後唔少得嘅係飲品 今次都有點我最鍾意的珍多冰椰香味重，又濃郁，絕對唔係坊間用水溝出來那種！ 

本身其實唔係特別鍾意食泰國菜，因為個人唔係鍾意食太鹹太重口味既野。今次黎呢間餐廳都係因為有朋友推薦，所以就黎試下喇~入到餐廳唔係特別大但坐落幾舒服，每一枱都有人食緊野，好彩有朋友早黎到，如果唔係我地六個可能要係出面等位OTL ((其實係我晏咗到)我黎到果時已經上咗個咖喱同埋菠蘿炒飯，個咖喱好香口，有種獨特既香料味但又唔會濃得滯嗆到食唔落，配埋個薄餅真係可以食到見底。而我覺得最好食既就係呢個肉粒@@ 啲肉又唔醃到死鹹、紅椒青椒既辣釣起咗啲肉味，加埋洋蒽既甜味真係堅正!!! 本身好擔心食完泰國菜會好似以往咁因為啲菜太多味精/太鹹而口渇，但今次又無呢個問題~下次可以再試多啲其它菜~

跟朋友講開想去九龍城食反餐泰國菜，因為都一段時間無食，係openrice 睇到依間餐廳搬左，感覺都唔錯，於是就book～ 而且仲有85折。 間餐廳都幾易搵，落左巴士之後行幾分鐘就到。 打開份menu 睇都幾多野食，不過今次只係我同朋友兩個人食，所以都叫唔到太多野食。 首先點左個生蝦刺身，我至愛。 一碟生蝦刺身有六隻蝦，生蝦好大隻，而蝦鮮甜之餘又幾彈牙，推介。 另外，叫左個燒安格斯牛肉配青檸汁，牛肉燒到岩岩好，有牛味，加埋青檸酸酸地，都幾醒胃，而且牛肉下面仲有菜，菜吸哂牛肉汁，正。 主食方面點了個招牌炒飯，有一個炸蝦，之後蛋漿包住海鮮飯，飯份量好多，好抵食，而且飯入哂味。加埋蕃茄醬，絕對係升級版的西炒飯。 最後因為口痕點了個泰式小食－薄餅，但點了之後才醒起我沒有點咖喱。不過，就咁食塊薄餅都好味，煙煙韌韌，好穌香，值得一試。 埋單一人都係百幾，抵食又滋味之選。

我第一次食泰國菜，於泰皇閣的晚餐就給我泰國菜整體上不錯的印象。先說小食拼盤。熱烘烘的椒鹽雞翼和春卷鹹味恰到好處，外脆內滑，而作為冷盤的泰式鳳爪沒有想像中的辣，反而意外的爽口，像我不嗜辣的可以一試。再來是菠蘿海鮮炒飯。腰果、肉鬆、魷魚和菠蘿粒蓋滿金黃的炒飯，炒飯的色調和菠蘿殼一致，賣相相當吸引，而味道亦不比外表遜色，炒飯偏甜，菠蘿粒則甜中帶一點酸，十分開胃，脆口的腰果、軟綿的肉鬆、煙韌的魷魚和淋淋的菠蘿粒更豐富了口感。壓軸出場的是咖哩軟殼蟹。吸引的外表有相為證，不多說了。味道方面，咖哩充滿椰香，亦比想像中的不辣，適合不嗜辣的我。軟殼蟹外脆內軟，蟹肉足夠，不會只吃到一堆生粉。蟹下鋪墊的麵包塗了蒜蓉醬，增添味道，唯一美中不足的是麵包不夠脆，雖然包浸泡熱咖哩會變軟，但本身剛烘出來的脆口可夾雜浸軟的部分，豐富口感，期待下次有所改善。

今次同朋友聚會揀左食泰國菜。 我本身自己唔係特別鐘意食泰國菜， 但有朋友提議呢間就黎試下啦！ 自問本身自己唔多食泰國菜，對泰國菜冇咩認識。但估唔到呢間餐廳又幾岩我口味。咖喱軟殻蟹加埋法包平時出面好少見但又出奇地搭。食魚最驚就係鞋口同埋腥，但呢條魚滑得黎一d都唔腥呀。小食拼盤種類好多，岩晒一班朋友share黎食呀。椰青清甜又多汁其他野食就不過不失啦。呢到個重老闆好熱情咁招呼我地！希望下次有機會再黎試下其他野食啦！

次次女友叫我揀食咩，都畀佢炸型，今次終於冇乜挑剔！唯一捉蟲係室內一排椰子樹閃燈好靚，女友叫我買畀佢，真係唔知邊到有。 佢最鍾意食生野，泰皇閣有齊生蝦生獅鉗，已經好開心，估唔到每樣菜色都好靚，份量剛好，又多蔬菜，好健康，我地都冇點菜食，點左招牌炒飯，燒安格斯牛肉配青檸汁，個飯竟然有心型既蝦同心型既青瓜，女友以為我特登安排😏😏😏其實無😂！ 真係多謝泰皇閣。個牛肉都好惦，上枱靚到不得了。 我見有人飲紅酒，不過餐牌冇，我問老闆娘，係咪有紅酒，佢話下個月有，ok喎，安格斯配紅酒，可以下個月再試試👍🏻 最後女友仲狂讚個廁所乾淨⋯⋯⋯⋯呢個我唔知，我無入過女廁，anyway, 咁大個仔，真係第一次冇畀女友炸型。

無諗過兩三個星期又黎呢度食，不過今次就唔係同屋企人食，約埋幾個同事食lunch，去到門囗就見到多左架車仔放出黎8掛之下問下職員，點知佢地講遲下就知，扮神秘咁。不過架車又幾得意啱女仔影相打卡咁，我地一行6人12點咁早就到當然唔使等位不過都未係第一枱，午餐有十幾款揀，我就叫左我至愛，香葉肉碎飯有埋隻旦，正！$45包埋咖啡，合理價錢。雖然碟頭飯，都睇到有誠意美中不足其他特飲又要加幾銀，不過無加一算啦！！