泰皇閣泰國菜館

營業中

休息中

放底家中兩隻寶貝响九龍城寵物美容院扮靚過年，同hony 去搵番上次曾經食過嘅㤗皇閣，因為既可做善事又可品嚐泰國美食，重有優惠時段，逢星期一至星期四食滿$350贈送一條青檸鳥頭魚卷另外若9:00後入座有85折。地方唔算大還好仲有上層，四週佈置有泰國色彩，燈光照明。食泰國菜一定唔少得啲款金柚沙律，配有幾隻鮮甜大蝦同蝦竿仔，主角金柚人口爆汁，撈勻酸甜沙律汁好醒胃又健康。上次無食啲款廚師推介嘅秘製泰式炸豬手，今次不容錯過，等咗約15分鐘，店員捧上枱巳香味四溢，豬皮切成小塊，入口脆博博，不愧為鎮店之寶。燒鰂魚好大條，魚肉鮮味嫩滑，咸味適中。最欣賞自家製濃郁檸檬香茅茶，確實另有一番滋味。

呢日自己一個人嚟到九龍城衙前塱道嘅泰皇閣泰國菜館食晏。叫咗中午套餐入面嘅海南雞飯，配有飯給泰式咖啡，盛惠$45。跟套餐有個例湯，味道清甜，飲得出係用咗好多蔬菜去煲，十分唔錯。海南雞飯嘅雞肉十分嫩滑有雞味，油飯嘅份量亦好足，點雞嘅醬汁惹味得嚟又真係幾辣下，十分滋味好食。泰式咖啡上枱時本身已經加咗糖，飲落味道甘醇濃郁，頗有特色，我自己就好鍾意。總括嚟講，呢餐份量足、味道唔錯，價錢亦好實惠，我會再嚟幫襯。

早2日同朋友去九龍城行完街，咁黎得九龍城就梗係食泰菜啦～正當諗緊食邊間好，就經過呢間泰皇閣，見佢門面幾得意就決定入去試下。我地分別叫左-馬拉盞通菜、生蝦刺身、泰皇閣招牌炒飯、串燒三拼、芒果沙冰個馬拉盞通菜比平時既泰菜館無咁鹹，d有d泰菜館真係鹹到飛起，生蝦刺身夠凍夠新鮮就好食，佢做到，咁就無謂多講佢個招招牌炒飯個賣相吸引之餘又真係幾好食，外面有蛋皮包住個飯，有蝦，有d似泰版海鮮西炒飯咁芒果沙冰幾香，算好飲，我好怕重奶味既沙冰，而佢就無咁重奶味個串燒燒得岩岩恰到好處，由其係個汁，幾有椰香同花生碎，令我瘋狂沾滿每一舊肉九龍城咁多泰菜館，大家不妨黎呢度試下～

今晚到九龍城探朋友，朋友說來到九龍城就一定要吃泰菜，並帶我到這間位於衙前塱道15號地舖的「泰皇閣」吃泰菜！餐廳門口貼著明星到訪的報張，令人多了一份期待。餐廳面積不大但有兩層，上層主要做預約。二人輕輕點了幾道菜：熱騰騰的烏頭，散發著味濃而不濁的香氣，魚肉嫩滑，配搭香茅、南薑、辣椒、芫荽及青檸等材料煮成的酸辣魚湯，湯底香濃惹味，令人食指大動！另附有湯可自行加添於爐中，店員更細心地將碗放於爐尾，以免爐中的湯溢出。魚肚多而口感夠爽，羹的濃稠度剛好，不會太杰身變得膩，配搭蝦肉和菇更提味和有口感，魚肚吸了羹汁更惹味。不是用茶包而是用上好幾夥原粒洛神花泡製而成，味道清甜而且誠意十足。

下午茶時間，剛剛路過這裏，看到還有中午的午餐，覺得價錢很平宜，便進去一試。這裡的裝修，都是一排一排的長枱和座椅。海南雞飯$45包湯、飲品，我點了凍的泰式黑咖啡。跟餐的湯是比較特別，有肉丸煲蔬菜湯，味道清甜，我很喜歡這個湯。泰式黑咖啡☕️，味道比較甘甜，飲落覺得都算美味👍。海南雞飯內的海南雞皮脆肉嫩，香茅飯都算味道濃郁，配合自家製的酸辣汁就更加好味。值得一提，這裏逢初一、十五，有50份免費飯派有需要的人，這個服務很有愛心🧡👍💯。

今天星期三又到食好西時間，和朋友想食泰菜，吃泰菜一定要來九龍城，夠正宗，多選擇，加上星期三的九龍城不像假日般多人，不用等位。我們找到一間叫泰皇閣泰國菜館，被門口的優惠所吸引，星期一至四惠顧滿$350送明爐青檸烏頭，晚上九點後有85折優惠，而且不收加一服務費，認真底，入座後還見到社交平台打卡送雪糕。我們點了泰式炒濕河 豬 $60、酸汁鳳爪沙津 $65、蒜容炒椰菜苗 $62、甜酸醬炒鮮魷 $80、芒果沙冰 $30、蛋包鮮蝦金邊粉$72。泰式炒豬肉濕河 - 味道不錯，河粉嫩滑，不會太咸。酸汁鳳爪沙津 - 酸酸甜甜超開胃，幸不會太辣蒜容炒椰菜苗 - 蒜蓉味重，椰菜苗切法不會令菜花太硬甜酸醬炒鮮魷 - 賣相一流，味道也非常開胃芒果沙冰 - 份量十足，不會太甜蛋包鮮蝦金邊粉 - 炒得香口，金邊粉配上蛋包絕配總評：味道正宗，泰喜歡💕

每次諗起泰國菜都即刻會諗起九龍城因為有好多間泰國菜館依度嘅泰國菜館都俾我食過晒咁濟今次就嚟試依一間 — 泰皇閣泰國菜館明爐清湯大蜆湯底酸酸辣辣 係平時明爐烏頭隻湯底但配大蜆就真係第一次試呀大蜆大大粒 好多隻 好足料等湯底淆夠 用蜆兜d湯汁 加上肉碎同粉絲一啖食 特別好味道 推薦大家試試特別適合唔鍾認食魚既你馬拉盞炒通菜通菜加上馬拉盞炒 炒得好香有好多蝦米食泰國菜必點既菜式之一第一次試依間泰國餐廳最出色係明爐清湯大蜆會為左個蜆再黎食過下次再試埋其他菜式先

黎到九龍城梗係食泰國嘢啦，今次就食咗泰皇閣。由於唔係好肚餓嘅關係就淨係叫咗五樣嘢。原隻菠蘿炒飯，有新鮮菠蘿粒，海鮮，臘腸，腰果同埋肉鬆。如果好似我咁唔鍾意食臘腸嘅話就可以預先叫佢走臘腸。馬拉盞炒通菜，個通菜炒得好有鑊氣，我每次去泰國餐廳都會食馬拉盞架！必點甜品就叫咗芒果糯米飯，有兩大片芒果，好香好甜，一d都唔酸。糯米飯軟硬適中，加咗椰汁變得好香濃，真係媲美到喺泰國食嗰啲。飲品就叫咗洛神花蜜同singha 啤。洛神花蜜酸酸甜甜，好開胃。而singha啤係泰國啤酒黎，都幾好飲。大家下次黎開九龍城可以試吓呢間丫😝

豬仔每次同某位朋友諗起泰國菜都即刻會諗起九龍城 地點都方便我哋兩個而且仲有好多間泰國菜館俾我哋揀依度嘅泰國菜館都俾我哋食過晒咁濟啦今次就嚟試埋依一間 泰皇閣泰國菜館明爐清湯大蜆湯底酸酸辣辣 係平時明爐烏頭隻湯底但配大蜆就真係第一次試呀大蜆大大粒 好多隻 好足料等湯底淆夠 用蜆兜d湯汁 加上肉碎同粉絲一啖食 特別好味道 推薦大家試試特別適合唔鍾認食魚既你泰式濕炒牛肉河粉濕炒河粉唔熱氣 牛肉滑嫩肉味濃仲配有各式蔬菜 馬拉盞炒通菜通菜加上馬拉盞炒 炒得好香有好多蝦米食泰國菜必點既菜式之一第一次試依間泰國餐廳最出色係明爐清湯大蜆會為左個蜆再黎食過下次再試埋其他菜式先

今日嚟到九龍城泰皇閣試泰國菜，進到店內餐廳裝潢簡潔，雖然不算是很大間的餐廳，但坐得幾舒服，不會太迫。 今次兩人共點了四道菜式。先說前菜柚子沙律， 味道可以但偏向較酸，喜歡食酸的朋友可以試試。 另外一道黑椒炒安格斯牛肉， 味道不錯但牛肉有少少韌。第三道菜是椰汁海鮮炒飯，這道菜真是全晚最有驚喜。 份量很足(看似不只二人份量), 賣相很好,而且每啖飯都含有濃濃的椰汁香味，值得推薦。最後一道蛋包海鮮金邊粉， 外觀設計有心思。 味道與一般泰國餐廳的金邊粉也差不多，算是不過不失。總結，這間餐廳的價錢算是中價價錢，價錢合理，款式選擇也很多，下次還可以試其他菜式。餐牌還有洛神花茶，蠂豆花茶，檸檬香茅茶提供。喜歡飲花姐的朋友可以試試。

上星期放工和同事放工去了九龍城食飯，行經泰國菜店，就入了去看看味道如何。蛋包鮮蝦金邊粉：外觀精緻，金邊粉以蛋包起。而粉既份量好多，二人食用足夠有餘。金邊粉很惹味，吾會炒到斷。當中有數隻蝦，帶爽口的口感啊！海南雞(半)：海南雞肉質嫩滑，成碟充滿左啖啖雞肉，面雞皮同樣滑身，配合埋醬汁令雞肉味道更為突出。油飯：另外，我們二人加了每人一碗油飯，油飯偏濕，食落飯粒為軟，可食出雞香的味道！配合埋海南雞一齊食用簡直不錯。燒雞全翼：雞全翼燒得好香口，肉質同樣嫩身，而外面燒得好香口。沙嗲串：沙嗲串可自行選擇揀三款，今次揀了雞、墨魚丸、雞腎。雞肉配合埋沙嗲醬，味道很惹味。墨魚丸口感偏林身，食落帶點點甜味。可惜雞腎過硬。最後，like Facebook可獲贈一杯雪糕呢！

九龍城出名泰國餐廳多，想吃泰國菜，來這區就啱了，夠集中易搵！友人是這間泰皇閣的 die hard friends, 特別喜歡這裡的 ＂秘制泰式炸豬手" 先被外表吸引，果然是皇牌美食! 你看它的無敵爆炸外皮， 酥脆到一個極點! 肉汁被緊緊鎖緊，外皮超Q脆，咬落"卜卜聲"；連接的豬手皮下面， 肉質仍保持嫩滑 有我的地方，怎麼會無酒呢，配上冰凍 Singha泰啤, 很快就被我們吃清光囉 ! 另一款 ~ 甜酸炸鰂魚， 係我點的， 因為想吃魚，又喜歡開胃的甜酸醬，叫得多明爐魚，今次試下新口味:: 嘩! 造型一流，先吸晴!成條鰂魚，又名"福壽魚" ~ 沒一處是浪費的，甜甜酸酸夠醒胃，立即叫碗白飯 魚肉質感非常滑嫩香口的； 魚尾炸得像薯片，超爽脆馬拉盏炒椰菜苗 d菜苗好幼嫩， 顏色鮮艷奪目，每碟餸菜都有外表，又有內涵呢！！！

今日黎到慶祝媽媽生日，這裏環境泰式西餐廳feel，牆上滿滿的食物推介同明星上報的推介落單一刻明明嗌明爐烏頭，但被隔離枱的泰皇秘製鰂魚吸引左，就轉左軚餐牌多多款式，一家三口叫左5款菜式，有菜有魚有肉有甜品，非常豐富炸蝦餅拼魚餅 $73 蝦餅就時時食得多，魚餅比較少食，熱辣辣泰式燒大頭蝦三隻 $105蝦肉就比較遜色，這個價錢應該可以更好吧馬拉盞炒通菜 $62黎親食泰國菜，每一次必定會叫炒通菜，即叫即整，冇得輸泰皇秘製鰂魚 $172Wow改叫嘅鰂魚在我枱上，魚身以炸而成，而外邊都滿是酸酸辣辣嘅汁同腰果蓋住，而大部分魚肉都已起晒骨變成魚塊可以一件件食，非常方便接住想食得乾淨啲就要慢慢細嚼喇泰皇閣招牌炒飯 $88賣相非常有心思，包住炒飯嘅外圍以網狀蛋絲形成，味道還可以吧！最後.....一餐晚飯點少得甜品作完結呢例牌的......芒果糯米飯 $50甜品不需要太大，每人分少少已足夠！但糯米飯可以再軟熟啲就喇，整體都唔錯的埋單都只係$550，又唔洗加一，非常抵店員仲比左張優惠卡我，係下次免費食明爐烏頭，仲冇分惠顧金額，So good原來門前都大大隻字寫左惠顧$350就有烏頭好彩今次試左鰂魚，咁下次就可

秘制泰式炸豬手真係大大隻呀！豬手外皮炸得好乾身及香脆，多餘脂肪都應該釋放了出來，覺得吃得健康點，焗完既豬手肉保持到多汁，豬肉厚易吃，肉好入味，骨的精華也滲入豬手肉中蝦餅魚餅炸得幾香口，外表炸得香口又脆，蝦餅入口味道有濃厚，有蝦肉的味道，咬落好彈牙，魚餅味道也不錯招牌炒飯外型好靚，仲有支「泰皇閣」既旗仔，炒飯好香，雞蛋整既黃色蛋網，好靚好特別。上面隻大蝦又大隻，炸得連殻都鬆化，飯內有海鮮，有青口、尤魚等，好豐富

冬蔭海鮮湯係泰國特式食品，黎食泰國嘢，我必定會選擇呀！冬蔭功湯，酸酸地，辣辣地，我覺得辣度好適合我，不會太辣嗆候。湯味濃度適中，有海鮮，味道無被蓋住，入口有蝦夠彈牙，尤魚、青口鮮味，蕃茄仔鮮而多汁，中和下辣感也不錯呢！咖哩軟殼蟹好大碟，軟殼蟹炸得香口，仲好保持到蟹旣鮮味及有水份，不會太乾，咬落脆脆！加埋d好creamy 既咖哩汁，好正，辣味微微的，配焗得脆口既蒜蓉包，好味！份量大大份，食完飽飽好滿足