泰濃麵 (樂道)

營業中

休息中

一直都好鐘意食泰國既船麵 佢地既湯底同一般湯麵唔同 係一種好獨特既濃湯 令人一口接一口估唔到係香港都搵到呢間出色既船麵 位置係尖沙咀方便就腳 雖然menu既選擇唔算多 但梗有一款麵岩你 仲有小食添架除左船湯之外 仲有冬蔭公湯同清湯 今次先試試佢既船湯！單單一個船麵份量剛剛好 男士既話可能會唔夠 船麵包括左好多配料 包括秋葵 魚蛋 豬潤 蘿蔔 通菜 仲有炸豬皮湯底好濃味 不過偏鹹左少少 金邊粉索哂啲湯汁 勁正！啖啖濃郁 食到最後都乾哂塘唔夠湯🤥然後主角安格斯牛肉有四至五塊左右 薄薄一小片 肉質都腍身 但未至於好驚喜

Amazing signature boat noodle soup base flavor. One of the best I've had in HK, even comparable to Bangkok. Even though my favorite is still Samsen, this one is really good at a much more affordable price! I will be back often! The drinks are very nice too.

泰國食物一向是我同男朋友的心頭好, 耐不耐都要食一次。因為工作地點關係很近, 加上食評不錯, 於是這晚來這裡試試。頂級安格斯肉船湯 $88我其實是第一次食船湯米粉, 湯的味道很特別很濃郁有點點甜味, 安格斯牛肉份量頗多, 而且肉質厚實不鬆散, 還有兩粒類似魚蛋超好食, 又彈牙又鮮甜。頂級安格斯肉冬陰公湯 $88這個湯底我超喜歡不算非常辣不算非常酸, 但辣和酸的比例配合得剛剛好, 很順喉不會很刺激, 還會有一隻蝦同青口。泰式鳳爪 $48鳳爪不是很酸, 所以食不到酸的朋友正如我男朋友都會食到, 如果喜歡酸的朋友只要連一些生紫洋蔥一起食就會剛剛好, 非常正烚唐生菜配秘製腐乳醬 $28唐生菜超清甜爽脆, 配上驚喜的秘製腐乳醬非常美味, 秘製腐乳醬與我們中式平常食到的不同, 沒這麼咸而且更惹味炸雞翼 $38雞翼炸得不會太熱氣, 而且肉質嫩滑而實, 好好食泰式香茅班蘭梳打 $28香茅班蘭很香, 加入梳打非常清新泰國原個新鮮椰青 $48天然清甜的椰青是超解喝, 我的最愛總括是這間泰式菜的味道挺正宗的, 而且味道真的不錯！

做完運動喺尖沙咀搵食，見到呢間店舖好大好闊落！就同朋友入去試一試啦，原來有驚喜！見到價錢居然比相像中平！泰式鳳爪，唔會好辣，酸酸甜甜，好開胃。船麵，正宗泰國船面，配料有好多，餐廳有一幅牆影咗船麵應該有咩嘅配料，呢碗麵基本上都係好足料、跟足晒野，味道好濃郁，所以太多唔同配料，如炸豬皮、丸、豬潤、肉，口感好豐富冬蔭公雞肉麵，朋友食得辣，佢覺得佢，冬陰公辣味不足，屬於偏甜嘅，所以如果唔係好食得辣、又好想試冬蔭公的朋友，可以試下呢款呀！用料十足，全相...係咪好豐富呢！做完運動再食都有少少內疚梳打水係泰國有名氣的梳打水，真材實料！龍眼冰唔會太甜，好飲！ 但對環保人士黎講，若用可洗用的杯會比一次性杯更好！每人埋單都係120$ ，今時今日咁嘅價錢，食到咁嘅質素，真係覺得好驚喜弓

泰濃麵位於isquare對面，地理位置十分好，isquare走過去不用10分鐘。對於我這種沒去過泰國的小薯仔，吃船麵就好像發現新大陸一樣。因為泰濃麵，幾天前我還上網做了一個資料搜集。原來泰國船麵本非新鮮事，這種文化是來自以前當地人在船上吃小吃。他們的船麵很小一碗，幾口就吃完，價錢也便宜得很，$3-4港元已有交易，一個人吃十碗也不嫌誇張。(要把船麵當正餐當然要吃上十碗了。)餐牌方面，一張紙已經一清二楚。餐廳主打船麵，也有一些小吃，例如炸雞翼泰式鳳爪等等....店裡也有在賣一些可以外帶的小吃，豬油渣和炸豬皮。先介紹一下這裡的船麵，配料好多，多到我根本不用再叫其他菜了哈哈! 有豬潤豬油渣炸豬皮和魚旦。這是基本的配料，如果你叫雞腿肉的就多一樣雞腿肉，叫肥牛的就多配你幾塊肥牛。而湯底，非常非常的濃，顏色很深，我第一次吃船麵，不知道地道的是什麼味道，我說的大家參考一下就好。泰濃麵的湯底是有點像是辣的沙嗲湯。雖說是辣卻只是淺淺的辣，帶一點點香辣，又不是真的辣。愈吃愈開胃。每口湯頭都齒頰留香，濃郁鮮甜，我叫河粉真是合適。這是我友人叫的頂級安格斯牛肉船麵。大讚，牛肉好滑嫩......我是實實在在連湯都清

難得和男朋友一起提前下班,訂了看7點半的電影,所以在ISQUARE附近到處走走看,不經意來到這家新開的THAI RESTAURANT,我們都很喜歡THAI FOOD所以就一心進去吃吃看.店裡還蠻乾淨的,而重點是我們6點前點菜也算是下午茶,價格十分便宜,而且小食是半價,吃得很開心黑豚肉冬蔭功紅薯粉 豚肉還不錯, 紅薯粉是幼身的那種,不是平常在外面吃的酸辣粉的質感, 湯底是甜甜的,平常想試冬蔭功湯而怕辣的人,來到這家可以試試看喔, 而且還配了一點海鮮,看上去很FULL雞脾肉清湯河 48這個就很健康,適合我男朋友吃,而河粉和湯底就正常,但雞脾肉就不像服務員所說的新鮮好吃,不過他們配了魚蛋,感覺就很值!泰式鳯爪 這個很好吃,酸酸甜甜,味道超級棒的,答應我一定要吃,而且這個價格簡直是賺到了雞翼 熱呼呼香噴噴的雞翼,肉質嫩同時很JUICY,每一口都吃得很香

之前去泰國都未食過船麵，一聽到香港有間餐廳主打船麵，就專程黎一試究竟原來船麵係以內臟為主，配以好濃郁黯紅色湯底，但湯底就一點都唔腥🌟泰式蝶豆花特飲 $28🌟🌟香茅斑蘭梳打 $28🌟兩杯都各有特色，喜歡甜味多啲和著重美容功效可以試蝶豆花特飲，因為蝶豆花含有比一般植物多10倍的花青素，成份是有血小板的凝集抑制成分，所以懷孕和月經中的女士朋友不建議飲用香茅斑蘭特飲就偏向重香茅味，梳打水是泰國進口的，一見到就好似置身泰國咁🌟頂級安格斯牛肉船麵 配薯粉 $88🌟配料有豬潤、炸豬皮、軟腍彈牙既墨魚丸、健康既秋葵、蘿蔔及配上一些蔥花做點綴🌟雞脾肉冬陰公湯麵配泰式河粉 $68🌟個人認為冬陰公比較出色，湯底好重香茅味同椰奶香味，還有值得一讚既係海鮮用料都是新鮮的，特別是鮮蝦🌟泰式炸蝦 $38🌟粉麵方面可以選擇 河粉、金邊粉、薯粉、黃麵，如果不喜歡粉麵，可以選擇湯飯蝦餅一點都不油膩，重點是旁邊的蝦片，食落是脆卜卜的！🌟泰式鳳爪 $48🌟酸辣開胃，無骨鳳爪，餐前食就最適合了

今日唔係太想食飯，路經呢間泰濃面就入去食碗麵。餐廳地方雖然唔大，但枱櫈之間空間比較闊落，唔會好迫，兩邊都係卡位坐得比較舒服。餐廳提供兩個湯底俾人選擇：一個係船面，一個係冬陰公湯底。船面係泰國好有特色嘅平民美食，但係香港唔係好多地方都有得食。船面主要就係會用滷水做湯底，所以顏色會比較深色，而且有好濃烈嘅香料味。既然船面係咁出名，所以就點左就安格斯牛肉船面同埋雞脾肉船面，再加一個小食拼盤。船面好多特別嘅配料，先試一試個湯底先，嘩！非常之鮮甜同香。除咗安格斯牛肉之外，佢仲跟左一啲配料。脆炸豬皮一睇就知非常邪惡，其餘嘅配料有魚蛋，蘿蔔。炸豬皮好脆，食落去唔會好油膩，連粉一齊食就更加好味，最後食到一滴湯都不留。雞脾肉船面嘅雞肉都煮得恰到好處，唔會好靱，而且都好入味。配料一樣都會跟有豬皮，魚蛋，蘿蔔。小食拼盤原本係炸雲吞，雞翼，蝦餅各兩件，好可惜今日蝦餅冇貨，結果餐廳就換左三件雞翼同三件雲吞俾我哋。雞翼炸得好香口好脆，調味啱啱好，又唔會太鹹，好惹味。炸芝士雲吞好特別，脆脆嘅雲吞皮再加上溶左嘅芝士，非常之好味。香港其實唔係好多地方有呢個船面食，呢度煮得又好味，又唔貴，而且地方又坐得舒服，店員服務又好

呢一家嘅泰國麵舖都幾百答，而且價錢都唔貴。湯底主打船河，冬蔭公湯底同清湯麵方面可以㨂河粉，金邊粉，薯粉，黃麵，湯飯而餸方面就有三種唔同等級嘅牛，黑豚肉，雞髀肉，龍蝦。當日去係平日嘅八點到，座位都舒服，又唔會太嘈。我就試左個美國肥牛冬蔭公湯金邊粉。冬蔭公湯濃淡適中食到最後都唔會好涸喉，美國肥牛就唔會太薄身，食到肉味之餘又唔會太難進食。泰式鳳爪有好多配料，唔會太過濃味。鳳爪爽口。泰式特色糕點拼盤 椰汁糕 千層糕唔會太甜，完美嘅結局

睇戲之前食啲嘢，朋友就帶嚟呢間佢嚟食過泰國船麵既餐廳，舖頭好易搵，係正isquare隔離嗰條街就係。麵主要有三種，分別係船湯、冬陰公湯同清湯，最近船麵咁好，梗係試下船麵啦。我就叫咗頂級安格斯牛肉船湯($88)，牛就揀咗配金邊粉，佢有啲特別既就係仲有得揀要湯飯添。本身唔知船麵其實會有咩配菜，佢就有配啲炸豬皮、白魚蛋、秋葵同白蘿蔔等。佢個牛係生牛再放落去浸熟既，食落去都好爽滑，而個湯都好濃味。朋友叫既飛驒和牛船湯($168)，佢分咗啲牛俾我，和牛真係感覺再好食啲。另外一個朋友叫頂級美國肥牛冬陰功湯($68)青木瓜沙律($48)，我自己就無食到。小食叫咗個泰式炸蝦餅($38)，蝦餅入面好厚實。最後嚟個榚點拼盤($38)個口唔舒服無叫涷飲，叫咗個熱柚子蜜。

去泰國已經係一年前嘅事啦當然最掛住嘅就係泰國又平又好食嘢啦所以今次呢特登去搵啲有特色嘅泰國菜嚟食嚟到位於尖沙咀嘅泰濃麵 試吓佢哋嘅船麵叫左個頂級美國肥牛船麵 ($68)湯底色澤深褐帶濃烈香料味 牛肉僅熟軟腍👍🏻而且麵入邊嘅份量都十足 有魚蛋 豬潤 炸豬皮等😋而我就叫咗個頂級安格斯牛肉冬陰公麵 ($88)冬陰公湯底唔算辣 材料都好充足有蝦 青口 秀珍菇 牛肉味重且帶泰國嘅味道另外叫咗個泰式小食拼盤 ($58) 推薦👍🏻最欣賞係我未食過嘅炸芝士雲吞而泰式特色糕點拼盤 ($38) 有我最愛嘅椰汁糕最後青檸梳打 ($28) 都好特別 可以一試_________________________裝修環境：✨✨✨✨✨服務態度：✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

話說嗰日又凍又落住毛毛雨，行過見到依間餐廳諗都唔諗就入咗去啦！一入到餐廳，好新好乾淨，立即睇下個餐牌有啲咩食先，我就即刻叫咗一碗雞脾肉船麵，再黎一杯香茅斑蘭梳打。船麵嘅湯底真係好濃好正！食咗一啖真係返唔到轉頭啊，我揀嘅係薯粉，好熱辣辣，又夠飽肚，冬天食真係一流呀！碗麵熱辣辣咁好食，梗係要飲番杯冰凍嘅香茅斑蘭梳打，斑爛梳打個底夠晒甜夠晒香茅味，值得飲！點知食完個份仲唔夠飽，再叫多啲蝦片。蝦片趣卜卜浸落個湯度真係好好味呀！係尖沙咀終於都唔洗同人逼，又食到好食嘅泰國餐。

樂道呢條街雖然好多餐廳，但好多遊客，所以好少在這搵食。誰知在街頭就有一間泰式餐廳，眼見環境寛敞，不算太貴，就入左去了。頂級安格斯牛肉冬陰公金邊粉一黎到就見到好足料，以為自己叫海洋冬陰公湯面，湯底唔太辣，除左有頂級安格斯牛肉，仲有菇、蝦、蟹柳、秋葵，牛肉好冧，好香牛味，蝦好爽口。金邊粉好多，仲索哂D湯，好正！頂級安格斯牛肉船麵湯飯這個船麵一定要食，仲要叫飯，索哂所有湯，咁先唔會浪費個精心餚制的湯，好濃，料又多，有重量魚蛋、炸豬皮、豬肝、秋葵。泰式無骨鳳爪夠晒辣，啱晒食辣控！泰式炸腩仔細細舊都唔乾身，如果可以大塊啲就更好！椰青夠清甜，又冰凍，椰肉都好嫩！

一排冇食泰國菜，心思思好想食，上網搵完之後揀定呢間泰濃麵，感覺很適合重口味的我這間餐廳位置很方便，就在isquare後面，好近餐廳裝修懷舊得黎又幾有特色餐牌選擇唔算多，有一款豬一款雞同幾款牛，搭配不同的湯底。船麵係泰國係超級平及細碗的，但這裡的船面不走平凡路線，反而搭配了高級的食材，和牛/波士頓龍蝦都有得食好奇的我決定點一碗和牛船麵試下飛驒和牛船湯配河粉$128平常食和牛比人感覺都是高高在上的，但原來和平民的船面竟然也意想不到的夾和牛一共有三塊，均是以生牛肉方式上。客人可以依據自己喜好把和牛浸熟成自己喜愛的程度。這個飛驒牛真的不簡單，油脂分布均勻，牛味重又入口即融，好好食，和濃郁鮮甜的湯底很夾 除了和牛，這碗還有炸豬皮，魚蛋，豬肝和蘿蔔，每款都幾好食。雞比肉冬蔭公湯$68可能因為是冬蔭功湯，所以這碗除了雞肉外還有蝦和青口等海鮮蝦很彈牙鮮甜，食得出不是急凍的蝦。相比下雞肉冇咩特別，還是牛肉好吃多了這間的冬蔭功湯底很適合香港人口味，不會太酸太辣，反而很creamy，好好飲。另外推薦配幼薯粉，非常有咬口，又吸湯炸蝦餅$38一碟有三塊，蝦餅外皮炸得很香脆，內裏肉質彈牙，推薦泰式香矛斑蘭蘇打$2

我一路都好想試食香港嘅船麵，不過一路都未有機會。估唔到今日行行下街，有D餓，俾我地見到間泰國餐廳，仲要有船麵㖭，真係好開心。餐廳細細，不過好企理，乾淨。仕應有笑容，主動招呼我哋坐。期待已久嘅船麵真係無令我失望！我叫咗頂級美國肥牛船湯金邊粉，肥牛好滑，個湯底好濃，好夠味。個船麺有兩粒魚蛋㖭，都好彈牙，無腥味。炸豬油渣好脆，無油益味。我老公叫嘅頂級美國肥牛冬蔭功河粉個湯底都好正宗，好香香矛味，D河粉無痴埋一舊舊。另外叫咗兩杯嘢飲。一杯班蘭香矛梳打，一杯青檸梳打，無乜特別，我唔會再叫。