泰發泰國餐廳

營業中

休息中

記得上年第一次由朋友介紹食呢間小店, 覺得水準不俗而且價錢相宜, 改變左我泰國野就係貴既錯誤觀念~~(可能因為以前淨係識黃xx)講返食物水準, 今次同gf去點了三道菜, 有檸檬燒牛肉、椰皇curry海鮮同埋生菜包~檸檬燒牛肉係必食既, 而見到好多人客都有點, 好大份, 應該都算係招牌菜, 唔食得spicy記住個juice要分開上丫!椰皇curry海鮮用原個椰子載著, 幾有風味, d椰子肉仲起埋放入curry一起煮, 口感特別; 不過稍嫌80幾蚊既價錢少左d海鮮lor...好似得3隻蝦球仔、三數片魷魚同兩隻青口仔......仲有d蒜溶包再新鮮d就好了, 有少少過氣, 好似仲要加廿蚊~生菜包我地點左雞肉, spicy得來比較清淡, 普普通通~總的來說水準唔差, waiters好禮貌, 餐前既蝦片好好食~值得一試~

隨意地選了這家小店吃周六的晚膳甫坐下送上蝦片(唔知要唔要錢), 2人叫了4樣東西:1. 生蝦連炸蝦頭, 配上蒜片及醬汁, 美味2. 燒魷魚如果是汁燒的話會比較好, 不點醬汁是無甚味道的3. 雜菜煲是我見過最有鑊氣的一個, 熱辣辣的不錯4. 芋頭海鮮煲仔飯姍姍來遲, 應該是即叫即煲, 配料足, 飯焦香最後飽得打包了大半煲飯和一半燒魷魚, 也不過是$236

買完印度嘢, 諗住去昌發買番個咸蟹木瓜沙律及炒耶菜苗. 點知居然話要等半個鐘, 呢個當然冇可能啦! 於是嚟咗泰發買了:柚子海鮮沙律, 小弟預其係有d似木瓜沙律, 但柚子取替木瓜. 但原來並唔係咁, 只係有柚子, 少量蝦及魷魚, 味道不及木瓜沙律般清爽, 而且58蚊有點不值. 相信不會再嗌此餸.咸魚炒耶菜苗, 份量及味道都ok, 不過炒碟菜, 理應不會差得如何, 45蚊, 公道.抵讚既係, 即使人流不少, 其上菜速度亦快!綜合嚟講, 呢次小弟只俾ok面, 因個沙律不太合小弟口味, 但不會判死刑, 會重審其他菜式先再作定斷.

上星期有日打完波, 之後趕0左去KLN CITY 食飯, 友人左等右等, 終於俾佢地搵到位, 唔該曬!4個人食飯, 叩0左好多野食~食飯前先來一個非常清甜的椰青, 凍凍的, 一流!泰式拼盤 - 有蝦丸炸皮旦(個皮旦好大陣金屬味道)、串燒(一般,唔夠香口)、炸春卷(好油&唔知佢入面包0左D咩馅)、泰式魚餅(好有香茅味)。青咖哩雞 - 好多料, 有泰國節爪, 豆角, 雞脾肉, 個青咖哩好香, 用蒜蓉包醮來吃, 非常好!另外仲叫0左泰式金邊粉, OK LA...好普通。泰式青木瓜沙律, 超SPICY!泰式鳳爪, 超SPICY, again.

昨晚看見小店裡人頭湧湧, 都以為有人必定不會錯得去邊, 但是......- 坐下就有一小籃炸胡椒蝦片, 很惹味, 不錯.- 柚子海鮮沙律: 很大碟, 不過內容太粗糙, 味道太酸, 汁太多, 成碟水汪汪.- 冬蔭公: 味道尚可, 內有大頭蝦一只, 香茅等也夠料,不過感覺不夠濃郁, 稀了了左D.- 蒜蓉胡椒蝦: 胡椒呢? 胡椒去左邊到??? 只是炸蝦一碟, 上舖蒜蓉大量, 蝦是新鮮, 可是完全沒有胡椒味. 我地不是想吃炸蝦喔.- 咸魚炒芥蘭, 普通, 味道也太淡, 沒有咸魚的咸香味.總結: 除了炸胡椒蝦片, 其他主菜味道都不OK, 食不到正宗泰菜味. 不過用料尚算新鮮.

唔想去d太光鮮太多人太出名o個d又唔想去d太冷清…於是揀左間細細地, 但都幾full又唔駛等位既鋪頭~位於城南道, 附近都仲有幾間, 不過有d實在冷清到我唔敢入去, 冇咩保證咁~好在冇令我失望~叫左3個送－－未入去就唸定既芒果蟹肉炒飯, 好味~雖然唔係好留意倒蟹肉, 不過芒果好味~成個飯感覺都唔錯~跟住bf話想食沙律, 咁o岩我又係睇緊沙律@0@ 揀左燒牛肉沙律, 辣到阿媽都唔認得~不過我好叻~都唔駛點飲水~呵呵~呢種辣利唔辣喉既我ok, 至少唔會咳 辣得黎又幾好味~~牛肉唔un~亦冇d菜咁辣~bf話好正宗最後想嗌返個菜, bf揀左個泰式雜菜煲~ 估唔到有粉絲, 亦冇唸住係瓦煲上~粉絲好入味~好正~菜菜都唔錯~又唔辣~3個送分別係$4x, $4x同$5x, 埋單大約$160? (記唔清楚)在場有一圍特登訂位黎食~聽講d生蝦都唔錯, 本來想嗌, 不過唔知d野幾大碟, 好在冇嗌, 3個都食唔晒要打包2碟XD抵食又好味~唔錯~^^~補充一點值得加分既係, 發覺我地張檯upup下即刻幫我地搵野zip好檯腳, 我地本來都冇留意^^"

和其他泰不同,不會只推銷咖喱炒蟹,這裡的各種泰國菜是有相當的水準, 我每次必叫的咸魚茸炒椰菜苖, 金柚沙律和生蝦沙律是一絕的,另此店的蒜茸包也相當不錯, 如想食其他心目中要食的東西可問問事頭婆, 她很好人會不斷介紹給你.

想食泰國野,就嚟左九龍城.今次試新野,見到門口有張李純恩相,心唸不會太差吧...阿姐介紹左燒大蜆,幾鮮甜,個汁就差左少少,泰式美食個汁就真係無得頂,檸檬燒牛肉,牛肉唔會鞋口,加上檸檬汁都幾醒胃,不過要趁熱食,凍左唔好食.柚子海鮮沙律,呢個汁都可以,泰國柚加上2舊鮮魷同一隻蝦咁大把囉,另外叫了陰公湯,陰公湯此終都係金寶好飲d,呢個太酸同唔夠澴,咸魚炒椰苗,呢個ok,重有好特別既生魚生律.呢個係原條炸魚上,上面有泰國芒果絲,不過太酸喇.....不過條魚就真係幾好食,因為燒魚就食得多喇,所以就試下呢個... 還有每枱有一籃蝦片,,,,,正..!整體來說都可以,阿姐招呼唔錯....

星期日去九龍城行下行下見到一條比較靜既街,見到有兩間泰國菜.見到頭個間寫住冇加一,又有炒飯食,於是試下.間鋪唔大,打理者都係泰國人,我諗應該正宗卦.當時只有兩台有坐人,入面有部電視播緊泰國台,見到廣告有賣千雞變2同f4演唱會既廣告.乜泰國人都睇呢d既咩?睇下個menu,見到有香草肉碎炒飯,左面有隻辣椒,心諗都唔會話太辣卦,於是試下.一食落口冇乜野,但再食多一兩啖就出事,辣到我死,唔知佢落左乜野椒.食完即刻標去合成食蓮子紅豆冰都止唔住.雖然好辣,但個飯其實味道不俗,炒得幾乾身.其間都聽到後面班人讚d野好食,我諗佢其他野水準都唔差.侍應都幾有禮貌, 廣東話講得幾好.呢間應該會有下次.

尋日同朋友去九龍城食飯,朋友推介話呢間唔錯咁就入去試下啦。<br>呢度應該係開左冇耐, 裝修都幾新正, 因為個舖比較細, 所以坐落都比較迫。<br>講返野食呢度野食都幾好味架。<br>最特別係蝦餅釀皮蛋, 表皮炸得好脆,入面的蝦餅又彈呀, 加上最入面的糖心皮蛋再點D 甜酸汁,好正! <br>呢度D 生蝦刺身仲特別, 因為佢會將個蝦頭炸好加椒鹽,連埋D刺身一齊上, D 蝦頭好鬼好味, 仲好食過D 刺身. 因為刺身整得唔夠辣。<br>其他的菜都做得唔錯。<br>我地兩個人食左一個二人套餐加一個生蝦刺身,三支大啤,一碗白飯都係三百蚊,幾抵食。<br>最後我想一提的就係呢度的服務非常好,兩個阿姐好熱心,抵讚!