泰發泰國餐廳

營業中

休息中

2/2晚上等埋老婆收工去食泰國菜,食泰國菜就緊係去九龍城啦。之後就搭車出發,老婆話朋友介紹九龍城泰發餐廳幾好食,所以我們就去試試。到了餐廳後order了數款菜式:1.檸檬燒牛肉-燒牛肉配酸汁幾開胃,肉質淋但感覺是用食粉醃淋,牛肉本身味道偏咸,品質一般2.木瓜沙律-酸辣味開胃,木瓜絲夠爽脆,少有配生菜供包裹食3.鐵板蠔仔蛋-蠔仔夠大隻,蠔仔蛋無味,靠辣椒醬攞味,與潮州蠔餅造法不同,相比下唔夠香口4.馬拉盞通菜-夠味夠鑊氣5.芒果蟹肉炒飯-飯唔夠乾身,炒飯沒有任何味道,淡得像忘記落鹽一樣總結:味道不過不失,但性價比偏高,因價錢相比其他泰國菜餐廳平。*從前較喜歡去隆姐,同心,小曼谷,金寶等泰國菜餐廳,但今時不同往日,味道已經不再……

泰菜嚟講都係九龍城正宗D～有好幾間都食過～今次食泰發泰國菜館～一入去就有位唔洗等～叫咗5餸2飲品冬蔭功海鮮湯辣度可以椰奶味香～依個價得半隻蝦同一堆菇講唔過去囉木瓜沙律得個酸字～又唔新鮮木瓜絲淋淋地～個汁又唔好食炭燒豬頸肉好香炭燒味D肉又入味又唔會乾～可惜唔係配泰式醬～反而配酸酸地嘅燒烤汁味道好怪海鮮炒米線～有魷魚、蝦、蛋絲、菇、粉絲一齊炒～味道剛好唔會太鹹馬拉盞炒芥蘭～芥蘭炒得剛好唔會老～蝦米仔一齊炒好野味

每次口痕想食泰國嘢，一定落九龍城！而九龍城咁多泰國餐館， 泰發一定係我首選！ 已經幫襯左好多年！ 每次同未黎食過既朋友黎食，個個一定話會再黎！呢度晚市時間都多人， 所以通常宵夜時段黎比較多！咖喱蟹配蒜蓉包，呢個真係無得輸！ 多次有衝動想將食剩嘅汁同配菜打包走！牛油燒大頭蝦第一次嗌， 上檯時真係嘩左出聲，因為比餐牌上張相更加吸引同大隻！ 啲肉咬落好爽，好似食緊龍蝦咁！馬拉盞炒椰菜苗味道都中規中矩，略嫌椰菜苗有少少老！船河又係我每次必嗌既， 雖然已經飽到上心口，但友人話既然我極力推介，就唔爭在......當然無令人失望！呢度個燒雞腎/檸檬生牛肉/螄蚶都係

昨晚 ，我又來到我最喜愛的九龍城泰菜店。 我們一行四人，星期六晚七時多，一去到便有位。我們非常熟悉泰發的餐牌，不用仔細看我們已經可以點到幾樣我們最喜歡吃的菜色。 第一款的要的是木瓜沙律 ，酸酸甜甜，木瓜爽口 ，非常開胃。第二款 ，是必須向大家推介的是鹽燒盲鰽魚。魚肚中塞滿了香茅等香料 ，香味清新，燒得剛剛好，魚肉非常嫩滑，加上配料 醬汁，一流享受 。然後，我們還點了每次來到泰發必點的馬拉盞炒椰菜苗。馬拉盞鹹香十足 ，椰菜苗好有咬口，加上那些粒粒的蒜頭，蒜香撲鼻太發財。泰發泰菜是非常好的泰菜店，這次一於推介給大家。

久不久便會想吃泰國菜，九龍城有很多，然而這一家是我到九龍城一定會吃的餐廳。店舖細小不起眼，坐位環境有點迫，餐廳員工懂中文食物不錯，份量適中，價格尚算親民，整體性價比高這次回來已不用看餐牌已能直接下單特別需要說的是冬陰公不是太辣帶點甜，檸檬烏頭湯底很鮮味水準沒變！店員還推介了燒檸檬牛肉，不錯下次可以再點同時也點了生蝦刺身、生菜包（豬肉）、蠔餅、馬拉盞耶菜苗、炸蝦餅；6個人8道菜只是炸蝦餅有點乾，其他水準能保持，不錯！值得推介

九龍城有小泰國之稱，泰國餐館林立，要搵到一間好食既泰國餐館的確唔易今次呢一間，因為朋友比左一張相我地，話如果你覺得好味就去呢間試下啦，睇完就諗都唔洗諗，於就食呢間啦究竟係一張咩相吸引到我地要黎朝聖一下呢就係呢一味生生地牛肉炒菜，真係無得輸椰青海鮮飯，成個返飯都好香椰青味，加埋烤面包啱啱好白灼螄蛤，好多人都會話污糟但係佢嗰種鮮甜味無法抗拒椰青係泰國菜必點嘅嘢飲泰式鳳爪都係不能缺少嘅一環呢個泰式生蝦，個蝦頭佢預先炸左，就無咁脆呢個要改善下泰式金邊粉，同一般嘅泰式餐廳一樣不過不失整體來講係好味嘅，個生牛肉真係必點

一年多後再光臨，叫了同樣的東西食，可是味道差了很多。招牌菜-燒牛肉$108牛肉超級老，好韌，墊底的芥蘭份量少了很多，而且不爽脆明爐青檸烏頭$128魚肉霉霉地之餘，個汁好普通。（同一條街另一間泰國餐廳的明爐魚好食很多）蝦醬炒飯$58有驚喜，簡單炒飯但飯不黏身，味道適中，推介。無骨鳳爪沙津很辣但令想一再品嘗，鳳爪爽身入味，配蔬菜沙津食good 埋單兩人共$500，這個價錢在九龍城可以有更好的選擇。起碼有3間比這家好吃。

11月特別多朋友生日今次朋友話想食泰國菜咁就等我介紹我九龍城首選啦泰發呢一間泰國菜食過不下10次啦點知佢哋個個都遲到我就梗係叫住個c yum自己食住等啦每一次都一定會叫依個檸檬燒牛肉唔係講笑呢個真係每次都要叫同埋記住記住要叫侍應同廚師講唔好燒得太熟牛肉裏邊有少少生食嘅時候非常之有咬口同非常之軟熟今次有個大驚喜就係招牌燒雞腎估唔到黎左咁多次都冇叫過依個燒雞腎一定要趁熱食非常爽口 必食呀！今次朋友生日就豪啲叫咗四隻大蝦不過我冇睇到價錢原來都幾貴＄228兩隻有個朋友係泰國通佢話依啲蝦係泰國係任食嘅不過生日香港食邊有得計呀其餘叫咗冬陰公湯木瓜沙律明路爐魚另外就係叫左呢個西瓜冰食完辣野飲一啖超爽口超涼快係椰青以外一個好選擇

係九龍城附近做完野又到左晚飯時間上次係CAFÉ食左泰國菜仲念念不忘所以就決定食thai food: )-都行左好幾間架啦不過又唔係好肚餓就行多幾間先我同男朋友都食過幾間今次想試下其他其實都知間間都差唔多-行下行下見到比較出名既餐廳都排哂長龍直至我地到城南道望到門口既MENU見佢比其他既少少而且又有位唔使等所以就入左去坐-一坐低就有蝦片食仲叫左支啤酒醒醒胃個杯夠哂凍飲落超級無敵爽之前係泰國水上市場食過獅蚶今次食下香港版先感覺泰國正宗D既 而且佢呢個感覺血淋淋唔係個個人可以接受到我覺得點果個汁都幾夾幾好食之後叫左個黃咖哩雞加配蒜茸包成個碟都係黃咖哩搵返D雞其實唔係好多入面仲有洋蔥,青椒,紅椒蒜茸包好香配埋咖哩食簡直係天上極品個包要趁熱食第一啖咬落去好脆仲有叫左個馬拉盞通菜個菜略嫌有D老,不過不失啦埋單$272,還可以 店員都親切不過甘岩我坐果個位係風口位所以有D凍 食完都快快走準備返屋企休息 應付繁忙的星期一

到咗一段時間就會好掛住泰式湯河，今晚一於搭車去九龍城食我最愛嘅鴨肉湯河，是晚叫咗一碗鴨肉湯河加豬手撈面，鴨湯水準不變都係咁濃郁，鴨肉厚身，豬手撈面比較特別，加咗少少脆片撈埋一齊食，醬油香口又唔太咸，如果唔想食湯粉面，都真係可以一試反而今次杯芒果沙冰就完全唔好飲，啲冰一粒粒而且唔知點解入面有加菠蘿，所以味道好淡好淡

今晚泰國菜作為2小口子的晚餐，平常吃開另一間的，但因沒有開，所以轉到此餐館。之前曾有泰國藉的朋友帶我黎過這店，我想應該是真正泰國風味吧。泰國串燒（豬，牛，雞）當日好像沒有牛肉，但肉質鮮嫩，不會過熟，而且沙嗲醬超風味蝦醬炒通菜蝦醬味道濃郁而且夠擭氣泰式金邊粉超推介，金邊粉甜甜酸酸既粉，加上蛋絲，豆腐乾及蝦去炒，不懂形容，但好味少不了的大象啤，$28/大支裝，抵飲，而且夠凍

去九龍城, 梗係去食泰國菜啦, 咁先至係地道呀麻.地方 : 因這段期間, 宋皇台下車, 改路關係, 要上上落落天橋先至到. 要食好野既, 辛苦少少都值得既.去食泰國菜, 梗係飲返支泰國啤啦. 味道淡淡地, 易入口.生熟牛肉, 份量驚人, 牛肉稍為熟了少少, 可能老細驚大熱天時, 食唔熟既牛, 對身體唔好, 味道濃郁, 少少SPICY.煎蠔仔餅, 份量更加之驚人, 味道淡了一點, 所以要點醬汁, 不過每一粒蠔仔, 超大隻, 好滑, 都值得一試. 如果炒蛋方面, 可以做到有蛋汁既效果, 咁就更加好了.

來九龍城，多數都是食泰國菜，而呢間就係我既心水餐廳。記得是數年前，係九龍城用openrice 搵食時，偶然發現的，之後就一定係幫襯呢間今晚與兩位朋友聚舊，6時半入坐，不用等位就有得食：D蝦片是贈送的，等食時可以過下口癮西瓜冰，上次來已經好想飲，夏日炎炎，食香辣的泰國菜配上這個，透心涼呢！豬肉生菜包（微辣），豬肉多汁、彈牙，配上紅蔥、辣椒等香料，開胃又清新。泰發船河，這個菜式雖然不起眼，但是很有當地風味。兩年前，我去了泰國Amphawa 水上市場，吃了一碗河粉。這個菜式跟我那時吃的有8成相似，香濃的湯底，配上金邊粉、鮮牛肉，彈牙的豬肉丸、金不換等香料，好滿足呀！芒果蟹肉炒飯，芒果、蟹肉鮮甜，炒飯粒粒分明，散發著淡淡的蛋香，令人忍不住大啖大啖咁食

黎過好多次，無食一排就會掛住！最愛泰式燒豬頸肉！半肥瘦頸肉好爽口，加埋酸辣既泰汁，無得輸😝泰式咖哩海鮮配蒜蓉包👍🏻海鮮裝喺椰青入面，咖哩汁有啖啖椰青既青香，仲有一片片椰青肉，個汁係偏甜既，不過我好中意，海鮮就不過不失啦！蒜蓉包烤得香脆，蒜咪濃，同咖哩汁非常夾哩款半生熟既檸檬牛肉係每次必叫！個汁又酸又辣好開胃，疊到高高既牛肉半生熟，唔會韌！ 底部有菜墊住，索哂牛肉汁，好味！不過食食下會辣到噴火！冬蔭公第一次試，正正常常。椰青好清甜，出面街市買唔到哩個質素！

慕名而來，兩個人貪心地叫了3個餸，太滿足了！推介檸檬燒牛肉（$98）可以看到，牛肉都呈半生狀態， 肉質軟淋，醬汁早已滲入其中，可能醬汁混合了多種香料及食材，所以味道有點複雜但相當濃郁，酸甜辣集於一身，很好味。略嫌分量太多，價碼變高，兩人食的話就沒有胃口食別的椰汁雞湯味道尚算濃郁香滑，略嫌雞件太老。坐位空間非常少，一點都不舒服。