泰濃麵 (樂道)

營業中

休息中

最近經過這家泰國餐廳，決定一試。叫左手撕雞船面(選左河粉，另外可選金邊粉 薯粉和蛋麵)和腐乳通菜(可惜只剩下生菜)。首先講船面，湯底濃郁，絕對適合重口味的顧客，內有白蘿蔔索盡湯頭的鮮甜，可惜只有1舊，另外有炸豬皮，脆卜卜又無油膉味，正，碗內仲有2粒白魚蛋，有別於平時香港粉麵舖食到的彈牙魚蛋，相對地比較實心，問過老闆才知是直接找泰國師傅所做，用心之作。比較下，腐乳唐生菜便失色得多，性價比較低，且腐乳醬亦十分普通，下回再去不會再叫菜食了~

今日lunch去咗邊，去咗尖沙咀樂道“泰濃麵”食泰菜。國慶假期黃金週，極多遊客在尖沙咀出活，多人多到呢～連餐廳都人好多，搵食都真係好困難。好彩我早一點到餐廳，我叫了手撕雞冬陰功湯金邊粉，金邊粉質感比較厚身，配料有雞絲、蟹柳、鮮蝦、青口及野菌，份量對女士來說是剛剛好的。 冬蔭功湯酸味比較重，飲不到辛辣感，不吃辣的人士，應該也可以飲到。另外朋友叫了頂級安格斯牛肉金邊粉，牛肉質料嫩滑，湯底鮮甜，份量剛好。小食是炸雞翼，炸得外脆內軟，雞肉很入口，食多幾食都ok呀。飲品我叫了泰式蝶豆花特飲，深紫色的蝶豆花，顏色很美，再加片青檸更清香解渴。

行過isquare附近見到有間新泰國菜，之前係泰國Nara 已經食過船麵，所以今次都想再食。一開始上咗個炸芝士雲吞🥟，炸得幾脆，不過入面真係齊芝士🧀，食落有啲寡。可能加返啲其他嘢係入面會提升到個口感同味道主菜叫咗個飛彈和牛船麵配金邊粉，同頂級安格斯牛肉船麵配薯粉。2個湯底一樣嘅，好濃好夠味。不過竟然後者啲牛仲好食 😱 薯粉都好食過個金邊粉 。2碗麵份量真係有啲細，食完都唔夠飽香茅斑蘭梳打要自己落梳打水嘅。飲第一杯嘅時候好重香茅味，幾特別，不過飲到再加梳打水嘅時候就已經無咩香茅味啦

落場又揾野食，今日去了樂道見到到你(泰濃麵），一坐低二話不說叫咗美國肥牛船麵，原本想食飛驒牛船麵，但下午茶餐$48太吸引了，試下先，最多咪食兩個麵🤤湯低好飲又料多，不過唔知點解美國牛肉麵船麵，有豬紅豬皮，望落有d似豬肉船麵！叫了黃麵，但似車仔麵嘅粗麵，有點失色！跟住真係叫了多碗豚肉船麵！望落同牛肉船麵一樣樣架😱飲埋椰青水！🤤勁飽！

今日國慶與太太到尖沙咀看煙花，真是人山人海，非常多人呢。看完煙花在尖沙咀這一帶食消夜，見到樂道這間泰濃麵，門口貼滿了大大張的招牌粉麵相，有原隻波士頓龍蝦海鮮船麵或冬陰功湯麵，頂級安格斯牛肉船麵.....等。餐廳給人感覺整潔優雅，一邊的牆上也整齊地貼滿招牌菜相，見到令人垂涎。頂級安格斯牛肉船麵(黃麵)$88。配菜有魚旦，豬潤，豬油渣，秋葵，通菜，有蔥碎，紅椒碎及炸蒜碎。頂級安格斯牛肉上枱還是生的，要趕著趁湯還熱辣辣，將牛肉灼熟，湯的熱度剛好將薄牛肉灼熟，絕對不會令牛肉太熟，真是絕妙。頂級安格斯牛肉因灼到剛好熟，所以十分軟腍，牛肉味夠濃，湯底呈啡色，味道濃厚，牛肉與湯一齊食，再㸃上自調辣醬汁，非常好味及有特色。泰式鳯爪$48。泰式鳯爪份量都算多，配有洋蔥，中國西芹，蔥....，泰式鳯爪非常爽口，味道帶少少酸辣，洋蔥帶有鮮洋蔥特有的濃烈辣味，與鳯爪一齊食，非常爽口，真是有口感又好味。炸雞翼$38。炸雞翼面上金黃的顔色，見到真是忍不住要先品嚐，剛剛炸起內外都還熱辣辣，外皮帶少少脆，裡面嫩滑多肉汁，醃得夠入味，喜歡再惹味㸃的，再㸃上跟配的泰式酸辣醤汁，非常好味哦。可樂$15/支。和太太每人要了一

地點原因， 不難想像適合對象應該是遊客。 價錢不會平， 只希望食物質素能維持。走進餐廳， 光潔整齊， 給我第一印像是大集團拆出來的小品牌。 叫了兩碗船粉， 一碗是配和牛另一碗是配安格斯牛。 湯底也跟足傳統， 用上大量的豬骨及豬紅營造出傳統全面的色調。那晚食了兩碗麵， 一個木瓜沙律， 一杯碟豆花凍飲， 及一杯班蘭凍飲。過$350。 這樣的性價比見仁見智了.....

呢一日一行人過開黎老尖, 周圍搵野食。係isquare附近搵到呢間泰國野。位置都幾方便。門口人唔多, 鋪都唔算大。唔駛等位就直入喇。餐牌選擇一眼睇晒, 全都是濃湯麵丫。先到既係泰式青木瓜絲沙律。呢個泰式沙律辣既, 嗌既朋友仔食得辣先好叫。木瓜絲粗幼岩岩好加晒蕃茄同酸辣汁 好開胃!再黎既係我自己嗌既飛驒和牛粉。粉底我揀左金邊粉。果然無揀錯!金邊粉粗幼適中, 又會索左湯底既味。一流。而和牛非常美味, 非一般既牛肉香~而唔止牛, 配料仲有超厚豬潤, 炸豬皮, 同魚旦。配料可真多。不過如果金邊粉都多d就好啦。跟住上晒過油菜。非常好。而講開泰式野, 咁野味, 梗係要有個椰青解下啦～盛為38蚊食到飽一飽~~

每次去尖沙咀睇煙花嘅時候，總係覺得好多人，簡直係人山人海，但又好想係現場觀看咁靚嘅煙花。就約左太太放工後去，佢一見到我就話有啲肚餓，想食啲嘢先睇，咁啱見到前面有間麵館，門口招牌寫住泰濃麵，泰國菜我都食唔少，泰國味嘅麵就未食过，一於入去睇吓有乜新嘢先，坐低睇吓歺牌，叫咗一個飛驒和牛船麵，太太選了黑豚肉船麵，因為麵款可以選擇，佢要咗泰式河粉，我要咗黃麵，加多個炸豬皮和兩枝裝細嘅可樂，太太嘅黑豚肉船河先到，好大碗，重有秋葵，魚旦和朱潤做配菜，太太話味道一流，我嘅飛驒和牛船麵都來了，原來都有秋葵，魚旦和朱潤，飛驒和牛食落口，質感超正，重有炸魚豬皮，放落湯浸軟食，簡直超正，好快我地就食埋兩碗正麵，嗱嗱林埋单走去睇煙花先。

今晚在佐敦下班，順路到尖沙咀覓食。看到這較新的泰式食店，想念數月前泰國之旅的船麵，便一試吧！看到這小店的裝修也頗有心思。進店時以擠滿人，更令我倆滿心期待。我很喜愛碟豆花的顏色，所以點了泰式碟豆花特飲$28。這杯特飲有蜜糖味，味道不錯。而另一半點了泰式香茅梳打特飲$28他也說我那杯味道更好。食物方面，我們分別點了一碗船麵及青木瓜沙律$48。味道不錯，但十分辣（我本人嗜辣的）我點的船麵是飛彈和牛金邊粉$128美味，但較貴而他點了頂級安格斯牛肉金邊粉$88肉質也很好喎！我們十分好奇美味的湯底是用什麼炮製🤔原來是豬紅、豬骨及十多種泰式香料製成。整體而言，是好吃的。如想吃得便宜一點可選擇肥牛、雞絲等。再想吃豪一點，看到其他食客點的原隻龍蝦船麵賣相也很不錯。

今日出左尖沙咀shopping,行到肚餓。走左去樂道個條街搵野食食！🤤見到呢間食泰國粉麵既舖頭，就諗起前排係泰國食過一碗粉個湯底勁濃勁好味！成日都好想食番。 所以就入去食下，睇下呢間做唔做到泰國食到個種感覺先！入到去餐廳好有泰國feel，播住d泰文歌。牆壁都掛滿了相片，很有特色！一坐底，餐廳職員好nice咁同我地介紹一下。湯底分為濃湯同冬陰公湯底。佢地既濃湯除左用左好多豬骨去煲成之外，再用左豬紅去令到個湯底更加濃郁！而我就揀左個 安格斯肥牛濃湯麵。麵有4款可以揀。我就揀左 薯粉！🤤都幾大碗喎！除左安格斯肥牛之外，原來仲有魚蛋，豬膶，秋葵，通菜……等等，仲落左好多香料落去，令到成個湯底除左好濃味之外，仲好香！好惹味。薯粉都好夾呢個湯底，亦吸收哂成個湯。薯粉口感彈牙煙韌。湯底同泰國食到既有得揮！🤤好味！安格斯牛肉黎到既時候仲係半生熟，所以肉質好嫩滑！👍😊朋友就叫左 手撕雞濃湯河粉。材料同我個碗一樣，只係多手撕雞。我地就share黎食😊手撕雞都幾好味，唔會話好“鞋”肉。都唔錯！另外仲叫左小食 食。泰式酸辣鳳爪🐣，都幾大碟！鳳爪個辣味做得幾好，唔會過辣。鳳爪亦好大隻多肉。仲完全去哂骨。食落相當

咁大個人竟然係尖沙咀迷路， 肚餓就求其坐底叫碗麵試下咀啦！我細細個分別係兩間泰國餐廳打過工， 點都對泰國食品有點認知同要求！餐廳有兩款湯底， 一係船麵湯底， 另一個係冬陰公湯底， 一行二人所以兩款都點黎試下！好彩有試齊兩個湯底， 因為船湯既豬皮脆好香脆同個湯好夾， 魚蛋又彈牙好味， 呢兩樣係冬陰公湯入面無架！至於冬陰公調得好恰到好處， 酸辣度剛好， 我就膽粗粗問廚師係泰廚嗎？果然不出所料， 係出自泰廚手的！ 尖沙咀區幾十蚊碗麵其實一d 都唔貴。只係覺得杯碟豆花飲品無咩味道小可以不試

尖沙咀又有泰國船麵店新開張，價錢一定同泰國無得比，全店都用左泰國廚師，仲主打左飛驒和牛，船麵都食得高貴啲。牆上掛左好多唔同既麵款畫，仲有個船家既畫像，中間有幾張小圓台同埋則邊有卡位，筷子特別地印左店名。今次食慳啲先試下黑豚肉，《黑豚肉船麵》($68)先飲一啖湯底，用左多種香料同豬紅豬骨熬成，夠深色夠濃味，薯粉都入味。配料方面黑豚肉唔過韌，另外用左豬膶整湯，所以入面都有一塊可以食，有彈牙魚丸仲有至愛食既雞皮，不過稍為硬身左。店名：泰濃麵地址：尖沙咀樂道7號嘉樂大廈地下A舖餐牌:

公司附近又開左新餐廳，係食船麵既。之前聽過朋友話船麵好好食，但就未食過，既然喺附近，咁梗係要試下啦食物種類唔算多，亦都好似無套餐，基本上係得船麵同冬蔭公湯麵揀，粉就可以轉河粉、金邊粉、薯粉同蛋麵同事揀左手撕雞冬蔭公湯麵，Si試過個湯，唔算太濃，可以再酸D辣D濃味DSi第一次食就試下船麵先啦！都係揀手撕雞不過D餸就同同事果碗有D唔同，多左兩粒肉丸同豬潤，個湯有少少似肉骨茶既感覺，顏色深但又唔係好濃味68蚊一碗麵又無野飲都唔算好平，而且味道一般，明明唔係好多客但舉手好耐都無侍應理，未必會再去

老公上網見到尖沙咀新開泰國船麵， 今日來試試味道先。我就叫左黑豚肉船麵試一試，配薯粉, 湯內用了大量香料和豬血熬製而成, 仲有炸豬皮, 好脆口, 仲有少少豬潤在內, 正呀喂! 湯底味道好濃郁，好好味🤤，好想飲晒成碗湯底。另外, 仲叫左個無骨鳳爪同青木瓜沙律, 無特別驚喜 , 可能新鋪, 店內食物飲品等種類唔算多，如果再多D 就更加好。

本身都鍾意食泰國菜既我喺尖沙咀見到一間個名都幾特別既泰國麵舖 「泰濃麵」，今次就試一試，聽舖頭既員工講呢間麵舖都係岩岩開業，而且廚房仲搵左泰國廚師主理🤤🤤🤤，即刻心心眼😍，原來呢間舖主打船麵，我就叫左一個黑豚肉船麵試一試，湯底味道好濃郁，好好味🤤，另外仲叫左個無骨鳳爪試一試，鳳爪都值得一試，雖然麵舖既食物種類唔算多，但我真心推介黑豚肉船麵，無論湯底定係配料麵好好味👍🏻👍🏻我會再幫襯嫁😍